東海薈 · 拉斐特 (The ONE) (已結業)

在這個多事之秋的日子，需然早兩日食了一次大閘蟹自助餐，都要約另一班朋友食大閘蟹治療一下，今次就揀呢度嘅套餐。如果叫4人套餐包茶芥加一大約$380/位，價格未算最抵但係都可以接受，2人套餐少一個菜而未包茶芥加一。東海兩小碟（百味豆腐，乾扁四季豆），四季豆都係煮得偏鹹咗，空口吃會更覺太鹹；百味豆腐炸得唔錯，但豆腐嘅豆味唔算濃，質素剛剛合格。東瀛花菇燉螺頭湯十分熱及燙口，但湯面見到一片油，感覺肥膩，分數打折。主菜大閘蟹睇落大約四至五兩重左右，質素都唔錯，好多肥膏，肥膏亦黐牙，但不夠香，蟹醋質素一般，唔夠香。上第二轉大閘蟹時間控制得好，唔會食得好趕時間。鮮味蟹粉小籠包皮薄蟹味濃郁，只係包內的湯汁少咗D，但都有80分。生拆蟹粉蒜蓉包嘅包唔夠香脆，蒜蓉味唔夠，蟹粉分量感覺上比較少，我哋10個人只係得一小碗，每人只可以分到一小湯匙嘅蟹粉放在包上面。蠔皇花膠扣玉掌嘅花膠腥味好重，唔知花膠係咪浸洗同埋出水嘅時候處理得唔夠耐，花膠口感還可以。脆皮醬油雞係今晚另一個出色嘅小菜之一，皮脆肉嫩，雞肉好鮮及入味，皮好薄。薑茶湯圓嘅湯圓又係普普通通，而薑茶辣到足夠。

🦀大閘蟹季節到啦～🦀每年都會去東海食大閘蟹宴今年都唔例外貪佢有兩皇一后三隻蟹，夠晒喉今年打電話去訂枱冇特別問清楚點知今年原來改左，得返兩隻蟹😭😭不過算啦，為咗大閘蟹都會照食東瀛花菇螺頭燉雞湯先來了熱騰騰鮮味十足嘅靚湯，味道非常之甘甜，可惜份量比較少感覺上好似比之前細碗左有啲唔夠喉之後嚟咗清蒸大閘蟹雖然比之前細隻少少，但都好多膏雖然未至於非常之肥美，但係都不過不失食食下蟹竟然嚟咗鮮味蟹粉小籠包😅上菜次序亂晒😅小籠包梗係趁熱食唯有放低隻蟹食咗小籠包先鮮味蟹粉小籠包保持到水準一啖一隻，喺口腔爆開豐郁的蟹粉鮮味滋味無窮，皮薄餡靚到食緊第二隻大閘蟹時又突然上咗薑茶湯圓😅又係要趁熱食之後突然嚟咗濃湯淮山浸時蔬😅上菜嘅次序真係亂到令人滴汗😅😅😅不過時菜幾清甜當覺得唔夠飽之際就嚟咗酸辣肉燥手打烏冬呢碗就真係失水準啦，個手打烏冬好似未煮熟，好硬🤭最後上嘅竟然係生拆蟹粉蒜蓉包😅😅明明呢個應該一開始食點知最後先至上😅😅呢道菜係成個餐嘅精華😍😍😍😍塗滿蟹粉嘅蒜蓉包簡直正到爆真係俾多幾碗我都食得晒雖然今次份量少咗，上菜次序亂咗不過價錢都平左嘅🥰

今年第二次大閘蟹，ee就同屋企人一齊分享。去咗 #東海薈拉斐特 試佢地岩岩出既 #珍饌大閘蟹宴人均只係$368就可以飽嚐兩隻大閘蟹🦀🦀同其他蟹粉菜式，#物有所值。蟹宴亮點💡鮮味蟹粉小籠包🥟小籠包皮薄，餡料充滿蟹肉同蟹粉，先飲一啖蟹湯，再加上醋同薑米一齊食，嘆！生拆蟹粉蒜蓉包🥖（東海首推創新）法棍烘到脆卜卜，充滿蒜香味，鋪上一匙又一匙蟹粉，好到我破戒都要食。仲叫埋 生拆蟹粉豆腐/豆苗生拆既蟹粉加上滑溜既豆腐同嫩芽爽口既豆苗兩者互相輝影。為咗突出生拆蟹粉既甘香豐腴，廚師仲加上自家製既醋汁，陣陣醋既酸香，醒胃而不油膩。最後食埋薑茶湯丸，ee好滿足😌！📍 東海薈 · 拉斐特 (尖沙咀)尖沙咀彌敦道100號The ONE 12樓

出席大壽，順便寫寫食評。乳豬，微暖又脆皮，正常以上嘅發揮。西蘭花連蛋絲類嘅汁？比想像中多。雖然個名係鮮蟹肉扒時蔬，但未好感受到蟹味...呢個無影大碟，隻蝦幾彈牙，上面有啲螺片，幾大路亦唔錯嘅一道菜。鎮江烤骨，親戚們好壞參半。因為佢有啲好腍（我食到）幾入味又幾正。有啲勁韌，可一不可再翅，派場菜。幾淡，好在多料，未至於好齋。沙巴，店員都熟手幫手分好咗，亦會問需唔需要夾埋，幾貼心。味道黎講都係正常發揮。鮑魚花菇菜，去到呢碟菜其實開始飽。鮑魚未算好韌，整體黎講唔錯。脆皮雞，少少凍，少少鞋口，一般。分好哂嘅飯，呢個麻麻。望落好似好惹味，但其實係無味嘅。真係俾人唔夠飽用黎頂肚嘅。紅豆沙，又一啖味之作。要靠湯圓內嘅豆沙先夠甜...食唔落之下用作觀賞用嘅壽包，唔知味道揀正中秋附近做大壽其實都唔平，但三千左右一圍都未算好貴，開頭啲嘢食都幾唔錯，不過越後就越！（其實好多都係咁，可能因為開始飽，對食嘅要求不斷提升嘅關係...）地點係方便嘅，可以參考。

之前帶啲姨媽姑姐來過呢間酒樓飲茶，他們覺得呢間啲野幾好食，所以每次帶他們飲茶，多數都會來這間東海薈·拉斐特，必點的粉、面或飯今次選擇了龍蝦湯蠔仔泡飯（第一次食，湯底好味但龍蝦味不太突出，配埋炒米，食落多了份口感，蠔仔細得黎都好肥厚）😋，脆皮燒腩仔😋(外皮炸得卜卜脆，不太多肥肉），鹵水朱腳仔😋(鹵水汁調得香香），豉汁蒸鳳瓜，蔥花蝦米炸両腸粉，沙爹牛柏葉，蛋黃千層糕，迷你蛋撻仔，每樣都吾錯。👍👍

第一次來到呢種類型的高級酒樓式婚宴專門店參加婚禮，位置優越，擁有無敵海景，豪華裝修，樣樣似模似樣，可惜就是喺服務方面輸比酒店。其實呢度啲食物都中規中矩，許多酒店出品亦不過如此。但服務方面呢，首先大部分菜品是沒有分餐服務的，自己夾，而剩下的食物，侍應會喺上下一道菜之前大喝客人「邊個食？！」「你要吾要呀？！」，同檯d客人個個聽到都O晒嘴。而其他服務如添加酒水方面，侍應更加甩甩漏漏。感覺晚宴侍應全部是缺乏訓練的臨時工，實在拉低整個婚宴的水準。

foods wise was good but the service staffs attitude are very upsetting. when I arrive, the receptionists was very rude and when I was arranged to sit near the door, I requested to have change of seats as I don't wish to seat facing the entrance, the staff was not too happy and very reluctantly change the tables for me and my guest. when I was knock on the head by one of the staff and no proper apology.

第二次去呢度第一次就係朋友結婚冇食嘢淨係路過🥰🤪今次食過就知道真係唔錯值得推薦點解🙄👍🏻😙食過咁多酒樓就知道食物水準去到邊度🙄🤦🏻‍♀️今次第一次飲茶親友推薦嘅食物都係有水準，食材新鮮（食落口就知道食完幾個鐘頭之後都未見得口渴）😋環境舒適👍🏻🥂光線充足👍🏻🥂侍應生服務態度友善有禮💯👍🏻💕🥂雖然冇影圖片但係值得推薦😬💕🤗👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

約好朋友飲茶搞咗一間風景優美嘅地方除咗點咗蝦餃、燒賣、叉燒包，其他廚點也不錯，乳鴿醃得好入味，鮮嫩多汁，豬仔腳拆骨好滑滑，另外炒咗一碟炒尖椒，大大碟又好食又脆又不太辣，真好食呀！還食咗海鮮卷和素鴨，仲有叉燒腸裏面嘅叉燒係粒粒㗎有咬口。甜品食咗千層糕，層層嘅蛋黃， 甜度恰到好處，又不會太膩。呢餐我們都 非常滿意😄😄星期一至星期五。不論任何時段飲茶，點心紙都有68折。我哋幾個人揸架車嚟到，仲可以免費泊3個鐘，巧正正。

🎊happy birthday to my Boss🎊🎂🎁🍵🥢Lets eat 🍑Longevity Bun🍑 to celebrate today🎉🎉🥳..適逢老闆今日生日，同事說要食壽包同老闆慶祝 就提議大顆兒去飲茶。但一時間說要吃壽包 真的考到我呢。幸好發現 原來呢家酒樓午市點心是有提供的 就立刻訂座午飯時間去吃吃。🍑壽包🍑 呢度聲稱既壽包係 ，原個蛋黃壽桃包。一上桌熱騰騰`大大個`粉嫩嫩，真的很吸引呢。壽包形狀已經很可愛 很討好；撕開入面既蓮蓉餡，一口咬下去好綿密 不太甜 味道剛好；而最裡頭既咸蛋黃真的是靚黃，做到漏黃既效果 咸香味真的很棒。一咸一甜既口感真的很滋味，吃過壽包 大概是今餐午飯既完美結束。..祝老闆也壽比南山喔。..

為大閘蟹而來，食物水準不錯但服務真是強差人意，但大家不要以為枱枱都無服務！只要你是熟客就要乜有乜，加水加茶換碟紙巾唔使叫都有，亦唔會喺你食緊蟹嘅時候無啦啦同你上晒其餘所有嘅菜！但生客的話就眼尾都唔會理你！怪不得分店越來越少。請還我八十多元服務費，因我一啲服務都無！

秋冬必食 大閘蟹宴🦀 《限時限量》放工同 蟹粉 們會一會🦀哥先😘今年一直等，終於等到合格批文的 江蘇大閘蟹 到港啦！當然要到出名食有質素的大閘蟹酒家食啦😋😋😋我地除左食🦀，仲有食 蟹粉小籠包 、生拆蟹粉蒜蓉包 、 蟹粉菜苗 🦀🦀🦀 蟹膏濃郁豐厚另外也試了另一秋冬必食 生炒糯米飯🍚 炒得乾身，臘腸又香又甜！ 最後來一碗 #薑茶湯丸 驅驅寒👍🏻👍🏻👍🏻#年度重點宴會#有套餐有單點#記得預約餐廳好fullbooking#東海 #hairycrab #大閘蟹 #一期一會

經過上黎飲下茶，食個dinner，兩個人點左四個送，最喜歡的是，賽螃蟹，真係好正啊！之前已經黎過飲茶，覺得環境好好，有好大的落地玻璃可以見到尖沙咀景色，而且他們的服務員Gigi好好人，招呼都很好。在這裡望住窗外嘆翻個茶，真係好好正ga。如果一家人聚會啊、又或者慶祝啊......呢度都好合適，地方夠曬大，大人，小朋友都好啱食，而且好好食，🈶️特色，但最衰就係今次食唔到個醉雞啦！下次去再去試試！會再黎！

很久沒和朋友中午飲茶吃點心，上星期六就選了在尖沙咀THE ONE的東海薈，因為10人才可訂位，我們12:45到達剛好有6人檯不用等待。雖然沒有窗邊位置，但檯與檯之比較寛闊所以都算坐得舒服又不太嘈吵。點心味道尚可，但不知為何總覺得𣎴夠熱，除了炸豆腐。那個蛋白炒飯也同樣只是暖暖的，不過份量就意想不到的大。另外，口味的確是每人不同，那道皮蛋肉鬆豆腐，其中一位頗欣賞的，但我跟其他人就覺得加了肉鬆味道有點怪𣎴太配合。最後結帳每位約HKD130，算是合理節。

有親戚80大壽，揀左去東海薈擺大壽，總共有十一道菜。鴻運金豬全體正常味道，乳豬皮夠脆，一圍大概28塊，每人食到兩至三塊到。唔好大大啖咬落去，因為唔係件件都除哂啲骨，有圖有真相。翡翠炒花枝蝦仁份量中等，荷蘭豆幾新鮮，有咬口，唔太淋，蝦仁有新鮮蝦味，花枝片都好食。乾貝野菌扒時蔬冇咩特別，正正常常。百花炸釀蟹鉗炸粉並唔多，蟹肉份量十足，值得一讚。唯恐蟹味唔多夠，要用酸甜醬料補味。紅燒竹苼蟹肉翅係有蟹肉既，個上翅時候，紅醋都仲未上，仲要問先至上，依到服務要減一減分。蔥油蒸杉虎斑賣相真係一般般，味道都係一般般。蠔皇原隻鮑魚伴花菇應該改做原隻鑵頭鮑魚，個人認為啲菜仲好味。脆皮炸子雞不騙既脆皮，雞肉都滑，全隻雞都熟既。熟同滑不嬲都係炸子雞要拎既平衡，東海薈係依方面做得幾好。長壽蝦籽炆伊麵好飽啦，close up左，真係有蝦籽架，雖然好似冇咩蝦籽味，但起碼名符其實。味道都係可以既。東海壽桃包每個壽包都有一個蛋黃。老子飽了。雪耳萬壽果唔太甜，雖然唔好食，但冇加多餘既糖，令最係既甜品變為”糖”水。總結，食物一般但位於尖沙咀，撘lift過程都幾迂回，此外，馬桶位只有一位，大家留意。