景逸軒 (已結業)

爸爸生日, 打算吃中菜因為爸爸最鍾意都係食返中菜佢地個 buffet 一向好味原先打算去酒店中菜部應該唔差點知差到冇朋友因係好失望每人一份套餐但係分量好細亞哥同爸爸都話唔夠飽而且真係唔好食失望失望!

早陣子於都會景逸軒參加了一場婚宴，大廳四正無柱，裝潢OK不俗氣，都屬理想場地之一。服務方面，感覺只屬一般，達不到酒店中菜廳的水準。尤其在分餸的時候，常有不必要的碗碟碰撞聲，分餸份量亦明顯不平均。值得加許的是席間添飲效率頗快。衛生方面，個別餐具有少許污漬，有待改善。最後簡評食物，整體水準普通，並普遍有不夠熱的通病，影響了整體評分。回想之前曾於此店晚膳，食物水準好多了，希望只是一時失手吧，有機會再來品嚐一次，再作結論。

我的朋友搬去紅磡, 在拜訪她的家之後，她請我們到景逸軒吃晚餐, 今天 ‘walk-in’也有位，一段時間沒幫襯了!環境: -景逸軒是所酒店餐廳在都會海逸酒店，風格時尚高食物:-叫了 HK$1680套餐 , 個套餐不是全包宴,所以要加一o乳豬全體 - 麻麻地炸蝦丸 - 炸得幾好還算合格彩椒珍菌炒雙蚌 -一般般花菇扣鵝掌清蒸大海班上湯焗蝦球伊麵, -蝦仁夠大隻夠新鮮，鮮味十足，好爽口,味道很均勻好呀,!整體而言，普通中國餐館味道， 味道冇驚喜又唔係特別出色，服務都不錯!

屋企人黎過飲茶,見到有個1680餐好似幾底食,就相約黎食啦~其實lei間酒家就好耐架喇, 近期裝修過,靚左,grand左,應該都係想吸引多d人黎擺酒啦,大大水晶燈,冇乜柱,擺酒應該都幾靚o既...食o既餐都係平時去飲食o個d野咁啦,個餐唔係全包宴,所以唔包野飲,同要加一乳豬全體, 竟然唔係第一道菜黎,可能燒唔切啦,有d包仔夾住黎食,個乳豬唔夠脆,肉都好厚,同埋個乳豬醬唔合格,好油冇乜味...所以lei道麻麻地上湯焗蝦球伊麵,好大隻蝦呀,好爽口,但d伊麵就咸左d喇...彩椒珍菌炒雙蚌, 一般啦,好普通味道適中又唔係特別出色杏香百花球, 即係炸蝦丸,個面好多杏片,都幾好味,個蝦膠都彈牙,炸得幾好...雪蛤瑤柱海皇羹, 唔係食翅仲好啦,我寧願食lei d,有d豆腐,蝦咁都幾好味...清清地花菇扣鵝掌,d鵝掌都好大隻,隻隻蛙鞋咁...哈哈 不過我唔食,菇我都唔食,剩係食菜...碟野都冇食剩應該唔差啦清蒸大海班, 肉就鞋少少,豉油味ok蒜香燒雞, 我係雞王,最鍾意食雞,今次lei隻雞睇落去都細隻,但幾好味,雖然都係冰鮮雞,但炸到雞皮香口,肉唔鞋,微微蒜蓉味唔會太搶味,good!和氣炒飯,唔知點解

二月初五‧雨矇矇 曾幾何時，周日的午茶時間，這裡是一位難求，訂了位也要乖乖等位的。今天，不訂位，walk in也隨時有位，還要是一時正的旺場時間，真的有點令人難以致信。 要快，怱怱的要了幾味點心。鳳爪味道沒有味道，問題在於吃起來實實的，似是吃酸辣鳳爪的口感，鳳爪似乎也是鬆軟一點較好吃的；鹹水角熱辣辣的，皮脆糯米皮又軟糯，餡料味道也不錯的；煎蘿蔔糕吃起來香口，外層有點微脆，不錯的。唯吃完見到碟底的油蹟，相當利害；叉燒腸熱辣辣，不過腸粉皮厚厚的，叉燒餡也硬硬實實的，前一晚才吃過堂記，這裡的沒得比；流沙包完全不流心，令人失望。皮也亳不鬆軟，做包子的功夫差一皮；高湯浸粉粿是皮還皮，餡還餡的，各自在高湯內浮沉的，一客三件俱如此，還好意思拿出來，當然是打回頭； 吃了幾款點心，這裡少了人的原因，有點點跟點心水準下降有關吧。 食物一般，服務卻很好，是酒店水準的，值得一讚。 吃了六碟點心，埋單一百九十，不便宜。 走的時候經過彩福，也是周日茶市也未滿座的，反而隔離的美食廣場就坐滿人，應該是金額海嘯的威力。

上星期六來飲喜宴，做了很重手的人情，也願一對新人白頭到老。宴會地方在花園內的巨型幕蓬裹進行，也算是第一次的經驗；老板真是要用盡地面賺錢。餐宴的餸菜也是貴價的，一圍要成九千幾。(相信是連加一、酒水……)乳豬全體：乳豬皮不夠脆，而且有點放涼了，好彩還不算肥，瘦肉頗多。芹菜鮮蝦帶子： 蝦和帶子都很新鮮，很爽口；但實在太多芹菜，每人近十條。 釀蟹蓋： 西式做法，蟹肉、洋蔥和cream sauce釀在蟹蓋內焗，味道蠻不錯，而且焗得沒過火，夠香口，只是蟹肉有少少嚡。紅燒翅： 好多魚翅, 但是也溝了不少近魚唇部份的翅邊，翅身也算結實，味道一般。鵝掌鮑片西蘭花：鮑片質地和味道都一般，鵝掌則又淋又入味，而且不過鹹。清蒸東星班：我在飲宴中的至愛，魚蒸得剛好，肉不硬也不老身，但魚味幾啖，肉味被豉油蓋過了。炸子雞：飲宴的另一至愛，雞肉嫩滑, 肉味不濃，雞皮很脆，也夠熱。炒飯： 無食過水餃：很好食，一碗三隻，我吃了兩碗；非常實剩，饀多，木耳很爽口，各食材味道平均沒搶味，連湯也只是清清的，非常滿意，有100分。燕窩杏仁茶(？)：味道普通，杏仁味不濃，不過甜，印象不深，質素可想而知。 美點雙輝： 心型桂花糕 --

首先說是果d服務生, 感覺生手之餘, 如普通酒樓質數, 不似酒店級servicesattitude又唔nice, 又唔professional, 點解酒店會係咁環境好迫, 個台又細, 有咩理由一入去, 便影相架, d人企係門口等人影完相才可行過, 敬酒時, 見到d主家真係和自己人好似爭位咁去廁所簡直cheap. d野好似快發霉的樣子食物啦...有d都ok既, 也同意另一個食評人說, 其中有幾道菜真係唔得1杏香百花釀蟹拑: 6分, 蟹拑炸得比較多粉, 麻麻.2紅燒竹笙雞絲大生翅: 6分, 算幾多翅, 但味道平平, 都係好杰. 埋芡d粉有問題, 好似有一股粉味3伊麵: 6分, 一樣是埋芡用既粉出問題, 那味好怪, 麵質一般.4百年鴻運: 5分, 紅豆沙相當甜, 都係飲宴相見的問題, 如果酒店想收酒店級價錢, 應要改下law, 原本個environment是好靚既, 真係浪費晒law, 我個friend話得個經理nice有鬼用咩, 她原想找呢度為她出年結婚作準備, 呢家咁樣, 佢話不論自己還是朋友結婚都真係未必會找呢到我原本都好expect呢間酒店既野, 點解會咁架

昨天放假, 所以同家人來到紅磡的景逸軒嘆茶吃點心! 今次我們選擇了位於都會海逸酒店的景逸軒, 我們在前一天已經book 了位, 12:00nn 時, 這裏客人不是很多, 慢慢到了1:00pm, 已經差不多滿座了.我們吃了:1.鳳城炸粉果(外皮炸得好香脆, 入面既蝦亦幾大隻, 好吃! 如果唔係怕熱氣, 真想點多一碟!)2.奶皇千層糕(不太甜, 亦很軟熟, 正!)3.沙爹金錢肚(做得幾淋, 略嫌沙爹味不夠!)4.紅油抄手(不算辣, 外皮夠滑, 肉味都ok!)5.小籠包5 隻(肉汁豐富, 也很鮮美, 好吃!)6.瑤柱蛋白炒飯(炒得比較乾身, 味道略淡了, 比較一般!) 我們一行4 人吃了5 碟點心, 一碟炒飯, 埋單要$279, 以酒店內的中菜廳來計, 不算昂貴, 加上服務不錯, 例如加水, 換碟, 上菜等都很週到, 而最重要的食物也很好吃, 是有再幫襯的機會. 照片可參考:http://hk.myblog.yahoo.com/thxdtsdd/article?mid=700

昨天一行九人去了景逸軒飲茶, 之前只是去過飲宴,覺得環境不錯, 食物也ok, 所以也想試試第一次在這裡飲中午茶, 食物款式不多, 所以最後只叫了十一個點心, 一碟炒麵, 味道真的很一般, 個炒麵咸了點, 叫了叉燒包和雞包仔個樣與一般酒樓所做的外貌互掉了,原以為是雞包仔, 拿起來來想咬一口時, 卻才知道是叉燒包來, 且包皮厚, 個粥好稀, 水汪汪咁, 其他腸粉,鳳爪,蝦餃燒賣都係一般貨式, 以酒店來說d食物是中下, 伙計都唔係太好笑容, 服務算是一般酒樓的水準, 環境仍是不錯的, 但望出去個海境已給我上次來收窄了, 個廁所好似d櫃, 門邊, 木板也開始殘舊了

幾個人在這個商場，想找好坐一點的地方喝茶吃點心，捨彩福，來了這裡。周未下午一時，沒有訂位，也可以安坐卡位。論環境，這裡是不錯的。點心是剔紙仔，選擇不多不少，平常的都有，稍為難度高一點的如大包及芋角的又沒有，新派的如流沙包及鴨胸酥，卻又有。整體而言，以脆炸一類較出色，如炸雲吞輕巧薄脆，炸春卷熱辣又不油膩，脆麻花是甜食，但吃起來也新鮮，沒有油溢味。反而蒸的點心俱一般，叉燒包皮太厚，不夠鬆，叉燒餡則不錯，不是叉燒醬而是真有不少叉燒成份的；芋頭餃及涼瓜餃俱皮太厚，放涼了就更難下嚥，不過後者涼瓜味夠甘甜，合口味；灌湯餃是湯浸餃，只看沒吃了；蒸腸粉皮夠滑，但不夠熱，是敗筆；也要了一煲鳳瓜排骨飯，對鳳爪及排骨俱沒有興趣，反而飯是夠乾身又有香味，絕對是主角；也要了紅油抄手，餡沒有問題，餃子皮又是不行；子蘿鴨胸卷單聽名未是「天下無敵」，賣相也可以，但吃起來絕對是「有心無力」。每件卷內的子薑、菠蘿及鴨胸的份量太少，亦不一，有待改善。全日最喜歡的一味就是鹵水豬腳仔，這個是暖版本而非凍吃的版本。豬腳浸得夠腍身，也入味，吃起來豐腴味美，令人吃不停口。單我一人已趁人不覺，吃了大半碟。服務態度也不錯，幾位阿姐反應快

The service is good, but the selections are very limited on the menu. Somewhat crowded during the dim-sum lunch hours, but almost empty for dinner.

環境一般, 食物不能稱上酒店級數, 服務- BAD, 個個server 都係新人, 生手, 十吓十吓.....又漏單又剩...母親節當日full booking, 嘈吵.如果唔係mother's day, 可能比個喊臉...

蒙牛帶路到這兒午膳, 預先聲明點心不錯但服務勁差, 所以早有心理準備, 在門口呆站了15分鐘都没有人理會, 入座後開茶都等了好一陣子蝦餃大粒蝦肉新鮮爽脆, 可謂皮薄饀靚, 味道十分不錯, 义燒包的义燒顏色古怪, 啡啡地色, 味道亦不像平日的甜蜜, 這個不好吃. 煎糯米雞光看名字很吸引, 但原來並非想像之中的好,糯米雖做到脆皮效果, 但煎糯米雞的油太多, 而且饀料又少, 只是好像在吃一堆勁煎炸的糯米. 蝦腸的腸粉皮香滑好味, 但蝦肉不夠新鮮, 唯要扣分點了一碟灼菜心, 但上枱時竟是一個灼生菜, 要求伙記換回菜心, 但他竟想說服我們要那個灼生菜, 又說我們點的是生菜, 幸好有電腦單, 有證有據, 不換也不可以, 伙記哥哥, 下次請你看清楚才好跟客人對峙吧!

兄弟M的大喜日子, 由早忙到晚, 最後係景逸軒晚宴.做兄弟要行出行入, 但都有試足每一樣. 飲宴菜色都係差不多, 但而度的水準算幾高.鴻運乳豬全體: 7分, 乳豬皮幾脆, 不算太肥.翡翠花枝玉帶: 7分, 帶子幾新鮮.雲腿扒鴛鴦蔬: 7分, 大路的蔬菜類菜色, 雲腿不太硬.杏香百花釀蟹拑: 6分, 蟹拑炸得比較多粉, 麻麻.紅燒竹笙雞絲大生翅: 6分, 算幾多翅, 但味道平平, 都係好杰.蠔皇福祿鮮鮑片: 6分, 鮑片太硬, 蠔油菜還好.清蒸東星班: 7分, 蒸得比較好, 無過老., 魚肉幾鮮甜.當紅脆皮炸子雞: 8分, 黑肉部份不錯, 幾嫩滑, 雞皮相當脆.瑤柱海鮮炒飯: 6分, 一般, 有點濕.上湯水餃麵: 6分, 這個選擇比一般的伊麵為佳, 至少不用味味都係油膩食物. 麵質一般.百年鴻運: 5分, 紅豆沙相當甜, 都係飲宴相見的問題, 想新人特別甜甜蜜蜜?美點雙輝: 6分, 雙輝包括棉花糖同海棉蛋糕, 比一般的美點雙輝好. 海棉蛋糕幾鬆化, 但棉花糖比較甜.希望兄弟M能延續這個不老的傳說.

無間道令我認識了蔡琴姐姐，當我知道她將會在香港開個唱，立即撲飛同媽媽和她的跳舞朋友前來欣賞。演唱會前，我們一行八人，選了來都會海逸的景逸軒來個early dinner。景逸軒沒有酒店酒樓的寬敞，座桌擺放非常迫夾，就連稻香都坐得舒服過佢，不過勝在價錢比一般酒店酒樓平宜，我們點了六餸兩炒飯，每人只需$125元，十分抵吃。- 爆蝦球($108)，份量少得可憐，勝在蝦球夠爽夠巨型，雕花小棠菜賣相極靚- 京蔥海參($98)，微辣，海參唔夠入味- 帶子賽螃蟹($88)，帶子大隻，不過口感似炒蛋白多啲- 油鹽水菜苗浸斑球($128)，味道清淡，斑球唔算滑- 麵醬肉碎蒸豆腐($68)，愛吃麵醬的人一定喜歡- 甜梅菜蒸菜遠($68)，梅菜和菜心都嫩- 臘味糯味飯($88)，炒得油膩了點，飯我嫌不夠乾身- 漁夫籠仔蒸飯($128)，飯是炒底，些少失望，海鮮料也不少以上菜式，全部都唔差，但沒有一味值得推介。景逸軒是繼新鴻基海都後，另一只限睇show前的中菜館。後話：雖然我對老歌認識不深，但蔡琴姐姐的現場演繹可用零瑕疵來形容，是名副其實的「歌手」。