文記車仔麵 (福榮街)

营业中

休息中

前幾個月夜市時間食，熱辣辣，又大排長龍，最近涼番Ｄ，再去食多次。平價車仔麵價錢，但好高質素！大推蘿蔔，雞翼，因為真係YIP得好入味好入味。佢MENU 上推介的配茶都應該一試 食想真係好想食佢D配料YIP左幾耐 不過有湯底有D咸，各位絲打驚水腫，或者唔太重口味，可以叫番清湯湯底（都非常入味, GOOD ENOUGH了)驚肥可以唔要麵底，啲配菜都係 $10 幾蚊起跳。夠食，抵！

臨近年底，需要清清年假，見手上工作已大至完成，所以又放半天假去行街街，兼搵好野食。哩度係細妹好推介嘅食肆，佢話未食過，唔似香港人喎🤣，所以今日放假，就嚟深水涉試試。中午13:30到達，嘩，一條街三間店，門口都有好多人，門面靚個兩間可以取票等位，門面舊個間，就要係門口排隊。最後決定去舊個間排隊，排咗20分鐘先入到去。叫咗個油麵，豬大腸，酸齋，牛腩，豬腩肉，加柚子蜜。碗麵分量好大，豬腸肥美，酸齋的甜酸味好好，牛腩入味，豬腩爽口，整體嚟講，好味，值得要等位嘅車仔麵

好耐冇食。行過冇乜人。即刻衝入去平時真係排隊排到HighHigh。佢宜家開左成4間舖。我覺得唔同舖既日味道分別不大。有位就入啦。仲等。。。。。。。。。。餸選擇算多。價錢由9～15一款。因為小弟唔食辣。叫左腩汁。佢個湯底比較甜。不過都ok既。佢仲有好多調味料可以加。野飲就正常啦。瑞士汁雞翼。必食環境:正常啦。坐爆一定勁迫。食完好走啦食物:係好味既。選擇又多總括:值得食既。不過又未去到要特登去同等咁耐

黎親深水埗都想試下文記車仔面, 但因為次次都好多人排要等廿幾三十張飛所以都冇再等落去~今晚經過又試下撞下彩,點知竟然等10張內就得~~~ 10張內都係等15分鐘就到~ 都算快! 我叫左D 招牌配料,叫左中辣因為知佢隻香辣醬好正~ 點知中辣辣到我跳舞, 我都係岩叫番小辣…….. 中辣我要係咁飲野先得~~~ 不過以車仔面黎講我嗌左3送都差唔多5-60 蚊… 都真係幾貴…. 值唔值就見人見智,係幾好食既~ 但又要排又要咁貴我諗都應該難D有下次~

米芝蓮級懷舊車仔麵😋成日都會諗起文記車仔麵 實在成日都好好掛住佢嘅花膠 瑞士汁雞翼 無論幾點嚟都好都係排晒長龍 不過都好快會有位 因為都比較迫唔會坐好耐食完就會即刻走👍🏻油面 河粉 公仔麵都好出色 因為文記有腩汁 瑞士汁 秘製辣椒🌶醬 等等..做湯底 每樣都超入味啊 各有特色 價錢又合理 60-70蚊 已經有三餸加一杯飲品 飲品選擇又夠多 有我至愛鹹檸七 正👍🏻😋 食過返尋味 每星期都至少食兩至三次

一向大排長龍嘅文記車仔麵，證明佢係有實力得到米芝蓮嘅稱號，亦係我深水埗最愛的餐廳之一兩個人黎食通常都要等15mins或以上，一個人黎食就等5mins都唔洗裝潢方面店內設計簡約而實用，凳下面仲有籃俾人擺袋，好貼心。店裡採用的是瓷碗，加上簡約的圖案，而湯羹則是用了有香港味嘅大公雞圖案，整套餐具十分融合，俾人感覺好舒服，滿滿香港本土氣色。而檯上面則有各式各樣嘅醬料，任君選擇。車仔麵車仔麵嘅湯汁方面，我最鍾意腩汁+秘制辣醬中辣👅💦配料就最鍾意豬紅+牛柏葉。豬紅大舊又實，醃得好夠味，好甜！讚！牛柏葉大舊又爽口，食到好爽🤩🤩係車仔麵上面再加啲辣菜脯，成碗嘢好開胃，有時胃口唔好就想食文記！食完就會好滿足好開心

食飯前有少少插曲本身有位我話兩個，咁因為我未到齊佢就唔比我入都好正常但係我前面有個男仔又係兩位又未到齊都可以入。。。其實之前食過幾次覺得佢只係普通車仔面，但有好食既雞翼同有花膠比夠特別少少但今次食完我完全對佢改觀因為以前唔食得辣所以從來無叫過佢啲辣汁今次因為我男朋友有叫，我試左佢個沙嗲汁嘩，碗麵完全唔同左好食勁多平時我食唔曬碗麵今次竟然唔覺唔覺食曬我叫左花膠牛腩蘿白同雞翼牛腩有少少羶味，但都淋既其他送都可以但我男朋友叫左公仔麵就真係差啲個面一半熟一半唔熟咁難食個面係散唔開，無cho到水果種乾總括而言，最好食都係果一匙辣汁係碗麵既精髓🤤

第一次食文記車仔麵，因為經過開都太多人排隊嚇怕左我。星期日見到人少少又一個人諗住會即刻入到坐...少年真係太年輕太天真啦....攞左飛等左15分鐘左右...不過都算快既，因為食完出黎見到爆多人等囉。文記餸既選擇好多，揀左淨餸：韮菜餃、牛孖根、牛肚同蘿蔔、腩汁湯底、秘制辣醬中辣。牛孖根好正，淋得黎仲有咬口，好鍾意！牛肚係金錢肚，滷水味唔太出同牛肚味較淡，ok啦；蘿蔔好甜但有豬腸味，應該係同豬腸一齊滷，因為我唔食豬腸，個蘿蔔味唔係咁岩我...韮菜餃個餡唔錯，真心有媽媽包既味道。但個餃皮較淋；湯底腩汁味重，但秘制辣醬既中辣唔多覺辣。下次要試下大辣先！

🚙文記記車仔麵🍜《深水埗》好似係米之蓮推介嘅平民美食 次次經過都見到大排長龍好誇張 今日我一個人晏晝3:30左右去到只係等一個位姐 湯底我就叫咗秘製辣汁👍🏻👍🏻餸就如下辣汁玻璃魷魚🦑我覺得係普通嘅魷魚冇乜特別 冇啲人講到咁好食豬紅🐖我覺得老銅嘅榮記車仔麵嘅豬紅好食好多嗰個係好滑身好似jelly 咁 呢個比較普通瑞士汁雞翼尖聽講呢度嘅瑞士汁好出色但太飽嘅關係食唔到雞翼就試吓雞翼尖 🤤🤤個汁真係好出色通菜🥬 好柔嫩索埋啲汁好好食其實依家食碗車仔麵買單都要五六十蚊 只係嗌左幾個餸一啲都唔平 👩🏻‍🦱啲人成話啲姐姐服務態度好差好惡但係我去到嘅時候佢哋服務好有禮貌好Nice 🤔☺️👍🏻有機會的話會再去啊😻

今日經過深水埗，唔洗講對腳自自然然會行去文記食車仔麵架啦，岩中撞正lunch time，攞飛等位是常識吧！今日大約等左20-30分鐘有位啦，安排個坐位都幾迫夾😟不過好彩食車仔麵都係速食速閃🤣今日叫左瑞士汁雞翼，陳皮魚蛋，玻璃辣水魷魚，同埋生菜🥬腩汁加小辣，再加杯檸7，盛惠$56。雞翼同水魷魚係呢度十大之選，本人最推介係雞翼，真係超好食架，入晒味😋呢度最正記得落埋免費任食嘅辣辣菜鋪，真係真係好好味架👍🏻

見前幾日電視都有介紹好似好正咁, 中晒伏, 都唔知tbb係咪收左錢我見會多人排就特登下午4,5點先去食下, 無錯我係特登搭車去食首先有個後生d ge侍應女就有d態度差, 其他上年幾姐姐反而冇咩野事實車仔面佢都算幾貴下,2送冇叫招牌雞羽都34蚊一來到,首先成碗面有條面飛左出碗丁住外碗,2來好簡單又細碗叫左豬紅花膠粗面,豬紅係周街都食到ge 質素, 極普通, 花膠算叫好d,平價食到粗面都係周街食到ge貨色,完全冇特別,貴價細碗食唔飽除左個瑞士汁叫幾好之外唔洗特登入去食相都影唔落,碗野真心hea

今日難得去到深水埗，聽聞深水埗文記的車仔麵好有名，就膽粗粗去試下。大概1點鐘到達，因為正值午飯時間，所以有一定的人潮。由於一條街有三間鋪，而每一間都人頭湧湧，我就選擇左攞飛等候既一間。唔洗等好耐，大概等左15-20分鐘就獲安排入座了。點餐只需在一塊膠板上打圈就可以，點完可以擦掉重用非常環保。此店有很多招牌餸，有很多都想試，但可惜我個胃的容量實在有限！最終只點了兩樣招牌餸：豬大腸，甜酸劑，另加爽脆豬耳。麵食揀左粗麵，再加秘製辣醬(小辣)。5分鐘到就到啦！豬大腸好好味，唔會有特別既嗅味。食完可以再食，正！甜酸齋亦都好出色，甜酸度適中，十分開胃。豬耳都唔錯，唔會太硬！至於個秘製辣醬唔係好辣，我要再問侍應加多一次辣醬，但都唔夠辣，下次要點大辣了！總括而言，我會再光顧此店，而且真係值得推薦。而此店的選擇真係好多，食一次真係唔夠，下次要再去試！

以前去到深水步區多數都係去豬潤牛肉麵或足陞雲吞麵，但以家多左個選擇就係文記車仔麵啦，可能人多去食，我都覺得好食左，老水🐔亦入味咖哩尤魚入味豬腸軟軟的，所有味加埋湯底，正！重可以有大量調味料任加，正！

最近熱門既餐廳，平時排滿人潮今日11點就黎到，一個人食唔係要排隊就有位座位都好新，只是較為窄全部車仔送都好入味，份量亦足夠賣相討好，撒上蔥花令賣相更吸引溏心蛋：的確有流心，有日本拉麵店水準雞亦：非常入味，人氣之選豬紅：有點腥，不推薦大腸：洗得乾淨，沒太多肥膏魷魚：辣味好過癮，不錯但呢個價錢食車仔麵就確實太貴！試過就好，其他食店同樣做到呢個質素餐桌上擺滿不同醬汁，醃製辣蘿蔔亦係任添十大必食推介，的確值得一嚐裝修懷舊有味道

今天一早來到文記車仔麵等他開門，之前試過舊舖今次去隔離新鋪試一試。新舖採用點單模式，同舊舖自助點餐唔同，比較舒服。呢度嘅玻璃魷魚係必點的，所以我地單點左呢個餸。今次點了豬大腸、千層鮮竹粒、自製爽滑墨魚角和酸齋，第一次是千層鮮竹粒，沒有什麼味道而且太硬。特別值得一提的是墨魚國，以水餃皮包着墨魚滑，非常特別。