文記車仔麵 (福榮街)

营业中

休息中

次次路過呢間車仔麵舖都大排長龍...好有人氣。今次去發現佢變左電子點餐，門口多左兩部自助點餐機，好似M記咁，但係效率真係好低...不如填紙仔方便。我叫左一份清湯車仔麵加咖哩汁，男朋友叫左瑞士汁加秘制辣同沙爹汁。湯底味道都不錯，有好多好特別既餸，我諗一般車仔麵舖頭唔會有。推薦既送有八爪魚腐皮卷、自製墨魚角、牛腩同埋辣螺肉。未試過既朋友值得一試～不過埋單又真係幾貴，男朋友嗌六個餸加加埋埋就來100蚊...

堂食去到十點，收工再快手都係趕唔切🤷🏼‍♂️呢晚去深水埗買好耐冇食過嘅車仔麵！我都唔係好記得自己以前有冇食過文記，淨係記得呢間好出名😛車仔麵必食嘅餸係紅腸、豬大腸！加埋牛孖筋或者牛腩就更加正！而且識揀一定係揀油麵同沙嗲汁🤩紅腸正常，大大片👍🏼豬大腸乾淨、爽口👍🏼牛孖筋大大舊！口感好似啫喱咁！又夠晒入味！又係正👍🏼沙嗲汁惹味！都幾夠辣！！👍🏼整體味道係正！餸嘅款式夠多！下次想食車仔麵再試埋其他餸先！😗

本來不住在附近，2點幾，特登來深水埗食文記。結果，外賣和堂食一起排，似街邊攤擋。不是以前廚房整完拿出來。以前堂食，有種日本拉麵店感覺，現在是街邊攤擋搬咗入去店內感覺。堂食都是在門口叫餐，再進內食。不會給你餐牌慢慢看。味道感覺差好多，待客如對待白卡佬～碗麵有烏蠅定唔知咩，好明顯有翼，同我講話係講調味料！？起初可以冇人理，當呢啲正常？應該碗碗都會冇？咁係咪要大隻到曱甴、老鼠先會重視？態度好有問題！重話我食完先講，我食到先睇到，都唔知會唔會食到肚痛。最後問你想點，唔係應該你諗吓點補救，俾返個碗面嘅價錢我都好似施捨咁！？好嬲，你態度好啲我要咁做？我對呢間嘢嘅衛生情況、服務質素、態度失去哂信心～有新朋友，或者外國朋友我都不會介紹他去這裡食～米芝蓮食店就係咁嘅態度，你哋繼續幫襯啦，慢慢排隊等街邊攤檔式招待啦，我以後唔會再食～

自從暫停晚市之後，都好耐冇嚟，以前一直都只係食呢間，雖然價錢偏貴，但出品都算OK，佢之前有兩間舖都冇開，今日見佢開返，所以再去幫襯，如果唔係去排隊點餸果間，就要喺門口部機自己點餐，跟住比電子付款再入座，你都可以選擇用手機落點，但係都要出去門口拍卡比錢，大熱天時喺度等點餐直情係不知所謂，啲客又唔識用部機，有個阿姐喺門口左右兩邊教人用，個個都鬧部機多餘，舖頭裡面既樓面就冇嘢做企喺度吹水😞，外面既客就受罪，如果你一心轉用新科技幫助生意，令轉流更快、方便員工同客人就應該要讚，可惜佢呢個點餐同付款安排係我見過最垃圾既🤬，如果用咁既價錢去換取咁既服務，完全係物非所值，唔怪得佢哋既生意越來越差，希望佢哋老闆認真改善

想食好耐既車仔麵！身邊啲朋友都推介呢一間文記車仔麵，話由細食到大話一定要試既係瑞士汁雞翼， 同辣魷魚加韭菜餃👍🏻尼三個餸都好食👍🏻不過辣魷魚真係幾辣下🥵車仔麵必食既係油麵，加瑞士汁！另外，都可以試下加腩汁，正常既腩汁味，中規中矩😅本人就偏愛加瑞士汁，味道少甜，好味！😋😋油麵加甜醬，更係最佳配搭😬可加辣菜圃，不過味道一般，唔係世界級好食黎開深水埗區，可以試下如果再黎尼區，都會再試一試，回味一下！

之前分享過一間不得我心的車仔麵店！今日就介紹這間我喜歡的給大家看看。這間位於深水埗超火紅的車仔麵店名叫文記車仔麵，在一條街內已經有三個舖位估計得到生意相當不錯，我們在平日下午兩時來到仍然大排長龍！排隊途中可在門口這張大餐牌中選定想吃的車仔餸，款式非常之多真的會選擇困難症發作啊。排了20分鐘後終於點好餸兼付款，然後由店員姐姐幫我們將兩碗車仔麵帶到另一店鋪內享用，每碗車仔麵也可以優惠價配飲品一杯，這天氣溫挺暖加上近來心情不佳一於飲杯鹹檸7加＄11下下火先。車爸爸第一餐通常會喝熱飲可惜原來這兒並沒有供應！那唯有轉投凍奶茶加＄10的懷抱，他說味道正正常常沒太突出。車爸爸選了豬大腸、玻璃辣魷魚、南乳豬手、豬紅及鳯爪配幼麵＄67，看見肥美得可以的豬大腸已經很有食慾了。而我則選了自家製韭菜餃、豬油渣、及牛孖筋配油麵＄51，另外加了辣汁醬和辣菜脯增添風味。橙色的鳯爪炆至口感恰好不會一咬即散，而且帶有醬香的味道我十分喜歡。肥厚的豬大腸內仍帶上滿滿的油脂，吃下甘香可口而且丁點異味也沒有，清洗得乾淨之餘並未失掉應有的香氣。豬紅帶有濃郁*紅*的特殊味道，加上口感爽中帶滑質素上佳。而南乳豬手雖然跟鳳爪色水相近，

出到深水埗 周圍都係平民美食除左好多打卡𝚌𝚊𝚏𝚎 仲有地道港式野食今日介紹俾大家既係 文記車仔麵同一條街有四間鋪位 落左單俾左錢再由店員帶位唔好盲舂舂自己搵位 小心俾人鬧呀🤭-文記車仔麵係清湯底 比較淡味可以加腩汁、瑞士汁同時亦可以加埋辣菜脯同辣醬爽口辣菜脯+少少辣醬已經好惹味-👧🏽 就叫左出前一丁麵底 再加大大羹腩汁配上辣菜脯同少辣醬 令湯底更濃郁🥢招牌自制韮菜餃 $𝟷𝟹皮薄餡多 味道唔錯 必食💯🥢瑤柱靚牛腩 $𝟷𝟻煮到好腍 好入味🥢瑞士雞中翼 $𝟷𝟻可能浸哂落湯 失去左原先瑞士汁味道本身雞翼都唔夠入味 而且好細隻🥢美味酸齋 $𝟷𝟸無咩特別 純粹想食下🤭👦🏻 就叫左米粉麵底 加辣菜脯同多辣醬🥢滷水豬大腸 $𝟷𝟺份量算多 洗得乾淨無異味🥢南乳豬手 $ 𝟷𝟻兩大件豬手好抵食 夠腍夠入味膠骨原爆棚😍🥢清甜蘿蔔 $𝟷𝟷夠腍又無渣 但得兩舊又細粒 係未俾少左🥹🥢豬腩肉 $𝟷𝟺中規中矩 無咩特別@man_kee_cart_noodles #文記車仔麵米之蓮推介餐廳 排隊是常識吧車仔麵嚟講 文記好多餸選擇 每次花多眼亂出左名 多左人去食 有時忙中有錯都理解但坦白講 質素的確無以前咁好如果路過 可以

從未試過遇到夜更員工咁有禮貌，面無笑容都算，招呼聲大大，好似成個深水埗得佢有野食咁，個個好似無出糧，客人叫錯野想改，就口up up 拜神唔見雞咁，買過一次真係怕晒佢地，執到錢都唔會再幫襯，文記老細請到呢班夜更伙記真係家山發咯！

一講到車仔麵，一定有文記車仔麵。一條街可以開幾間，食過返尋味，好有地道香港風味，每次去都排隊，不過大概排10分鐘左右就有位。最正係好多菜式，好多選擇，而且個湯底都好多選擇，仲有好多秘製湯底，最正係佢嘅菜譜，好好食😋

同一條街開四間鋪頭，文記係犀利嘅。主力排隊嘅係最大嘅總點，然後姐姐會安排你前往唔同嘅分店入座，都算有系統。門外仲有部自動落單機，唔洗搵店員落order嗌餸，錯餸嘅機會都少左😂蘿蔔切得細細粒，相對易入味，而且無渣，唔錯。我嗌嘅其他餸無咩特別，溏心蛋做好本分，唔會過熟，幾好呀。豬大腸洗得乾淨無怪味，但牛柏葉就無咩味啦，而且比較韌，下次唔會叫。我每次黎都會怒落嘅辣菜脯，真係100分，粒粒爽脆，加入車仔麵好惹味，啖啖都增加口感風味，好正。

講到食車仔麵，依家喺深水埗福榮街嘅文姬車仔麵真係好出名，平時都已經好多人排隊啦，不過依然阻止唔到我食呢度車仔麵嘅慾望！食呢個最鍾意食嘅就當然係瑞士雞翼，豬大腸，辣魷魚！呢啲真係B叫嘅食物，真係好好食，好鍾意呢度嘅湯底！香港真係好少會有咁多執嘅車仔麵啦！

想問下d牛腩咁樣要點食😥唔講都冇人知係牛腩，見到咁多人食，冇唸過會咁失望，好耐之前食過，果陣時d牛腩質素係好好，冇唸過食物質素會咁大參差，唯一兩舊食得嘅都好韌又好唔入味，服務質素都唔係話好，買外賣時d姐姐都冇咩耐心，極失望

白色碗 $51鮮蝦腐皮卷 新鮮炸起 外皮香脆餡料相信係魚肉混合鮮蝦粒招牌自製韭菜餃 大大粒好飽滿 塞滿咗韭菜同埋肉餡韭菜味香濃玻璃辣魷魚 魷魚爽口彈牙因為滲著湯所以辣味淡咗好多 估計更符合大眾口味米粉幼身質地爽彈橙色碗$50牛孖筋燜得夠淋入口滿滿膠質又入味 芝士腸 豬皮 米粉 

📁文記車仔麵🍜呢間車仔麵相當之出名😜係出面已經有條長長嘅人龍🥺所以就吸引左我去試下我地大約排左幾個字咁😆.今次就揀左三個餸 分別係雞翼 豬手 同魚肉😉雞翼好諗 好入味 唔會好難咬開 好會再食有啲重落會好硬 但呢款唔會豬手 好重骨膠原 唔會好難咬整到好入味 好正 至於魚肉就清清地 ☘️.我就揀左銀針粉 呢款粉食落好爽 但佢就比較碎但我幾鍾意佢嘅質感 覺得佢好食過薯粉但夾上黎果時就冇咁方便.經過一定會再食呢間 因為真係唔錯🥳

🔖文記車仔麵咁出名，唔洗講啦😆🍽瑞士汁雞翼個汁好好食，唔知係咪呢個餸太招牌，大量係咁比人叫，未做得切😆雞翼入面未係好入味，但第一啖食落去個瑞士汁真係不得了！🍽蠔油冬菇呢個有驚喜，佢係勁細勁細個d冬菇仔，就算放左係碗麵到，個蠔油味都咁勁，勁入味！！冬菇仔又夠好！好食！！！💡大家記得文記得福榮街有架咋！！聽聞最老字號既係121號鋪，有食客話有分別架！我都係食121號個間😆😋食物：️8.5/10🤵🏽‍♂️服務：7/10🍴環境：7/10💰人均消費：$60🤩性價比：8.5/10