榕基滷水專門店 1992 (已搬遷) 新店位置

作為一個住左大埔28年既人，榕基係大埔屹立左咁多年年我都竟然未試過，得知由兩位90後💛小情侶接手及改進後，即刻慕名而來，不過個位置連我依個大埔地膽都搵左一段時間先搵到。《招牌滷水獅頭鵝套餐》本人一向熱愛食滷水，下午茶時間叫左個套餐一份肉+主食+小食。先講滷水鵝，滷得夠入味又唔係死咸，因為食滷水好怕食到好頸渴要不停飲水，佢既鵝肉骨肉比例岩岩好，皮脂適中，果然係招牌。跟餐主食我揀左鮮鵝油撈面，反然依個面冇乜味道，如果唔怕辣嘅朋友都可以加啲辣椒油吊一吊味，小食我就揀咗酸菜開胃，算係不過不失啦。成個套餐先$60蚊好抵食，一路堂食都發現中途keep住有人買外賣斬料加餸😋另外我朋友試左豬手，豬手我就覺得唔夠入味，而且唔夠淋口食到好痴牙好辛苦，所以就不太推薦。依d香港本地小店一定要encore支持，下次黎一定要試佢另一樣撚手小食-鵝肝。

朋友介紹，這家的慢煮鵝肝很好吃，我之前有來吃過一次滷水鵝，覺得口味不錯，所以這次約了朋友來試一下他們的鵝肝😋-滷水獅頭鵝+鵝油撈麵滷水鵝非常入味，滷水不會死鹹，鵝肉不算很軟但不會過硬，鵝皮底下有適量的脂肪，讓鵝肉更香👍🏻 鵝油撈麵吃起來是很清爽的油，有淡淡的香味 ，相比起很濃厚的油，清爽一點的吃多了也不會有膩的感覺，滷水汁的調味剛剛好，麵的份量很多，一個女生來說非常足夠😋-慢煮鵝肝重頭戲來了！慢煮後的鵝肝超級軟，軟到有點像鵝肝醬的口感，肝味非常香濃，香濃到蓋過了酒味和滷水的味道，我本身很喜歡肝的味道，所以非常喜歡😋😋

嚟到大埔，男朋友提議食呢間歷史悠久嘅滷水專門店，開頭我其實唔係好想食，因為前一晚喺屋企先食完，😂但好難得佢會主動提議，所以都去試一試⋯.//入去餐廳坐低後，職員已經送上兩杯熱嘅玄米茶，同埋向我哋推介呢個二人套餐，好貼心。👍🏻.//我哋見咁豐富，價錢又抵，諗都唔諗就決定叫呢個二人餐。🤣.//我哋揀咗鵝掌同鮮墨魚兩款小食，兩碗鮮鵝油撈麵，餐仲包埋上湯浸時菜，兩款飲品，重點係野飲居然可以揀津路同鴻福堂鹹柑桔🍊🤭實在令人好驚喜！.//🍽：鮮墨魚好爽脆，食得出好新鮮。而滷水鵝雖然有部分係只得皮包住少少肉，但呢個價錢真係算係咁，同埋個滷水汁超級入味，應該係我食過滷水食物以黎最好味！😋無呃你！我差啲想問佢有冇滷水賣！😝碗麵都好好味，鮮鵝油，但我唔覺得肥膩！.//呢一間好多人買外賣斬料加餸返屋企食，可能因為堂食位置真係有啲迫，但真係超推薦大家去食！😉

健身室終於開番啦，每次做完gym都會諗食乜好，果日在大埔做完gym， 朋友帶我去滷水店食lunch 1️⃣ 招牌滷水獅頭鵝鵝髀套餐$75鵝肉有d鞋，滷水汁超重肉桂味，對於唔鍾意肉桂味既人黎講，未必岩佢。我正正就係唔鍾意肉桂味，上到枱先醒起應該叫免切🥴2️⃣鮮鵝油滷水汁撈麵麵煮得剛好，夠爽口，撈埋一齊食唔到鵝油味，反而肉桂味滷水汁，搶哂鵝油香味。成碗麵只食到咸咸地肉桂味撈麵3️⃣撈麵既湯一上枱戴住口罩都聞到個湯好香雞同豬骨味，但係飲落冇味，好奇怪，飲得出湯係無味精最值得一讚男職員，超級有禮貌👍

越開越多滷水店，好多時喺門口都聞到嗰陣香味🤤，今日就揀左呢間屹立大埔多年嘅良心老字號黎試下。招牌滷水獅頭鵝套餐 $58+$2（轉鮮鵝油撈麵）不嬲都知道鵝比鴨肉🐦更加肥美、油脂多，但無諗過得咁少肉🍖，全部都係肥肥既皮同骨，食唔到肉有啲唔開心😫。講返佢嘅滷水味，唔會死咸，香料嘅香味幾突出。食得辣嘅朋友記得撈麵要加麻辣，佢嘅麻辣🌶唔算好出色，辣味比麻味較重，但會增添左撈麵嘅風味。再配埋小菜揀咗既家鄉甜酸菜🥬，撈埋個麵係幾好食。埋單嘅時候都有同職員反映，佢見到碗裏面都係冇郁過嘅皮骨😢，佢話下次可以同返佢講，會換過俾我，解釋因為而家鵝肉來貨唔穩定，好多都皮多肉少。我就話唔緊要，希望佢哋下次嚟佢哋會有改進啦💪🏻！

大埔又多了一間食滷水的餐廳，不過佢本身就係大埔賣左好多年滷滷水鵝架喇，今年終於入埋鋪! 不過佢個鋪位置雖然都係大街大巷，但招牌就唔係咁易搵喇! 店面都唔係大，唔緊要啦!有好食的品質就係對食客最好的回報!午餐必食1(肉)+2(主食)+3(小食)3個人一人點左一SET 有滷水獅頭鵝、滷水豬手、叫左個滷肉有兩份係配左手工鵝油撈面，另一份滷肉就配飯!! 手工鵝油撈面係超級好食，面好有咬口，唔會易，仲要好索汁!鵝肉就係堅好食! 肉質夠實，滷汁真係好入味，又唔會死咸! 豬手都唔錯! 唔想太痴牙的人士都可以揀豬手!反而滷肉飯就…滷肉唔夠肥..所以有點、乾!至於小食，估佢唔到糖脆花生魚仔更驚喜!! 花生超脆，同魚仔好夾!! 送飯、面、粥都一流!!

平時行過榕基都好多人等緊，而且都聞到好香，今次晏就食lunch 就叫咗外賣試下係咪真係好食到咁多人排隊～滷水金錢牛展拼豆腐 加豆漿小食配左糖脆炒花生魚仔牛展滷得十分入味，腍得黎口感好好，試咗一件朋友點嘅滷水鵝，肉質算滑唔會覺得柴，不過豆腐食落就冇乜味，滷水整體來講都幾好食，但略嫌餸菜份量較少，飯量比較多，啲餸好快食晒剩低好多飯。同埋個人唔太鍾意飯嘅口感，覺得太過濕潤，不過我係外賣送餐，所以可能都影響咗飯嘅口感，咁就冇得挑剔啦哈哈～另外想講返個小食，糖脆炒花生魚仔！大家去食嘅話可以叫返一碟，又甜又香脆，送飯一流，食到停唔到口

大埔·榕基滷水依間位於大埔墟既小店一對後生既小情侶經營飲食雜誌 🍎都有報導過 今次決定試一試❤️⭕️酒醉慢煮滷法國鵝肝 $128係勁勁勁勁好味😋2-3人份量 但其實係5-6人食都得一個鵝肝送一碗白飯係冇難道 我有套餐唔叫 單點一份鵝肝送白飯係超超超好味 😋同好邪惡食完都唔知做幾多運動先夠鵝肝好林身 索曬啲汁 入口溶化唔怕肥拎啲鵝油撈飯 係好香既⭕️招牌滷水鴨套餐$45依個套餐價都算係市價價錢 話抵唔係好抵 貴又唔係好貴味道都可以👍🏻👍🏻👍🏻啲汁都可以撈飯食整體來講依間既鵝肝真係好好好好食😋真係可以去試下👍🏻👍🏻👍🏻#大埔必食 #大埔美食 #hkfoodie #黃色經濟圈

今次嚟到大埔搵食.食嘅唔係排晒隊嘅燒賣, 而係滷味.依間店嚟火車站都幾遠嫁, 係大埔墟站同太和站中間.之前睇YouTube有介紹過依間店, 咁啱我同朋友又要去大埔, 所以就去咗依度買外賣喇.個套餐有好多嘢揀, 例如滷肉、滷水豬手、滷水鴨 & 滷水牛展.我見滷水獅頭鵝係招牌菜, 就叫咗一份, 仲加咗HK$10轉鵝片拼豆腐.飯麵方面可以揀白飯/白粥, 加HK$2可以轉手工湯麵/鮮鵝油撈麵.我就加咗錢要撈麵.最後仲有三款小碟揀: 糖脆炒花生魚仔/ 爽脆醃蘿蔔/ 家鄉甜酸菜.其實三款我都唔食嘅. 不過都揀咗醃蘿蔔, 諗住俾朋友試下.個鵝片真係好好食.佢唔會有陣鵝羶味. 份量都唔算少, 食落啖啖肉咁.滷水豆腐都好入味, 而且唔會好鹹.不過因為我買完外賣差唔多一個鐘先食, 所以個撈麵出現咗少少問題.個變得好乾同好硬, 一餅嘢咁, 分唔開, 有D難進食.我建議叫外賣都係趁熱食好D, 或者叫湯麵.下次都係嚟堂食啦.

踏入店鋪已經聞到好香滷水味，滷水不會死深色；滷汁好香，剩汁都可撈飯；招牌滷水鵝絕對係色香味俱全，肉質嫩滑，香氣撲鼻，相當入味，只係鵝肉較為淡；小食糖脆花生魚仔真係想無限添食。

呢間鋪平日都好多人，假期不在話下啦，好彩今日早到，只係等咗兩張枱，就可以坐低食。點左2個套餐：主菜分別係～招牌滷水獅頭鵝$58和滷水金錢牛𦟌$48，配鵝油撈麵加$2，〈小碟〉糖脆炒花生魚仔鵝件份量唔算少，肉質都算幾滑唔嚡而且滷水清香唔會過鹹牛𦟌腍得嚟又有咬口唔怕肥，一定要試吓鵝油撈麵，麵爽鵝油香，花生魚仔有驚喜，唔係過氣花生，魚仔咬落係脆，又香又脆，食到唔停口呢可惜份量太少。呢款小食唔知有冇獨立另外買呢

一直想試呢間滷水小店，終於等到佢開返就同朋友一齊黎食。店入面座位唔算多，不過幾好坐。店員好有禮貌。食物既選擇幾多，好多款都好吸引。我同朋友叫左︰招牌滷水獅頭鵝(鮮鵝油撈麵)、秘製黃金滷肉(手工湯麵)、糖脆花生魚仔、話梅花雕雞翼、鮮豆漿。MenuMenuMenu食物合照招牌滷水獅頭鵝(鮮鵝油撈麵)︰滷水味唔錯，鵝好滑，可惜既係肥既部分比較多，肉比較少。如果轉做原隻鵝脾既話應該幾抵幾正。秘製黃金滷肉(手工湯麵)︰超多滷肉，多到差啲遮住哂啲麵。麵質煙韌彈牙，配合埋隻蛋，超好食！糖脆花生魚仔︰花生同魚仔都好脆，甜甜地咁好正，非常好既小食話梅花雕雞翼︰花雕味幾突出，雞翼好大隻，啖啖肉，肉質結實有口感。不過唔太食得出話梅味。總括一下，食物高質，小店有良心，環境唔錯，店員有禮貌。係一間非常值得支持既滷水小店。

由舊舖食到新舖...今次第一次食鴨血...加左自家制麻辣汁十分醒胃可口..食得辣可以浸晒d汁先食...豆腐鴨血吸晒麻辣汁很好...鴨血好滑下次問下可否辣汁另上先...鴨舌$15両...好入味可選辣或不辣...個人覺得小食比滷水鵝更為出色...由於座位有限每次都是外賣...而且小食外賣到家可以唔使加熱或放入雪櫃凍食😋😋下次試下鵝掌同酸菜先...可能人手有限....如果多人外賣時要等一段時間...

今天專程來到大埔，食一間有廿幾年歷史，而且有我喜愛嘅滷水食物的榕基滷水。進入餐廳感覺很乾淨，但有點狹窄。今天一行二人，叫了兩份餐。今次選了，原隻鵝脾清雞湯手工面配家鄉酸甜菜加豆漿。這份餐，鵝脾不夠入味，鵝肉有點兒老，手工面不夠彈牙，而湯底清雞湯飲後會令人覺得口渴，反而家鄉酸甜菜就令你想食多兩嚿。至於，另一份餐，招牌滷水鴨清雞湯手工面配手帕蒜辣青瓜加豆漿。滷水鴨沒有滷水味，非常失望，手帕青瓜就不過不失，沒有太大驚喜。

✨大埔良心店 招牌滷水鵝🍗✨—————————————————💛#littlefatwest良心小店 💛.由兩個年輕人接手既招牌滷水店同區都有另一間多人食既勝記滷味識揀一定係揀呢間黃店😛外賣番屋企啦而家仲有限定外賣優惠 $20就食到滷水雞脾飯🥰—————————————————套餐可以揀主菜 + 飯/麵 + 小食.🍗招牌滷水獅頭鵝 $58 (7/10)鵝肉都幾多 十件左右 算幾厚肉😍滷水汁滷得幾入味 肉質唔鞋 揀左湯麵 麵既口感好彈牙！清雞湯鮮香🤤小食係糖脆花生魚仔 咸香惹味.🥩滷水金錢牛展拼豆腐 $48（4/10）個牛展😫靭到咬唔開呀🤣豆腐滷既時間太短 唔入味🙈食鵝算啦鵝油撈面好香！但會有啲膩 鐘意雞湯麵多啲小食係手拍蒜辣青瓜🥒幾開胃😛—————————————————📍 榕基滷水專門店 1992 (大埔) @yungkee1992 大埔廣福道103號地下C號舖