桃花源 (已搬遷) 新店位置

在十一月晚秋日子﹐乍暖未寒天氣之下﹐三十九幾個飲食男女﹐相聚在上環桃花源﹐來個大龍鳳飯局。三十多人﹐攻陷半間桃花源﹐殺聲震天﹐分開兩圍﹐一圍十味(我無記錯的話) 皆大歡喜。講番蛇宴﹐做左廿幾年人﹐係之前在大喜慶吃過一次﹐年代久遠﹐印像模糊。其他工聯會貨色﹐一直提不起興趣。蛇羹﹐就食得多﹐坊間食店蛇羹﹐平貨無好。六十幾銀一碗蛇王芬﹐偶一嘗之。傳說中正宗太史五蛇羹﹐幾千銀一圍﹐根本唔係我這類泛泛之輩所光顧...桃花源的蛇羹,我只能說一個字:精彩。材料落到足,味道夠鮮甜﹐加上花膠﹐倍添矜貴﹐真恨不得要encore。炒肚尖,即係豬肚尖,這類菜同田雞扣,烏魚扣一樣,刁鑽到無朋友.取其肚尖,貪其比其他部份來得爽脆﹐加上松子、芹菜來炒﹐整味菜非常香口。蝦子柚皮,呢度做得出色,柚皮一點不苦, 蝦子咸香味完全與柚皮溶為一體.在呢個時候,最好有個淨伊麵,來幹掉埋個汁。羊腩煲就比較失色,羊肉一點羊肉應有的羶味也沒有﹐無甚個性﹐反而煲內的筍,最能吸引我。豉油雞幾入味,但雞味唔夠,與上月在將軍澳田下灣的"三姐"比較略遜.不過又不能太大苛求,禽流感陰影之下,未來日子可能剩下美式無頭雪藏雞,到時喊都無謂。金華玉樹雞

No one has written anything about this restaurant for 8 months! After the recommendations of several friends and reading the reviews here, I felt I must give it a try, which I did last week. I ordered the sharks' fin which no one seemed to mention in these reviews, sweet and sour pork, and a few other dishes. The sharks' fin soup was good but the pork was average which was a major disspointment after hearing so many good things about this dish here. Nevertheless, all in all an enjoyable expe

老友係響日本做野的台灣人，一年幾冇見，今次來港開會，因利成便可以聚下舊。由於佢連續幾晚都要食應酬飯，所以之前幾日都係以夜飲為主，中間只帶佢食左一次華南的筋腩麵同雙丸河配炸魚皮。今日係佢離開的日子，總算在走之前可以同佢食番個午飯，就想帶佢試下佢從未聽/食過的蝦子柚皮。多得食友KC幫忙，臨急臨忙都可以訂倒蝦子柚皮，而且重幫我地點埋菜，在此亦代我個老友多謝KC的安排。兩個女仔都叫左好多野，包括：蝦子柚皮、菠蘿咕嚕肉、沙爹牛肉炒腸粉、鼓油雞同豆醬炒生菜。蝦子柚皮水準依舊，柚皮夠厚身，浸在充滿蝦子鹹香而唔會太杰身的獻汁裡，無論賣相同味道都是無可挑剔。老友第一次食，覺得好新奇，亦好鍾意D汁。兩個人叫左一碗白飯，將D汁一掃而清。菠蘿咕嚕肉顏色好深，賣相唔錯，而且係有菠蘿的，咕嚕肉肥瘦適中，不過略嫌唔夠脆口，個人仍然認為係港大校友會勝一籌。沙爹牛肉炒腸粉係另一味非常出色的食品。上次同食友們黎食蛇時試過，覺得味道略鹹，今次卻係味道恰到好處，腸粉夠滑夠實淨，配上幾重胡椒味的沙爹汁，真係好好味。鼓油雞比較瘦小，但皮下脂肪卻是不少，肉質都算滑同有雞味，不過鼓油香就唔多覺，普通而已。豆醬炒生菜係不過不失，生菜夠

I am very agree " 想一提的是，在這裡吃過幾次，覺得服務是一次比一次差。其實在這等小店，除了吃好菜色，也要好服務，但就完全感受不到，可能店做得出名了，也不用太著重服務吧！" , In lunch time , if you more people about 6 " tung sze" in here .....if you only eat general lunch...is not " siu choi" ... service is bad..... I see one time... have 2 people...eat "snake Lunch.." they are use many packing to " chi fu"......very very this service... I think Food is comment , price is expensive.. Service...too very Bad......this service...can afford extent next shop in beside.

食友又再聚，難得的是在米奇陰影下都有兩圍有多的朋友出席，可見秋風起，還是食蛇的好時機。已不是第一次來這裡吃蛇，除了足料味美的蛇羹，也評一評其他菜市色：炒肚尖：炒肚尖是功夫菜，皆因一個豬肚只得幾個肚尖，要集齊一碟，也要不少的豬肚才成，所以願意做這菜的食肆已不多。這裡的加入味菜、鬆子、西芹同炒，增強肚尖的味道，肚尖口感爽脆，個人覺得這一味仍有水準；草菇崛雞：雖然是舖滿駭人的杰杰茨汁，但雞件入味，雖然略鹹，但都算不錯，而伴碟的粒粒草菇也美味；羊腩煲：砂窩盛著的羊腩，舊舊件頭不少，肉質軟腍嫩滑，南乳味香濃，好好味。加入的配菜如支竹、馬蹄、筍等亦是精華所在，是除了羊件外，筆者也吃了不少的東西，今晚的羊腩煲是好有水準；八寶鴨：漲卜卜的鴨身，塞滿糯米、蓮子、栗子等材料，賣相不錯。這裡的八寶鴨不及蓮香的重型，但要吃完同樣是一點也不易。連原本喜愛吃八寶鴨的筆者在不斷的吃也剩下了不少，可能朋友們也覺得是膩了一點的吧！生炒糯米飯：足料，亦炒得乾身，普遍認為是好有水準的一味。但可惜份量頗小，每人只吃得一匙羹飯，是人人也說不夠喉呢！糖水是全晚最弱的一環，在這裡的杏仁茶或腐竹薏米糖水都非常之稀，味道不甜但淡味，吃

我想如你不說,也沒有人記得是我發起的(自已也差D 忘記了.....哈哈).一點點的堅持,一點點的真誠,加上KC大力的幫手,終於去得成桃花源;吃到傳說中的蛇羹和柚皮,真係好味,在此再次多謝KC 的幫手. 說回正題:蛇羹一窩- 好味,蛇肉很多;不像其它食店只是廋肉多.薄脆/菊花/檸檬葉,也配合得很好,正! 柚皮- 好軟好腍,蝦子味好香,但自覺不是太入味.枝竹羊腩一窩- 好腍好味,唔羶,正!炸子雞- 皮好脆,肉好滑又有雞味,正!鮮草菇崛雞- 正如KC說,吃完最好的雞,其它的也變差了.但其實我想,是它的汁太鹹;之前大家吃上面的雞,沒有多接觸它的汁;到我們吃時,因下面的肉已全部給汁接觸到,所以大家的感覺就很不同了.(不知對不對)八寶鴨- 好味,但因已很飽,只吃了少少.咕嚕肉- 都OK啦,沒有港大的好吃.沙爹豬肉炒腸粉- 麻麻地,幾特別.生炒糯米飯- 煙煙韌韌,口感幾好,只是鹹了少少.糖水- 一般.大部份食物也有中上,只是很多也比較鹹,味精也比較多.(因之後很口喝)如能再改淡少少,或者會好D.*用了MM1970的相片

今日好高興與一眾食家27人O係門口等入坐諗都冇諗過大家完全無受米奇事件影響但係坐低傾落先至知道某D食家既朋友係唔知有米奇事件架喎咁叫唔叫欺騙呢? 好開心黎到雖然有好多都素未謀面但大家已經好興高采烈咁傾偈到八點半仲未入得但有位食家好好咁為我地準備左少少甜品小吃滿足一眾食家既口慾入坐冇耐已經第一時間上大家期待已久既蛇羹果然冇令大家失望料足而配料亦不馬虎薄脆脆得黎唔會油淋淋淨食都好正蛇羹加入菊花同檸檬葉又香一口口蛇羹都係咁香同美味唔似街巿一般蛇羹咁只係生粉水食過呢度以後都唔會幫襯街邊檔LU正!再上一碟柚皮又係期待以久一上枱已聞到好香既蝦子味如果唔係一早知呢味係柚皮瞌上眼叫我食我一定唔知好軟好淋但又好香蝦子味唔會過鹹但又好夠味我第一次食柚皮都已經即係愛上又係一個字講晒，正！之後係炸子雞皮好脆而肉又滑又有雞味O岩O岩夠鹹又唔會搶左雞原有既鮮味食左一件之後同隔離桌換左碟鮮草菇煀雞不過呢碟我地O個枱眾食家都大叫失望因為太鹹加上D雞肉不及炸子雞滑但唔明白點解隔離枱反而認為炸子雞較遜色呢?真令人不解點解大家兩枱咁極端既?到枝竹羊腩煲上場枝竹同生菜分開上羊腩煲內除左有香噴噴既羊腩仲有唔少既竹筍真係好香呀！

「佢\」話過想食蛇，諗起桃花源，於是兩個人夜麻麻去上環。本來想食柚皮，但柚皮係佢\優先考慮唔食的野，當然算了。最後，兩個人，叫了兩位蛇，一個炆班腩，一個蘿蔔滑雞煲。簡單又清清地。蛇，切得好幼，啖啖有嚼頭。班腩不及下底的菜，菜吸了魚汁，更鮮甜。蘿蔔滑雞，混入原粒黑胡椒，蘿蔔清甜之餘帶暖胃的辣味。另外，由於無訂位，後面跟住我地的人已經要摸門釘。所以，有心去的最好打定電話。由於受米奇事件影響，一路食一路提心膽跳。好在米奇無，唐老鴨又無，比卡超都無。

可能會你話我好彩，但出外食飯大大話話都有廿年經驗，有此經歷，還只兩次，第一次是在旺角某食肆，老鼠在天花板趺下來，第二次是今天了。約了幾位食友來吃蛇，原本預了四位，最後開餐的是七位，所以除了蛇羹之外，也可以叫多幾味小菜。先來的是蝦子柚皮，席上焚化爐兄說比上次鹹，但我卻覺得吃了多次都是差不多味道，蝦子柚皮不偏鹹就不夠味。亦有食友問柚皮有何好吃？老實講，一時也說不出來，可以說是自小到大的情意結，這味菜在香港已買少見少，整得好吃的現在也說不出幾多間。亦有兩點是肯定的，就是從來也不覺得柚皮不好吃，而知製作這一味菜，背後的功夫不簡單。當然原本是不喜歡吃的話，那就是別論；再來是蛇羹，也不是第一次在這裡吃此味，好足料，花膠、木耳、筍絲、冬菇、蛇肉、雞絲等落足，湯底鮮美又不是重豆粉茨的杰底，是很對個人的口味，可以說仍然有水準。如果要數門市蛇羹的話，這裡怎算也是三甲以內。這時小菜也來了兩個，分別是魚香茄子及咕嚕肉。魚香茄子不夠香，不算出色；咕嚕肉就真的比上次來失色了一點，至少肉不夠脆口；就在這時，一隻老鼠從後巷竄入店內，還跳上水吧，打橫跑了一段。嚇得客人花容失色，有的還急忙埋單離開。而我們亦決定截單，未來

一個平平無奇既飯局,由四個人變成七個人,結果比一隻天真漫爛好動活潑既'米奇'所破壞!kc 預訂了蝦籽柚皮,與及即叫蛇羹,咕嚕肉,魚香茄子先後上檯,其他的就不得而知,因為'米奇出現後,lazyqueen 太吭奮,心如鹿撞,面泛紅霞,已無心戀戰!話說主菜蛇羹個人認為好足料,但太咸啦,唔係好健康,不過無乜落荳粉就幾好.蝦籽柚皮又係好咸,雖然柚皮本身無乜味,但我諗如果用上湯埋獻,又有蝦籽香味已經好夠,今次比上次差左,不過kc話一向如此!咕嚕肉真係唔得,我唔係專家,但係食左一兩舊都收口魚香茄子竟然有四份一無人食,1)可能'米奇'效應2)真係唔得,我地七個人,食得一人一碗蛇羹,其他野三幾舊就知啦!其實我最最最想講係,當'米奇'係d碗筷碟同茶壺上面走過時,係無伙計趕佢走,其次,事後又唔拿走d比'米奇'扒過既碗筷去洗,做少少門面功夫都好呀,重要跟住將壺茶比我地飲,你班人無病呀? 做食肆一d常識都無!

因無法參與大蛇局，遂相約幾位食友到此來個小蛇局。原本四人的飯局後因有新朋友的加入變成七人飯局!!午飯時間寶貴，人齊後當然就立即落單。由於唔係我負責此重任，叫了那些小菜真的不大清楚，但今次明顯係衝著蛇羹及柚皮以來，這兩味當然走唔甩啦。蝦籽柚皮先到，每人半份，用筷子加少少力度夾開，感覺很好，起碼証明沒有煮得過腍。一啖入口，柚皮的纖維因沒有完全破壞，所以口感很好，但純個人口味以言，則略覺得個汁有蝦籽的咸但少了蝦籽的香。其家有食友問這道菜何來吸引之處呢？？結論是，喜好它的，除了這道菜的心思功夫外，最重要還是內裏的情意結呢。蛇羹亦緊接上場，唔係杰“撻撻”的賣相，但是落料十分足夠，除蛇肉等基本材料外，更有花膠條混在其中。加了薄脆，菊花後，香氣更甚。味道亦不錯。跟住就到咕嚕肉及魚香茄子，咕嚕肉亦是這裏的推介，當然不客氣，夾了一舊放入口，酸甜度剛好，亦沒有一口粉漿的情況出現，正想開口讚一讚的時候，後面傳來一聲女士的尖叫，心想：不是有老鼠吧？但隨即安慰自己可能只是倒瀉了汁吧.....話未說完，"老鼠呀" 已在耳邊響起，隨即看見一隻黑影在我們旁邊閃過，更走上了我們隔壁的水吧位罝，再沿著舖走了大半圈，最後消

今日去左午餐食蛇+ 小菜，食品我只覺得一般( 所以唔講喇) ，不過就同場加演一隻手板咁大倒既老鼠由廚房方向走向人群，好多客就向外逃跑+ 尖叫。都幾得意架，直至果隻老鼠由地上跳上我後面個盛載" 乾淨" 碗碟既檯面，輕盈地走過所有碗碟之後再落地消失在人海中。最經典係樓面姐姐同我講：『唔洗驚喎，我地呢d 地舖，有老鼠好平常姐。』佢跟住面不改容咁張d " 經老鼠行過既" 碗碟繼續供應俾所有新既客人用。小弟聽聞呢間店乃前恒生頭廚退休自己出黎開既店，我好多世叔伯都話用佢做飯堂，今次真係有d 失望所以先會寫我第一個" 喊" 既食評。

《桃花源》記序章在不理不理左衛門出發遊小西南前，想起四川當地的特產－「毛牛乾」，是以千叮萬囑，命他買些回來，分給同好，亦承諾留一份給老頭子，故事由這份手信而起．．．七月初不理帶著戰利品歸來，遂聯絡老頭子，相談怎去「分贓」，需知掠奪容易分贓難，其間經過多少波折，最後才約定在《桃花源》來個三人飯局，然而．．．中途殺出了嗜「柚子」如命的焚化爐，由是，三人飯局演變為四人聚餐。噢！序章還未完呢，還有下文！聞及是次聚餐後，Ray兄及雪怡妹旋即報名加入戰團，結過由最初的「個體戶」發展成「中小企」，預料以外之事，往往叫人驚喜哩！初遇曾聞蘇杭有《桃花源》，昔日在附近上班，一直只聞樓梯響，卻未有機會一嚐這裡的小菜，今天，透過這包手信帶來的契機，終能如願，一嚐這裡的好點子。蒲入門後，只見老頭子、焚化爐及Ray兄在招手，偶們便傻呼呼的走過去，心肘：「全場就只有這檯子空著三位，該不會錯吧．．．」，結果是對的。世故的老頭子早已安排好坐位，將異己者除開，獨佔雪怡妹，他這算盤打的真響，想有美相伴，下回請早！初會三位，心底有著說不出的驚訝，除了Ray兄外，兩位老人家的樣子遠在估計之外，與腦海中想的樣子是兩碼子的事，原先

故事是這樣的，話說有東西要與大惡男交收，約了他與西門混混兄午飯，在云云選擇中大家選了桃花源，以蝦子柚皮掛帥，其他只點尋常小菜色。誰不知蝦子柚皮一出，三人飯局便變成table for six，美食焚化爐、Ray及雪怡也先後加入了，要預訂的蝦子柚皮，亦由一份變成三份！除柚皮外，原本亦想叫出名的炸子雞，但因廚房說午市做唔切，所以就變了豉油雞，另外亦有咕嚕肉、上湯浸菜心同沙爹牛肉炒腸粉。桃花源的午市照例多人，所以已於日前訂定位同寫定菜。先來的是豉油雞，成隻上碟頭夠晒大，雞肉嫩滑又好肉，大家由頭食到尾至食得完。味道是近鹵水多過豉油，甜甜的味道不錯，仍然好有水準。雖然豉油雞是不錯，但依然一路吃一路懷念我們的炸子雞；再來就是主角柚皮，六個人吃三份，個人覺得一人半份就剛好，正所謂少吃多滋味。呢度的柚皮做得既不苦又沒有澀味，一致同意是準備功夫做得足。柚皮用上湯煮過，做得入味又無渣，水準仍舊出色，唯一要彈的就是茨汁略重，而蝦子稍不夠香味。印象中呢味古老菜色因製作需時又賣不起價錢，已沒有幾處地方可以吃得到了，在這裡想吃的話要預早訂定的，要留意；三個小菜是咕嚕肉、蝦仁炒蛋及上湯浸菜心，個人覺得咕嚕肉也是很出色

一個平凡但見功夫的小菜,柚皮炆得要夠淋而沒有苦澀味,獻汁不能搶味,蝦子味亦要夠濃(大榮華好像蝦子多些),誠如kc所講,此菜獻汁好薄,所以唔會食到一口'醬糊',好夠水準~~~~~~~~正正正.沙爹牛肉腸粉,我第一次試的菜,好得意,好'野'味,腸粉將多餘的醬汁給收,但牛肉好似'拿'口d,唔知係味用梳打粉'奄'過,所以我成日飲水.蝦仁炒蛋炒得好滑,完全唔見有焦,但份量太少la.咕嚕肉我諗係雪怡至愛,出手好快.狠.準,這味菜留比佢講.豉油雞好入味,但之前我係'水記'食左碗麵加炸雲吞,所以食得好少,不過d雞肉好滑,有肉味,唔似雪藏貨.最衰位太窄,環境算幾好,冇乜油煙味