文記車仔麵 (福榮街)

营业中

休息中

唔記得食過幾多次了 但今次先記得寫食評。因為真係好好味 暫時都未厭 認真食過返尋味。隔一段時間就會想去食 。唯一一間係深水埗一條街連開三間嘅超級地道食肆～ 辣魷魚辣螺肉通菜米粉小辣湯底係腩汁小辣 ～ 湯底濃郁 同埋米粉會吸d汁 所以好入味。 辣魷魚會比辣螺肉再辣少少 辣魷魚係招牌菜 辣螺肉係每日限量供應～真係好鍾意食呢度嘅通菜 加係湯底入邊好入味～ 如果另外order一份 可以揀腐乳 蠔油 or 腩汁。我之前試過腐乳通菜 d腐乳甜甜地 似乎係秘制～

成日行開深水埗都勁多人排隊，今日早去到，見到冇乜人，因為一次都未食過，所以入去試吓。叫咗2餸1麵，薯粉都好煙韌彈牙，白菜餃都幾大隻，有3隻咁多，而豬腸都幾好味，冇so味，洗得幾乾淨，呢間都幾好食，不過就貴咗少少。

成日經過都大排長龍, 今日都唔例外, 三間分店都大排長龍就知質素肯定有返咁上下! 拎籌等左15分鐘左右就安排入座, 入面係好似拉麵館咁坐架, 食車仔麵對住牆又幾得意餐廳用大頭筆自己點, 可以循環再用非常環保, 絕對是一大加分位👍🏻 除了有唔同種類調味品自助之外, 仲有免費自家制菜甫送麵 !我點咗陳皮魚旦, 腩肉同紫菜蕃薯粉, 好味! 最緊要係我至愛嘅瑞士汁湯底, 每次都可以不自覺地飲左半碗 👅 朋友亦大讚佢碗炸菜生菜紫菜拉麵好惹味，見到客如輪轉就知值得排隊啦

一直都聽講文記車仔麵好出名，好好食。今日咁岩經過深水埗，就決定黎試下。餐牌有好多選項，好多樣我都想食，最後我叫了芝士丸同豬紅幼麵，腩汁湯底，再加少少秘制辣醬，味道好正！食完好想叫多碗！不過野飲就一般喇，叫左凍奶茶，唔太好飲，建議都係係到食野為主，想飲野可能叫可樂汽水個d會比較好！見到隔離叫左雞翼作小食，貌相相當唔錯，下次可以一試！不過呢到真係太出名喇，晚飯時間黎都要等一陣位先入得，而且位置都比較窄，坐得唔係咁舒服，仲越食越熱，所以好快食完就離開了。

平時無論係特登出嚟深水埗，定係甘啱經過深水埗，都一定會食碗文記車仔麵先返屋企。無論幾多點過嚟都一定需要排一陣隊，但係都冇損害我想食佢嘅瑞士雞翼嘅心情🤘🏻🤘🏻佢係一路排隊然後到你嘅時候就叫咗嘢食先，俾咗錢之後先至入座，然後姐姐會幫你拎你個碗去你個位，全程都唔使郁！同家姐一人一碗，平時我都唔鍾意叫麵食，因為可以留肚食多啲餸，所以我叫開淨通菜底，另外必食嘅推介當然係佢嘅瑞士雞翼啦，佢擊中左我鍾意食甜野嘅口味，佢個瑞士雞翼真係好入味，而且肉質亦都唔會好似煮咗好耐咁樣好鞋好難食。第二樣會推介嘅係佢嘅蘿蔔，唔知佢點樣可以煮到好清甜，蘿蔔亦都冇根，非常推薦！

又要講多次, 文記啲瑞士汁雞翼真系十分出色!今次試新野，叫左紫菜同埋龍蝦丸，都系一般。但今次有試辣，發現佢個辣好夠香，同果甜甜地既湯底好夾。最後又要講，大家記得要試佢既辣菜莆，好脆好夠味，同個面一齊食岩岩好!

原來車仔麵也會令人上癮，突然很想吃車仔麵，打去文記得知仍然開門便開車去了，只是估吾到八月的八號風球之下，文記仍然有人龍在店外排隊呢。在風雨下等了大約15 分鐘才入座.....今次叫了2 碗，分別是油麵和河粉。油麵要了小辣，配了瑞士雞翼、手工餃子、通菜和豬大腸；河粉要了中辣，還加了辣菜寶，配了瑞士雞翼、牛肚、蘿蔔和雞軟骨。瑞士雞翼和蘿蔔是必點的，怎樣可以把雞翼煮得那麼入味而口感卻又不老，反而很Q彈呢！而蘿蔔又怎麼可以煮到那麼清甜又入口即溶呢！

米芝連推介得既車仔麵一定有番一定既水準先講個湯底好有味，全部餸都好入味，由其係瑞士雞中翼餸方面就第一次食花膠既車仔麵特別推介佢個魚肉！食得出係真魚肉，唔多魚膠粉

前幾日食完太子文記好失望今日終於黎返深水埗嘅文記食😋星期日12點零黎到等左5分鐘就入得👍🏻鋪頭座位有少少迫，但食車仔麵都好快食完就走，所以都ok😁-玻璃魷魚、陳皮魚蛋、瑞士雞翼米線叫左腩汁同中辣湯底睇啲色水都知道好濃😌而個秘製辣汁真係好好食好惹味😆中辣係辣左啲，但唔好一野撈哂落啲湯度都ok料方面好足料！雞翼大隻入味，魷魚爽，陳皮魚蛋都好正👍🏻仲加左大量菜脯👍🏻👍🏻👍🏻一流😁

難得放假又唔係星期六日，就出左深水埗食文仔車仔麵，呢一間店深水埗出晒名，唔係閒日來食真係等好耐先會有位🤢但今日去到都要等十分鐘先有位。今日叫左三個餸配銀針粉，分別係豬紅、美味酸齋同埋手打魚肉，湯底就要左瑞士汁加咖哩汁微辣。豬紅係每一次來文記我都會order，夠晒入味😋酸齋同手打魚肉都係佢地推介既十大必食之一，酸齋酸酸鹹鹹好開胃，手打魚肉份量夠多，食落彈牙，食得出佢魚肉多而粉小。辣汁方面，入面廚房真係好隨心咁落，今次叫微辣就比左半個匙羹份量既辣汁我，建議碗野一來到就拎起匙羹望下，自己控制辣嘅份量。👍🏽

⚠️令人上隱嘅車仔麵⚠️ 🔟/10 個湯底jeng 到簡直回味無窮🤤呢間係深水埗仲要開咗三間分店。烏冬好索汁！有好多唔同麵同餸自選！總之好味到唔識講😍😍😍😍😍一定要試!!!!!!!!介紹過俾frd 佢都話jengggg

真係每次食都好評。味道。價錢都誇啦啦。。味道10分真係囉足10分。呢個價錢呢個味道。其他野都唔重要啦。。閒日中午3，4點去。唔洗排隊。不過入邊滿坐。。其實已經開左3間。第4間都就黎開。同一區同一條街。。新既Marketing Skill真心佩服。。3送1麵$50有找。。幾飲$10其實佢D餸全部都好味。。豬腸洗得好乾淨。。豬血。牛柏葉夠新鮮。羅白甜冇渣。陳皮魚旦見仁見智。牛腩。雞翼都好入味。。真係讚。。野飲正常。。如果真的要挑剔就真係。要排好耐隊。坐位都逼逼地。有D烏蠅飛下咁囉。不過絕對係可以接受。同埋味道勝過一切環境：正常啦。車仔麵仲想點食物：講到幾好都冇用。你地自己試總括：就算排隊都要食。不過最好簡D少人時間更開心

食過好多次文記，幾時食都系咁多人排隊，啲位幾時都係咁逼但無阻每次想食既慾望。豬紅同其他車仔麵店唔同，甜甜地幾好食。感覺上個韭菜餃好似自己包咁同埋唔係間間車仔麵都有得食豬油渣。個瑞士汁雞翼系佢地主打每一次都會嗌。佢哋平時出邊啲雞翼大隻啲，個牛腩就一般唔太淋。牛孖根相對比牛腩淋身啲但係味道就淡啲。另外我哋都有嗌佢嗰個玻璃辣魷魚，唔算太辣所以人人都食到最出色都係呢一罐辣菜甫，就咁食雖然有啲咸但係落個面度一齊食嘅話就啱啱好仲好香，食落個面有啲脆脆地嘅口感。好就好在佢又可以任不，就好似多咗一個餸咁。

小花菇，牛腩，西洋菜餃 米線 （腩汁加秘製辣汁 😄）$44估唔到小花菇真係咁細隻 😂稱得上係迷你 😂不過好彩份量搭夠 😉牛腩大大舊又夠淋夠入味 👍西洋菜餃餡料足夠 👍肉嘅比例唔會太少 🤓米線唔會太軟身 🤗個辣汁我反而覺得冇咩特別 😂湯底都冇味精 👍最後落埋佢地自家製嘅辣菜甫 😎

自從係深水埗返工，文記車仔麵都算係我飯堂，每當諗唔到食咩就會黎文記。以車仔麵黎講，文記絕唔係平，但因湯底夠濃同餸夠好味，都經常要排長龍。我每次黎最鍾意叫雞翼，煮得夠入味，次次食親埋單都要五六十蚊。