桃子Cafe (已結業)

我地叫左白汁明太子海鮮意粉餐、咖喱漢堡蛋包飯同埋和風雜菌芝士蛋包飯。好快就黎左個栗米湯，心形既碗非常吸引，急不及待飲第一啖熱辣辣既湯，栗米湯有栗米粒，低脂，食到粟米粒嘅真味，係（開多左水嘅）家的味道。和風野菌芝士蛋包飯道好健康，少鹽，少調味料，清淡到冇味道既蛋包飯第一次食，令人非常驚艷清新。白汁明太子意粉好juicy，juicy 到我以為食緊湯意粉。食左一啖，係有淡淡明太子味，但係可能太健康，食唔到唔到好滑好濃郁嘅白汁味，太juicy 了。咖喱漢堡蛋包飯比較唔特出，感覺冇上面提到嘅飯咁健康，比上面嘅飯/意粉濃味少少，冇打茨。漢堡有啲脆皮，外脆內軟，好貼心咁吹至可入口嘅溫度先上菜。滑蛋係滑嘅，但都係好健康。甜品係卜卜脆紅豆奶凍，擦新左我對紅豆嘅理解，係紅豆形狀嘅爆珠，個奶凍有藥水味，令我地感覺到呢個奶凍嘅特別總結，份量夠大，可以免費加飯，但一定冇下次，難食到一食完用左一個鐘黎諗點打呢篇食評。

2019年最後一餐要食好D。朋友好鐘意日本，今日就同佢「返鄉下」，回味下日本美食。呢一間專門食蛋包飯， 黎到當然要試試。晚餐$98有set，包飯、飲品同埋甜品。作為芝士愛好者，好快就諗好叫咩，叫咗咖喱芝士漢堡蛋包飯。日本咖喱偏甜，仲有少少紅蘿蔔做配料，正正常常。隻蛋好滑，仲有少少蛋汁，超級好味。芝士放咗喺漢堡扒上面，芝士嘅份量絕對唔吝嗇，可能食得太耐佢凝固左，可以一細嚿咁樣食。漢堡扒勁厚身，食到好飽，但亦因為厚身所以咁煮落有少少嚡。整體成個飯有好多適合配飯嘅原素，每一樣加埋就令到成個飯都好好味，甚至嫌飯太少。為咗隻蛋，絕對有下一次。

旺角通菜街有好多間各式各樣既美食小店🤤💓價錢大眾化之餘又多選擇✨本身想去試下石鍋堂既石鍋烏冬！點知原來夜晚先有供應🙍🏻‍♀️行過見到呢間蛋包飯幾吸引！就同👦🏻入左黎試啦😆🍛日式咖喱吉列豬扒蛋包飯 $58 （7.5/10）豬扒外脆內嫩 肉質軟稔唔乾 炸粉亦唔厚💕個人口味鍾意再炸耐啲更香脆😝👦🏻就話啱啱好 唔會太乾太熱氣😛咖喱濃稠度剛好 唔會太杰 甜甜地送飯好好味🤤亦加入左好多蔬菜，有薯仔🥔紅蘿蔔🥕同翠肉瓜熬煮，煮得好淋又夠味💚好味之餘感覺又多份健康感٩(˃̶͈̀௰˂̶͈́)و飯粒軟熟煙韌，滑蛋選用湖北蛋蛋味香濃突出，入口嫩滑，配埋咖喱汁夠曬滋味😚🍯蜜糖香草雞翼 $38 （7/10）即叫即炸 黎到個陣仲勁熱🤤雞翼好重蜜糖味🤤炸得香脆 大大隻厚肉 肉質嫩滑!略嫌有少少唔夠入味 如果入味啲會更加分！

小妹以前都有做過蛋包飯店，有日突然口痕想食蛋包飯，呢間Cafe出名蛋包飯出名蛋包飯咪嗌黎試吓點知用左$80去嗌一個炒蛋配白飯，劣到呢。。。上面一塊炒蛋 隔離一pat芝士 下層一睇就知係就咁喺電飯煲不出來嘅白飯。。。難食到我要開ac寫食評

店舖位置比較偏僻，係女人街的一角，不太起眼。幾經辛苦，終於找到了店舖的所在。黎到桃子cafe ，就點左～吉列豬扒蛋包飯～同埋 普通茶記都有既凍檸茶 🍵吉列豬扒蛋包飯黎到～賣相唔錯既！！吉列豬扒金黃色，酥脆酥脆💓💓配埋熱辣辣既滑蛋同埋飯💓💓💓真係唔錯唔錯，會想再黎食過！價錢方面就有少少略貴 ...（吉列豬扒蛋包飯以外)希望會出學生餐！！！💓凍檸茶方面 就有少少失色店員溫馨提示記得攪攪底下的果糖奈何我攪左好耐，都仲係唔係好夠甜

雖然蛋包飯是日本普及的家庭式飯食，但在香港通菜街的桃子café馳名流心蛋包飯一樣贏得食客歡心。這裡的蛋包飯又經濟、又好味、真材實料，吸引不少各方食客。桃子café在通菜街22號地下，舖位不算太大，但佈置簡潔，環境舒適。桃子cafe 是間日式蛋包飯專門店，有多款蛋包飯選擇。咖哩蛋包飯就有雞肉、牛腩、鯛魚、漢堡、吉列豬扒和吉列豬扒等。芝士蛋包飯就有和風野菌、和風叉燒、和風鰻魚及和風海鮮等。另外還有各式意粉/飯、親民價的優惠精選、小食、沙律和餐湯。坐下叫了日式咖哩粟米漢堡蛋包飯配餐湯，龍蝦汁燴大蝦意粉配熱柚子蜜。日式咖哩粟米漢堡蛋包飯，漢堡使用安格斯西冷牛肉手打而成，不像其他扁圓漢堡，這個漢堡逞橢圓形，帶點特色，裏面再放上粟米粒，牛肉味鮮且嫩滑，蛋包飯以流心半生熟蛋包住白飯，飯底夠乾身，粒粒晶瑩。蛋包用上優質河北蛋製成，蛋味豐富，而且非常滑溜。至於咖哩汁就更加 製作認真，加蔬菜慢煮而成，咖哩味香濃，整個蛋包飯味道很夾。餐湯是粟米忌廉湯，湯夠熱，內有粟米粒，味道不錯。龍蝦汁燴大蝦意粉，已剝殼鮮蝦夠大隻，蝦肉鮮嫩爽口彈牙。意粉份量十足，帶點煙韌，滲透了龍蝦汁，開胃好味。飯後來個熱飲柚子蜜，清甜潤

之前去過桃子cafe食過一次好掛住佢既蛋包飯所以今日再去幫襯佢⭐️⭐️⭐️因為上次係週年紀念所以有特別既menu🤝今日去就無左個special menu，不過都有新既甜品跟Set送番😋😋今日嘅咖哩流心芝士漢堡蛋包飯仲照舊係咁好味，個漢堡好夠熱呀，牛肉好重牛味，而且大大舊，加埋流心既芝士，真係引爆曬我既味蕾呀配合埋香口既日式咖哩，真係好好食呀另外我嗌左咖哩吉列豬扒蛋包飯吉列豬扒既外層唔會好厚粉，豬肉係用穀飼豬，所以豬肉味好重😚😚肉身整得超級淋，加埋一齊真係啖啖都係享受呀😘😘佢新推出既甜品係薏米紅豆奶凍，薏米同紅豆好好口感加埋奶凍唔會好甜，好岩我口味呀

係女人街搵野食，見到呢間有人排隊，最後揀左食呢間餐廳。呢間餐廳專食咖哩飯同蛋包飯。我地叫左一個咖啡吉列豬蛋包飯，咖啡唔算辣，係日式咖哩個種味道。個蛋幾滑，不過豬排比較乾身，肉質唔夠鮮嫩。另外叫左一個日式和風鰻魚粒炒飯，鰻魚份量唔算多，飯身濕潤，不過炒飯都係有個缺點就係味道單一，食到一半已經覺得好膩，唔想再食。

在食評開始之前先說個題外話，話說今次我的食評標題「驀然回首那人卻在燈火闌珊處」，標題裡面的原文，其實是出自於南宋著名「豪放派」詩人兼詞人「辛棄疾」的手筆，跟他的宋詞作品「青玉案 · 元夕」。「辛棄疾」原本在「青玉案 · 元夕」裡面，是想藉着作品表達個人鬱鬱不得志，抒發自己在政治上不受南宋皇帝重用的憤慨，「辛棄疾」其實是想向皇帝寄喻，自己就在當眼不遠處，為何皇帝卻視而不見。不過我今次引用「青玉案 · 元夕」裡面的名句「驀然回首那人卻在燈火闌珊處」，純粹志在比喻自己在旺角行人專用街道「通菜街」裡面，尋找食店「桃子Cafe」期間遇到的艱辛程度而已。因為我在上手手提電話「開飯喇」戶口裡面，曾經光顧過「桃子Cafe」一次，奈何那次我來到旺角「通菜街」光顧「桃子Cafe」的用餐體驗，最終不幸因為遇上手機報銷，而無法撰寫食評。跟著我嘗試過重臨旺角「通菜街」，嘗試再次上門光顧「桃子Cafe」，和再次享用「桃子Cafe」裡面的招牌牛肉漢堡扒蛋包飯食品，可惜當時在「通菜街」找來找去，始終找不到「桃子Cafe」。正當我開始感到氣餒，曾經考慮過放棄再光顧「桃子Cafe」的時候，我忽然再次在手提裡面的「瀏覽器」

呢間小店鋪面細細但俾人感覺好溫馨好日式。日式蛋包飯係招牌菜式，呢排仲做緊2週年優惠，88就可以食到原價128嘅日式咖喱芝士流心漢堡扒蛋包飯，咖喱唔會太咸同油，幾易入口，漢堡扒又大又厚實，好有飽腹感，蛋真係好滑，幾樣食物好夾，份量又唔少。另一個海鮮卡邦尼就失色少少，味淡左d,個汁偏稀，忌廉牛油味不足，正水準之下光，始終都係食翻日式野好d。小店幾有心思，碟仔都配合桃形，好可愛為左漢堡同蛋包飯會再黎，意粉就不太推薦了。

原本想試隔離舖韓國菜，因為現金唔夠中銀勁多人提款，就去呢間蛋包飯專門店試，價格徧貴對其質素有期望叫了佢個兩周年招牌日式咖哩煙肉漢堡蛋包飯賣相一看就feel到唔對路，咖哩完全係日清咖哩包，冇較過好淡，漢堡好粗好鞋口下係有少少煙肉，味道連坊間好少少既茶記手打漢堡也不如，蛋冇乜蛋香好普通的炒滑蛋，做唔到蛋定左型比客自己切開爆汁那種，味道好行貨超級普通😰，又濫收服務費 唔叫侍應水都冇杯，攞百幾蚊真係大把選擇真心無下次！

日式咖哩連鎖店經常都食到，原來係旺角通菜街都有高質日式咖哩小店。今日行完街街，係通菜街搵食，就見到呢度有日式咖哩飯，好，入去坐底睇下有咩好食先。日式咖哩流心芝士漢堡蛋包飯，賣相好吸引，試一啖漢堡先，芝士可以拉絲架！漢堡係用安格斯牛肉攪碎再手打，食落粗粒既牛肉有咬勁之餘仲好重牛肉味，呢個口感食得岀廚師既手藝同心機。蛋係用湖北蛋，蛋黃會比一般大，蛋黃色澤光鮮，食落蛋味濃，飯同蛋一齊放入口，滑滑既蛋同軟熟既飯粒，正！大家都知日式咖哩唔會係辣既，呢個咖哩仲食到蔬菜果種甜，原來廚師每日用新鮮蔬菜煲水煮咖哩架！連配菜都好岀色，除左因爲新鮮，薯仔焗完再煮，所以食落爽口挺身唔糊口。食完咖哩，飲番杯清爽涼快既凍薄荷古朱力，爽呀！

來到旺角食蛋包飯，啱啱做緊兩周年限定，$88五選一。餐廳裝修好可愛，有一個好大嘅桃畫左係牆壁度。問咗餐廳侍應邊一種蛋包飯比較受歡迎，侍應介紹日式咖哩芝士漢堡蛋包飯，但係友人唔食芝士的原因就叫咗個日式咖喱漢堡蛋包飯，蛋包飯上面嘅漢堡由美國安格斯牛肉眼打成肉碎，比較彈牙，食到好香嘅牛肉味。配菜有薯仔紅蘿蔔，薯仔炆到好軟，咖喱配飯一流。友人則叫左日式咖喱吉列豬扒配意粉， 吉列豬扒炸到好香脆，豬扒唔會太乾，咬落去好鬆脆，配菜有蘿蔔翠玉瓜，配上咖哩好味。飲品分別叫咗熱奶茶同埋凍奶茶， 茶味非常濃郁。

作為一個蛋控，鐘意去唔同既食蛋既餐廳🤩哩間位於女人街既專食蛋包飯既小店on list左我既eat list快一年啦，今日決定要帶男朋友去試下🤩店舖12點開門，裝備係行小清新風格，俾人一種好似家既簡約感覺💕原來哩間店舖開左兩年啦，依家仲有兩週年優惠，回饋食客🤩🤩無意中同老闆娘傾開計，先知原來哩間MOMO桃子cafe係佢老公既夢想佢老公就係哩間舖頭既老闆加主廚，佢做左酒店大廚三十年，一直都好想擁有自己既店舖，煮好味既野食俾客人食，因為仔女都大哂，係兩年前終於開左哩間小店，哩嗰故事係真人真事，只要有夢想，只要有勇氣，一定有一日可以實現架💪又俾左鼓勵我啦，多謝您地呀。講番野食先，因為兩週年優惠，回饋食客推出五選一既蛋包飯連野飲我要左「日式咖哩流心芝士漢堡蛋包飯」同埋「日式咖哩吉列魚柳蛋包飯」🤩🤩其實仲有好多都好想嗌，「日式咖哩鯛魚蛋包飯」「梳乎里蛋海鮮寬條麵」，留番下次啦唯有🤩我地再額外加多左嗰「蛋包」哩度係食蛋包飯梗係要食盡啲蛋啦然後再嗌左「奶茶」同熱檸水😋😋即嗌即煮，好快就有得食啦橙黃色既蛋好吸晴呀老闆娘話選用左湖北蛋，至於咖哩汁係老闆自己親自調配架，配埋蘿蔔，薯仔，翠肉瓜，洋蔥等等，唔會

尋日同男朋友行過女人街，見到間舖頭細細係裝潢好似文青cafe的餐廳，裝潢不錯，原來係食咖哩蛋包飯的餐廳，我同男友睇過個餐牌都覺得啱食，所以就決定食呢間餐廳。餐廳有個晚餐menu，亦有其他嘢食，但因為餐廳主打係蛋包飯，所以我就揀左吉列豬扒蛋包飯。個飯用的係長條型的器皿，睇落唔係好大份，但其實佢就可以好好兜住啲咖哩，比起用碟方便得多，更加容易令每啖飯都有咖哩汁，仲有唔駛驚太細份，因為佢可以加飯，個日式咖哩汁都幾濃，所以不錯，而個蛋都ok，不會太老太乾，吉列豬扒屬於正常，同埋切左好方便食用。