普羅旺斯餐廳 (已搬遷) 新店位置

座落新蒲崗既法國餐廳平民裝修，中文餐牌，十蚊店膠杯，大家樂都唔用既舊式調味樽，總之經過門口都唔會發現既餐廳啦叫左兩個頭盤，四個主菜，每道都有驚喜，特別欣賞D醬汁，做得出色，老細每道菜都介紹點煮，點食；味道有層次，有誠意特別欣賞 香橙汁鴨胸，甜品蘋果批四個人，人均五舊水有找，慳仔底都覺得值可惜老細做埋呢個月25號就告別啦

話說， 這間店就要結束， 於是我們幾個多年決定要再光顧一次。早一天， 我們就打了電話預訂， 今次老板要求我們定埋菜， 一貫菜單， caesar salad with parma, 牛肋條， 鴨胸， 野雞仔野米飯， 龍蝦，蘋果批。 誰想到，老板說蘋果批無貨！！ 晴天霹靂！！！7:00 我們到達餐廳， 同平時不同， 今晚有三檯客。 點了頭盤沙律， 老板話番咗好靚比利時青口， 當然要了一客啦。 再有兩檯客進場， wow, 差不多full house, 咁多年都未見過， 同時心諗， 有。排。等。laaaaaa.就在我們閒着無聊， 老板的一位客串幫手， 一位好吹得又好飲得的uncle, 跟我們談談這店主的經歷， 未來動向， 知道他真的決定離開香港， 大家都覺得很可惜。 這位uncle和其中一位客人傾得興高采烈， 這位客人還變了一副啤牌出來， 站起來說要表演， 他玩了幾個魔術， 很純熟的戲法，真讓我們拍爛手掌。 然後， 那位uncle再介紹這店出色之菜式給第一次光顧的那一檯客。 他說每一道菜， 其餘兩檯人客都會和議， eg.. 黑松露野米飯， 客人A:真係好好好味, 客人B:

男朋友收工後都成十點，就同佢泥新蒲崗覓食經過見到呢間西餐廳裝潢幾特別，好法國風，而且呢個時間都甘多人，就忍唔住入去食既野全部都寫哂落黑板度，黑板又掛係牆度。我地就叫左個西冷扒（$78+10%）。係要等一段時間，但完全冇令我地失望汁偏濃同埋［結］，有些少咸，但牛肉沾上汁，非常既配合。牛肉亦都係燒得好好，出面係有少少濃，但入面仲見到微紅既肉，咬落d肉汁慢慢爆發出泥而且一d都唔難咬同嚼，係絕對上級之作（真係好耐冇食過好食既西冷扒）真心覺得呢餐收得好平味道同價錢唔成正比呀呀呀～不得不提，係兩位老人家一手經營。廚師就係其中一位老人家希望大家幫襯既時候俾多d耐性，佢地係真係好值得尊敬

原本打算和先生來新浦崗吃越菜北正宗，誰知一到門口才知道當晚被包場做private party，唯有打開Openrice app覓食，見到有間法菜小鋪挺多好評，便想試試久違的法餐。六時多在門口看見店內還未有客人，只有餐廳唯一的老闆兼大廚坐着，再看看門外手寫的黑板餐單，見菜式和價錢合意，便決定進去一試。內裡裝潢簡單，牆壁上掛上很多法國的風景圖片，可能我們是當晚第一位客人，進去老闆才開一部冷氣，故此感到有點焗熱，邊吃邊流汗。沒有餐牌，只有看牆上的手寫黑板菜式，老闆很友善地和我們聊天，知道他在法國生活了很長時間，煮的是很地道正宗的法國菜。我們少吃法餐，他也樂於給我們推介菜式。前菜點了一份巴馬火腿芝士Caesar salad，以醋加橄欖油調味十分清新，整個口感味覺配搭得很好。$128是日餐湯 雜菜湯配餐包，食得出是用新鮮蔬菜即煮，蔬菜量挺多又有口感，餐包也是熱烘烘的。跟餐點了兩款主菜: 白酒煮青口三文魚湯飯-淡淡的白酒忌廉湯底配上三文魚吃很香很美味，小青口很滑又鮮味，太有驚喜，但有少許沙売，完全不像平時吃的那些又老又沒味道的青口，老闆說是用了歐洲貴價青口，這道菜已沒賣很多年，現在快結業便再煮給客

今晚行過見到好靜，入左黎食老細行出黎，都估到佢應該有好多年響外國生活，氣質好健談好nice。原來佢一直都響法國意大利既小郡開餐廳，然後再返香港開可惜加租好加利，做到十月就唔做了，佢話原來呢間餐廳都十幾年了入黎以為係新既頂手。。。d凳勁新勁乾淨成間鋪都係得老闆一個營運，要預上菜唔會好快，佢係即刻整一食真係覺得呢間餐廳應該係大排隊果d黎，唔明點解會得我同個fd真係好好好好好耐無食過雞扒切落去係有搣餅乾既聲！！！！勁脆勁好食呀！！！個湯飯都係勁好食，老細話   唔係成日有呢隻青口返   勁多青口成十幾隻   仲要好新鮮但睇下面cm先知原來老細唔中意人影相，好彩老細入左去果陣我先影我同佢講一定要寫呢篇食評，真係完全唔明點解會少人到咁？？？？勁有heart勁好味既餐廳！！！

為好友慶生，想起這間極具性格的法國餐廳，在openrice 得知，它10月會關門大吉，更覺得一定要來。到了餐廳， 很心噏發現只有我們一枱。 但老板仍舊是一貫作風，用心烹調，只要我們不犯他的死穴，就是千萬不要讓他看到你拍照。 是日我們五個人，點了兩客caesar salad, 每人一件焗蠔。 兩份黑松露野米海鮮飯，一份鴨胸，兩份紅酒燴牛肋條，一份普羅旺斯焗龍蝦，四份蘋果批。caesar salad 有 parma ham, 菜很新鮮，咬落 sok sok 聲， 這是大廚出來跟我們傾計，飲番杯， 告訴我們他多注重材食材。然後， 上焗蠔。 焗蠔有波菜， 西芹碎，芝士，放在法包上焗。 塊包好脆。 這菜我第一次食， 正！ 鴨胸我冇份食， 不過見妹妹連碟上的汁都清乾淨，應該很滋味吧。終於等到我夢寐以求的野米飯，我每次都會點的，但今次總覺得有點不一樣，原來多了雞肉， 我還是喜歡原味。 然後就是牛肋條，香甜的醬汁配有少許o趙頭牛筋, 外皮仲要有少少脆的牛肋條，真的只此一家。此時已覺得很滿足，兩支紅酒不經不覺已喝完。 原來還有龍蝦，我完全忘了。 只看見龍蝦開兩邊， 用蛋王醬，芝士等材料

記得初初搬來新蒲崗，經常來這裏吃飯：每個星期6吃早餐、放假會來午飯，間中晚飯，在這裏充滿了很多回憶！在知道九月10月會結業，真的很不捨得！😢這裏很多規矩，例如不准影相，所以這次的相都是偷偷拍的。初來時覺得老闆很cool，很有型，慢慢相處原來老闆都健談老闆煮的東西都很有特色，雞扒和羊扒都處理得很好，只是當客人多的時候，老闆一人加上偶然老闆娘幫忙，往往要等很久，經過幾次後，我們也不太敢來吃，特別是平日忙碌的日子。今天比較得閑，所以便來了，但晚膳時間只有我一個客人，能靜靜的吃

幾年沒有來，星期五下午乘放假之便到來吃悠閒午餐。叫了紐西蘭羊扒，味道濃郁，心想味道還保持得住。大廚老闆竟然認出我，還坐下談談幾年間香港經濟的變化。我懷念招牌牛肋條等名物，下次晚上一定約齊朋友，BYOB，來個三小時法式小店暢聚。

最期待星期日嘆早餐，原本想去Delight，阿媽話要食纖麥麵，去咗普羅旺斯。對上一次亦係唯一一次去呢度已經十年八載前，枱拍枱櫈貼櫈迫爆，但啲嘢堅少油，今日嚟到仍然冇變。我要咗煙德國腸奄列，係唔油嘅，都好香蛋味，涵就得幾粒腸，主要有青紅黃椒磨菇白汁芡，但燶哂底，而且唔係半生熟溶溶地，好似煎蛋咁，而且要$40，去景福份量相若但烹調好得多都係三十幾蚊，坐得仲冇咁擠擁。試咗阿媽嘅纖麥麵，幾彈但我嫌鹹咗啲。其實我都唔肯定少油定燶底邊樣健康啲… 咁下次都係揀好味道吧～

好老實咁講, 如果食晚飯趕時間填飽個肚同只求大件夾抵食, 我唔提議係呢間餐廳用餐....因為一定極度不滿.本身我唔係咁鐘意出街用膳嘅人, 但我間唔中會去呢度食晚餐, 因為我好鐘意呢間餐廳好有性格嘅廚師, 好堅持自己嘅風格. 每次入到去, 都好似冇人理你咁, 自己搵位坐低, 四周圍睇下用黑板寫嘅菜牌....(因為真係唔多人) 老闆兼大廚有時間出到嚟就會問下你想食咩, 你冇頭緒就會話你知今日推介, 當然會加多句出菜會好慢, 要有心理準備...等. 係呢度食好味嘅嘢, 就係要"等"! 所以我每次要同朋友傾下計, 講下心事, 都會嚟呢度食晚餐, 因為係度用餐係會忘記時間, 忘記緊湊嘅生活節奏.老闆唔俾影相, 我可以理解, 好食嘅嘢係用味覺同嗅覺去享受, 就算影到天仙咁靚, 但難食到死就係與事實不符囉! 更何況用手機影D食物遺照, 靚得去邊呢....(我的攝影老師話嘅!)是日同朋友點咗個好平嘅set dinner, 先來餐湯, 我地冇問過餐湯係咩, 當入口就有好濃烈嘅菌類香味, 好滑....我好快飲完, 大廚出嚟問下意見, 我就二話不說地問有冇得添飲, 大廚就笑笑口咁返入廚房嘞. 在等主菜其間,

如果星期六下午不用上班，就會跟媽咪去吃午餐。有一天，媽咪說要去普羅旺斯餐廳，雖然餐廳的地方不算大，但這裡的焗飯在新蒲崗區內都頗有名，但我和媽咪那一刻都想食扒，於是我們就叫了Lunch Set。雜菜忌薕磨菇湯這個忌薕湯不會太腻，還有菜的清甜味。紐西蘭西冷牛扒牛扒的肉質真是一流，肉汁鮮甜，可以食得出牛扒是新鮮，不會是蘇打粉令到牛扒好味。紐西蘭燒薄羊西冷羊西冷原來是用炭燒的，燒得剛剛好，還有用少少的薄荷葉令羊西冷的肉味更出。薯菜是我喜愛的翠玉瓜。媽咪問我是否老闆鬍鬚佬煮的，我看一看廚房，真的鬍鬚佬！！她說估到煮得這樣出色的一定是他。如果老闆細心選他要用的食材，再用心去煮，客人一定食得出，客人一定會再去那餐廳用餐，也不用花費太多的宣傳費，只要$52就可品嘗美味的午餐真是幸福。

朋友話土瓜灣有一個不錯的西餐廳, 所以一行四人就去試下, 當晚叫了炭燒黑豚鞍, 羊芝士配香草蕃茄, 煎魚扒, 香草蠔吐司, 天使面. 另外自備兩支紅酒.最令人失望的是 黑豚鞍, 乾身而好咸, 除了咸味就唔覺有其他味, 蕃另印得好薄, 我係外邊未試過用咁薄既蕃茄去配羊奶芝士, 香草蠔吐司, 根本食唔到入邊有蠔, 蠔切碎加上勁香草, 我只食到香草, 好難先感受到蠔味. 其他食物, 味道只算合格, 但不見特出, 同樣的食物在蘇豪, 天后, 銅鑼灣食到, 而質素比他高但價錢比他平. 餐廳格調不走高檔, 整體格調相當平民化, 賣高級餐廳價錢, 開住電台給人聽, 感覺好格格不入, 老闆廚藝好, 可惜與食客完全無交流, 老闆不容許拍照, 話怕人抄, 單憑一張相最多只能抄型, 亦抄不到味道和功力. 當然老闆唔 like 就唔影囉. 所以無照片可以推介. .

呢日老婆返工，屋企無煮飯，於是同阿女行去新新蒲崗睇吓食乜？行行吓，去到普羅旺斯餐廳 外，見佢外表平實無乜裝修，似系小本經營。於是入去支持吓，入到去，見內襄只有一男一女客人，兩人共用一餐。於是我同阿女各自叫了一份晚餐。我叫咗雜菌炒意粉$68。阿女鍾意食牛扒，於是叫咗份燒西冷跟意粉$78。先來例湯蒜容包，例湯清晰見底，可見碗底有雜菜等食材，但只有喊味。再來我的炒意粉，味尚可。之後燒西冷跟意粉來到，眼見與街邊一搬扒餐無乜分別，由於阿女運用刀叉未係太好，於是我幫佢切牛扒，當我落刀時，牛扒可其堅硬、好在平時玩過吓啞鈴，最終都切到，阿女將第一件牛扒放入口後，就即話『好喴呀！』其後我自拍第二件，嘩喴到苦，於我Kindly同女仕應講。之後佢就攞碟牛扒入番廚房。轉頭佢攞番頭先碟牛扒出黎話：「無嘢呀，我食咗少少，唔喊吖，係唔係你兩個唔夠瞓咋、我呢度啲牛扒好出名，日日賣到唔夠賣！」佢唔講尢自可，於是我立即反擊。之後厨師出來話：「我啲牛扒好，只係用鹽調味，跟住上爐燒。」唔係嘛，當我未食過燒嘅牛扒，明明係煎‧又話系燒，仲過曬火位，件女仕應仲話新鮮靚牛扒應該係硬硬地。咁我有眼不識泰山，唔識欣賞，最後牛扒餐佢哋

這間舖在公司附近，每次有生日或者特別節日都會到來吃西餐，因為附近的西餐真係無乜!在這裏吃了3年了，湯一真都無有紅湯/白湯之分，又沒有餐包都算，但愈食個湯就愈淡，現在稀到好似水一樣，無乜味又無乜料。西冷同個汁又愈食愈咸，但這些都唔重要，因為我地無得揀!但最近因為同事生日又訂左7位，其實每次訂位都要等一陣，今次仲離譜，訂左位要等之餘，仲要我地分開兩枱坐，咁訂位黎做乜，服務員仲要毫無悔意，最後我地決定走人。 永不錄用!如果你無心做我地生意咪唔好接訂枱，做乜每次都爭取時間去接客，接到最後一刻都唔留枱比我地!

Went there tonight to celebrate friend's birthday, where he recommend 'coz this restaurant was very good...5 years ago.When I checked openrice's comment, I found they server very cheap lunch (around $40-$50) but dinner cost about $400 each...and the comment was on so-so...then I have doubt that why not go to Bonheur in Sheung Wan? That would about the same cost but all of us would be very full with extremely good food....but anyway we'll try since the BD boy want to go...We arrived the restaura