文記車仔麵 (福榮街)

营业中

休息中

又回到上學的日子，本來諗住上完幾個鐘Lecture後獎勵後獎勵自己去黃色串燒店。或者因為限聚令改左最多8個人，星期一既夜晚，條街都係好多人，加上落大雨既關係，行左兩件串燒店都無曬位。結果本來話唔想食麵類既我，行下行下，就行左去文記😅麵底一共14款，價錢係$10-11配菜方面~瑞士雞中翼$14🐥雞翼皮薄肉嫩，好入味(雞翼迷必食)鹵水豬大腸$13🐷份量好多，舊舊都好飽滿，食落啖啖都係令人滿足既味道同口感(cp值超高)自製韭菜餃$12🥟隻隻都好飽滿，塊皮唔太厚，好足料，韭菜同肉既比例剛好，味道平衡得幾好清甜蘿蔔$10🥕味道上無想像中甘清甜，口感上可以再煮耐少少柱候牛腩$14🐮牛腩份量都唔少，口感好淋好入味，唔會好肥牛膀$14🐂平時食牛雜先食到既牛膀，估唔到係呢到有!食落唔會好沙，入味之餘口感唔錯豬腩肉$13🐖呢個我無食到，但望落切得幾薄，肥瘦部分都幾平均

次次經過福榮街依邊，都會見到有成三個舖位既文記，間間大排長龍～今日同朋友甘岩經過，見今晚唔算太多人排隊，終於決定試一試！車仔麵既配料，相當多選擇，而我同朋友主要都係簡必食推介食～Wow~ 賣相都唔錯嫁～而我覺得每份配料都好足，配上自選湯底，整體來講的確比好多普通餐廳小店既車仔麵好食！但未到驚艷既程度～但花膠真係必點推介！$13一份，有成3大片花膠，真係超抵超滿足！甘要係煮得好軟林，片片索曬d湯汁真係好鬼正！

今日去深水埗黃金商場睇 Game，睇完見有啲肚餓就周圍行下揾下有咩嘢好食，見到呢間車仔麵都幾多人排隊，唔通真係咁好食 🤔 所以自己都排埋一份試下 😂 係等梗期間周圍望下，原來餐廳係 2018 年打入米芝蓮街頭小食推介，咁應該都唔會伏得去邊掛。枱面有多款調味料比顧客享用，而且仲有辣菜脯提供添，叫咗四個餸(花膠、豬紅、牛栢葉、豬大腸)配河粉，飲品就叫咗鹹檸七。四餸車仔麵 ($58) : 揀咗中辣既秘製辣汁腩汁湯底，花膠口感軟綿綿，有兩至三舊，盛惠 $13 蚊 ; 豬紅食落略為鬆散左少少唔夠紮實，而且唔夠香，盛惠 $11 蚊 ; 豬大腸就洗得好乾淨，而且又夠味，滋味得很 😋 加上重有好多舊添都係盛惠 $13 蚊 👍🏻 抵食必叫 ; 牛栢葉亦爽口彈牙，盛惠 $11 蚊。👍🏻 鹹檸七 ($11) : 呢杯幾抵飲，可樂果啲都要加 $9 蚊，依家比咗成個鹹檸檬都係多 $2 蚊，出面果啲都係比半個檸檬你。

要食車仔麵第一時間就係諗起文記車仔麵！今日去到，都係咁多人排隊10分鐘到終於到我啦！我叫咗牛腩，辣魷魚，仲配個粗麵～ 牛腩非常入味，又夠淋魷魚顏色唔錯，不過溝左落啲湯度就淡味左，但幾爽口粗麵就麻麻哋啦～ 另外我仲要左辣醬同埋菜譜，唔算好辣，菜譜有啲過甜 麻麻地～ 不過整體都係好食，雖然價錢唔平，不過有時口痕都可以食下嘅

夫人：第二度食唔到；先生：車仔麵代表難得來到深水埗，一定要試試文記車仔麵，座落於地鐵站出口附近，黃金電腦商場旁邊，一連三間地鋪的文記車仔麵，食過之後就明白，點解可以五個鋪位距離內開三間分店是什麼玩法。車仔麵店，三個字，多選擇。好食是基本，但要客人難忘，要人一食再食，就一定要夠多選擇，多選擇自然多配搭，多配搭自然多新意多口味，餸，湯底，麵款，醬汁，你無過千配搭就不如唔好開檔！選擇多，味道唔差，普通車仔麵店都令人想一試再試。跟麥當勞定時出新口味包一樣原理。我說他是車仔麵代表是因為他除了多配搭，更有10多款代表餸食，傳統有的老水雞翼及苟菜餃，到上湯花膠，係深水埗做得住腳開三間地鋪，你話佢無實力？ 食過之後，我知道香港地代表食物係車仔麵，而車仔麵代表，就一定係文記。懶，不想講太多。如夫人所講，其他地方食不到。

平時黎開感覺都覺得冇咩禮貌 昨天食看收據寫第三分店既文記俾我有點改變 我舉牌既時候 兩位職員都比較忙 但平時就算忙 你地職員都係超冇禮貌 睇到當睇唔到 要等人舉牌再叫聲先可能有人回覆反而今日有位好年輕既男仔 我舉牌都沒有幾秒鐘 都會有一句回覆 [唔好意思 麻煩等等 轉頭幫你落單］雖然好少見年輕人係依啲地方做 總要禁好禮貌 好過曬其他分店既職員 你地老闆真係要教導下 你地既員工啦 點樣既態度對住客人 這位年輕既男仔值得表揚下👍 下次經過值得再來幫襯 ☺️

最近疫情開始放緩，約朋友出黃金行一行。平時排長隆的車仔麵，今日竟然不用排隊，當然要去試下有幾好味啦！中午12點幾，大約坐了8成客人，傳統的畫紙點餐，今日叫了平時吃開的豬手、豬腸同西洋菜餃($49)加埋杯凍鴛鴦($10)。豬手不過不失，都算入味，豬腸竟然有……味😓，即係洗不乾淨，西洋菜餃個皮勁厚，失望!唔係好明點解要排長龍來吃，可能我唔識欣賞，平時吃開的車仔麵高質好多。

一想食車仔麵就林起「文記」。文記車仔麵價錢中價，叫四，五個餸連野飲要七，八十蚊埋單，雖然已經開左好幾間分店但依然好多人排隊食，証明真係好多人好有誠意食文記嘅車仔麵😆佢出名瑞士雞翼，辣魷魚，豬手同酸辣粉食過都知係有水準，不過我自己就鍾情佢個豬大腸，蘿蔔，豬油渣，真係暫時無一間店贏過佢，豬大腸鹵得入味又香又好口感，蘿蔔爽甜帶有上湯香味，豬油渣係佢哋自己炸，無油益味，金黃色脆卜卜*特別要推介佢哋獨家麻辣油，只有麻味而無辣味，落几滴就已經夠哂麻香味，好特別。可能麻香味，每次食文記車仔麵都夾飲凍檸樂，真係好鬼match架。大家試下😆

在下居於港島，良久以前已慕名深水埗屹立多年之文記車仔麵。惜由於該區食肆林立，每次亦因其他誘惑未能到訪，甚是遺憾！在煙雨濛濛的週五晚上，終於與為食好友相約朝聖。因已並非當晚第一餐，本人選了菜底配以酸齋、蘿蔔及手工餃子；友人戰鬥力較佳，仍可吃下咖喱魷魚螺肉豬大腸米線，實有破釜沉舟背水一戰之感。可是人算不如天算，吃罷有感浪費了quota.....先談湯底味道單調偏甜，後加的辣醬亦沒有為其添加任何層次; 說是辣醬，更像是偏甜的沙茶醬。配料方面亦無驚喜，酸齋不敵灣仔另一著名車仔麵店，咖喱亦不及上環上班一族至愛目麵x香濃 （回想巴路士街泉昌美食咖喱土魷已成絕響...）豬大腸太多肥膏且不入味，標榜手工製作餃子一咬即散，普通非常。車仔麵源自60年代為街邊檔名物，顧名思義，小販推着一架車仔，以普通食材配以麵食供平民果腹。既然並非珍饈百味，那麼決勝負的必然是烹調味道的技巧。轉至現代，坊間店鋪以不同花巧作招徠吸引顧客眼球。在我而言，上佳的車仔麵必然要保留傳統風味，以化腐朽為神奇之功力。留意到文記由一間擴展至同一條街上四間店，比對街維記規模更大，而且目測人龍絡繹不絕，想必附近積累了很多街坊捧場客。能成為坊間口

同一牌子同樣賣車仔麵，感覺截然不同。見排隊等位較快，今次幫襯中間之店舖；點菜式從門口排隊開始，望住d餸先點十分懷舊！效率高，點完俾錢送上桌便吃，怪不得咁快；不過我都係喜歡坐低自己慢慢唸先點菜，企係度太趕急$55 有4個餸小朋友喜愛公仔麵+腸仔+生菜=$28金錢肚真係唔錯😋😋蘿蔔+牛腩、咖哩魷魚=$48其實我都比較鍾意隔離鋪，公雞碗又靚食得開心啲，感覺大碗過膠碗。樓面都比較乾淨，下次我哋都返去慢慢等。

難得出街,去買電腦配件之前食個飯先約埋朋友先去排文記,而家條街少人出黎,排10分鐘就有位雞翼尖,蘿蔔,腩汁,豬大腸,豬肉,要辣咁重口味當然要返杯可樂跟餐蘿蔔份量比得多,有四大件,夠入味夠甜,雞翼尖吸飽瑞士汁秘製辣醬撈埋食超夠濃湯底就無咩特別,唔係賣湯底,肥大腸夠肥美,一大碗食完超滿足麵條選幼麵,夠爽身,隔左一排食,好似差左少少,不過本來車仔麵就唔係咩名貴食物,間中食下都過引深水埗福榮街121號地下

If we happen to go to Sham Shui Po, we usually come here for lunch. This time, I ordered lai fun, squid, mushrooms and chicken wings, I also went for the spicy sauce. I only chose mild spicy but it was still too hot for me. Anyway, the mushroom was very tasty, I think it's marinated in oyster sauce, so it has a sweet taste to it. The squid was good too, but again, too spicy for me. The swiss chicken wings were tender and moist. Overall, it was a good portion and quite tasty, would recommend it f

我有個朋友好鐘意食車仔麵，又平又多餸揀，所以今次專登去深水埗去呢間試試佢。夜晚8點，排20分鐘隊，每人叫個三餸面，咖哩汁叫左小辣都好辣。玻璃辣魷魚真係好辣唔爽口，鹵水豬大腸就幾入味，不過好難咬，蘿蔔夠甜夠林夠大舊，豬皮都幾多但又係唔爽口，鮮蝦腐皮卷同魚腐不外如是，魚蛋粉既味道。見個雞翼($35)好出名，所以專登另多叫碟雞翼。賣相普通，好入味，唔會好咸，都幾林，仲有小小甜，係幾好食。😋

文記係深水埗無人不識，可惜我少去呢區真係從未試過🤭有日終於去左排隊食，令我知道一碗車仔麵可以有幾咁出色🤤食完都幾肯定我會為左佢而再番黎!!同一般食開嘅車仔麵最大分別係配料選擇多，淨係配料都有成六十款，好彩佢有十大必食推介，如果唔係揀十世都未揀到😂平時食車仔麵都只係揀三個餸，但餐牌上嘅野食實在太吸引樣樣都想試，貪心地係「十大必食推介」揀左五個餸 (HKD 68)，好大碗好很飽好滿足🤭 如果覺得碗麵唔夠味，枱頭仲有勁多款調味料比你任落!🔸瑞士雞中翼 (HKD 13) 👍🏻👍🏻👍🏻👍🏻🔸鹵水豬大腸 (HKD 12)👍🏻👍🏻👍🏻👍🏻🔸上湯花膠(HKD 13)👍🏻👍🏻👍🏻🔸清甜蘿蔔 (HKD 9) 好入味無渣!👍🏻👍🏻👍🏻👍🏻🔸蠔皇小花菇 (HKD 12)👍🏻👍🏻👍🏻👍🏻👍🏻🔸米線 (HKD 9)🔸無得輸嘅腩汁湯底 配特別秘製辣汁(微辣🌶)

文記出名車仔麵, 經常大排長龍.最中意車仔龍夠味濃, 加腩汁一流.配埋粗麵, 口感豐富又彈牙.白蘿白夠入味, 魚仔夠E un.黎開深水步又有時間排隊既人可以一試.