施心畢老撾餐廳

营业中

休息中

老撾餐廳真係第一次食， Menu有詳細介紹，原來餐廳個名係老闆嘅姓，仲要原來係老撾皇族佢有成版都係素食嘅Menu超好！素食人士一定要試先上菜嘅係流心豆腐，細細舊做前菜真係一流！聞落去佢陣味有啲似臭豆腐，食落去加埋兩款一酸一辣嘅醬汁好香，裏面又好似軟心咁滑，仲有隔離嗰啲印尼脆豆好好食是冧彈雞肉見求 個名非常特別，要睇埋個樣先知原來見求即係老撾話嘅米飯，同埋係炸雞，佢嗰種炸法真係好特別，脆得來又冧冧地，啲雞肉又彈牙又嫩滑，撈埋其他配菜好好食感覺又健康由於飛機菜賣晒但係我哋又想食菜，所以叫咗個素菜米紙卷，原來為咗增加佢嘅味道同埋口感會加埋啲炸春卷但係包住啲配菜同埋少少米粉，加埋個酸酸地嘅醬汁成件事感覺好Fresh糯米釀雞翼寫到明得兩隻，原來真係啱啱好，因為係雞全翼超級大隻所以要切開一半，有一半仲要食落去冇骨嘅勁方便！裡面塞到脹卜卜，外皮好酥脆又薄老撾咖啡同越南咖啡嘅整法好似，都係慢慢滴落去然後下面加咗煉奶，不過我第一次見到咁靚嘅咖啡杯，唔知係咪皇室先有㗎呢？老闆娘無糖紅豆水個味非常特別，雖然佢真係一啲甜味都冇，但係感覺好健康好天然食到超飽每人都係$100左右好抵！

係我唔能清楚知道老撾確實係邊度之際，今晚友人帶我去食老撾菜究竟老撾菜係食咩架?!  望下呢份類似報紙嘅餐牌就知其實有D似越南同泰國菜，主打提供小食/米紙卷/沙律/湯粉/飯類及飲品，價錢都幾親民小食種類都唔少，先有呢客手打墨魚餅 ($48/4件)，一件已切開兩份趁熱食點配酸甜醬汁，可能係唔算太有厚度，口感未算太彈牙，有香軟感覺!牛油鷄翼就食得多，青檸蠔油鷄翼 ($48)就第一次食，以單骨上，食起黎比較方便先炸再淋上青檸蠔油汁，再灑上少少香芧絲，進一步增加香味!  入口青檸味唔算太突出，亦唔會太咸蠔油味，就咁單食都可以!飲品方面，多款特色飲品，有D個名都幾搞鬼，例如 : 老板娘紅豆水(無糖)，勁諗屎橋 (原來係美顔素燕窩)，但我選擇呢杯青椰咖啡 ($30)，即係凍咖啡配椰奶 (另上)可自行落多少椰奶黎調教甜度，飲落比起普通咖啡多一份香甜椰子味，個人覺得幾好飲喎!係老撾湯粉系列中，呢碗鷄肉全米椰子湯粉 ($68)就吸引住我，腦海方程式出現 :椰子湯梗係配鷄奶白色嘅湯底，好椰子FEEL呀..........味道確係充滿椰香味，忍唔住飲左幾啖!  有2舊油炸鬼，用黎索湯食一流呀! 鷄件份量都唔少

東南亞既美食不外乎星、馬、泰、越菜，係香港要接觸呢d地道菜式絕對係話都無咁易，不過要如果你想試下冷門既老撾菜可能未必咁容易。所以我就專登搵埋朋友一齊去中環附近尋尋覓覓，終於比我搵到呢間「施心畢老撾餐廳」，而餐廳老闆睇落成個混血兒咁，原來佢早就上過美女廚房既節目做客席評判，亦有「老撾王子」之稱。集文武雙全為一身既佢親自介紹左唔同既菜式，夠貼地無乜架子，抵讚！👇📌網狀蝦春卷 - $48/3件👉蝦春卷係呢到必食之選，經油炸做得入口非常酥脆，外形有層網狀包住，賣相精緻，配埋魚露一齊食，油膩感即刻無左。裡面食到好顯著既蝦肉，唔錯。📌嫲嫲鮮蝦米脆 - $68👉面頭有隻大蝦包別蓋住一大塊米脆，入口脆卜卜，索索聲真係幾滿足，中間仲夾住塊芒果仔，多左一份清新味道既層次。📌老撾酸肉腸 - $88👉同出面食到既肉腸有好明顯既差別，而且老闆話呢種酸肉腸係市面甚少見到，食落感覺係純豬肉製造。夾雜少少脂肪，味道鹹鹹酸酸，啖啖肉汁湧出黎，我覺得呢個係必食推介。📌老撾豬肉碎包生菜 - $78👉生菜包永遠既最佳拍擋就係豬肉，老撾菜亦都唔例外，佢地將豬肉碎炒得甘香微辣，再將生菜夾住一齊食，清新既口感再搭配惹味既豬肉，非常

今日下晝，我都係決定叫外賣。附近有一間食老撾嘅餐廳，我未食過老撾菜，唔知係咩味，所以就好奇叫咗呢一間。咁我就叫咗一個椰子湯雞件米線，佢啲湯同米線係分開上嘅，呢一點好貼心。個椰子湯非常之香濃，好重椰子味，超好飲呀，同埋一啲都唔味精。另外兜米粉上面有好多餸，有生菜有雞，有蝦米，仲有一啲類似蝦膏嘅物體，我唔太清楚。我倒啲椰子雞湯落去，仲係好熱辣辣，一啲都唔凍。啲蝦膏溝埋椰子雞湯，即時令到個湯好有鹹香，好正啊。我會建議外賣嘅朋友，留返少少椰子雞湯係個碗度，咁就可以食到兩種風味啦。至於啲雞件，咁當然唔會係新鮮嘅雞件啦，但雞件嘅質素都唔錯，冇咩雪藏味，啲雞件都好林，有少少肥油咁，都幾滑㗎。上面有啲油炸鬼，都幾有趣，第一次食米線上面有油炸鬼。

比佢哋個鋪頭名吸引左去食，因未食過老禍菜，遞去一試啦友人叫左個扎肉墨魚丸米粉，喜愛佢個米粉夠滑，唔似其他個些又硬同難食，扎肉同墨丸就一般水準😊另叫左個咖哩雞飯，個飯煙韌🧐配個汁好似唔太夾😞但味道都可以😌

朋友推薦來到了位於中環的施心畢老撾餐廳用膳。第一次試老撾菜，到餐廳前已十分期待。餐牌上的菜式都非常有特色，我們心大心細最後點了雜錦海鮮全米湯粉、是拉差牛油醬雞翼、燒豬頸肉沙律和雞翼釀糯米和芒果糯米飯作甜品。飲品方面則點了青椰綠茶和青椰奶茶。海鮮湯粉湯頭清甜，而且用料豐富，有蝦、青口、蜆、花枝丸、魚片、魚餅、蝦片等，米粉幼滑，十分抵食。牛油雞翼以單骨形式呈上，方便吃，十分抵讚。雞翼炸得香脆而且充滿牛油香，配搭微辣的是拉差醬，不錯。豬頸肉沙律大大碟，豬頸肉燒得香脆入味。至於糯米雞翼大大隻，釀得非常飽滿，雞翼外脆，內裡糯米煮得軟糯。青椰綠茶和奶茶有氣，椰奶非常香，配搭綠茶和奶茶香，非常有特色。芒果糯米飯也相當不錯。

好耐無嚟舊屋，趁週末有空，決定過去打點一下，先棄掉一些家具，然後再將舊物逐一清理。忙了大半天，終於略有成績，見已經執拾得七七八八，老公提議去附近找間餐廳吃頓 early dinner 才回家。記得之前友人曾向我提過威靈頓街有間叫「施心畢」的老撾小菜館，說店裡的菜式不但價錢「貼地」，而且店主亦很懂得運用香料，去提升食物的味道和層次，應該幾啱我口味，叫我得閒去試下，反正兩口子也沒吃過老撾菜，一於去找找看。原來店舖就在蛇王芬附近，地點十分便利。餐廳設計簡約，以小店格局為主，環境光鮮，感覺乾淨企理。先拿起桌上餐牌細看，食物分門別類，有小食、米紙卷、老撾湯粉、干粉、老撾見求、沙律、飲品、甜品及一系列素食菜式，另外亦有兩款適合二人享用的老鍋盤菜，選擇非常豐富。有好多款小食都很想試，心大心細，最後揀咗個盤菜 B ($298)，這客 2 人餐非常豐富，共有 8 款食物，當中包括有：燒豬頸肉、扎肉拼盤、茄子炆牛腩、鹽酥魷魚、米飯、炸蛋、透心蛋及是日甜品。豬頸肉表面燒得非常焦香，入口一點也不油膩，不過肉質食落就有點乾，幸好吃起來煙韌有彈性，蘸點微辣帶酸的醬汁吃，極為惹味。扎肉拼盤份量不少，雖然只是一小碟，

喜歡品嚐不同國家美食的我，今次發現中環有家老撾菜館，當下就決定在此晚餐~上到四樓就係餐廳，裝修很簡單，但有點中泰風味，坐低遞上餐牌，不為意會以為係報紙，先是介紹老闆的開店之源及老撾菜的始源，再翻開後面就係餐牌，分咗素食與肉食Menu，迎合而家香港人嘅健康需要，而且有法丶泰丶越混合潮州菜烹調，別具一番風味。我地叫咗D小食丶同一個炒飯外加飲料甜點首先到嘅係燒豬頸肉，肉質爽口，燒得微焦且啖啖肉，沾埋個醬汁味道更升華跟住就係鹽酥魷魚，炸出來一粒粒的，吃下有牛油香且酥脆香口然後再來是拉差醬單邊雞翼，單邊雞翼容易食，而且味道惹味非常，是下飯菜之作生菜包好大碟，不太辣，配上青瓜和九層塔食包住食，味道更出主食要咗個老撾海鮮炒飯，飯類叫求見，用料豐富有大蝦、青口丶魷魚丶魚丶扎肉魚蛋⋯仲有隻太陽蛋坐鎮，個飯整到紅卜卜，帶甜味，配上炸麵丶蝦碎和魚乾伴食，必點之選除菜式特別外，飲品也特別選擇，我地叫咗青檸梳打（可叫甜度）同青椰咖啡，用椰奶代替牛奶同糖，滿滿椰香~吃到七七八八，還是心心念念甜品，再點了一個芒果糯米飯，用上紫米和滿滿椰漿鋪面，配上香甜芒果是一絕之作，一定要吃老撾菜其實都好似泰國菜同越南菜，但佢又帶

這間樓上餐廳主吃泰國菜及越南菜式, 餐廳環境舒服, 店內好像得一個人負責點菜和遞上菜式, 他非常熱情和有禮貌的。我們點了雜錦海鮮沙律和鄉下炒飛機時菜來分享。麵類方面, 我點了是冧彈雞粉, 我朋友則點了燒豬頸肉全米湯粉。雜錦海鮮沙律 🥗— 裏面除了有芒果沙律和生菜之外, 亦混入幾款海鮮, 例如大蝦、魚、墨魚丸。沙律菜很新鮮, 味道清新, 令人開胃, 魚肉也很嫩滑。鄉下炒飛機時菜 — 時菜炒得很香, 充滿蒜香味。是冧彈雞粉 — 湯底味道香濃, 不會太油膩或過鹹, 麵底看似像米粉, 但它有一點黏黏的口感, 質感幾彈牙, 裏面亦有大量芽菜和兩片魚片。燒雞很嫩滑, 帶一點燒醬汁味, 幾惹味的。

東南亞美食之中，越南菜和泰國菜比較常見，老撾菜真心未吃過。今晚下班之後，決定跟同事嚐嚐看！「施心畢老撾餐廳」位於甲級寫字樓林立的中環，十分接近地鐵站，交通方便。餐廳環境都挺休閒的，坐得很舒服。扎肉墨魚丸全米湯粉 $78賣相幾靚，扎肉有口感，米粉都幾爽口，挺好。白咖哩豬頸肉見求 $78上菜時已經聞到香噴噴，係咖哩和香料的味道！豬頸肉煎得十分香口，還有炸薯塊作為配菜，配上糙米飯真係好飽肚。是拉差牛油醬雞翼 $48雞翼香脆可口，配上是拉差醬，酸酸甜甜挺開胃！網狀蝦春卷 $48類似港式炸春卷，配上新鮮蔬菜，感覺清新，可減低油利感。龍眼冰 $24青椰奶茶 $30老撾芒果黑白糯米飯 $38甜度剛剛好，唔太漏，適合本地人口味。完滿結束今晚的晚餐。店內簡介稱老撾人吃的甜品比香港人吃的要甜上三倍！難以想像！

香港是美食天堂, 相信大家都會非常認同, 香港有各式各類、五花八門的美食, 就連老撾菜也可以找到。某天就從友人口中得知有間施心畢老撾餐廳, 主打老撾菜, 個人而言最喜歡試試新菜色,所以便即時坐言起行, 找了一個晚上去見識一下, 豐富一下自己的飲食眼界。飲品方面,揀了杯荔枝梳打，飲落甜甜地又酸酸地, 幾清涼, 荔枝味濃郁。較特別的雞翼釀糯米, 把糯米釀入已起骨的雞翼中，每隻雞翼都炸得外層香脆無比, 但內裡的雞肉還是嫩滑和肉汁豐富，配合了糯米也是美味。最後就來個雜錦海鮮全米湯粉, 湯底是鮮濃的，配料有多款海鮮, 全部也是鮮味的，湯米粉每一口也吃到鮮味。這個晚上初次吃到老撾菜, 令人耳目一新的, 在味覺上帶來新鮮感。

第一次食老撾菜， 睇個餐牌，原來同越南菜有少少相似。首先食呢個係豬頸肉米紙卷 $48 ， 份量足， 包住米粉、青瓜、豬頸肉、蘿蔔等等。 紅咖喱雞肉見求$78， 見求即是飯，而飯是包含了紅米， 少少糯米的， 所以口感跟平時的白飯不一樣， 少少黏，幾得意。 紅咖喱以我地唔食得辣都唔會覺得辣，連雞肉，薯仔，菜一齊食， 好好味。 鄉下魚肉全椰子湯米粉 $78 - 呢個一定要推介， 特別是椰子愛好者！ 湯真係全椰子， 好香椰子味！！ 餸都好足料，有魚蛋， 另外加上鮮魚片， 加上米粉真係好正！ 飲埋呢個青椰奶茶 $30， 特別之處就係用椰奶！ 香好多！

我兩公婆好耐冇過二人世界，呢日啊囡囡跟二伯去去玩，我地真係開心過放大假，可以盡情去買嘢食嘢，老婆話想食越南菜，我就帶佢去中環施心畢老撾餐廳食，因為之前朋友帶過來食，我覺幾好。因爲今日是星期日，餐廳只開半日客唔多所以一上去就有位，老闆娘好熱情咁招呼我地及推介美食。一坐低睇餐牌先叫咗一杯青椰奶茶，飲落有好香濃嘅椰子味，再一杯荔枝冰，荔枝食落好甜好新鮮，跟住嗌咗幾款小食，先叫青木瓜沙律，酸酸甜甜好爽口好開胃，炸魷魚我最鍾意，因為佢炸得好鬆脆魷魚好新鮮好入味，豬肉薄餅，餅底整得好薄好脆加埋配料辣辣地好味，網蝦米紙卷，配埋特製花生醬好食，是拉差牛油醬雞翼，辣辣地好野味，最後叫多兩個甜品，一個係芒果糯米飯，芒果好香好甜配埋糯米飯簡直係絕配，另一個係少少甜千層糕，哩個煙韌韌好有口感好味。

是日約左朋友接佢放工同食晚飯，佢話帶我去一間平時都有去開食lunch嘅非主流菜餐廳—施心畢老撾餐廳所謂老撾菜，原來即係帶有泰國菜、越南菜、法國菜嘅元素，唔怪得之款款都好似似層相識咁啦～而依度嘅菜式仲係混合左老撾苗族、越南同潮州菜，今次真係大開眼界。-青木瓜沙津 ($68)睇相都知道有幾大盤了除左青木瓜，仲有車厘茄、豆角、生菜、青瓜粒同蘿蔔絲，超足料！同平時嘅泰式沙津唔同，佢一Ｄ都唔辣，魚露同酸味較重，配埋咸咸香香嘅櫻花蝦碎，絕對係必食開胃前菜-手打墨魚餅 ($48)口感非常彈牙，一食就知明顯係手打出黎，墨魚餅經半煎炸處理，沾少少佢提供嘅醬汁，可以減低油膩感，好食～～-士拉差牛油雞翼 ($48)餐廳好細心做左單骨雞翼，女仔食起上黎一d都唔麻煩雞皮香脆，肉質鮮嫩，每舊平均沾上左醬汁，食到停唔到口～！sauce嘅牛油味稍稍比士拉差味突出，個人認為可以辣番少少，但同行友人因為唔好辣，就已經好滿足所以驚辣嘅朋友唔洗驚，可以盡情食！-豬頸肉白咖喱見求 ($78)原來老撾菜嘅白咖喱同平時食開嘅係完全唔同味道唔辣且椰漿味濃，餐廳用上紅米飯，可以略略減低椰漿嘅膩度。厚切豬頸肉juicy唔乾身，配菜有豆角

東南亞菜式中，越南和泰國的就吃得多，老撾的還是第一次吃。店內簡單的設計，東南亞風格的盆子，還有手畫的粉筆壁畫，充滿民族風味。餐牌太多新奇的選擇，於是首先叫飲品。熱青椰綠茶，綠茶有種說不出的花香氣，椰奶按自己喜好加入茶中，青椰奶的品種問題，本來味道就比較甜和濃， 所以不用再加糖了。冷青椰奶茶，茶味香濃，加入甜甜的青椰奶，椰香味十足，放上乾冰，連視覺效果也出來了。之後就是點了一個二人份量的盤菜，一份盤菜有很多小碟地道老撾菜。燒豬頸肉其實是豬面頰肉，肉質爽脆，燒得熱辣辣，配上微辣的酸辣醬汁，很是惹味。扎肉拼盤的肉很白，鮮甜彈牙，扎肉內有胡椒粒，厚實香脆。茄子炆牛腩，無論是茄子和牛腩都炆得好唸，牛腩肉質少筋，很入味，茄子軟滑，加上香葉和炸豆調味，很有特色。鹽酥魷魚炸得香脆，外脆內軟，魷魚爽口彈牙，炸得金黃色，特別吸引食慾。炸蛋外層是鮮魚打成的魚肉，充滿魚鮮味，裡面是炸魚蛋包着一個皮蛋，怪不得英文叫the unexpected fish ball.1/2透心蛋，顧名思義，一半的蛋是透明的，很彈的感覺，第一次看到咁特別的菜式。是日甜品是少少甜千層糕，看顏色分別有幾層，軟滑的糕點配上爽脆椰絲，口感豐