新蒸武門 (已結業)

呢日中午同朋友上左黎食lunch朋友係工廠區呢邊返工，佢話間唔中都會同埋啲同事上黎食lunch，中意佢呢度有燉湯飲，而且價錢好合理呢度既午市套餐亦都唔貴，平均都係四十幾至五十幾蚊，有齊飯同餸，仲有老火湯添！朋友仔推介我試下佢地既“籠仔蒸龍躉腩（炒飯底）”HKd$88，而佢就要左個D餐“香茅豬扒煎蛋飯（轉菜飯）”HKd$47+3，兩個餐一齊share食朋友既香茅豬扒煎蛋飯先到，原來旁邊仲配上娃娃菜，感覺好有住家feel！豬扒都煎得幾香，而且都唔會乾爭爭而我既籠仔蒸飯份量超大唔大食既話真係兩個人食一份都夠飽！！炒飯底吸左蔥蒜同魚汁既精華，所以食得好惹味龍躉腩都有成七至八舊，肉質嫩嫩同膠質滿滿derrr當日既燉湯賣晒，但佢地個日既老火湯：青紅蔔白豬骨湯都好唔錯，無加味精，係屋企飲到既味道除左飲湯，我同朋友都跟餐加左12蚊試左佢地既特飲朋友要左杯檸檬薏米水，我就要左杯無花果雪梨蘋果，飲落清潤都幾好

觀塘真係一個好地方，工廈有好多隱世美食。諗住夜晚駱駝漆應該會好冷清，點知上到黎差唔多爆滿，估唔到大家都識得摸到上黎搵野食😆。初初以為剩係得蒸野，原來仲有好多唔同類形既菜式選擇😚。✨呢度環境唔算大，不過有大圓枱都幾啱一家人黎食飯，佢仲有d預訂菜式ga ~~✨平時多數得d 普通茶水，但呢度竟然有八寶茶，仲要係真材實料👍🏻而且無加糖，真係好啱我呢d養生系❤️ 個茶杯仲好有特色，古色古香影相一流。✨冰鎮鮑魚（$68/隻）：天氣咁熱黎個冰鎮鮑魚先，size 都幾大隻。食落爽口彈牙仲好鮮味，而且唔會韌👍🏻因為有青瓜鋪底，食果時沾到d 青瓜味幾清新～～拌碟仲有d 酸蘿白，可以開定個胃～～✨姫松茸燉豬𦟌湯（$42): 超熱勁足料，有姫松茸，蟲草花，桂圓，豬𦟌。啖湯飲得出無味精，好清甜，舊豬𦟌腍到不得了，飲完個湯感覺好滋補，✨籠仔蒸龍躉腩加炒飯（$168): 兩個人食都幾飽，龍躉都成十幾舊，飯量都唔少😛。龍躉件件都啖啖肉仲要無咩骨，食落幾鮮嫩。炒飯軟硬適中，入面有雞蛋，加埋蒜蓉，蔥花同豉油撈埋一齊真係幾香幾好食👍🏻✨黃金蝦（$178/8隻): 佢既咸蛋黃味超強，咸蛋黃同d炸漿融為一體，食落去勁香脆。第一次

私房菜好多時都俾到人食住家飯既感覺~今日黎到呢間位於觀塘工廠區既餐廳 -- 新蒸武門, 亦不失家的感覺餐廳唔算好大, 食之前BK定枱就最穩陣啦~晚市有好多家常小菜選擇...多款肉類...亦有海鮮類一坐低店員就幫我地焗杯花茶~花茶材料豐富, 有紅棗, 菊花等~味道香濃且非常滋潤!是日燉湯: 哈蜜瓜無花果螺片燉雞盅內好足料~ 難怪個湯味道濃郁!!第一次飲哈蜜瓜既湯~感覺幾特別, 同一般既瓜類有少少唔同, 好清甜!芥末牛柳粒芥末配牛柳感覺清新~芥末不太辣, 好易入口~牛柳粒夠軟腍!蒜蓉粉絲蒸扇貝金蒜好香丫!!廚師調教蒸煮時間剛剛好, 扇貝鮮嫩, 一D都唔實粉絲更係冇得頂, 吸收晒扇貝既鮮味同埋金蒜一齊食, 正到暈金銀蛋肉碎浸時蔬賣相吸引, 材料種類滿滿的!湯汁好好味, 完全吸收晒所有材料既精華~冇味精既湯真係好得!!!值得推介!!!想食下簡簡單單既私房, 呢道的確係一個唔錯既選擇~

入到去已經見到set好曬茶嘅料， 裏面都係一啲對身體有益嘅乾貨， 感覺呢度係行健康路線，精明之選！同班朋友嚟食，個個都係無飯主婦， 但又唔想食啲味精肥膩嘢！ 呢度的確係啱曬！我哋叫咗個四人餐裏面嘅餸菜都係大路item，啱哂一般人口味！ 家常菜做得好的確唔容易！淨係睇個燉湯咁足料，啲料亦係靚嘅，就覺得佢係用心做！冰鎮鮑魚嘅肉質係脆口嘅效果 ，好特別，亦都喺夏天令到人開胃！腐皮卷煎到啱啱好，唔會過火 裏面嘅餡料亦都好足，點埋醋食一流！咕嚕肉份量好大，味道甜甜酸酸咁，呢個配搭，真係最合適！ 雖然佢先油炸過再上汁， 但係一啲都唔油膩，非常清爽！炸墨魚條、春卷配泰式醬，卷物有唔同嘅口感，雖然都係油炸出嚟，但一個網面， 另一個係腐皮面， 兩個食法都唔同 ，絕對唔會悶！呢個菜份量好大， 芡汁唔會過濃，味道啱啱好！最值得介紹嘅就係呢個蒜蓉粉絲蒸扇貝，裏面嘅調味唔會覆蓋住海鮮嘅鮮味，海鮮亦都唔會煮個頭！剛剛好熟！❤️籠仔蒸龍躉腩裏面都係一啲多肉嘅位， 啖啖肉又夠新鮮，超級好食！呢個炒飯真係夠曬邪惡，係用鹹蛋黃炒出嚟！仲要配埋大大隻嘅蝦， 非常惹味， 用呢個餸作為一個完美的句號。所有嘢都唔覺有落味精 ，而咕

就嚟都父親節，唔想喺節日正日同人哋迫，所以決定提早去做節， 偏偏屋企人都好注重健康，成日都鍾意喺屋企煮，但唔想佢哋煮得咁辛苦，我就要搵一個煮得好食、健康、地點又方便嘅餐廳畀佢哋！最終決定呢呢一間叫做「新蒸武門」， 睇過其他食評都覺得佢係一個非常好嘅選擇，所以決定同家人一齊一探究竟！佢哋已經set咗唔同嘅餐，分別係二人/四人， 當然仲有散叫啦! 但係唔想諗太多，見個餐都幾啱食，所以就決定要咗個B嘅二人餐。花旗參海底椰螺頭燉豬展～ 一開燉湯嘅蓋，香味就湧出嚟！遠遠比老火湯或者滾湯濃味！冰鎮鮑魚～ 鮑魚非常清爽、厚肉，用埋一啲酸菜做伴碟，呢個頭盤的確可以令我好開胃！腐皮卷～ 外皮煎得好香，沾上醋，亦係開胃之選生炒骨～排骨唔厚粉，亦醃得夠味，呢道菜我常食，呢度嘅水準算係唔錯！墨魚條拼春卷～墨魚條彈牙，內藏墨魚粒，口感一流！春卷網皮很薄同時有芋頭在內，很有配搭得宜！北菇扒西蘭花～ 北菇算係幾厚，成個菜嘅份量都好多，芡汁夠味，好食！蒜蓉粉絲蒸扇貝～扇貝蒸嘅時間拿捏得好好，沒有過火， 上面蒜蓉同埋粉絲都好惹味。籠仔蒸龍躉腩～ 龍躉係啖啖肉嘅位置，用上果皮去蒸，一啲都唔會腥，加埋荷葉既天然香味，味道立

觀塘找到有家住家菜便走去試試。餐廳有點隱蔽，初初行過左龍都唔知，原本位置正正在走火門轉入去。餐廳主打不加味精菜式，主要菜式都係蒸/炒/焗，款式多，有龍躉，又有大蝦，仲有肉餅選擇。是日用餐：香菇雪耳花膠燉雞湯籠仔蒸龍躉腩配炒飯底 (左）鳳梨咕嚕肉(中）梅菜蒸菜芯（右）燉湯原來日日不同款式，是日燉湯有花膠！仲有雪耳＆杞子補補身，好適合各界美女進進補。雖然雞味唔算好突出，但有冬菇花等材料增添味道。每款菜式的確FULL OF家的感覺，不含味精。龍躉用古法蒸，加上蛋炒飯，味道芳香，食指帶動。梅菜蒸菜芯，第一次呢種食法，送飯一流。咕嚕肉甜甜酸酸，非常開胃。食飽再飲杯八寶茶，有山楂消消濟，一杯令人舒服香茶。

駱駝漆大廈新開張住家菜館–新蒸武門。餐牌菜式多元化，有燉湯、魚、肉、海鮮及小食等選擇。八寶茶一早準備在枱上，客人一入坐便加熱水。八寶有菊花、杞子、紅棗、山楂等，有清肝明目等功效，而且茶香撲鼻，入口清淡。香菇雪耳花膠燉雞 ($48/盅)一盅材料十足燉湯，有香菇、雪耳、花膠、雞肉，仲有杞子、南北杏，花膠分量特別多，既補身又養顏。蒸龍躉腩配炒飯底 ($198)龍躉新鮮，用料上盛，而且鋪滿炒飯之上，整道菜式用荷葉蒸，龍躉魚香味從荷葉中散發出。飯底係蛋炒飯，吸收魚油，分外開胃。梅菜蒸菜芯 ($88)一道地道家常菜，平日好少食到。通常都係梅菜蒸扣肉，呢款蒸菜芯，梅菜在面，令菜芯吸收梅菜，好味。燒汁豬柳 ($98)肚餓原故，叫左碟方便入口菜式。豬柳分量適中，有紅椒、黃椒做配菜，有種媽媽的味道。鳳梨咕嚕肉 ($98)整道菜式色彩斑斕，而且肉身炸到脆口，混入醬炒，依然保持到肉質的脆口。

前排，跟家人到了位於觀塘的新蒸武門；地方不算太大，但依然舒適。餐廳需要茶芥，茶不是普通的茶葉而是粒粒花的，飲落特別香口。鳳梨咕嚕肉：咕嚕肉肥瘦適中，所以口感不會太硬；加上酸酸甜甜既汁，令食客更加開胃！西蘭花炒帶子：西蘭花顏色翠綠，可知不是翻炒的，口感同樣不硬！另外，帶子帶少少林和鮮味，整體也不錯。海棠豆腐：個人覺得好岩老人家食用，因為豆腐林口之外，加上有少許菇，海鮮，例如：蝦，菇；可以令整碟菜式不單調。菜膽花膠燉雞：很足料的湯，因花膠大大片放左燉碗中，口感林林地帶少少膠質；燉雞件口感也不會太鞋；味道咸咸地啊！

因先生在觀塘新蒲崗一帶返工，所以我們都多了在觀塘一帶食晚餐，今日就來到駱駝漆的新蒸武門。坐下後，侍應先送上兩杯茶，内有紅棗、杞子及圓肉，非常養生，裝茶的杯古色古香，充滿了乾隆年代的感覺。工作比較忙的關係，我們都很少煲湯，所以先點了兩個湯。猴頭菇栗子燉雞燉湯 2盅$84內有杞子、猴頭菇、圓肉、紅棗、蓮子及螺片，非常足料，飲得出的老火湯味道，湯底清甜，這個湯超讚。欖菜肉鬆四季豆$78平時比較喜歡食香口菜，欖菜肉鬆四季豆平時都比較喜愛叫來食，因這個菜在家是很難煮的因要找油，四季豆走油剛剛好，不會太乾身，炒得很香口。豉汁帶子蒸豆腐$128平時我不太喜愛食豆腐，不過先生喜愛食，所以要了個豉汁帶子蒸豆腐，味道清淡中帶著帶子的鮮甜，帶子比較新鮮，都很好味。京都豬扒$98豬扒給我的感覺就是比較厚大大件的，而這裏的豬扒就是切開一件件比較細件，與正常的肉片差不多大件，豬扒內有菠蘿，味道帶少少酸酸甜甜，可以解去食豬扒的油膩感，味道頗為惹味。

放工後，行經駱駝漆大廈，看見長長ge人龍，原來裹面集結眾多食肆。其中一間最為吸睛ge係新蒸武門。好似我呢d日日都出街食飯，成日食勁多味精，難得呢間標榜食住家菜同無味精，當然要試一試啦。入到去環境闊落，裝潢都幾新正，座位都舒服。我同友人即刻坐低睇menu,侍應又為我地沖左杯菊花紅棗山渣茶，又甜又酸，好適合女仔飲。菜式種類甚多有蔬菜、肉類、海鮮類同小食。我同朋友即刻order姬松茸燉豬展。燉湯濃郁，松茸有回甘，不錯。小食拼盆有炸鯪魚球、蝦條，春卷，炸物味道尚好，亦不油膩。欖菜肉碎四季豆尚算特別，味道不錯。宮廷香辣雞先炸後煮，甚為香口，但稍欠辣味。最後，蒜蓉粉絲蒸扇貝配以生熟蒜，愛蒜之人必定要試，扇貝小型剛好適合女仔食用。

一個無飯煮婦，雖然經常出街食飯不健康，但都會識得搵一間有營食店去食。之前來過一次，便是欣賞這裡的環境及菜式都很有家的味道，主打家常小菜，標榜沒有味精，未點餐，先提供八寶茶，感覺很養生。上一次是散叫，今次就來一個二人餐吧。先來個原盅猴頭菇海底椰燉湯，原盅上可以保持熱度，湯十分足料，飲落清潤，連湯渣都給我吃掉。再來是冰鎮鮑魚，是夏天最好的涼菜，鮑魚沒有用上太多的調味，沒有蒸得過時，蒸完放入冰水冷卻，令肉質更爽，配上酸酸咪咪的伴菜更加醒胃。小食有脆皮墨魚條，雖然外表炸得不算金黃，但食落又很香脆，墨魚條很爽口，當中仲食到墨魚粒，多一份口感。豉油皇虎蝦，虎蝦肥美彈牙，香濃的豉油味包著整隻蝦，表面再灑上炸蒜，十分惹味。時菜炒龍躉球，很有酒樓食的水準，龍躉肉很滑而又無骨，配上西蘭花及三色椒，很有賣相。蟲草花荷葉蒸雞，因為雞件用上荷葉包著來蒸，令雞件會多了一份荷葉味，雞肉滑嫩，雞件下有粉絲，雞件上就有蟲草花，兩者都吸收了雞的精華而變得好味。金菇蒸豆腐，這個跟其他菜式相比，就比較普通一些，但是一個很好送飯的菜。最後來一個飯，選了開胃的蕃茄什菌蜆肉泡飯，米飯是用上炸過的脆米，有輕脆的口感。這個二人餐的份量

餐廳叫做新蒸武門，令我諗起我嘅偶像李小龍！果然餐廳師傅真係食過下夜粥！整到好似私房菜咁好食！一坐低就有一杯養生花茶！我哋兩個人叫咗個A餐，貪佢乜都有啲，放假唔想用腦！脆皮墨魚條咬到一粒一粒嘅墨魚肉好有口感！冰鎮鮑魚鮑魚超入味！煮得啱啱好，好少何食到咁爽口嘅鮑魚！蟲草花燉豬展湯非常足料，咁多料燉出嚟嘅湯好難唔鮮甜！豉油王虎蝦虎蝦好大隻，豉油王炒夠獲氣！西蘭花炒龍躉球龍躉球幾新鮮，唔會覺得鯹！蟲草花荷葉蒸雞雞肉嫩滑，荷葉味好香！金菇蒸豆腐好滑溜嘅豆腐，啱老人家食！蕃茄雜菌蜆肉泡飯足料嘅泡飯，茄味香濃!啲飯好似係炸過，幾有口感！觀塘又一個新bookmarked食店！兩個人食真係大滿足！又可以食到唔同款式嘅菜式，推薦二人餐！

身為觀塘地膽嘅我好耐冇打觀塘嘅食評啦！呢間主打蒸野嘅餐廳都食過幾次，真係幾唔錯㗎☺️ 今次拉埋那個朋友再去食⭐️姬松茸燉豬展一飲個湯就知用料十足，真材實料，味道清甜，而且冇味精，姬松茸嘅味亦都好突出。⭐️土魷蒸肉餅用咗半肥瘦豬肉，加埋土魷，口感好豐富，而且啖啖都有肉汁，調味好好，夠晒味。⭐️籠仔蒸龍躉腩用荷葉包住一齊放落竹籠入邊蒸，陣陣荷葉味滲入晒，龍躉肉啖啖肉，肥美，加埋蒜蓉令龍躉個味更加提升，下面啲飯就用咗炒飯做底，我哋三個好快食晒！⭐️金銀蛋肉碎浸時菜食咗咁多肉梗係要有返啲菜中和返，簡單嘅配搭就可以帶出食材嘅鮮味，何況我最鍾意金銀蛋！總括而言，健康之選，絕對可以成為飯堂！

這天我和家人就慕名而來,因為聽說要早點來才不用等位,我們BOOK咗7點，於是早45分鐘已經來了，我們心裏大叫了一聲好彩!不用5分鐘就可以入去了，我地點了3餸一湯湯。香煎腐皮卷是比外面一般吃到的更要大,煎得香脆之餘裏面餡料充足,意想不到這個價錢會有這樣的份量和質素。再黎個【香菇杞子北芪銀山焗雞】🐔北芪補脾，脾有助袪濕幫助下小編既春困都好啊！時菜炒龍躉球從賣相已睇到色香味俱全,陣陣蒜香鑊氣十足~外層炒至金黃既龍躉球,肉質爽嫩多汁 ...姬松茸燉豬展其實好少機會飲到燉湯，飲得最多應該都係N年前坐月果時啦！飲落超清甜，好香菇味，方便繁忙的都市人隨時都能享用老火湯。

有次係工廈食晏路過喱間，睇到餐牌係住家菜款式，所以夜晚就黎試，果然無令我失望。枱面擺放左八寶茶，非常養生咁，可以自行加熱水飲用。西蘭花🥦三色椒炒帶子，平時西蘭花炒帶子是我姐至愛的餸菜，所以時不時呀媽都會煮，第一次試出面既手勢，賣相加左三色椒係靚啲，帶子有成9-10粒，仲要大大粒，鮮甜香味濃濃。西蘭花我鍾意爽脆啲，唔會煮到太腍，佢正正係我想要果種。椰子雪耳燉雞，聽個名都覺得可以滋潤補虛，非常足料，雪耳，龍眼，乾雞，椰子🥥，可連湯渣一齊吃土魷蓮藕煎肉餅，唔易散開，吃起來爽脆清甜，兩面都煎到微微香口，雖然用免治豬肉，食到肥膏比例都比較多，反而令口感比較彈牙。