明記 • 潮鍋 (已結業)

進入餐廳，以為看到的是熱騰騰的火鍋畫面，怎知給我的第一個感覺是：涼快。不是因為溫度涼快，而是燈光較黯，這種燈光在用餐時發揮了作用，縱使在熱騰騰的火鍋前，也不覺得熱，用餐感覺很舒服、清涼。我們點了B餐「至尊海鮮套餐」，主角當然是海鮮，但配角們都不輸蝕。由於每個食材上檯時視覺效果太震撼了，必須手機先食。大檸檬茶隆重介紹的是大檸檬茶，冰塊是可愛的冰公仔，其容量之多，刷了一晚火鍋仍然未喝完，$28元，非常超值！ 蘋果雪梨湯人生吃火鍋無數次，竟然第一次遇到這種湯底，清新。波士頓龍蝦海鮮盤主角出場，有龍蝦、鮑魚、聖子王、元貝，還有廚師發辦的魷魚片、蜆、蝦等。這些海鮮來自廚房的魚缸，即點即劏，非常新鮮。刺身拼盤我不吃刺身，留給朋友搞定，據說質量可以。本地手切牛肉由於B餐沒有牛，所以另外點了個本地手切牛肉，嫩滑，有口感。還有雜菜盤，忘記拍照，但分量超多，遠遠超過28元的價值，記住要點！ 整體用餐感覺很爽，食材新鮮，坐得舒適。值得一提的是，服務超級好！全程被服務的感覺。

今晚去咗明記潮鍋食晚餐，一直想來是因為這裏除了火鍋還有很多海鮮食，而且海鮮是按人頭計，所以就算兩個人都可以試到好多款海鮮！餐廳有幾款海鮮套餐，最後我們選擇了中間價位的至尊海鮮套餐試一試，這個套餐有四款刺身和10款海鮮，有四款固定海鮮，分別是波士頓龍蝦、鮮活鮑魚、蟶子王和大元貝，而另外六款是廚師發板，按當天新鮮海鮮來決定的。至尊海鮮套餐望見都覺得豐富，波士頓龍蝦好新鮮，夠多肉，而且肉質彈牙蟶子一向是我的最愛，幾大隻！大元貝食落鮮甜。鮑魚啲肉好軟滑，鮑魚殼刷得乾淨！另外六款海鮮有象拔蚌、基圍蝦、花甲、青口、鮮魷和日本哈哈螺！這六款海鮮都超級新鮮和好味，尤其是基圍蝦和鮑魚，還看見在郁動！日本哈哈螺味道特別，而且螺肉爽口不怕韌！刺身拼盤有三文魚腩、油甘魚、北寄貝、八爪魚和希靈魚。每款都有兩片，按人頭計算，每人都可以食到各款刺身，魚生新鮮，尤其是三文魚腩油脂夠重，下面有冰鎮，唔怕刺身容易變壞。吃了很多東西，終於去到火鍋部份！這是一間潮州火鍋店，所以湯底方面我們選擇了它的首創潮式滷水湯鍋，我們叫了至尊海鮮套餐，所以指定湯底是免費的。潮式滷水湯鍋味道香濃，湯底入面有不同的滷水材料，但是不會太鹹，用作

餐廳係打邊爐為主，海鮮🦞非常新鮮，上菜時啲海鮮仲係郁，好生猛！另一間店員服務態度非常良好，係香港要搵一間服務好既餐廳，唔多選擇！佢地有好多海鮮套餐揀選，當晚我朋友生日，我揀左套餐𝗖，有龍蝦🦞，蝦，刺身，貝類，鮑魚，全部都好新鮮！好味🤤餐廳環境乾淨，地方大，唔會好迫或好熱，地點方便，價錢合理，所以如果有朋友生日/公司飯局，都不妨可以去試下，也是一個唔錯選擇！同埋佢地有杯熊仔🐻檸檬茶，女仔可以去打卡，又飲又影得！

嚟食過兩次，總體嚟講，食物質素keep唔到：第一次嚟食係母親節，啲海鮮好新鮮好肥，日本大元貝好大隻好鮮甜，仲有手切牛肉肉質好靚，好有牛味。今次係第二次過嚟食，但今次再嗌元貝縮水縮咗一半都唔止牛肉味道都差咗好多，冇乜牛味，冇咁好味，第一次係覺得食材真係幾好幾新鮮所以返嚟食第二次，但係第二次食真係比較失望，食物質素keep唔到…(P1係今次嘅元貝，P2係上一次嘅元貝，好明顯上次嘅元貝大隻好多肥好多，今次真係一啖就冇)

明記 潮鍋是最近一吃完就想再來的餐廳。地方寬敞。暫時人流不多，相對地清靜。海鮮即點即撈，看得見的新鮮。我們點了海鮮ｂ餐，包一份刺身拼盤：三文魚、劍魚腩、希靈魚、八爪魚、北寄貝，刺身很肥美，有加點的衝動！廚師發板的海鮮拼盤有龍蝦、帶子、蝦、鮑魚、沙白、蟶子，上桌時仍然手舞足動，新鮮非常！龍蝦是看得見的彈牙，肉質緊實鮮甜！我們點了蕃茄湯底，酸酸甜甜，味道天然，很有家的味道。西班牙黑豚肉口感柔嫩，一咬落肉汁香甜四溢，肥瘦比例均勻。炸魚皮非常鬆脆，一咬即化，不會死實。手打四寶丸包括蝦丸、豬肉丸、鯪魚丸、墨魚丸，吃得出是真材實料，彈牙非常！打邊爐最需要的飲料，大大杯態仔檸檬茶，不怕喝不夠！

香港人一向都很喜歡打邊爐，而近年也有不少高質的火鍋店。例如我們今天來到的明記潮鍋就是其中一間。餐廳位於旺角非常方便，適合一大班朋友敘舊。而且餐廳是全新裝修的，非常的漂亮而且坐得很舒適。我們二人點了一個至尊海鮮套餐B ，手切牛肉、七味脆魚皮、手打四寶丸、熊啤啤檸檬茶和雜菜盤。至尊海鮮套餐B非常的豐富，首先會有一個刺身拼盤，當中有三文魚、油甘魚、吞拿魚、魷魚等新鮮的刺身。油甘魚非常的肥美，魚香味十足。三文魚油脂分布均勻，色澤油亮，賣相非常吸引。吞拿魚入口即溶，非常的鮮味！另外包括一個火鍋海鮮拼盤。所有海鮮都是活海鮮即叫即劏。當中有波士頓龍蝦，龍蝦有份量，肉質爽口彈牙，而且很鮮甜。新鮮的大蝦，還會活蹦亂跳，非常的新鮮。肉質同樣非常彈牙，而且餐廳已經去了蝦腸很乾淨。鮮活鮑魚，鮑魚在冰盤上還會動，絕對鮮活。餐廳還有指引教大家每一種海鮮要煮多久，所以鮑魚烹調的熟度剛剛好，口感很好！另外還有蟶子王，蟶子王簡單煮一會兒後就熟，口感爽滑彈牙，肉質很鮮甜，非常好吃！還有一些貝類例如青口、沙白、暴風貝等等，每一種都很新鮮而且沒有沙，肉質也很飽滿，很甜！另外點的手切肥牛，每一片都是用人手切出來，但是厚度能夠保

是晚與友人來到明記•潮鍋吃海鮮火鍋。這裡有多款海鮮拼盤選擇，以人頭收費，就算2個人也可以吃到很多海鮮。今天選了中價位的至尊海鮮套餐B，也另外加點了一些火鍋食材。湯底選了比較特別的南瓜雞湯鍋，貪其清淡一點，配海鮮更為適合。東瀛刺身拼盤: 點好菜不久便送上一個擺得很美的刺身拼盤。刺身都新鮮，尤其三文魚腩及油甘魚，油脂豐富，很美味。波士頓龍蝦海鮮盤: 上菜方式非常精美，一個大冰盤擺放了十款海鮮，十分適合打卡。在外表之餘亦岀色，串著的蝦及鮑魚還在不斷郁動，非常生猛。是日除套餐必備的龍蝦、鮑魚、蟶子王及大元貝，還有美貝、沙白、鮮魷、膳片、蝦及青口。龍蝦非常新鮮，肉質彈牙，龍蝦頭還有膏，很鮮味。元貝蟶子蝦鮮甜，蜆亦大隻無沙。膳片爽脆，還附有魚骨位置可淆淆湯。有驚喜的是魷魚及青口。魷魚鮮味而不韌，很好吃。平時甚少吃到新鮮青口，想不到大隻之餘亦厚肉juicy，和急凍的相當不同。欣賞店家貼心附有2個大湯勺，可以撈住海鮮不會找不回來。手切牛肉: 加點了一份手切牛肉，是牛頸脊部位。牛肉片雙飛，切得厚薄適中，油花亦美，入口牛味濃郁且有油香，必點。雜菜盤: 菜盤內有8款不同蔬菜，包括粟米、蓮藕、蕃茄仔、木耳、娃

鍾意食海鮮的朋友有口福啦🥳🥳最近旺角新開咗間潮式海鮮火鍋店🦞～餐廳環境寬敞，並設有魚缸以供應生猛海鮮！！而且有多款火鍋套餐選擇，價錢親民～一於嚟試試❤️❤️🍲午市特惠商務套餐 $198/位✨呢個商務套餐好抵食，有齊海鮮、牛肉、豚肉、丸類、時蔬、粉/麵/飯同飲品～～湯底揀咗沙嗲湯，口感濃稠、好惹味！每啖都充滿花生香🥜！！海鮮款式都多，包括鮮活鮑魚、基圍蝦、活青口、龍躉肉、鮮魷等～全部都好新鮮，鮑魚上枱時仲會郁下郁下、勁生猛！味道都好鮮甜😋😋另外仲有安格斯牛肉、豚肉同潮州丸類等，超豐富👍🏻👍🏻🐮手切牛肉 $138✨另外仲單點咗幾款火鍋配料試試～～牛肉望落紋理好靚🐮，肉質軟嫩、油脂分佈平均！而且淥一淥就食得，配沙嗲湯十分夾🤤🤤🥟即包明記雲吞王 $55✨雲吞粒粒飽滿，裡面包住大蝦🦐～～大蝦肉質爽口彈牙、好鮮甜，推介大家試試😍😍

上次食過黃酒雞煲好香好正，今次就食海鮮火鍋有幾款海鮮套餐選擇，可以任選湯底，更有滷水湯底好有創意。除海鮮，餐前小食、肉類、餃類也是多元化選擇。特大杯熊仔冰檸檬茶（約1 L) $28這杯熊仔檸檬茶是打卡必點，熊仔可愛極了，而且大大杯只是$28超值。我們點了 至尊海鮮套餐B $338每位東瀛刺身拼盤，有三文魚、吞拿魚腩、北寄貝、希靈魚及八爪魚。主菜波士頓龍蝦海鮮盤來了有波士頓龍蝦、鮑魚、大元貝、蟶子王、海蝦、青口、白鱔片等。上檯時海鮮新鮮得還在跳動。每款海鮮餐廳已寫煮熟的時間波士頓龍蝦，肉質彈牙，蝦膏鮮甜。元貝大隻啖啖肉，青口鮮美，海蝦鮮甜，白鱔片嫩滑。七味脆魚皮 $38即點即炸，魚皮薄身脆卜卜，又香口。手切牛肉 $138肉質呈鮮紅色夠新鮮入口牛肉味相當濃，新鮮。菜類全部是$38，所以選雜菜盤 $38 感覺更經濟，有多款菜類，而且新鮮。

今日係朋友生日，揀咗一間環境唔錯又坐得舒服的餐廳打邊爐！由於提前book枱，不用等位就直接入座。職員介紹了海鮮套餐，包了刺身和海鮮盤，我們就選擇了至尊海鮮套餐B。另外散叫了一些食物。落單後約10分鐘，上了海鮮盤的時候已經嘩一聲，擺盤好精美，好適合生日打卡！海鮮非常生猛，蝦和鮑魚仲識郁！個人推介，龍蝦、大元貝、鮑魚，口感不錯，而且爽口彈牙，新鮮果然正！枱上有溫馨小提示，每樣海鮮碌的時間，確保不會過生或過熟影響口感。鍋底叫了胡椒豬骨湯底，有紅蘿蔔、粟米、豬骨等好豐富！粟米好甜，豬骨又入晒味，有驚喜！安格斯牛肉，輕輕焯10秒左右已經食得，油脂分布平均，肉味重！娃娃菜是接近最後先落，索晒湯底的精華，好鮮甜！飲品叫了凍檸茶，好大杯應該有接近1L，上面的熊仔好得意，就好似浸浴中咁嘆！

今日同爸爸食好野，這間海鮮火鍋套餐抵食，重點海鮮生猛，而且地方寬敞，坐得舒服😎我仲加叫了幾樣火鍋料👍🏻 至尊海鮮套餐B 「刺身拼盤」三文魚，八爪魚，希靈魚，北寄貝🥰 魚生厚切，好欣賞喔！主打「海鮮盤」串串基圍蝦好生猛，仍然掙扎中🤪鮮活鮑魚 ，在我眼前摷下摷下，勝子王跟大元貝是無敵大隻呀🤭 仲有魚片，大蜆，象拔旁仔，青口，魷魚，多種類🤩🤩 重點：有波士頓龍蝦，每人半隻中size,肉質爽口鮮甜，正呀😋我們更另點了一客「手切牛肉」肉質淋身，油脂平均是我杯茶👍🏻 爸爸最愛炸物，另叫了「即炸響鈴」，正喎！鬆脆而且熱辣辣！唔用湯底直接食也可😉最後點「蔬菜🥬拼盤」款式多，份量大！👍🏻備註：🔺地方大，而且乾淨😌🔺有自家製飲品，透明樽見到足料👍🏻🔺海鮮套餐抵食！原因是夠生猛🤭

最近發現旺角有一家新開的火鍋店「明記 · 潮窩」，性價比甚高，頗值得一試。環境新簇簇，用具新淨，而且人流不算很多，感覺舒適。加上店員的服務殷勤，值得加分。點了潮式滷水鍋，是新嘗試，湯底的味道濃郁，料頭香，煮過的食材都帶淡淡的滷水味，正！刺身拼盤，有三文魚、油甘魚、北寄貝、希靈魚和八爪魚，每一樣都新鮮肥美，味道很好。讓人驚喜的是，他們的海鮮都是現撈現煮，海鮮不會留過夜，賣剩的給員工做福食，超慷慨老闆。自設大水缸，以暫養海鮮，讓海鮮保持最新鮮的狀態。點了至尊海鮮套餐B，有生猛海鮮十款，每位$338，包括了象拔蚌仔、潮州蠔、基圍蝦、大花甲、魷魚、青口、龍蝦、南非鮑魚、帶子和聖子皇，豪華組合，鮮甜味道好。龍蝦象拔蚌仔只需煮10至15秒，便可以享用！南非鉋魚，任煮唔韌的 🤭🤭🤭青口扇貝當然少不了手切本地肥牛，跟海鮮餐同點可享$138優惠價，肥牛質素高，有驚喜，是那種亂煮一通也會鬆軟唔韌的！蔬菜也是不可缺少的一環，點了雜菜藍，$38超值價！有菜心、油麥菜、蓮藕、粟米、小雲耳、娃娃菜、生菜和車厘茄，全籃都新鮮，味道當然也很好。熊仔檸檬茶，超級大杯抵飲！😍😍😍 目測有近一公升，配火絕配！

好友大讚旺角有一新開火鍋店海鮮生猛，趁離港前夕前往一試店舖環境感覺寬敞，裝修簡潔，坐位以卡位及四人位為主有幾個大魚缸養殖生猛海鮮，食客可以品嘗到新鮮至極的海鮮至尊海鮮套餐B每位$338，奉送自選指定湯底首創潮式滷水湯鍋味道香濃但不會太鹹，能帶出海鮮的鮮味東瀛刺身拼盤有四款：三文魚、油甘魚、希靈魚及北寄貝波士頓龍蝦海鮮盤有波士頓龍蝦、鮮活鮑魚、蟶子王、大元貝及六款廚師發辦海鮮！全部新鮮生猛，店員更會細心告知每款海鮮需要煮的時間，服務周到有禮貌牛胸爽一缩即食，鮮爽過癮，油香隨後散發刁鑽部位牛黃喉口感爽脆，高鈣低脂，打邊爐必備潮州包心貢丸肉香味非常濃郁，內裏流心餡充滿肉汁炸枝竹香脆可口，豆香味濃郁，能盡吸汁料精華特價特大杯熊仔冰檸檬茶，相當可愛，打卡一流店家自製的竹蔗茅根汁頗有心機，清熱解毒

有去過荃灣食人哋嘅潮州菜，今次就是試吓他們的火鍋先。一坐低叫杯檸檬茶，來到的時候實在非常驚喜，是超大的一杯，份量是正常的四倍以上，而且有一個非常大的熊熊冰磚，超級可愛超級吸睛。入正題，我哋叫左蕃茄薯仔湯底，超級香濃。 10款海鮮的拼盤 鮑魚 size 超大 ， 來到的時候還會動的。 裏面竟然有我最愛的貴妃蚌， 很少地方提供。沙白又大又脹卜卜。龍蝦都是鮮的， 肉質鮮甜爽脆 👍🏻 帶子也是大大隻的。 五款刺身的 拼盤炸魚皮～ 非常香脆蔬菜拼盤份量也超多大學全部都寫得非常乾淨，新鮮爽脆，尤其是蓮藕片。 火鍋不能少嘅肥牛，賣相一流，入口軟軟綿綿。價格貼地，最緊要是材料十分新鮮，地方乾淨闊落，服務殷勤。

早排見到有KOL介紹旺角嘅明記·潮鍋，於是就同Honey出旺角試吓。呢度就以套餐形式再散叫一D食物，因為唔想全部食海鮮，所以就揀咗個至尊海鮮套餐B，然後再揀其他嘢食。至尊海鮮套餐B嘅海鮮包括有：套餐指定四款海鮮-波士頓龍蝦、鮮活鮑魚、蟶子皇、大元貝由廚師隨機提供嘅海鮮-大北寄貝、蜆、蝦、鮮魷、鱔、青口另外仲有四款刺身提供。而額外加咗幾款火鍋料，其中係手切牛肉。最先嚟到嘅係大大盆嘅海鮮拼盤，單係個盆都好巨大，再睇埋上面嘅海鮮見到仲郁緊嘅鮑魚&鮮蝦，真係好新鮮！蜆都好乾淨，無沙北寄貝好飽滿鮑魚比想像中大好多，啖啖肉蟶子洗得好乾淨，味道鮮甜波士頓龍蝦有膏，好鮮味大元貝亦都好大隻蝦亦都夠彈牙手切牛肉亦都好新鮮，肉味濃呢度嘅凍檸茶好得意，大大隻熊仔冰，而且超大杯，一杯兩個人飲都夠飲。整體都好滿意，食海鮮最緊要夠新鮮之餘亦都要洗得乾淨，呢兩點都做得好好！