日喜樓 (已結業)

早前因百碟宴而認識這裡 但未有機會一大班人試 這裡的裝潢優雅，環境舒適，感覺寬敞設不少卡位跟圓桌，用的是電子餐牌北京填鴨可選半隻或一隻份量放上青瓜條、葱段和甜面醬可按自己喜好作配搭為味蕾帶來不同感覺 吃來亦很甘香四喜臨門，有原味、蒜香、九層塔及茴香用不同的食材製成包皮，做出不同味道的小籠包外皮厚薄適中可輕易挾起，而且不易鬆開肉汁很多，小心盪口四川擔擔麵吃起來麻而不辣裡面有碎肉跟蔥花均勻攪拌之後整個香氣更是散發出來麵來得彈牙，掛汁力強于煽四季豆蔥薑、肉末，煸炒過的肉末鹹香有味油炸過的四季豆清甜軟嫩，口感恰到好處銅鑼灣登龍街18號V Point B1樓

今日有老人家一齊食飯，當然要揀番間岩大家口味又座得舒服嘅餐廳食飯喇，餐廳係時代廣場附近，地點都好方便，餐廳環境寧靜，座位闊落寬敞，裝修有格調高雅，環境很好，仲聽講廚師係係六星酒店過黎添😯.叫左佢兩款招牌推介小菜，包括酸菜桂花魚同片皮鴨😃 酸菜魚主要係咸酸菜嘅味道，同琛圳食嘅味道完全不同，係比較家常菜，桂花魚肉厚滑漏而而且起骨很乾淨，可以放心大口食用送飯。 片皮鴨嘅烤味濃郁，可見其誠意製作，皮位置較少，食起上黎冇咁油膩。.另外佢地嘅包點都做得非常出色，小籠包，生煎包，牛肉包仲有肉鬆餅都各有特色，非常美味。

某日路過登龍街有人派單張， 開心share俾同事睇，結果就促成左今次呢個飯局， 嚟試新餐廳，碰巧是星期二，叫餐都有八五折，我哋剛好四人叫咗個四人餐， 平均每人$100都唔使，試到幾多野！ 前菜三小碟手拍青瓜、海蜇同雞絲粉皮質素都OK個碟好靚油淋雞- 同事個個都話好吃！ 酸菜魚比較鹹魚係好滑好味，但就得4塊，一人一塊有啲唔夠喉個娃娃菜有驚喜個個食到都覺得好甜好好味！北京炒麵就冇乜特別生煎包，個底都夠脆，咬入裏面仲有湯汁！雷沙湯丸都好味，要趁熱吃個個食到捧住個肚走

銅鑼灣登龍街V-point B1樓，日喜樓裝修優雅，座位寬敞舒適，點左至愛的蟹粉小蘢包，皮薄餡靚又多汁，蟹粉很香又鮮甜，正到無得彈。爆汁牛肉餡餅，一咬開牛肉汁就會噴出來，牛肉味濃香勁好味。蜜汁火方$148是好似饅頭質地薄片，夾浸左蜜糖的金華火腿再加炸脆薄片，滿口脆軟甜鹹，多重味道很特別又很夾。酸菜班片，石班肉很新鮮配酸菜和辣椒🌶️極惹味，我們吃到極速光碟。雪菜肉絲炒年糕，年糕煙煙韌韌、軟滑真好味。羊肉🐑搶湯麵，羊肉腍滑，湯底好香。每樣食物都很好👍很滿意，我會再回頭吃其他食品。

銅鑼灣V point 可以說是高級美食集中地，今天我地就來到V point底樓的日喜樓食飯，餐廳走型格中菜風，室內設計時尚典雅，顯得很高檔。環境舒適清潔，侍應很熱情友善，主動介紹推薦菜式。我地叫來兩杯鮮榨西瓜汁，清涼解暑，簡直系夏日福音。點左份五香薰魚，熱辣辣口感好特別，晤同出面d冷盤，呢道薰魚既肉質比較厚實，口感棉密確不硬，醬汁入味，略帶酒香，淡出桂皮茴香的味道。呈醬紅褐色，油亮亮的，色香味俱全！黑松露野菌炒飯，份量滿足，遠遠就聞到黑松露的香味，米飯爽口，伴隨野菌同蛋白，香氣逼人，非常好食！宮煲蝦球，有少少辣，因為佢系酸酸甜甜的辣，我呢d晤食得太辣既人也好鐘意食！超級開胃的味道，薄薄的有一層炸粉包著，咬開炸粉的蝦球依舊大大粒，用料上等，有誠意。原條酸菜桂魚，師傅已經將桂魚起晒骨。一片片魚肉相當嫩滑細膩，酸酸辣辣，恰到好處！闊條薯粉口感好Q彈，吸收湯汁非常夠味！同醃酸菜，蘿蔔一齊食簡直係絕配。

應該好多人都有聽過喺香港食百碟宴，排場誇張又搶鏡嘅京川滬菜。今次同另一個朋友去食日喜樓，但係因為百碟宴最少都要6或者12位，所以我哋今次就選擇咗同樣好好味既散叫菜式🥰日喜灌湯小籠包 ($74)我係一個徹頭徹尾嘅小籠包控，只要有小籠包嘅地方就有我。黎到日喜樓當然都唔例外， 因為我覺得係上海菜嘅地方試小籠包就可以分辨到間餐廳嘅水準。小籠包一共有四隻，老實講我可以自己食晒一籠😂小籠包皮薄到晶瑩剔透，可以望得到裏面啲湯等緊我將小籠包咬開，然後就會好似洪水氾濫出嚟，掩蓋我嘅味蕾！小籠包肉好粉嫩，肉質唔會好鬆散，亦都唔會好結實，中和之道大概就係咁嘅意思。😇黃金蝦球 ($188)同行嘅朋友好鍾意黃金乜乜乜，於是我哋就叫咗黃金蝦球，其實呢味餸都係我同佢每次去餐廳一定會食嘅。蝦球好大隻，就算只係得蝦肉嘅部份都有我手掌心嘅大。一咬入口蝦肉彈牙度十足，可以想像到日喜樓用咗非常新鮮，仲識游水嘅活潑生猛虎蝦，甚至乎係更加大隻嘅蝦！黃金脆皮好薄，絕對唔會有一舊粉凝固而影響口感。爆汁牛肉餡餅 ($48)顧名思義就知道呢個牛肉餡餅來頭並非一般，大家真係要小心食，而且要攤涼少少先食，因為一咬開牛肉餅，啲牛肉汁就會噴出嚟

今日去銅鑼灣行完街，想食四川菜，喺openrice搵到間近times square,所以去試吓。入到去裝修新淨，坐得都好舒服。大千雞-呢個名幾特別，所以叫黎試吓，配菜有大量蔥同雞一齊炒，個醬汁甜甜辣辣，好惹味，雞肉保持肉汁，冇overcook,幾好食。水煮牛肉-食四川野點可以唔叫水煮系列，我地叫咗水煮牛，牛肉份量都幾多，仲要塊塊都幾大塊，煮得好嫩滑，牛肉完全唔會鞋口，而配菜入面有薯粉同芽菜，個水煮汁都算幾辣，d牛肉同配菜吸收晒d汁，好好味，食完一啖仲想再食。蝦仁炒飯-蝦仁粒粒白雪雪，好爽口彈牙，好鮮味，而炒飯都粒粒分名，唔會炒得太濕，好夠味。牛肉涵餅-外皮煎得好脆，個包入面裝滿湯汁，咬落即爆汁出黎，入面湯汁似小龍包d味道，而d牛肉涵都好滑，好有肉味。炸饅頭-外皮炸得好脆，熱辣辣，即叫即炸，碟底都唔見有油，炸得好乾身，配埋練奶，當一個甜品咁食，好滿足。

被餐廳Menu 內的百碟宴深深吸引，小菜用上精美小碗承載，有齊涼菜、京菜、熱菜、甜點。可惜要提早預訂這裏的雪菜切得比較碎，跟傳統的有點不同。年糕本身沒有味道，配合雪菜一起炒，就吸收了雪菜的鹹香。年糕份量看似正常，但實質十分飽肚。蝦球細細粒，被黃色的蟹粉包圍，令人垂涎！香濃的蟹粉與蝦的鮮味在舌頭間跳動。口味比較重，建議蝦球要趁熱食，不然會有點油膩。松子魚是著名粵菜，廚子將魚切開，炸成松子形狀而得名。原條魚上枱，外皮炸至金黃，再淋上酸甜汁，灑上松子，賣相高雅大方、氣勢十足～魚塊外層脆口，粉漿不會太厚，可清晰看到內裏的魚肉。魚肉質嫩滑肥美，配合松子、蕃茄、洋蔥、菠蘿、青豆等配菜同吃，酸酸甜甜，開胃非常，用來撈飯一流！

已經第二次來幫襯日喜樓 品嚐佢地既中菜，但今次最失望是經理話蛋白貨源有問題，令到我地最想食既賽旁蟹和高力豆沙都冇了。本身滿心歡喜想食。不過其他整體菜式都保持水準，係一間有心既中菜館

呢日同左個好耐冇見既朋友約左食飯，諗住好耐冇見，想搵間坐得舒舒服服既餐廳，係銅鑼灣既地舖比我搵到有野好野，緊係要帶佢黎食啦，餐廳似乎幾大，要落一層係地庫，同埋環境好光猛，室內設計都比人有種高級既感覺。一坐底侍應就比左部平板電腦我地，可以係部平板到睇下有咩好食，太多菜式都唔知揀邊樣好，侍應姨姨就推介我地一場黎到點都要試下佢地既招牌菜-北京填鴨啊，同埋水煮魚都出名嫁，咁我地就決定左點「北京填鴨」，「水煮桂魚」，「雞絲粉皮」，同埋「砂鍋雲吞雞」。1.北京填鴨 半隻 $228我地人少少食唔到咁多份量，所以叫左半隻試下，原來半隻份量都唔少嫁，而且配以大葱絲、黃瓜絲、甜麵醬，用薄餅卷着食用，佢既薄餅卷幾透薄，令到食落去既口感唔會太乾，同埋加上片皮鴨既油脂，食落更香，唔錯。2.水煮桂花魚（原條）$288呢個就厲害啦，一上菜發現原來都幾大碟，個魚頭好壯觀，同埋聞到一陣陣好辛辣剌激既香味，睇到表面放左好多辣椒仔，桂花魚既質地好嫩滑，而且非常有魚香味，加上辣辣地，仲好入口，而且魚下面仲有d水晶粉皮係到，質地彈牙得黎又滑，好好味。3.雞絲粉皮 $58另外食中菜必點既雞絲粉皮同樣出色，有少少花生醬點綴下，一齊

從網上介紹，得知銅鑼灣有一中餐館主打百碟宴，一直心思思想試，但礙於人數關係一直未能成事，幸好這裡還有小菜提供，於是便跟兩位朋友們先行嘗試其他菜式。適逢中秋臨近，菜館已率先推出蟹粉菜式，咁吸引當然要試試啦，於是便點了蟹粉炒年糕。光是賣相已非常吸引，黃黃的蟹粉配上粒粒蟹肉還有蟹膏，年糕煙煙韌韌口感十足，味道一流。砂窩雲吞雞(半份)，優惠價只需$98，十分化算👍🏼湯底清甜，雞肉出奇地嫩滑，雲吞皮薄料足，還有大量的黃芽白，3至4人食就份量剛剛好爆汁牛肉餡餅(兩件) $48由於朋友唔食牛，真係走寶了...食果陣要份外小心，因為肉汁真是會爆出來的😂醬爆肉絲$128配4塊薄餅肉絲爽口味濃，底下還有大量京蔥絲，即使沒有薄餅亦很好吃😋吃到最後少不了澱粉質，點了北市炒拉麵，韮王和豬肉絲完美配搭，麵條彈牙。

今日去銅鑼灣食中菜今日食的中菜比較特別是比較精緻的京川菜一入門就覺得環境舒服整潔光線明亮。我們兩個人點了蟹粉小籠包皮好簿！湯汁好多！酸菜魚味道酸酸辣辣，魚肉香濃軟滑！內面的配料好入味！真的是辣得酸爽呀！😏😝😝蔥燒海參好好味！海參發得好透，爽口彈牙！又軟滑！好入味！主食一個菜麵清清淡淡的！麵質好彈牙！一個牛肉麵牛肉好新鮮，麵質好爽口！總結價錢 合理環境 好舒服整潔光線明亮味道 食物質素水平好高！服務 好好服務員會推介適合的食物！

周日到銅鑼灣辦事，夜了與拍檔打算食完飯才返家，遊行大軍殺到之前躲進位於地庫的日喜樓。雖然位於地庫，呢度坐得舒服，有獨特風格，菜式選擇都多，價錢唔貴。今晚宮保蝦仁最出色，個汁甜酸辣平衡得很好，大蝦碌夠爽，入味，建議汁唔好浪費，點個蒸饅頭配食。食過日喜樓幾次，這家飯店的包點全部都可以，今晚的蟹粉小籠包同樣是水準之上。自家製油淋雞味道及賣相都好，雞都嫩。鐵板煎封鱈魚扒優點在熱辣，魚扒大而厚，醬汁味道豐富，因為用鐵板上，以菜苗墊底可以避免煎焦，而且吸收了流出來的醬汁。最後一碗熱湯麵，羊肉搶湯麵有風味。

琴晚，和家人去了銅鑼灣v-point的日喜樓食中菜；在 網上所看已經知道食物好吸引，所以特別期待～據職員所說，凡五點半前入座可以全單七折；真的很抵食啊！！服務也是必讚的，侍應服務周到；而且很有禮貌啊！茶位為12蚊/位。醉鴨舌：的確要推介小菜之一，因為本人吾食得辣對出面通常有既麻辣鴨舌也吃不到。但依度竟然有醉鴨舌，令吾食得辣既我可以一嘗！鴨舌份量好多，而且每隻鴨舌也大小剛好，口感林中帶爽口，正！酒味濃郁又吾會苦，整體做得很出色啊～杞子花彫醉雞：見醉鴨舌做得甘出色，所以也點了醉雞。每件醉雞啖啖肉，口感又滑又嫩；同樣地酒味不會令醉雞過苦。日喜灌湯小籠包(四隻)：小籠包皮薄，但依然可以包住當中既肉汁。當一咬開，肉汁慢慢流出很juicy！入面既豬肉很鮮味，非常好吃！砂鍋雲吞雞(半份)：對二人黎講確實足夠有餘，湯底極鮮甜，當中既雲吞粒粒刀好大隻又夠滑；而雞肉配合一齊食，也不錯。北京雙面皇：麵有脆又有軟身，脆而不油膩，令食客有兩重口感；另外，配以肉絲和芽菜作配料。香糯擂沙湯丸(三件)：入口軟糯，中心有芝麻蓉流出，芝麻味什種。整體唔會太甜，正！！

陪同事去銅鑼灣買嘢，喜歡食上海菜的她，提議去V Point的日喜樓食晚餐，她說店內燈光明亮，座位寬敞舒適。食物又好味！我聽到都好想去食，就一齊過去食晚餐。清炒河蝦仁，河蝦晶瑩剔透，冇需其他配料就咁清炒已經鮮味又爽口。砂鍋雲吞雞半份，奶白色的湯底好鮮甜，有金華火腿的鮮和咸香味，津白林甜，半隻雞鮮嫩，侍應會為客人將雞撕開，方便進食，雲吞皮滑餡飽滿，有肉有菜有鮮味。四川擔擔麵，湯底夠濃郁，有麻醬香味，不算太辣，拉麵幼滑，掛上肉碎和湯底，都好好味！北京炒拉麵，炒得乾身夠鑊氣，拉麵加入韭黃、肉絲炒增加口感，味道調得夠味！椰汁小曼頭，即叫即炸，外脆內軟，點鍊奶味甜又有椰香味！