文記車仔麵 (福榮街)

营业中

休息中

相信好多人都識文記車仔麵，但我麵必須一讚，文記車仔麵堅係我食過最好味既車仔麵每樣食物味道都100分瑞士雞翼夠入味夠淋湯汁又夠入味食物選擇又多真心推薦未食過既朋友，真係一生人必試一次

嗌佐腩底汁拉麵，雞翼魚腐芝士丸，麵食來有陣內臟腥味，十分掃興，湯底都有內臟味，唔落重口鹹味或酸味根本蓋唔住。D唔鍾意內臟味嘅人應該可以pass哩間舖了。魚腐及芝士丸夠味，雞翼好食 基本上全靠辣蘿蔔祛腥味先可以食完一碗。吃完肚都唔舒服。感覺文記明顯係俾遊客食嘅店，座位之仄逼，令人食之無味，一碗車仔麵收50-60真係幾貴價喔，個米芝蓮運作得來嘅成分大過質素。本地食客唔好因住出名來食。基本上會令妳失望而歸。

見到門口幾多人排隊 應該都唔差 所以都跟住一齊排隊 排左8分鐘左右 就輪到我地買了 買完店員仲會幫你拎到你張枱到瑞士汁雞中翼+蘿蔔+辣味魷魚+油面油面軟硬度適中，份量就反而偏多，適合曬大食嘅人🥰雞翼有兩隻同埋好大隻 瑞士汁好入味！ 咬落去好大淡肉🤤 而蘿蔔都好香甜！ 裏面都有少少味！ 好正！辣味魷魚數量好多 但魷魚鬚得幾條 魷魚唔算太入味 靠個湯底吊味而湯底就加左瑞士汁，令成碗面都變得有少少甜！好特別出面食唔到嘅！ 我都叫左辣 而佢個辣椒漿都係特製嘅 同枱面上嘅辣椒唔同嘅！ 鮮榨蔗汁野飲好新鮮！但係好甜 總括而言，價格比較高但幾好食同埋份量充足

第一次食 見入面人流都算多 裝潢唔差就想試一試入到去坐左一陣個樓面都無理我 可能佢地太忙喇算.........質素味道真係普通但係價錢係比一般車仔麵貴不過都算都係食碗車仔麵啫 諗住食完就行下西九龍誇張既係我食到一半竟然發現一隻烏蠅係碗湯底度係一隻烏蠅呀！個下當堂吊左出黎 ..... 有乜理由出餐前唔會check 一check 就拎出黎比客人食搵返個樓面只係望一望就講句唔好意思 之後就拿拿臨收左佢 真係搵鬼食！ 就算你立場同一陣線都唔會再幫襯你！dllm

朋友話嚟深水埗一定要食文記車仔麵 佢講到咁好食 一於試下啦 呢度間鋪好窄 全部位都係bar枱咁 時間尚早唔洗等位就入得 不過本身都已經差唔多滿哂咁滯 .睇下menu有咩揀先 呢度係用支白板筆直接畫落個menu 度我揀左幾款十大必食 魚肉 羅蔔 仲有加左杯咸檸7 真係得番好少地方有呢樣野飲 成罐7喜上 叫左腩汁湯底 係幾好味嘅 羅蔔超級甜 d手打魚肉就普通啦 整到好細舊好散 唔似生菜魚肉個d咁大舊 必食推介嚟講普通啦 不過份量係夠嘅 食哂都好飽下 .其實車仔麵嚟講最重要係湯底同d配料 呢度配料選擇係好多嘅 不過價錢嚟講都唔算平 咁樣叫幾個送都五十幾 .如果想食車仔麵都可以一試嘅 但真係坐得好逼

一講到車仔麵呢一定會諗起深水埗嘅呢一間文幾，但係呢一直都未試過，所以就藉住今次lunch 既時間黎試下，因為都算早去到嘅關係所以唔使點排隊呢就有得食啦。今次試咗四個餸，其中最特別嘅呢就一定係有上湯柚皮啦，喺出面嘅餐廳都冇試過，所以今次就揀黎試吓啦，但係個人覺柚皮有啲苦澀嘅味道，如果唔鍾意苦嘅朋友我就唔推介啦。今次車仔麵仲簡左酸齋，味道都唔錯，酸酸甜咁，但係個人覺得呢同車仔麵就唔係好夾啦。而我最鍾意嘅呢就係小花菇同陳皮魚蛋。小花菇方面，味道非常之入味細細粒又有咬口。另外，陳皮魚蛋唔單止好入味，仲好彈牙添，自己呢都好鍾意食。另外，值得特別一提叻就係佢枱面有好多唔同嘅醬料，好多平時都冇試過嘅，如果叫清湯既話都唔怕無味。

常見排長龍的店，於星期六日及假期更甚，由於本人最怕排隊，所以一直未有機會一試。今日機會黎嘞飛雲，黃昏6點，無人排隊，雖然約了朋友晚上食晚飯，但都決定入去光顧。店內掛著皇牌10大美食，我點了豬手、豬大腸、韮菜餃及酸齋，先談豬手，是南乳豬手，味道如於其他麵店吃到的一樣；豬大腸算乾淨無異味，不過是薄身，所以口感不及厚身的豬大腸好味；韮菜餃皮薄但沒有韮菜的香，不吃韮菜的朋友可一試；酸齋亦屬一般，市面上有更好的。總結是不是不好味，但如果要花時間排隊，似乎不太值得。

又到左食仔麵到底食邊間好？🤔如果比我揀，文記會係我心目中其中一間好食的車仔麵，每次食車仔麵都必食雞翼，呢間都唔例外，文記出名係瑞士雞翼，而佢既瑞士雞翼真心做得出色入味，而佢既湯底仲做得好好味，喜歡食濃味野的朋友，真係唔好錯過。我另外還點了豬紅都係不錯之選。但等侯時間方面，就偏向等得比較耐，平均都要等半小時以上，而環境方面，座位亦比較擠逼。

好耐無食過車仔麵，今次去左深水埗見到間排晒長龍既餐廳，見甘多人食，就去左試下，餸既款式選擇多，花多眼亂，叫左件花膠又淋又大件又抵食都只係$13,瑞士雞翼都好入味，湯底濃郁。座位就真係預左唔多舒服，不過我覺得呢個係食車仔麵既風味黎既，搭枱坐，食得車仔麵就預左同人搭枱同坐得唔多舒服嫁啦～唔係咩？重點係好食咪得囉～哈哈。

今日早餐食得有啲飽，午餐食唔落太多，鍾意文記除左好食之外仲可以好多變化，好肚餓嘅時候可以叫五個餸兩個麵底，但想清清地簡單食一餐都可以叫個菜底。順帶一提，文記除左招牌餸好味之外，啲菜其實都都好唔錯，菜心夠冧但仲好翠綠，吸哂啲湯汁好好味😋但今日就叫左通菜，一樣都係咁翠綠唔會烚過龍，用嚟代替麵底就可以簡簡單單一餐。湯底方面以前食腩汁覺得有啲太濃，轉左清湯就好好多，畢竟佢呢度雖然叫清湯，但已經濃過人地啲腩汁。

呢個可以叫做香港其中一間最出名嘅車仔麵咁濟今日晏就就自己一個叫左蘿蔔魷魚豬腸雞腎油麵蘿蔔：唔錯無渣而且清甜魷魚：爽口彈牙小小辣豬腸：冇屎味，爽口，一個字正雞腎：味濃香總括而言：好好味

深水埗好多野食，其中文記車仔麵就出晒名，今次就去試下。每個位都有餐牌自己點餐，同埋mark埋枱號，等店員可以好準確地送餐。佢除左餸有好多選擇外，麵湯同醬都有好多可以揀，例如除了基本的辣汁外，仲會有沙嗲汁，瑞士汁等等。第一次食吾知食咩好既人，餐牌上仲有必食推介可供參考。我就揀左通菜，豬紅，芝士丸，油麵，辣汁同腩汁。車仔麵黎講，賣相算很不錯，餐具比較中式，加埋個辣汁就咁係個匙羹上面，都幾吸引。食落個湯都好濃，麵有咬口，辣汁辣度剛好，但菜略嫌有少少草青味。整體黎講，會再幫襯，而且口味選擇有咁多，想試晒都要食多幾次喇。

假期來這裡吃飯，一定要預時間排隊。香港很難得有車仔面可以得到米芝連推介。這裡環境非常之窄，出入都不太方便。食物有多種選擇及有不少湯底及醬汁可選。不過價錢不算平，每種都是十元左右起跳，坐在我旁邊的男士的單竟然寫著70多元，以車仔面黎講都算是匪夷所思。點了魚皮餃、魚肉及餃子及辣汁。以數量來說，每種食物的份量都算多，多過三塊。幼面亦十分彈牙有味道。之前試過這裡的麻辣腩汁雖然不錯，卻舌頭咸足數小時。不過迢次的辣汁辣而不咸。最怕吃魚皮餃及魚肉吃到腥味，幸好這沒有出事，沒有太腥。以車仔面的質數來說，這裡是乾淨企理選擇多，不過若要花時間等的話卻不太明智。

文記車仔麵是深水埗「區域限定」名物，據聞由天光到天黑都其門如市．本人素來害怕排隊，看見門外長長人龍早心生畏懼，但是愛人想吃，就硬着頭皮在街上乾等我們在晚上八時到，排隊時間是30分鐘．時間很寶貴，可是我可以肯定的告訴你，這30分鐘絕對值得花車仔麵的餸有豬大腸，牛孖筋，蘿蔔及魚肉．豬大腸鹵得好，夠肥夠腍;牛孖筋入味到「黐孖筋」;蘿蔔清甜入口無渣，還可以吸收湯的味道魚肉呢.…彈牙是彈牙的，但相對下就比較失色了不能不提的是那辣醬，我們只要了小辣(醬只有一款，辣度跟醬的份量成正比)，已吃到汗流浹背(店的冷氣是充足的).那種辣帶有後勁，由嘴唇一直辣到心裡去，嗜辣的一定覺得過癮，不嗜辣的請自量我下次一等再來….冬天的時候吧，排隊也舒服些

記得第一次嚟食文記，嗰時其實本身係諗住食對面嘅劉森記，但朋友話我未試過文記不如試吓啦，嗰時要排好耐隊不過同朋友傾吓計時間過得好快。地方好窄，我本身覺得都係一碗車仔麵姐點解會有咁多人排隊㗎？但係我食過一次之後成日都心心念念想再返嚟食，所以人多真係有原因。次次黎我都會叫到成碗面都係餸咁先至開心，一定會點佢哋嘅雞翼同豬大腸，好入味好好食！佢哋嘅辣汁一定要點呀，碗麵會仲好食。我已經好耐冇去過啦，好想快啲再去。