樂天皇朝薈萃

营业中

休息中

一直都知「樂天皇朝」有多間分店，但係位於啟德Airside的名字則多了「薈萃」二字！明顯有點與別不同吧!🥢特色皇朝小籠包（8色）這個最出名而又獲獎的signature冇可能唔叫，有8款唔同口味嘅小籠包，餐廳好貼心附上小單張指示： 由原味逐個食到最濃味（原味➡️糟溜絲瓜➡️鵝肝➡️黑松露➡️芝士➡️蟹粉➡️蒜香➡️川味），果然有特色！🥢松花皮蛋豆腐豆腐切得又薄又滑，盡顯師傅嘅刀工！🥢陳皮五香牛肉估唔到呢個涼菜好出色，好香口！🥢蒜茸炒菠菜廚師把菠菜炒得恰到好處，不錯！🥢蝦仁酸辣湯拉麵酸辣湯夠晒酸辣，完全係我喜歡的味道！🥢 蒜香排骨豬骨湯拉麵拉麵湯底濃郁，蒜香排骨香脆可口！

👍🏻特式皇朝小籠包 $148八種滋味嘅小籠包。最鐘意係黑松露味同鵝肝味，蒜香味同絲瓜味就麻麻。🤔黑松露雞肉帶子燒賣 $58相對平時食嘅豬肉燒賣，雞肉燒賣個味會覺得清淡同冇咁彈牙。味道多咗啲菜味。普普通通冇咩特別。🤔 生煎牛肉餅  $48皮都脆，牛肉都有味。但係冇乜汁。正常水平唔算出色。🤔蟹粉鍋貼 $58唔算多蟹粉味或者蟹粉汁，只係好淡嘅香味。正常水平唔算出色。🙂芝麻醬油麥菜 72將生嘅油麥菜捲到好靚，再沾啲胡麻醬。都算有啲新意同幾爽脆。當係沙律咁食都OK。😋蟹粉拌麵 $128麵條好幼細有質感，配合埋好香嘅蟹粉，食落都會有齒頰留香嘅感覺。唯一可惜係蟹粉份量有啲少。❌上海黑豚肉生煎包 $52最失望係呢個生煎包，皮非常之厚，個底又唔脆，又冇汁。唔推介。👌🏼竹炭流沙包 $48賣相唔係好靚，唔係好圓好飽滿。不過非常流心，直頭係液體狀。環境：★★★★☆ 食物 ： ★★★☆☆ 推介度： ★★★☆☆

今日約左朋友先知原來airside開左樂天皇朝薈萃，以前一直都係其他分店食，而且一直都覺得質素不錯，所以今日來到airside都好大期望，結果都冇失望啊～呢到坐得都舒服，而且見到餐廳為左慶祝鑼灣店開張，都有特別優惠，最回味猫山王榴槤小籠包係9月13日前都有特價$48/6粒！$15個花生栗子頭盤其實真係幾好食，熱辣辣咁樣，熱嘅普洱茶亦都好香。上海媽媽烤麩係我由細到大最鍾意食嘅上海菜之一呢度嘅醬汁亦都調配得好多，少少甜，好有上海風味。小籠包更加係呢度嘅特點之一，每張枱都有殭屍，加埋醋食真係勁好食，小籠包嘅皮超薄身，但係亦都承載住滿滿嘅湯汁。好彩我哋一開始加咗要十粒。擔擔麵我朋友都話好好食，花生底好濃郁！最後都加咗個蒜蓉菠菜，呢度更加有得少油少鹽，絕對係重視健康嘅人都照顧到。隔籬枱叫咗雲吞雞湯，一上枱都聞到好香，下次我哋都一定要叫。

放假約咗媽咪去行街，呢個九龍區嘅新商場好闊落又光猛附近仲有個狗公園，餐廳食肆非常多選擇媽咪比較鍾意食中菜，呢間小籠包就啱晒新菜單好多廚師推介，砂鍋雲吞雞六人份量只係168，可惜得我同媽咪兩個人食唔晒，下次一定要一家人嚟試天氣炎熱，仲有新推出嘅手打檸檬茶，去膩解渴，幫助消化龍華素鵝首先食個冷盤，好有層次感配上秘製醬料，麻油味好香招牌原味小籠包六粒小籠包皮薄餡多，湯汁飽滿，包住嫩滑嘅肉餡，一口咬下，湯汁四溢，小心熱呀雪菜鹹肉炒年糕以前細個婆婆成日炒俾我食，好有家嘅感覺年糕軟糯Q彈，咸肉醇香四溢，配埋鮮爽嘅雪菜口感層次提升桃膠紅棗桂圓湯最後食埋養生甜品，桃膠晶瑩剔透，口感滑嫩，滿滿膠原蛋白；紅棗甜美養血，女士恩物滋潤肌膚，補充能量

嚟到Airside睇完戲就搵嘢食，呢間出名食小籠包喺度開咗分店，一於就試吓，入到去職員都好殷勤，地方夠晒闊落，唔錯！招牌小籠包，侍應吩咐一定要熱辣辣食，自己加上香醋和姜絲，一口小籠包，果然多汁又嫩口♥️原來而家新出咗榴槤小籠包，仲有特價下次真係要試吓上海媽媽烤麩，是我喜歡的冷盤小菜，別看一碟少少的，份量卻很多，吸收了鹹甜醬汁的麵筋，吃來口感不錯呢♥️陳皮五香牛肉，這嗰很考廚司的刀功，薄薄的一片，吃了還帶口感，味道很香的香味配上牛肉，吃下就是享受😋皇朝擔擔拉麵，有得選擇面嘅硬度同埋辣度，所以我揀咗硬身嘅麵同埋小辣，呢碗麵真係好啱我口味，而且每條拉麵都沾滿咗花生醬嘅湯底，好味度。川味涼皮係我嘅大愛，涼皮爽口，調味適中😍

⚡️慶祝鑼灣店開張優惠推廣 猫山王榴槤小籠包特價$48/6粒（原價$98/6粒）全線分店供應（8月21日至9月13日）榴槤控快啲捉緊尾巴😬✨餐前小食栗子花生炆得非常軟腍 味道還不錯😮‍💨✨蘿蔔絲酥餅（3個）酥餅層層酥脆 蘿蔔絲清甜 做得不錯👍🏿✨無錫黑豚肉鍋貼 （3粒）鍋貼🥟外皮煎得香脆 一咬落去滿滿肉汁💦✨竹炭流沙包（3個）看似黑蚊蚊其貌不揚 一咬流沙湧出來 香甜幼滑 超驚喜❤️✨糖醋魚片魚片炸得金黃酥脆 酸甜糖醋汁好開胃 差d想叫碗白飯😂✨擂沙湯圓口感軟糯Q彈 忍唔住一口接一口✨自家製檸檬薏米水（溫）清熱去濕 天時暑熱最適合飲

樂天王朝食過好多次，以前我經常去旺角嗰間。今次咁啱喺Airside見到有分店，又嚟幫襯吓。不嬲都鍾意食上海菜。唔會太重口味，又帶有少少甜。今次嚟依然保持一如既往咁高質與精致💕✨招牌原味小籠包 一啖一隻 皮薄餡靚 一口爆湯✨清燉雞湯 原汁原味嘅雞湯 飲得出入邊有火腿瑤柱嘅香味✨上海風味醬鴨 一攞上嚟陣醬香味已經撲鼻 肉嫩，醇香而不膩✨陳皮五香牛肉 每片都切得好均勻，入味，陳皮味無蓋過牛肉本身嘅香味 👍🏻✨手打青檸檸檬茶 唔太甜 茶味清香

同朋友嚟啟德Airside 行吓街, 地鐵站一出就已經到 非常方便夜晚揀咗呢一間樂天王朝上海菜 地方夠大 坐得舒服🎈前菜係栗子花生，呢個真係非常好食！ 栗子同花生非常軟糯，鹹鹹地 好快就清晒😛生煎牛肉餅煎得非常香口 咬下去肉汁爆出嚟 ！ 裏便係滿滿嘅牛肉餡料加上洋蔥 🧅， 味道啱啱好蘿蔔絲酥餅呢一個點心大力推薦！ 外層非常香脆 內裏係切得非常有細嘅蘿蔔絲 香口十足 😙原味小籠包一客有六隻， 小籠包皮薄餡靚 飽滿多汁 ，非常鮮甜 加上薑絲同埋醋 帶出鮮味🥰京醬肉絲配薄餅醬汁濃郁嘅肉絲配售博博嘅餅皮 ，一啖一口好滿足 鮑魚炒飯炒飯放喺個熱辣辣嘅砂鍋，非常惹味 ，兩個人share啱啱好😆呢一間上海菜質素一如既往既好～

想食好味又正宗既上海菜，「樂天皇朝薈萃✨」絕對係推介，餐廳位於啟德Airside，地方寬敞舒適，而美食必食小龍包，而家仲推出左榴連小龍包，喜歡榴連既我當然要試吓，其他食品都非常好味，十分有質素。講到美食，首先就要介紹佢哋嘅「蒜香排骨拉麵」🍜。呢碗拉麵湯底濃郁，配上香脆嘅蒜香排骨，真係一流！然後就係「糖醋魚塊」🐟，魚塊外脆內嫩，淋上酸甜嘅糖醋醬，味道非常開胃，配飯食真係一流！慶祝鑼灣店開張優惠推廣🎉 最回味猫山王榴槤小籠包: 特價$48/6粒全線分店供應 😍榴連小龍包🥟，包入咗香濃嘅榴連餡，每一口都令人驚喜！另外，「蘿蔔絲酥餅」🥮都好好味，酥脆嘅外皮包住香軟嘅蘿蔔絲，非常好味。最後，唔好錯過佢哋嘅「炸小饅頭」🍞，外層金黃酥脆，內裡軟滑，無論係單食定係沾醬都好味得不得了！總之，「樂天皇朝薈萃✨」真係一間值得一試嘅上海菜餐廳，無論係環境定係食物都非常有質素。

上次食完樂天既小籠包覺得都唔錯，所以今次嚟食佢除咗小籠包之外佢其他嘢，估唔到又有驚喜😃黃鱔炒飯黃鱔與炒飯完美融合,香氣四溢。鱔肉鮮嫩多汁,與飯粒的軟糯相映成趣。每一口都能感受到鱔肉特有的酥脆感和飯粒的爽口,層次豐富而不失清新。陳皮五香牛肉搭配獨特的陳皮和五香調料慢火燉煮而成。牛肉鮮嫩多汁,陳皮的香氣與五香料的醇厚味道完美融合,令人垂涎。夏天冇乜胃口食呢啲涼菜就啱晒。👍🏻上海油燜筍鮮嫩多青筍以油燜的方式烹調而成,保留了筍肉的脆嫩口感。醬汁的鹹香恰到好處地調和了筍的清甜,使這道菜美味不膩,清新爽口。生煎牛肉餅👍👍👍新鮮多汁的牛肉餡料包裹在外層酥脆的生煎皮中,感受到牛肉的鮮甜,搭配生煎皮的酥香,層次豐富而不失清爽。

上次行過Airside的樂天皇朝，見到星期六、日下午茶6折，所以今次專程嚟試吓。入場時都多人排隊入座，電話點餐，菜單內有註明［下午茶］的菜式才有六折，如果只是嘗一般上海菜式，類別都算足夠。點了生煎包、餃子及炸饅頭煎得個底好脆，好好味😋😋😋😋蔥油餅就比較油膩😅楊州炒飯可以😊排骨垃麵排骨酥脆，但拉麵非平常吃的上海麵帶煙韌感，這碗的麵像好淋的伊麵，怪怪的。小籠包正正常常，有湯汁☺️。三個人包茶錢，食咗近$400, 👍🏻。

✨上海黑豚肉生煎包生煎包 包身軟熟 底煎得金黃香脆肉餡鮮味 有肉汁 呢個記得趁熱食 ✨醬汁鴨舌醬汁惹味 鴨舌夠入味 做小食都唔錯✨李白醉雞醉雞 雞皮爽彈 肉質軟腍酒味清香 幾入味 ✨猫山王榴槤小籠包餐廳為慶祝銅鑼灣店開張 做緊推廣優惠 全線分店即日起至至9月13日 推出榴槤小籠包 一籠有六粒 而家$48就試到喇 榴槤控必試小籠包皮薄 內餡榴槤蓉香濃細滑估唔到幾夾 當甜品食都唔錯總結：食物可以 選擇種類幾多環境唔錯 地方幾大 座位闊落服務正常 價錢可以

真係堅唔好食🙅🏻‍♂️🙅🏻‍♂️🙅🏻‍♂️🙅🏻‍♂️🙅🏻‍♂️餸菜唔夠熱👎🏻味道偏鹹，啤酒唔夠凍👎🏻員工採用選擇性服務，啤酒、茶款都只得一種👎🏻第一次在食肆被抗拒幫忙合照👎🏻👎🏻👎🏻(經理級喎)早訂位都要坐兩張細枱變大枱👎🏻真係堅唔好食🙅🏼‍♀️🙅🏼‍♀️🙅🏼‍♀️🙅🏼‍♀️🙅🏼‍♀️冇下次。🙅🏻🙅🏻🙅🏻🙅🏻🙅🏻

送別友人便和朋友到附近商場晚膳。此情此景，最終選擇了較大路的食肆晚膳。平平無奇的餐前小吃竟然有燜軟了的栗子。友人經常戲稱有條貓舌頭，不能吃太熱的東西，素鴨和皮蛋豆腐正合其心意。兩款冷盤上枱非常快速，因為不用烹調，而味道也在意料之中。牛肉餅的水準比較馳名的清真牛肉餅相差太遠，餅皮有點硬，肉汁也不夠多。賽螃蟹炒得嫩滑，這當然要歸功於絕不手軟的用油量，混入生雞蛋黃及少量陳醋，為菜式生香及提鮮。咕嚕肉的炸漿非常厚，肉也十分粗糙，十分敗筆。芥蘭的葉子及纖維較粗的外皮都被削走，雖然薑汁味不明顯，但仍然可口。特色小籠包共有八種味道，當然有些小籠包的味道並不如所述，但小籠包色彩繽紛兼冒着熱氣，看了也令人食慾大增。上海炒飯跟上海炒麵有點相似，同樣是以濃醬油炒製，炒飯版本以蝦代替椰菜更為相配。

樂天皇朝薈萃位於香港九龍城AIRSIDE，除咗小籠包，佢都有好多出色嘅菜式，餐廳環境舒適，裝修典雅，俾人感受到一種高貴的氣息。系家人聚會嘅好選擇。花素蒸餃大大一籠，熱氣騰騰要趁熱食，蒸餃皮薄Q軟有口彈，內餡由新鮮蔬菜製成，口感清新，層次豐富。龍華素鴨，豆味香濃，口感軟糯，咬落去溫潤多汁，素食者不要錯過。皇朝擔擔麵，麵條彈牙，軟硬適中又很掛汁，花生醬汁惹味豐富，再加上少許辣油，味道豐富而層次分明。紅油鮮蝦黑豚肉抄手，份量充足，抄手皮薄，包裹著鮮嫩的蝦肉和黑豚肉，淋上紅油更惹味。