日喜樓 (已結業)

食好西其實使咪理由，想食就去馬😏日喜樓係我地其中一間最喜愛的中餐菜館之中，就腳又好味，食過番尋味😋杞子花彫醉雞 - 酒香皮爽，加上雞肉沾上的花彫酒香，連個汁我都試飲埋，真係無得彈！砂鍋雲吞雞- 雖然食咗個花雕醉雞前菜,但我的兩口子咁鍾意食雞又點會夠喉，於是乎再叫左砂鍋雲吞雞 。娃娃菜雲吞再加上清雞湯就係呢味餸的主要材料。娃娃菜煲得軟林清甜，我地2個爭住搶食而個湯又夠清，啱哂我地口味。鐵板煎封鱈魚扒 - 煎得皮脆肉又夠厚，對於唔鍾意吐魚骨的我地黎講的確係好方便，而且味道剛好不太濃，可以一試。爆汁生煎包 - 每食去親日喜樓都必食永無失手。生煎包皮薄底脆，湯汁唔會太肥膩，但就真係要小心個爆汁，因為新鮮整起d熱汁真係爆射出黎！四喜臨門小籠包 - 特色的4色小籠包，賣相一流，味道不俗，小籠包愛好者可以試下。

早前經過銅鑼灣，相約朋友來吃飯環境好摩登，食物款色選擇多，中西合璧吃過後大愛呢個熱話梅薏米水HKD58好好飲賣相精緻，用上充滿中國色彩茶壺盛載酸甜好飲四喜臨門四色小籠包十分吸引HKD58有4款口味小籠包原味，蒜香，九層塔，茴香味道特別，皮薄餡靚蔥燒海參HKD188十分吸引，一端上來就好香，好入味海參好軟好滑陽春麵HKD38味道比平常吃到既更好吃，清而不膩，麵彈牙甜品亦都比平常吃到的更特別，有香蕉餡在內既高力豆沙香蕉球HKD38香甜帶蛋香，比平常吃到的反而無咁甜整體味道好討好又好飲，真的要再來！

同事經常係銅鑼灣揾食，今次他們就帶左我去日喜樓食午餐！餐廳有Lunch Set 可以選擇，價錢可以講係幾抵，因爲lunch set $88蚊包了一款主食，一杯飲品和六款的小菜！！而且可以無限refill。簡直是食物多元化之餘又能食到飽。六款小菜:今次的小食有雞絲粉皮，山東水餃，番茄煮蛋，鼓椒苦瓜，炸饅頭等等。還有一款是經典脊肉，不過大部分的同事都唔食！所以叫做店員不用上。六款的小菜都各有特色，精緻而且美味，絕對無因爲是可以無限refill而馬虎。雞絲粉皮清爽開胃，鼓椒苦瓜惹味健康各有千秋。葱爆牛肉配豬骨燴面：燴面的面質感一向偏軟！不是人人都會喜歡，但我就很喜歡偏軟身的麵條。葱爆牛肉醬汁非常惹味，而且炒得夠鑊氣，牛肉亦嫩滑！配上大葱令人食不停口。油淋雞配四川擔擔面：四川擔擔面香辣過隱，食得辣的朋友不妨試下。油淋雞的醬汁酸酸辣辣令人很開胃，雞件外皮脆脆地像炸子鷄一樣，雞肉則嫩滑多汁！同時們都好鍾意食。最後的飲料我地分別叫做熱的忋子紅棗茶和話梅薏米水，兩款飲料都非常健康！梅薏米水仲有去溼功效。

朋友圈早嚷著要組團到日喜樓食百碟宴，可惜一直未能成事，今天只有兩人撐枱腳，先品嚐一下其他菜式。環境企理，牆飾摩登，座位舒適。除四人雅座，還另設一席大圓枱，可供12人一起用餐。點了幾款特色菜式，橙燒醉脆鱔 $148，是推介菜式。味道帶點甜酸味，口感跟炸魚皮相似，完全的脆口鬆化。比薯條幼一點，用鰻魚做的脆條，用料太過矜貴吧！除了魚條外，合桃也相當不錯，鬆化脆口。雲吞雞 $98，這是今期優惠推介價錢，超份量充足，最少有六碗以上，超抵食。用料充足，每份都吓有半隻雞！雲吞饀料鬆軟，湯底白菜味道突出，是個不錯的選擇。鮑魚慢烤紅燒肉煲 $228，餐牌列明每煲有四隻五頭鮑魚，超值抵食。鮑魚是湯匙般大，質感彈牙。紅燒肉夠腍，炆汁甜美；肥肉滑嘟嘟，瘦肉香諗。四川擔擔麵 $58，湯底味濃帶麻，不算很辣，麵質彈牙，價錢也合理。還有得多菜式沒吃到，有機會下回再試。

今日繼續生日月, 朋友請小弟往銅鑼灣日喜樓食中菜, 我們點了北京填鴨，小籠包、蝦仁炒飯、高力豆沙香蕉球、橙汁和西瓜汁。北京填鴨食落肉味香濃, 食落有油花、鴨皮食落薄薄香脆, 肥而不膩,薄餅食落香滑軟綿,青瓜爽脆、醬汁惹味、薄餅連鴨件一起食齒頰留香, 惹味無比；小籠包湯汁很多, 味道香濃、肉質鮮甜, 皮薄餡靚小籠包；蝦仁炒飯飯粒炒得乾身, 食落有鑊氣、蝦肉肉質鮮甜彈牙、蔥花帶出飯的美味, 足料美味的蝦仁炒飯；高力豆沙香蕉炸得金黃, 糖粉甜度適中、豆沙咬落香甜、整份高力豆沙香蕉甜度適中, 食落美味；最後橙汁是鮮柞橙汁, 甜度適中。餐店座位簡約舒適, 食物美味高質, 個人很欣賞餐店重視環保, 例如用I pad落單, 減少紙張和飲品用紙飲管, 減少塑膠, 謝謝朋友宴客, 食了一頓高質美味中菜。

登龍街好多好野食，相信依句statement大家都唔會反對，今日同媽咪食左日喜樓，典型既一間上海加四川餐廳。所以我地都叫番啲典型既上海菜食，下次有機先再試埋啲川菜。我同媽咪嗌咗醉雞，小籠包，熏魚，鍋貼，擔擔面。醉雞全部都係用雞髀，雞肉非常嫩滑，酒味冇過重，幾好，賣相都十分好同埋份量都夠。小籠包正常地多汁。過熏魚整得唔錯，類似有糖醋魚嘅感覺，小小嘅酸甜味，熏魚外層非常脆口。鍋貼外皮較硬身。擔擔面味道非常濃郁，有少少辣，佢依款係冇花生味嗰款嘅擔擔麵。呢度有啲特飲買一送一，我就試咗個香茅薑茶，感覺有啲似薑味汽水走氣同埋多咗香茅，感覺幾清新。總結：價錢同食物質素成正比，座位坐得好闊落，同朋友黎小聚嘅話都係一個唔錯嘅地方。

點心、涼菜、熱菜任食好想大讚呢到lunch任食系列，今次食咗雲耳、雞絲粉皮、莧菜同埋紅燒茄子，仲有蔥油餅同上海雲吞都係任食！真係好抵好抵，而且質素非常好，朋支都大讚價錢抵食，而且全部都係份量十足嫁。特別鍾意係雲耳，第一對身體好，第二好入味同好爽口。其次就係要推介上海雲吞加埋落個餐既陽春麵到食真係不得了。爆汁生煎包呢個係之前朋友話嚟食一定要點，D汁真係熱辣辣爆哂出黎差D接都接唔切。底個皮好脆，好好味。而且仲大大件，一個有4件價錢絕對唔貴啦。日式燒肉汁雞扒餐大大塊日式雞扒加埋陽春麵都咪話唔正。而且雞扒加咗芝麻又幾好味，麵底淡我幾鍾意，因為任食小食太多，個麵都食唔哂，但食哂個豬扒。皮好脆，但其實真係好飽，大家想食飽又多選擇嘅lunch不妨考慮下。

小編想食好耐北京填鴨，門口見到有優惠$228半隻鴨❤️份量都好夠，可以3個人食鴨唔算太肥，包鴨皮好薄身夠熱同一層層隔開👍🏻nice 鴨肉鬆軟，鴨皮都香口上湯浸翡翠苗翡翠苗吸收晒個湯嘅味道，配埋金針菇同萵筍，非常好食，食菜既必叫👍🏻雲呑雞超抵食，一鍋嘅雲吞雞又有唔少雲吞仲有半隻雞👍🏻好夠食豆沙窩餅❤️中菜甜品依個最有驚喜，唔算太甜出面唔係好多地方食到依間小編會再幫襯，好想試佢紅燒鮑魚同百碟宴

日喜樓📍銅鑼灣登龍街18號V Point B1樓銅鑼灣新商場開咗好多食肆Kay Gor 今日同屋企人試一試中菜扁皮鴨半隻份量都好夠3個人食扁皮鴨，香，脆，嫩👍🏻👍🏻👍🏻👍🏻👍🏻鴨有油香唔算太肥食扁皮鴨除咗鴨之外其實皮都好緊要呢間餐廳將啲皮一層層格開，所以食嗰陣時係好軟熟同埋夠熱🥙爆汁牛肉餡餅👍🏻👍🏻👍🏻👍🏻係一咬落去湯汁，係噴出黎👍🏻雲呑雞👍🏻👍🏻👍🏻👍🏻👍🏻$98超抵食，一鍋嘅雲吞雞，雲吞有八至十粒半隻雞，雞肉煲完都好滑身雲吞皮薄餡多冇鹼水味個湯好大鍋有雞味帶略嫌有啲咸Kay Gor 推介 👍🏻👍🏻👍🏻👍🏻👍🏻備注👍🏻5粒代表最推介

銅鑼灣登龍街有一間上海菜味道唔錯,今次就同大家介紹下 一份牛肉煎餅小巧,略帶金黃色煎得香脆 咬開滿滿既牛肉汁噴出小心燙口,可以咬開小口先啜湯汁再食肉餡肉味鮮甜 再來一客生煎包咬開生煎包,同樣好多湯汁,用鮮肉,味道更濃郁 肉餡亦都好多,味道唔錯 超多湯汁,好甜銅鑼灣登龍街18號V Point B1樓B1/F, V Point, 18 Tang Lung Street, Causeway Bay港鐵銅鑼灣站 B 出口, 步行約4分鐘

係上網見過好多次依間餐廳有好多朋友嚟食👏🏽全部都係嚟食百小碟，可惜，今日得兩個人，唯有試住佢啲小菜先啦😂😂😂餐廳位置好方便，好易就可以去到啦❤️👍🏼電子化菜單👍🏼👍🏼環境舒適👍🏼我哋叫咗清炒萵筍絲，味道適中，唔會覺得好多油👍🏼👍🏼👍🏼酸菜斑片，佢係用咗龍躉，唔似一般嘅酸菜魚 非常好食❤️❤️❤️👍🏼👍🏼👍🏼大頭蝦炒年糕！依個係全晚嘅焦點❤️❤️❤️年糕好入味，配搭埋大頭蝦嘅鮮味，真係冇得頂👏🏽👏🏽👏🏽👏🏽👏🏽

屋企人鐘意食中菜，所以今日簡左間食傳統京川滬菜既餐廳。餐廳地方好大，都幾多沙發位。坐得好舒適。仲有電子餐牌，中式餐廳黎講都算少見。食物種類都幾多，花左唔少時間去點菜，樣樣都好吸引。今個月仲有推廣優惠，叫左雲吞雞半隻$98，非常抵食。有湯飲又有雲吞雞食。店員會分開係另一個位置分湯同雲吞，每當見你飲完一碗再比你加，服務好周到。雲吞有6粒，粒粒都又滑又大粒，好足料。雞就會拆左部分骨分好另外上一碟。2個人每人都飲到成3碗湯，份量真係好夠。上海粗炒，味道不錯，幾有咬口。上海鮮肉鍋貼肉鍋貼和蒸銀絲卷，鍋貼好多汁，皮唔會太厚，十分鬆脆。銀絲卷，每次食京川滬菜都必點，內裡呈現一絲絲既包好軟熟回鍋肉少少辣，好惹味

近兩個星期日都經過銅鑼灣鵝頸橋，見到V Point的日喜樓，不其然想起很久沒有嚐過京川滬菜。是日與友人飯聚，相約於日喜樓，喜其清雅簡約，光猛明亮的裝修。是日點了三款小菜及半隻雲吞雞，雲吞雞於六月做精選推介，平日198元，特價98元，抵食得很。四川回鍋肉回鍋肉肥瘦適中，大葱帶有辛辣味，醬汁濃厚，送白飯很匹配。黑松露炒蝦仁此餸雖然碟子小小的，但河蝦仁數量不少。河蝦仁雪白剔透，入口鮮爽，不老不韌，配上幽香的黑松露更能提升其香氣。奶油娃娃菜奶油津白是一道上海菜館必叫的菜式。 奶油娃娃菜香甜濃郁，配上火腿蓉，鹹香惹味，娃娃菜吸盡其精華。雲吞雞雲吞雞已預先分好，此窩有半隻雞、六粒菜肉大雲吞及一點白菜，雞湯味道很濃郁鮮甜，雞隻件頭不大，雞肉嫩滑，菜肉雲吞很結實碩大，每人食上三粒實在有點飽。

同屋企人食中菜通常都會覺得好悶，因為黎黎去去食既野都一式一樣。但黎到日喜樓，不論係裝修、服務定菜式都幾比到我新鮮感。(前)雞絲粉皮 $58(後)橙燒醉脆鱔 $148雞絲粉皮麻醬夠濃夠掛汁。脆鱔炸到非常香口，似食緊零食，仲要有滿滿既橙果醬做汁，大人小朋友都鐘意。羅春閣爆汁生煎包 $78好似個名一樣，要小心食，好容易爆湯汁。值得一讚係個底煎到鬆化而唔會太燶，湯汁好夠味，唔洗要醬油都得。勝瓜上湯煮蜆 $168店員推介既勝瓜煮蜆，夏天恩物。大蜆除左厚肉，蜆鮮味亦好突出，同上湯相輔相成。薑蔥大頭蝦煮年糕 $258大頭蝦很巨大，拉直他就跟筷子一樣長，肉質亦很彈牙。底部用上年糕作配料，煙韌可口，還吸收到放滿蝦膏的湯汁。北京填鴨（半隻） $228家中小孩最期待的片皮鴨，可以點上半隻，讓一家人嘗下鮮，幾個人吃剛剛好。北京填鴨皮肉均稱，唔會太肥，如果皮能燒得更脆就好。這裡的餅皮好透薄，而且蒸得熟透，唔會仲見到一層麵粉。而且店家好細心，用上紙去分隔每一層餅皮，甘樣就可以保全每塊餅皮都是完完整整。這裡每位員工都溫柔有禮，笑面近人。食完呢餐，已經答應媽媽下次生日再帶她來吃百碟宴！

今天嚟到銅鑼灣，朋友帶我去日喜樓食川滬菜，鵝頸橋過完馬路行入登龍街就見到電梯，好易揾。新穎格調的室內設計，讓人有輕鬆舒服嘅感覺，胃口自然大開。朋友是生胴飲食一族，陪佢唔食包唔食餃唔食麵，今餐只吃肉，朋友話呢度有好多菜式都啱佢食。我們叫咗五個菜，杞子花雕醉雞~ 盛載嘅缽子好漂亮，雞件好滑，酒味香濃，愈食愈滋味。大千雞~ 感覺像燻魚嘅做法，雞件炸得香脆可口，醬汁甜甜地辣辣地，非常美味。孜然羊肉~ 我平日少吃羊，但孜然羊一定食，因為孜然這個味道同羊真係好夾，簡直係絕配，師傅炒得啱啱好，羊肉唔會太熟，有口感得嚟唔韌。銀芽炒鱔糊~ 最近想食鱔糊好耐，今日終於有機會，這個菜做出水準，爽口銀芽配嫩滑鱔肉，果真不錯，味道濃得嚟唔會太鹹。黑松露天椒炒蛋~ 這個是呢一餐我最喜歡嘅菜式，只是落咗少少辣椒粒，唔會太辣，香濃嘅黑松露配滑蛋炒菇，堅正！這餐廳有廂房，佈置很優雅，晚一點有客人食百碟宴，見店員不斷送入許多漂亮缽子盛載的菜餚。如果唔夠人多，也會有50碟宴，菜色也大同小異。