文記車仔麵 (福榮街)

营业中

休息中

文記車仔麵一條街已經開咗三間分店，每次黎起碼都要等10幾廿張枱號，不過絕對係值得，亦不知不覺已經成為咗佢嘅常客車仔麵配料多到花多眼亂，推薦嘅有魚肉、瑞士雞翼、牛孖根、白菜餃等等。哩度嘅麵類亦多過一般嘅車仔麵，有銀針粉同紅薯粉可以選擇。成碗麵份量好多，對得住個價錢，三個餸岩岩好。而哩度嘅小食亦好出色，墨魚餅圓碌碌好大粒，即炸熱辣辣咁咬落去好juicy，亦食到有粒粒墨魚係入面，果然真材實料。通常我都會叫多碗腐乳通菜，佢嘅腐乳好惹味唔會好咸。飲品方面好推薦佢嘅咸檸7，完整一舊咸甘吉好重料，店員姐姐仲叫我地吉爛啲，啲味先會出雖然每次都要等好耐先有位，不過絕對無減對文記嘅喜愛

文記車仔麵🍜之前見到朋友send俾我嘅相已經好想食 特別係嗰隻入晒味嘅瑞士雞翼今日都多人排隊 等咗大概15~20分鐘 時間都可以接受一坐低就忍唔住嗌左好多餸蘿蔔 瑞士雞翼 生菜 牛腩 鮮蝦腐皮卷湯底我就嗌左牛腩汁湯底同埋秘製辣汁 湯底好香牛腩味 辣汁嗌左微辣都有d辣 (平時譚仔食4小)蘿蔔好鮮甜 瑞士汁雞翼都好入味 牛腩有少少唔夠淋 鮮蝦腐皮卷幾彈牙 值得再食😋食完之後都冇覺得口渴 下次都會再嚟食不過可能要等夏天過咗之後 因為夏天係深水埗排隊好熱🤣

熱辣辣既天氣之下，文記都仲係排滿人，真心覺得車仔麵做到咁好勁👍🏻👍🏻無論係餸定係麵定小食都非常之多選擇！最愛係蕃薯粉加豬油渣🤤🤤每格一段時間就會想去食下。不得不提佢既祕制辣醬🤩🤩加左落碗湯度加曬分！今次試左好多人推薦既花膠，其實$13蚊黎講真係好大塊好好味🥰當然仲有豬油渣同豬紅，正❤️魚皮餃，豬大腸同鮮蝦腐皮卷係男友最愛，必食🤤🤤最好味既車仔麵❤️配返杯咸檸七，我個人食得好滿足呢！

相信文記車仔麵嘅出名程度係唔講大家都知食之前一定要有好大機會需要排隊嘅心 不過都值得嘅 佢嘅玻璃魷魚係我嘅最愛 其實每樣配料都唔錯 雞翼亦都係多人揀之一 非常入味！如果唔係食得太辣嘅人建議都係唔好揀辣好啲 因為佢地嘅辣都比較勁架不過真係好味既！ 我最鐘意就揀腩汁！座位就預咗比較迫 食完就走架啦！

揀個平日下午去朝聖，點知都係咁多人！好彩都等得快，大概15分鐘就有位！點左必食的辣魷魚，爽口少少辣，正！瑞士雞翼，甜甜地肉質夠滑，下次都會再叫！配埋平時比較少食到的銀針粉，係幾有特式幾美味。唔怪得咁多人幫襯飲品點左自家製羅漢果龍眼蜜，清甜可口，正。坐位方面，新店比較整潔乾淨，又夠冷氣。不過都係比較迫，人來人往食得比較趕急，有時仲要配合姐姐夾位要搬位。喺短短的20分鐘都搬位左兩次。服務方便比較一般，不過勝在食物質素好，會有下次的。

幫襯好耐架啦🥰尼度有好多配料小食比你簡 入去waiter就會比你一塊板落order 簡完寫檯號就等食～我簡左雞翼 蘿蔔 魷魚 銀針粉銀針粉真係好食配搭埋個腩汁湯 無敵！次次食完都清😋有一個戴眼鏡短頭髮waiter姨姨 服務既態度真係好好 超讚👍🏻

平時行開深水埗都見呢間車仔麵好多人排隊今次終於無咩人排..可以試下一試就知點解車仔麵都可以係米芝蓮叫左豬血牛肚咖哩魚旦牛根牛肚係金錢肚..唔係間間車仔麵都有金錢肚金錢肚食落比軟有口感牛肚同牛根都炆得好淋好入味咖喱魚旦好爽口成為左我最愛的車仔麵之一!!!

每次嚟到深水埗都一定會食嘅車仔麵，次次嚟到呢都見到大排長龍，就知道佢哋有一定嘅水準啦，玻璃魷魚，通菜，魚蛋，樣樣野都好簡單但要整得好食左一啲都唔容易，所以次次都會返轉頭

今日同哥哥兩條麻甩佬去咗深水埗鴨寮街買嘢，行到咁上下當然要醫下肚仔，去到最多餐廳嘅一條街，深水埗福榮街，呢條街超級多選擇，人氣鋪頭有好多，想當年排晒隊嘅豬膶牛肉麵，而家已經冇人排隊啦！去晒對面文記車仔麵，一年開三間，仲間間都排晒大隊，我同哥哥二話不說，排隊嘅鋪頭多數都係好食喺門口差唔多等左半個鐘頭，其實30幾度來講真係好大挑戰，最終都係入到去，我哋選擇去咗總店，見佢人少啲，因為太肚餓嘅關係，我叫咗五個餸，瑞士雞翼推介，玻璃魷魚爽脆，陳皮魚蛋彈牙，酸齋入晒味，韭菜餃餡靚，湯頭非常之甜，可能有蘿蔔喺裏面，仲有個辣醬，小辣啱啱好，依家諗起仲想食多次🍜🍜價錢唔算平，但係高質素💪

琴日平身想黎食文記，但因為真係太多人了，雖然佢有3間分店，但唔知點解大家都只係排第一間。我諗唔排下隊都好難食到，好彩今日我自己一個人，好快有位。兩個人或以上，一定最少要排15分鐘或以上。一個人佢唔洗排咁濟。入到去，我叫左，腩肉，加水餃，想對比一下同我琴日食果間有咩分別。雖然坐低坐，叫埋野食，都要等好耐先到。但好在佢有電視睇，邊睇邊等，唔覺得好似好耐。食落去，覺得文記腩肉比較入味，但份量比較少，水餃皮文記比較厚左少少。不過整體都算好食。

文記車仔麵一直都很想吃文記車仔麵，一直都没有機會吃不是抽不到時間去深水埗，就是太多人在店外排隊等候入坐人多等候，即是說超出餐廳的負荷量，餐廳會出現緊張的情況，這個時候樓面服務是會首先下降，再者廚房煮食素質亦會因為工作量增加而下降所以要排隊的餐廳我是不會吃的，除了一蘭和澳牛之外只有這兩間餐廳有能力解決上述情況今天難得不用排隊就可以入去，當然要試一下魚蛋彈牙，帶點陳皮味豬皮爽口，魷魚有點煮過頭牛栢葉就有驚喜，應該係香港所有餐廳之中，最大件的牛栢葉我一直都唔明，牛栢葉根本就係下價食材，為什麼要這樣吝嗇呢？以文記嘅實力，應該可以打入香港車仔麵首五位

好耐無吃車仔面啦，梗係要來人氣爆滿位於深水涉葛文記車仔麵Man Kei食下午茶啦！超級多人係度排隊伽，何想而知間店人氣有几旺啦；首先講下個瑞士雞翼，非常之入味同埋價錢好合理，瑞士汁葛甜味依然可以留係雞肉嘅裏面，而且雞肉好嫩滑；然後點咗份辣汁玻璃魷魚，魷魚有滴爽爽地又有一滴煙韌，而且滴魷魚吸收咗秘制辣汁，令人完全唔想停口。真係超級好吃而且量又足！要係驚熱氣就點樽龍眼羅漢果茶啦！好香羅漢果味, 又唔會太甜,個樽裡面仲有2粒龍眼哦！

成日聽人講位於深水埗 文記車仔麵 係香港數一數二嘅車仔麵好難超越，所以今次專登黎食。見星期六所以我早啲去排隊，去到後我叫左個瑞士雞翼同埋一個豬大腸蘿蔔車仔麵。食材非常新鮮而且個秘製辣汁好惹味，嗰個瑞士雞翼都好出色非常入味。自家製餃子較為乾身但勝在多料。如果有時間下次一定會再嚟👍🏻👍🏻👍🏻

爆紅人氣「文記車仔麵」，閒日下午茶時間咁岩撞正唔洗排隊即刻入去試下，食完之後覺得唔洗排隊既話又順路或許會入去食，但特登嚟食就唔洗啦~環境有兩間舖位連住，地道香港茶餐廳格局，衛生情況正常，座位唔算多，可能就係點解經常排長龍既原因。餐牌價錢唔算平，以車仔麵黎講都係中上位價錢。自選車仔麵已經食左午餐再嚟，同朋友2個人Share一碗食試下，揀左招牌瑞士雞翼($13)、招牌玻璃辣魷魚($13)、蠔皇小花茹($12)、酸齋($10)、金茹菜($9)，配烏冬($10)，總共$67。都唔算特別大碗，先試招牌瑞士雞翼，果然好入味唔會過鹼，雞翼冇雪藏味唔霉，以車仔麵黎講算唔話得，而蠔皇小花茹細細粒都幾香蠔油味，有咬口，其餘配菜就正常發揮冇特別，招牌瑞士雞翼係幾值得試，如果要排隊再加上價錢又唔係平，都唔洗過嚟食。總括而言，湯底冇太大驚喜，係得瑞士雞翼幾入味，不過妨間好多瑞士雞翼都整得唔錯，為左瑞士雞翼唔洗食呢間，見好多人都話等半小時以上，唔值得，認真香港好多車仔麵比佢出色。

平時落深水埗都唔會食野，今晩比朋友慫恿食宵夜。我就嗌左油麵，瑞士雞翼同貢丸，湯底係瑞士汁同腩汁，埋單三十蚊。湯底瑞士汁好濃但唔油膩,幾易入口。油麵幾好食，爽口唔粉。貢丸幾彈牙，雞翼就不過不失，都可以一試。