桂月 (已結業)

【Overall 評分】食物質素：★★★★環境感覺：★★★★服務質素：★★★★衛生指數：★★★★抵食指數：★★★★打卡指數：★★★☆回頭指數：★★★★🔜 是日是月餅節，趁最後一日各地都做緊月餅最後促銷，緊係要去「趁低吸納」啦😂 回程時見到呢間清新小店，以懷舊音樂為主題，牆壁掛滿黑膠唱片，壁畫，懷舊車牌等，環境乾淨企理，感覺不俗🔜 Lunch Set 最平$76就有交易，每份set包括餐湯或沙律，Main同一杯汽水或果汁────────────────────【Lunch Set - 黑松露意大利飯 $82】。是日餐湯係南瓜湯，入口Creamy，啖啖都係南瓜甜香。意大利飯軟硬適中，濕潤又帶嚼勁。粒粒米飯都隨伴住香濃嘅黑松露香，香氣撲鼻。份量恰到好處，食完都吾會有膩感。飲品：Pineapple Juice.【Lunch Set - 西西里蕃茄醬肉丸扁意粉 $88】。沙律菜綠油油又新鮮，加入黑醋同乳酪醬汁，好fresh。意粉質地彈牙，條條都沾上蕃茄醬汁。更拌入芝士，令味道更富層次感，濃稠度亦更高。肉丸嫩滑富肉汁。飲品：Cranberry

深水埗汝州街附近一帶都好多餐廳cafe，久唔久都會過嚟試下新嘢，今次就試下呢間叫桂月嘅餐廳。 餐廳環境舒服，牆上掛滿黑膠碟💽，一邊播住懷舊英文歌🎵🎶，氣氛好好。 我同朋友揀咗個2人set dinner🍽。 先點咗2杯菠蘿汁🍹，配合埋有格調嘅裝修同音樂，同朋友飲嘢邊傾偈認真一流。 煙三文魚無花果沙律🥗：其實我好少食無花果，原來佢夾落沙律度食出奇地match，沙律菜新鮮爽脆，加上煙燻嘅三文魚，非常滋味，清新鮮美，作為前菜非常開胃😋。 南瓜湯：南瓜香甜，配搭忌廉，濃郁香滑。 英式脆炸深海鱈魚🐟配香料薯條🍟：脆炸深海鱈魚炸到金黃色，表面嘅炸粉唔會太厚，鱈魚好嫩滑，完全無腥味，總共有2條，份量都好大，每人一條已經好飽肚，加上沙律醬食就perfect match，配合埋香料薯條非常圓滿😌。 黑松露雜菌意大利飯：呢個意大利飯用咗正宗意大利做法，意大利飯煮得偏硬身，比較有咬口，黑松露味道夠濃，雜菌夠多。 廚師精選甜品：有士多啤梨蛋糕🍰，朱古力蛋糕同雲呢拿雪糕，伴碟加咗自家製嘅crumble，曬落去雪糕度可以增加口感。

話說最近H小編經常性要去太子個邊做野 發現其實太子同深水埗中間多左好多小店 外面見到有間舖頭個名係用廣東話拼音 好得意 仲發現佢地一直播緊70 80 年代英文歌😂😂 好有趣 (利申: 小編係90後🤣) H小編見野食幾吸引就叫左個2人餐試下 ($428)前菜： 煙三文魚無花果沙律🥗無花果好新鮮 沙律菜加埋柚子醋食落好fresh 餐湯: 南瓜忌廉湯🎃正常 南瓜味再濃d就好啦主菜: 法國香烤春雞🐔聽店員講用慢煮方法整 令到雞肉保持嫩滑而且juicy 正😋意粉: 忌廉菠菜蟹肉蝴蝶粉🦀幾好味 唔會好膩好滯 而且好多蟹肉😍甜品：士多啤梨🍓加朱古力🍫慕士蛋糕拼雲呢拿雪糕配肉桂蘋果脆好值得提係佢地d脆脆係自家研究製成 係幾好味

今晚行經汝州街，見到間好有氣氛又浪費的酒吧餐廳🍴牆上掛滿40～50～60年代黑膠唱片及封套，播放住懷舊音樂，食物方面都好高質素👍👍精撰廚師餐湯🔸甘筍湯，濃郁creamy，熱辣，好好味。前菜🔸煙三文魚無花果沙律好大碟翠綠沙律菜，煙三文魚，無花果，淋上油醋，好清新。主菜🔸英式脆炸深海鱸魚配香料薯條香脆麵衣包住深海鱸魚🐟肉質厚實，配搭香口薯條，味道不錯👍🔸黑松露雜菌意大利飯黑松露獨有的特別香味，意大利燉飯外表軟滑，中心有咬口，完全吸收晒濃郁又creamy的蘑菇醬汁😘😘甜品🍮🔸廚師精選甜品一球雲呢拿雪糕，兩款不同口味蛋糕🍰朱古力及Tiramisu ，一口吃下去實在大大滿足啊！甜滋滋的蛋糕配上多粒酸甜蜜桃爆朱及藍莓，增加口味，正👍👍Mocktail 🔸What a Peach🍑( Peach Puree Fresh Green Grapes, Fresh Cold-Pressed pineappleJuice,Lemonade)蜜桃蓉及新鮮青提子🍇，鮮菠蘿汁，檸檬汁的味道怡到好處，入口舒服，不太甜🥰🥰🔸Special (熱情果，香橙🍊湯力水）香甜果味，入口爽呀。

dinner menu都幾豐富，🌙今次試咗兩人套餐，可以自選一個主菜，我哋當然揀咗招牌嘅香烤法國春雞！🍗上到嚟都幾大隻，除咗雞肉鮮嫩之外，醃製得好入味❤好鍾意佢旁邊，🥦更加有多款嘅配菜，搭配起身非常豐富。飯麵方面，我哋叫咗脆炸鱈魚🐟西西里蕃茄醬意大利飯，好鍾意意大利飯煙韌嘅口感，鱈魚塊新鮮即炸，好香脆😍仲可以食到厚肉口感👍芝士煙肉流心大啡菇🍄最啱同朋友一人一件。流心嘅芝士，再加上煙肉嘅香味🥓大啡菇juicy好有肉味。飲品好特別，mocktail🍹仲加埋珍寶珠嘅得意裝飾，飲落🍑桃香，微甜可口。

深水埗太子之間, 日啡夜吧嘅西餐廳. 之前bookmark左想試啡, 估唔到拖拖下最後反而去左dinner . 晚市二人套餐 $428已經包左salad soup main 同dessert, 唔貴. appetizers 煙三文魚無花果沙律三文魚份量都唔少, veggie 幾新鮮, 有切粒甜甜無花果配上酸甜柚子醋做salad dressing 幾好食南瓜湯雖然唔算好稠身, 不過都幾香甜, 口感順滑Main 選左香烤法國春雞春雞原隻燒得金黃外皮. 見我哋切得不太順利, 店員仲主動幫我哋交俾廚房切件. 雞醃得入味, 烤煮timing 幾好, 肉質嫩, 就算雞胸肉都唔會鞋. 放咗檸檬入雞內一齊焗，所以帶有檸檬香, 好食. 一邊蔬菜有grilled 過都唔錯忌廉菠菜蟹肉蝴蝶粉好多蟹肉係頂, sauce creamy 但又唔會好膩. 亦幾欣賞蝴蝶粉Al dente 口感唔會太腍.精選甜品士多啤梨朱古力蛋糕拼雲呢拿雪糕配上自家製crumble、蜜桃橙爆珠，令到成個甜品口感更加豐富👍🏻

📍桂月位於太子同深水埗中間既桂月，朝早係cafe，夜晚係酒吧，有情調得黎，食物都幾高質～由太子地鐵站行5分鐘左右就到喇～今次叫左一個二人套餐，真心好抵食，回頭率極高既一間餐廳😎套餐有前菜（煙三文魚無花果沙律），湯（南瓜蓉湯），主菜一款（美國特選牛柳配匈牙利鵝肝），意大利粉/飯一款（脆炸鱈魚西西里蕃茄醬意大利飯），甜品一款（柚子蛋糕配雪糕）同埋兩杯飲品（汽水/果汁），包哂咁多野都只係$428！👅 煙三文魚無花果沙律呢個沙律用左柚子汁代替沙律醬，開胃得黎又無咁滯，無花果超級甜，蕃茄仔都新鮮，煙三文魚份量可接受，正常發揮～👅 脆炸鱈魚西西里蕃茄醬意大利飯炸鱈魚炸粉份量啱啱好，夠脆但唔會做到成口粉既感覺，鱈魚亦夠滑！意大利飯口感幾正宗，有咬口，蕃茄醬能夠包住每粒飯，唔會乾。👅 美國特選牛柳配匈牙利鵝肝牛柳好出色，medium，夠肉汁，唔韌，亦都好厚身，好實在，回頭必食之一👍🏻 鵝肝有少少騷味，係正常嗰種，口感綿綿，鍾意鵝肝既朋友仔應該都會好鍾意☺️👅 柚子蛋糕配雪糕呢個蛋糕好有驚喜！柚子嗰種清新好啱呢一餐飯😳Cream亦打得非常滑！蛋糕仲係好濕潤，可以爽埋雪糕食我

呢幾年深水埗一帶多左好多充滿文青丶藝術感的新cafe，新舊交雜好特別。桂月主打手工啤酒丶雞尾酒丶紅酒丶西餐為主。店內充滿黑膠唱碟和美式風情的車牌，門口頭頂處有棵反地心吸力的樹係天花板, 充滿藝術氣息。Happy hour時段吾係好肚餓我揀左芝士焗墨西哥片同香烤芝士煙肉流心蛋大啡菇呢個大啡菇好香鮮菇味好juice側邊仲有沙律菜切開左裡面超多蛋汁流出黎配埋芝士煙肉煙韌又好食！自家製的芝士焗墨西哥片有兩種不同的醬莎莎醬及莎拉醬我自己比較鍾意莎莎醬，酸甜適中。墨西哥片口感鬆化酥脆，幾惹味！揀得小食當然有飲品我地揀左Moscow mule同斑蘭梳打啤酒。Moscow mule呢杯用銅杯裝住的Moscow mule用左vodka做底，再溝ginger beer, lime juice同苦口酒。入口冰涼清爽，同時飲到薑啤同青檸汁的薑辣和酸味，仲有好多氣泡。斑蘭梳打啤酒斑蘭味梳打都好得意佢口感細滑，入囗有香甜的椰香奶味隨後慢慢散發著斑蘭的味道，充滿著果香的氣息～～試後感 覺得佢地的酒真係吾錯，有質素又好飲，適合同朋友黎飲番杯～

一直覺得呢個餐廳名好靚，今次終於同朋友到訪～ 餐廳行暗黑懷舊風，坐得舒服！我地點咗個$428晚市二人套餐😋🍭煙三文魚無花果沙律幾出色嘅沙律，醬汁酸酸甜甜，同煙三文魚無花果好夾，加上新鮮嘅沙律菜，真係食唔停！🍭英式脆炸深海鱈魚配香料薯條好耐冇食過fish and chips😍 佢個深海鱈魚炸得幾好～ 魚肉好厚身，炸皮好薄！薯條香口好食～🍭忌廉菠菜蟹肉蝴蝶粉用上蝴蝶粉成碟嘢即刻靚咗！食到啖啖蟹肉，成碟蝴蝶粉好creamy, 唔錯！🍭南瓜湯🍭廚師精選甜品仲有餐湯同甜品～ 南瓜湯幾好飲，甜品係cheesecake 同雪糕～ 幾靚！🍭What a peach!🍭Pineapple juice點咗佢呢款mocktail~ 幾靚，有朵花花印咗喺面，仲插左支珍寶珠！飲落甜甜地～ Pineapple 就清新解膩～

桂月是型格的西餐廳，玻璃窗採光度高，牆上繽紛的壁畫，格局舒適寧靜。我們點了二人套餐，十分豐富，坐在吧檯附近，欣賞調酒師在調配cocktails，感覺慢活。晚市二人套餐 $428前菜: 煙三文魚無花果沙律三文魚滑嫰，配上鮮甜清幽無花果，清爽誘人，沙律菜帶蜜糖的甜香，清爽開胃，口感多層次。南瓜餐湯南瓜湯香甜、綿稠，拌勻奶滑忌廉，蜜甜香滑，十分開胃。 主菜:香烤法國春雞肥美的春雞，烤至油潤亮麗，切開時香噴噴。雞皮微微焦香，內裡肉汁香嫰，加上誘人的香草調味，滋味得舔舔咀邊的雞油。蕃薯條粗身綿糯，純樸甜香，沾上肉汁精華，質感更細膩。香蒜辣椒鮮蜆意大利粉幼身意粉掛滿香蒜汁，入口煙煙韌韌，表面鋪滿蜆肉，質感挺身，咀嚼時釋出淡淡的酒香。意粉散發著淡淡辣椒香，惹味吸引，滋味十足。忌廉蛋糕配雪糕蛋糕質感綿柔，分別有草莓及朱古力口味，夾層慕絲濕潤，配上一球雲呢嗱雪糕，令人甜絲絲。

平日放假搵咗呢間特色式小店,成間舖頭以音樂為主題,牆上貼咗好多舊CD。平日有做lunch set,價錢由$7X到$1XX都有,都算幾抵食Lunch set包果汁同沙律/餐湯牛油果煙三文魚墨西哥卷配田園沙律牛油果paste 好香滑,配埋煙三文魚好夾,無得輸。墨西哥卷入面仲有好多的沙律菜,好清新好fresh的感覺,不過呢個份量比較少,男仔可能唔夠飽香烤春雞煙肉配薯菜呢個烤春雞係以低溫慢煮的方式去煮的,所以入面的雞肉好嫩好滑,但係雞皮就唔同直接高溫烤過果D咁香脆,反而啲薯菜就好香濃的炭烤味

以前以為文青街只有咖啡飲，最近發現原來仲有間幾特別食西餐嘅bar！餐廳內坐得舒服，播著bar音樂，而且佈置都幾有心思。lunch set價錢$100以內包主食、飲品如果汁、沙律/湯，真係幾抵食。🌯牛油果煙三文魚墨西哥卷配田園沙律係比較健康嘅選擇，卷內入面滿滿軟香牛油果， 啖啖牛油果清新，配上三文魚、番茄粒粒筒菜，還有外層的薄薄烤香薄餅同沙律醬，幾清新健康！🍝西西里蕃茄醬肉丸意大利粉同樣水準幾好，意粉texture不錯，配上濃香番茄味+肉丸，幾特別。餐飲方面，竟然有多款果隻配搭，菠蘿汁、cranberry juice都幾清新。當日餐湯係南瓜湯，味道幾creamy濃香南瓜味。的確係幾難得地在文青街不用只係飲咖啡！

Moscow Mule 🍹有Vodka, Lime, Ginger Beer, 飲落好清新，好易入口甜甜地好啱女士們飲👍🏻Damm Lemon 🍺一杯有檸檬味嘅啤酒，真係好易入口，因為加左果味，好好飲架呢…👍🏻香烤芝士煙肉流心蛋大啡菇🧀平時食開大啡菇都係加芝士煙肉，原來加左隻流心蛋好食好多，即時提升到個水準出來，小食一流。煙三文魚墨西哥卷🫔墨西哥卷個人覺得比較健康，夾左蔬菜同三文魚，好清新嘅感覺。

一家四口經過深水埗搵嘢食求其拍低車,見到有間好靚裝修嘅餐廳,一家四口入去試下環境好,食物好味,裝修地方好靚有好多美式車牌,有美式音樂廳環境舒服,侍應態度友善,有禮貌我地同小朋友去,佢見我哋小朋友凍自動關細冷氣我哋叫咗一個二人餐加一個大拼盤,仲散叫多個意粉,上菜有次序,初時我哋以為點解會咁慢原來佢跟清楚頭盤中盤尾盤我哋食完一樣佢先再送上嚟,大家都好鍾意個氣氛,下次會專登過嚟幫襯非常喜歡嗰個大拼盤同埋甜品好好食

深水埗近年聚集好多不同嘅高質小店，一洗以往大眾覺得「地踎」嘅印象。餐廳嘅名字充滿住濃厚嘅詩意 —— 桂月。桂月指八月，皆因每年農曆八月桂花盛開。而因傳說中月亮上有桂樹，所以桂月乃月亮嘅別稱。餐廳主打提供本地嘅手公啤，葡萄酒以及西餐為主。牆身掛滿住好多不同嘅黑膠唱片珍藏，加上裝修嘅風格令人有如去咗泰國渡假咁。餐前酒Prosecco DOC級數嘅氣泡酒，味道不甜偏乾，清新香味撲鼻，少少偏酸好啱食沙律前醒醒胃。餐酒Finger Stamp Shiraz 2019南澳出產嘅Shiraz有住豐沃嘅紅水果味，果香重低酸度丹寧中等幾易入口。Finger Stamp Chardonnay 同屬南澳出產嘅Chardonnay, 顏色呈螢光黃，味道方面有少少奶油餅乾同埋梨嘅香味。煙三文魚無花果田園沙律剛剛好嘅二人份量，煙三文魚一定夠兩份分！柚子汁比想像中甜，味道有啲似柚子蜜嘅感覺。而且沙律嘅 dressing 有無花果粒，誠意分滿滿。英式脆炸深海鱈魚配香料薯條拳頭咁大嚿嘅炸鱈魚，食落去肉質彈牙結實一啲都唔削，但炸粉就厚咗少少。香料薯條味道非常邪惡，香中帶辣而又有少少蒜香味，食到jap jap聲停唔到口。黑