有囍 (已結業)

我叫了一個海鮮火鍋，明明所有野都係生料，但我已等了半小時才上到個鍋，再得了十多分鐘海鮮才到，足足45分鐘！他們的解釋是海鮮是新鮮，需要每樣掃乾淨才到，但我想問其他熟食就不是新鮮材料？我只是覺得有幾好食但要人等差不多一小時才出到個火鍋，我相信唔係一件理想既事。海鮮是ok, 我們要了清湯，都多配料，兩個人食岩岩好既，入到黎有茶飲，飲到成肚水都未有得食，服務係好既，可能唔夠人做野，但係一個咁既情況下幾好食都冇用。

當晚和友人Mon慶生，到訪過太子一間餐廳，感覺頗不錯，有多元化的美食可以選擇，加上價錢實惠及免加一，而且有足夠時間用膳，不會催促離開。餐廳空間大，樓底亦高，不會有侷促的感覺。打開餐牌，發現不是只有星馬菜、泰國菜，還有中菜選擇，食物頗多元化。先來一碟星加坡金沙炸魚皮/$68過下口癮，炸魚皮比想像中有驚喜，外皮脆得來不會有硬的感覺，加上落了鹹蛋，，加上每塊都非常大，令整個味道及質感提升，即使吃多幾口，也不會有太膩之感。涼拌高山耳/$38，雲耳尚算爽口，酸帶微辣，頗開胃！餐廳推介了這道蜜椒金薯牛仔粒/$108，果然不負所望，主角牛仔粒Size剛好一口一粒，質感軟腍，最喜歡就是那個醬汁，帶少辣惹味之餘，特別混合了蜜糖，令吃起來有甜滋滋的感覺，而屬配角的薯仔沾上了醬汁後，可謂畫龍點睛，更見惹味！吃多肉類，總要來一碟牛乳魚肚雜菌娃娃菜/$90，整體味道也不錯，連那個牛乳汁可以當湯一樣喝，清得來又充滿牛奶味。川芎白芷水庫魚頭鍋/$298，由於加入紅棗、淮山、川芎、杞子等，一來到時已經聞到陣陣藥材香味，既可調養氣血，而且幾乎沒什麼熱量，當作湯底可是最無負擔，十分養生。順帶一提，可點些配菜，如丸類、牛肉

睇openrice就知道呢間係不嬲都係做泰國菜㗎啦，點知朋友話畀我聽最近呢度有火鍋呀，天氣凍凍哋，去試下啦。今日三人行，加大了個清湯海鮮火煱。D料又大隻又新鮮，老闆話佢自己入貨，唔靚唔入，果然所言非虚。有蝦，有蟹，有鮑魚，有帶子，有聖子等等。老闆强烈推介喇沙湯底，但有人怕辣，没有試。另外，手工餛飩是自己製，粒粒大隻，蝦肉新鮮彈牙，讚👍。雪花肥牛基本上是打邊爐指定動作，雪花分明，用料上乘!手工餛飩😋海鮮火煱😍雪花肥牛 👍👍👍

聖誕將至，在某零售店內，一口氣買了十多件貨品，作為家人及朋友的聖誕禮物，順便在附近晚餐。無奈在這個旺區，主要街道地鋪及各大小型商場的餐廳，應該人流超多。為了晩餐的幸福，大家改在橫街中尋覓。發現這家餐廳，樓底高，夠開揚，不焗促，加上店門職員遊說之下，就選定在此晚餐。　可以放下手上的戰利品，雙手終於能夠放鬆一下。　然後，又來到最重要環節：選菜！　　剛才掃貨已經花費不少精力：摷＆選擇款式，然後花費力氣抬走戰利品！　　就因為太累，不想動腦筋，點菜，就交給朋友決定吧！　到洗手間清洗雙手後，餐前小食先呈上。 涼拌高山耳　　高山耳口感偏向軟滑，並非常見黑實脆身的雲耳／貓耳朵。陳醋較少，不攻鼻，不太酸，味道較為柔和，在餐前作開胃小食。淡色調味料：蒜？麻油？辣油？鹽？糖？　不過自己比較喜歡雲耳高山耳的降血脂功效。  星加坡海南雞　　雞脾肉先天無得輸，但雞胸肉不乾柴，容易咀嚼，這碟海南雞品質合格。雞皮脂肪少又脆身，連皮帶肉一起享用，更正！    蜜椒金薯牛仔粒　　牛肉只是配角，薯仔才是主角。薯肉軟棉棉，真係無牙都食到，我喜歡！可能是先煮熟後，再烤／炸，再倒入牛肉作回鍋，上黑椒和蜜汁。自己嚐了多件，就是猜不

平日送囝囝返學，常常去旺角花園街揾食。今晚囝囝冇乜功課，於是book咗「有囍」食飯。平日為食的我，睇完五花八門的餐牌，居然選擇困難: 有粵川菜新系列，又有招牌東南亞菜式，臘味及糯米飯，羊腩煲同海鮮火煱。最後，懶惰的我請老闆推介。他推介海鮮火煱: 有蝦、蟹、鮑魚、螺、帶子、聖子、魷魚、魚片和菜等等。因為個餐是兩位用的，老闆驚囝囝冇得食，幫我哋加大咗。 後來我們追加了雪花肥牛同大大粒手工餛飩，真係超好食。另外，我們叫了招牌星加坡麥皮蝦，蝦很新鮮有蝦膏，好惹味，D麥皮炒過，可以直接當飯吃。總結: 食材新鮮，用心製作，最後埋單都係一千蚊，真係好實惠。

又到食我最鐘意既泰國野既時間香茅蒜蓉牛油雞翼蒜蓉加牛油真係最佳配搭！炸到好香脆既雞翼，一口咬落去，d汁勁香既牛油味！juicy！泰式生蝦食泰國野必點，雖然價錢上係貴左d，但係黎到先知物超所值！大大隻既生蝦加埋d醬汁，辣得過癮！星加坡海南雞半隻星加坡式既海南雞又有點不同，味道同口感就已經係一大分別，另外既就係醬汁，呢隻個口感會軟熟一點，味道再濃一些馬拉盞炒通菜都係必點架啦 呢兩個match埋一齊真係世界級的好味

程程生日，係佢屋企附近有間有囍餐廳，食中菜的。價錢大衆化。餐廳好光猛, 坐位舒服. 職員都好nice!我地兩個人，叫咗川弓白芷魚頭鍋，海南雞半隻，籠仔蒜蓉開邊蝦蒸糯米飯(不過程程唔鐘意食糯米飯, 所以轉咗炒飯底)，牛奶什菌蛙蛙菜。籠仔蒜蓉開邊蝦蒸炒飯底~香噴噴蒜蓉, 炒飯上舖滿一開二嘅蝦. 蝦好鮮甜. 蝦肉爽. 炒飯又香川弓白芷魚頭鍋~天氣凍，補補先。紅棗，川弓，白芷， 黨參， 北芪，當歸，准山，杞子，大魚頭。香濃嘅藥材味道濃罩住成間餐廳。當滾起之後急不及待飲咗2碗湯。好正嘅藥材味。之後仲叫咗枝竹放落湯一齊煮滾。魚頭超級新鮮.海南雞半隻~雞肉好嫩滑, 雞皮又薄又滑。配埋黑醬油、辣椒醬和薑蓉，令味道更加多元。牛奶什菇蛙蛙菜~蛙蛙菜好甜好新鮮，魚肚吸晒有牛奶嘅湯中非常鮮甜。

太子呢間泰菜都幾出名到晚市都係超多人鹽燒烏頭係好傳統既泰式煮法，千奇唔好食到個皮！會勁咸，但個肉就一d都唔咸好香既魚香味加埋香料既味道，成條魚不消一會就清哂，因為佢其實冇乜細骨，所以唔洗吃得好小心翼翼蟹肉炒飯伴軟殻蟹泰式炒飯落既香料真係好好食呢個蟹肉炒飯好似見唔到蟹肉咁但係個飯入面係有好多蟹肉碎 再加埋隻炸軟殼蟹成個海鮮既感覺出哂黎泰式豬手呢個菜式都幾出名 都算幾大份一碟有5舊肉 而且都幾大下最重要最重要都係個汁豬手忟到好淋 而且煮得耐所以已經勁入味炸蝦餅5球既炸蝦餅 點埋泰式辣醬不單止可以令到個口感冇咁油而且有少少辣少少甜中和返 正

友人愛食泰國菜, 便由佢介紹下去了位於太子的有囍食飯. 食泰國嘢, 我必飲椰青. 椰青比我想像中大個, 夠多水, 又清甜, 記得要食埋椰肉. 愛飲湯的我, 點了紅燒蟹肉魚肚羹. 材料相當豐富, 份量足夠兩個人食. 調味適中. 魚肚吸收晒所有精華, 特別鮮甜. 若魚肚再煮稔身一點, 會更好味. 粉絲蟹煲. 上枱時已被賣相所吸引. 估唔到隻蟹咁大隻. 這個蟹堡份量夠大, 若想食多幾款菜式, 三四個人叫一煲也足夠. 蟹肉的肉質夠彈牙, 又夠惹味. 粉絲絶對不夠錯過, 吸收晒所有精華, 好好味. 最後點了馬拉盞通菜. 個菜帶微微辣, 夠惹味. 個菜可以起中和作用. 這一餐非常豐富.

久違了的蟹蟹！今晚終於比我食到啦！原本我諗住係平常砂煲粉絲蟹煲的份量，點知。。。。。 話說我呢一日才到有囍食晚餐，之前都來過一次了，覺得幾有水準，於是乎今晚再來encore 的。呢度雖然係食東南亞菜不過裝修和環境和格調也非常西化，而且每張枱的空間感十足，和隔離枱都有一段距離，都好適合三五好友朋友聚會傾心事。 我作為心急的香港人之一，一坐下來就瘋狂點餐是常識吧(>^ω^<)，將最鍾意食的粉絲蟹煲呀、海南雞呀、麥皮蝦呀、通通叫囇(^_^)vyeah 然後海南雞半隻非常之快速地已經有得食，可能係一早已經暫定，所以隻雞有點凍，不過由於我個friend樣晒啲雞髀位俾我食，而佢自己就食晒啲雞胸，所以我覺得個海南雞非常之好味，d肉滑溜溜，雞味夠濃，散發着金黃色光澤的雞皮令我忍不住全吃掉了p(^_^)q雖然事後感到非常後悔但是當下實在忍不住，因為真係好好味呀！ 然後到這裏的招牌菜麥皮蝦！麥皮蝦真係第一次食，就係上次見勁多人嗌，今次點都要自己試吓先得(｡ì _ í｡) 個賣相都好得下喎！而且感覺上冇黃金炸蝦咁熱氣，啲蝦又夠晒大隻！肉質仲鬼死咁爽實肥美鮮甜可口！ 最特別係個味道，原來啲麥皮

呢間食店，由之前火鍋，變成星馬泰菜館，再變成港式小菜館，裝潢有少少改動，但大致上相同，設有卡位，四人枱及大圓枱，幾多幾少人數都照顧到!主打菜式多數以粵式小菜為主，又會見到有蠔餅，肉骨茶等特式菜式秋冬季節主推熱煲類及糯米飯未人齊就先食住小食先，呢客沙薑鷄腳 ($48)，放低時已聞到惹香沙薑味，令人口水直流鷄腳斬開兩邊，更易入味及食得便，莫非靈感來自單骨鷄翼?!  鷄腳充滿沙薑味道，唔會過咸，就咁空口食都好快被KO!未食飯先叫個海皇豆腐羹 ($88)濕濕個口，份量夠2-3人享用材料食到有蟹柳，魚肉加埋蛋白，味道幾好味又夠熱，加點胡椒粉調味就仲正!蜜椒金薯牛仔粒 ($108)，薯仔與牛仔粒比例各佔一半薯仔粒先煎香，唔易散開，味道有蜜糖香甜味，好味呀; 而牛仔粒入口無渣，用黎送飯都唔錯!椒鹽九肚魚 ($88)，金黃薄脆炸醬包住軟滑九肚魚，配以喼汁伴食連魚的小骨一齊食，小心辣口，但炸物從來都要趁熱先好食金蒜蒸勝瓜 ($60)，每舊厚切勝瓜上舖滿金蒜拎去蒸，再淋上豉油熟油，熟度岩岩好，唔會食到過腍勝瓜，簡單中美味!籠仔客家蒸滑鷄 ($98)就成為壓軸出場，伴以黑木耳，冬菇一齊清蒸，鷄件吸收左荷葉香

最近同朋友一齊係呢度食晚餐，整體覺得唔錯呢！ 🦐#泰式生蝦 $110 生蝦厚肉爽口，配辣蒜同蒜片一齊食，點醬汁，酸酸辣辣好開胃🤪 .🥟#小食拼盤 $148 有勁多款小食，有春卷、炸魚餅、蝦餅、虎蝦同雞翼，雞翼金黃多汁，蝦餅金黃可口，春卷非常脆口😋😋 .🦀#咖喱軟殼蟹 $150 咖喱汁好開胃，而且唔算辣，個汁岩晒點薄餅食～重點係有好多軟殼蟹😝😝 .🥗#肉碎生菜包 $78 肉碎微辣帶點香料味，生菜爽脆～ .💛#芒果糯米飯 $88 糯米飯有4款味，原味、黑糯米、斑斕、藍蝶花，淋上香氣十足既椰汁，食埋呢個甜品就好滿足😆😆 有囍 地址：太子花園街232-242號禮賢大廈地下K-M舖

終於有時間同媽媽撐下枱腳啦 同佢去左旺角搵食見到呢間有囍 門面大之餘 重好多人幫襯 唔洗諗啦唔想諗又想食好少少 我地㨂$398嘅二人餐先㨂左冬陰海鮮湯 十分足料蝦 青口 魷魚重有好多菇 酸酸辣辣 十分醒胃主菜係海南雞同麥皮蝦 先講海南雞 黃油飯超好食雞肉嫩滑 加埋三種醬 味道岩岩好麥皮蝦 我第一次食 淨係個賣相已經好高分大蝦被炸過 炸到蝦殻都好脆 配埋啲麥皮蝦肉又鮮甜 好脆口 味道一流重有馬拉盞炒芥蘭 好夠火喉好惹味最尾媽媽重加左個椰青 好大個勁清甜 表示滿意

天地堂中間係openrice見到呢間評價都唔錯嘅餐廳，周末Lunch Time 時間唔洗排隊，都幾滿座，裝潢同環境都幾乾淨～Lunch menu有特色lunch同常餐，難得嚟到梗係揀特色嘢，所以試下肉骨茶～肉骨茶配白飯$663小塊脆油炸鬼配豉油白飯一大碗肉骨茶一大碗，店員打開蓋4個漲卜卜嘅豆卜彈出嚟，好QQ☺️ 湯底有好淡嘅藥材味，幾清淡，撈飯真係一流！豬肉係底度，都幾軟腍，豬肉味唔太突出，有啲啲似煲湯嘅豬肉。

搵地方醫肚，路經'有囍'以為係茶餐廳，入到去，點知原來係泰國菜。座位闊落價錢實惠，真係可以媲美茶餐廳👍泰式生虾， 蝦新鮮 ，肉身厚，爽甜😋😋😋泰式大蝦椰汁湯 ，啲蝦膏，蝦油沁曬喺湯面，好鮮甜， 椰汁味好香， 酸酸辣辣好滋味👍一碗湯有兩隻大蝦，你一隻，我一隻，唔使爭😜 蝦身好大，爽甜😍黃咖哩牛肋條，微辣，黃咖哩的黃色來自薑黃，辣椒的用量相對少得多，是我最喜歡的咖哩。肋條口感緊實又軟嫩，油而不膩。鐵板蠔餅， 煎得好香😍啲蠔仔好大粒，脹卜卜， 唔腥，鮮甜😋咸魚炒芥蘭，芥蘭炒得青青綠綠，爽甜，惹味🤗精粹係啲鹹魚 ， 鹹鹹香香 ，真係可以送返兩碗飯😜雷公啤 ，其鮮味而清爽， 香氣久經不散 ，有綿密細泡。傾下講下 ，原來食咗兩個幾鐘頭 ，侍應一啲都唔會催我哋走 ，服務唔錯噃👍