文記車仔麵 (福榮街)

营业中

休息中

咁啱經過深水埗，就搵吓有冇車仔麵食，咁啱一出地鐵站就見到啦，見到有兩間店，好犀利咁，所以就入去試吓啦，原來係要喺另一間店揀咗餸同麵底後，店員先會安排座位。四個餸一碗就要$48，有點貴。😳😳😳湯底又冇乜特別，見到都係清湯。🤔🤔車仔麵嘅精髓就係佢個辣椒醬，又係冇乜特別，只係辣味。辣汁魷魚，個汁放咗落啲湯度就冇味啦🤨🤨整體來講，試一次就夠啦⋯⋯🥺🥺唔會係講到必食咁🤪😂，味道正正常常咁啦！

經常見到大排長龍 於是今日早少少黎排隊 未到1點 唔算多人排到去門口 已有個呀叔叫出黎問要咩面 但係其實前面仲有堆人 基本上無位置可以zip入黎同佢講問多兩聲又燥 會唔會可以等前面走咁啲先問呀？定係索性拆咗塊玻璃佢囉 跟手同個姐姐講要咩餸同咩汁 之後我就想好心堆埋啲比佢加辣汁 我一掂到個碗 就好似犯左禁忌咁 比個姐姐話 佢會處理 叫我地坐低等 Ok fine 咁我坐低囉 佢真係好快送碗野黎 X咩 都無加辣汁 仲係度話我掂個碗不過朋友果碗有加到 就分啲比我 我就叫咗粗麵 蘿蔔 韮菜餃 先唔講啲餸 就連個麵都未淥得腍 一餅野又硬以每日咁多營業額 經驗黎講 粗麵係咪應該要淥耐啲呀 硬到咁點食韮菜餃話就話十大必食 個人黎講一般蘿蔔無渣ok朋友既米粉好好多 瑞士雞翼 ＋ 酸齋都係佢話十大必食真咩 雞翼普通 好似鹵水雞翼咁 但係甜啲而酸齋 咪就係普通酸齋囉 有咩特別之處呢秘製辣汁 普通其實咁多人排隊 確實有啲期待 可能特別好食先多人排架嘛試咗之後覺得 同其他車仔麵店一樣都係咁加上佢既經營模式又係咪真係有效率呢 

文記車仔麵真係深水埗名物，次次經過都大排長龍，雖然要等，但都唔影響我食～面底選擇都有好多種，個人喜歡烏冬/瀨粉/米粉，湯底好甜但食完又唔會好口渴，蘿蔔無根又淋又入味，鹵水雞翼都係必點菜式。

絕對無下次，又貴又麻麻地😒依間米芝蓮車仔麵好出名，成日都排長龍，一直都想試，趁今日放假就走去試下。叫咗推介嘅5款餸加粗麵底粗麵，麵身唔夠粗闊，而且仲硬身，未煮諗瑞士雞翼，最好味😋夠入味又唔咸，肉質好滑，唔會霉，好怕食到雞翼啲肉又霉又散韭菜餃，普通，好多餃子店比佢更好食柚皮，唔入味，而且仲有苦澀味☹️魚肉，極之普通，唔明點解係必食推介蘿蔔，無渣，但係好奇怪，又甜又澀另外叫咗小食辣魷魚及辣螺肉魷魚，夠辣夠爽螺肉，腍啤啤，無咬口最後值得一讚嘅，係擺喺枱面任你潷嘅辣菜甫，夠辣夠爽，好好味咁嘅價錢，又要排隊，真係唔明點解咁多人食如果講車仔麵，實在有太多店又好食又抵食過佢

深水埗文記車仔麵，相信冇人會唔識。呢一間車仔麵，無論係平日定係假日，都會排長龍。但係我夠膽講佢係我食過，全香港最好食嘅車仔麵！👍 佢個湯底超級甜， 但又一啲都唔口渴喎！通常啲車仔麵對於個麵底都冇乜要求，啲米線可能一係整得太淋，一係就太硬。佢呢一度雖然好多人，你見佢淥得好爽手，好似好求其咁，但係又做到軟硬適中，直程同米線舖食嗰啲有得比。👍 每一味餸基本上都好高質素，好似塊花膠咁，$15就已經超大塊超厚身，瑞士汁雞翼都非常入味，柚皮製作繁複就係人都知㗎啦，但係佢都可以做到毫無澀味。魚肉有魚味又彈牙，近排發現仲多咗辣子雞軟骨 ，辣得過癮！ 近排驗身膽固醇過高所以冇叫到辣魷魚，但係亦係一味我以前一定會叫嘅配菜。甜甜嘅湯底，再配埋激辣嘅麻辣醬，正呀！👎 唯一要彈嘅就真係要排好耐隊，我平日中午嚟都要排咗半個鐘。👎 同埋價錢稍貴：五個餸就已經$75，但係我都會keep住返嚟，證明佢有幾好食呢！

🍜文记车仔面小丁点评：🌟🌟🌟🌟🌟来深水埗打卡老店很喜欢吃车仔面重口味的最爱有很多口味我点了辣味里的劲辣个人来说也没有很辣汤底是腩汤很鲜很好喝「猪红」「牛腩」「南乳猪手」点了推荐的南乳猪手果然好吃！已经煮软烂了里面有两块的样子牛腩也超级香！强烈推荐牛腩入口即化「粗面」个人喜好点粗面面不会很多「自制豆浆」自制豆浆也太甜了下次不会点跟餐11原价20感觉有点贵下次还会来尝尝别的口味沙嗲味看起来也不错

去到要排隊，約5分鐘有位。都唔知係叫左面比左錢，再有人幫你拿入去並帶位。地下好滑，差點跌底，小心。有300幾人話好食，都沒唸住寫。食既時候都ok. 食食下就有些意見。叫左3送一面：蘿蔔、豬大腸、豬紅及幼面共44元。蘿蔔係甜，沒渣，但唔知係用糖煮定咩！豬大腸夠林，份量多，都ok豬紅不散開，都可以幼面面底一般，稍林。辣醬我喜歡結論：湯底好甜，味精好重，吃完口苦。D 送都靓靓仔仔。所以比人感覺都唔錯。我個人好鍾意食車仔面。應該食一次就夠，不會再食

文記車仔麵街知巷聞，更加係米芝蓮推介既餐廳🍴。車仔麵係港式經典街頭美食🇭🇰。一碗麵🍜配搭各種價廉物美既食材就成為香港人既Comfort food🥰。—————————————————📍車仔麵（蘿蔔+八爪魚卷+韭菜餃+雞翼）(9/10)小編叫左油麵配4️⃣個餸加腩汁。d餸份量好豐富，堆滿成個碗🥣，賣相非常吸引💯。麵同d餸份量好多，多到就黎食唔曬。蘿蔔🥕係車仔麵招牌餸菜，有時甚至食蘿蔔就已經知道餐廳🍴落左幾多心機💦煮野食。蘿蔔🥕果然係最好食既餸🏆，清甜無渣，煮得好淋好入味😆。雞翼🐓雞皮爽口彈牙，而裏面肉質好嫩滑。滷水味香濃帶甜，越食越滋味🤩。韭菜餃🥟都幾好食，d餡好飽滿，菜同肉既比例都好平均😋。腩汁味道香濃，令到車仔麵味道更加有層次😍。

食過咁多間車仔麵，都係覺得文記水準最穩定，食品質素最平均，當然價錢又真係貴咗少少，我一個人連飲品次次都過佰🧐，最鍾意佢既大腸可以揀瘦腸👍，牛筋夠淋又入味，魚肉同玻璃魷魚都係我至愛😬，湯底夠熱都好重要，我次次都一定剔7-8個餸😂😂

我由佢未上米芝蓮開始幫親，當時佢既車仔麵真係首推，但係上完米芝蓮之後每況愈下。今日去幫親，落單之後等左25分鐘，唔催單都唔來，食完發現碗麵仲有條🐛真係噁心最緊要個店員仲話：菜蟲來gar姐唔洗大驚小怪。我話咁係咪蟲？姐係冇問題？咁不如call食環睇下係咪冇問題？果刻我真係想call食環睇下佢係咪真係覺得小事。最後佢仲問我想點，全程都覺得冇問題🤣🤣菜蟲姐 好小事，下次你食埋我果份。恭喜你成功失去幾位老顧客

一向都鐘意食麵，車仔麵重口味我都十分喜歡～今日來到深水埗食呢間米芝蓮車仔麵～原來佢一條街有成３間鋪，認真大有來頭~我鐘意係車仔麵檔睇住D餸再揀自己想食D咩，好似不時不食咁(kind of)～今日我叫左米粉底／通菜／牛筋／西洋菜餃／炸八爪魚腐皮卷 ＋ 瑞士汁／辣醬 ＋ 大量菜脯／蔥🐮牛筋炆得好稔，好滑，口感十分好，而且入晒味~十分推薦！🥟西洋菜餃既餃皮係綠色既~餡料充足～一啖咬落去滲出西洋菜味，唔錯唔錯~🐙炸八爪魚腐皮卷係因為見到佢新鮮炸起，所以就叫左，食既時候個皮仲係脆架~不過就有D油膱味><甜甜瑞士汁加落湯度更鮮味同香濃~佢既辣醬🌶🌶係加左D麵豉咁，甜甜辣辣～加埋爽脆菜脯同我至愛既蔥～重口味之選👻👻

米芝蓮推介既文記車仔麵，真係食極都咁好食，長期都咁多人排隊！不過雖然人好多，但排隊系統好好，排隊果時填定食咩，俾完錢就會安排去坐邊度，un un 腳等食～雖然好好多餸揀，最中意呢4個基本上次次去都必食！❤️瑞士雞翼 有花椒八角味瑞士汁特別香🧡韭菜餃 一咬落去就好大陣韭菜香味💛花膠 長過手板咁大舊，真係好抵食💚蘿蔔 每次食都係清甜又冇渣湯底就會揀清湯/瑞士汁湯底，好夠味，有時會加埋咖喱汁，總之就食極都唔會厭啦！難怪可以開到一連幾間鋪😍

今日去開深水埗，就諗住食文記，記得之前食過印象幾好。一去到，見到排晒長龍，但其他分店有好多吉位，原來轉左落單既玩法。客人要先係大熱天時曬住太陽排隊落單，佢會即叫即整，然後再帶你去隔離鋪坐。以前係坐低先圈野食，而家食個車仔麵都要曬住排十幾廿分鐘，咩事呀。一入到隔離鋪坐低，成陣臭垃圾味，周圍都污糟糟咁，衛生好差，調味料架有漬，地下又有汽水罐。我再四周圍望，見到呢間鋪既廚房熄左燈，即刻明晒。原來係因為生意唔好，所以集中一間鋪頭既廚房黎用。為左方便佢管理，就要客人排隊落單。我叫左雞翼、魷魚、螺肉米線。第一下食啲螺肉，脆既，心諗係咪煮得唔夠霖。再食多幾粒，都係脆既，係偶爾有粒霖既。之後先發現個啲脆既係雞軟骨唔係螺肉。喂大佬，我冇叫到呢味餸唔好送俾我喎！一路食既時候都有人見到有空位，想入黎坐低。結果俾啲職員叫翻出去排隊，態度都唔係好。可想而知，正常人都會expect係坐低落單。我今日簡直覺得自己食左餐劣食，真係唔會再有下次。

文記車仔麵其實唔洗多介紹😂車仔麵迷都一定食過！味道好分量又多！每次去到都覺得花多眼亂唔知點揀我既8大選擇如下🤤花膠/瑞士雞翼/豬紅/蘿蔔/牛肚/芝心丸/糖心蛋/生菜你地又會點揀呢？

點了一碗蕃薯粉，選了多餸。我選了通菜、豬皮、魷魚、豬油渣、筍絲及豬耳。其實選餸的時候，是很難抉擇，因為所有餸都看似很美味。豬皮味道最好，豬耳亦很入味。豬油渣大大塊很滋味。筍絲有“渣”，這個比較失色。魷魚味道可以，通菜不算“老”，亦爽口。朋友給我嚐了牛腩和豬大腸，很入味。現在辣菜甫沒有放在桌上，不可自行添加，需要選麵選餸時要求一併加在餸上。10時50分門口已現人龍，很誇張。不過以車仔麵來說，又真的是這間最美味了。