樂湯雞麵館 (庇利金街) (裝修中)

今次點左個鮑參翅肚餐，套餐包括花膠雞湯翅，海味一品煲，太白醉雞，鮑汁瑤柱冬菇飯。🌸花膠雞湯翅~>濃厚雞湯味，好清甜，唔會太鹹味道啱啱好，食到有翅和花膠👍🏻👍🏻🌸海味一品煲～>裏面有鮑魚，大瑤柱，海參，海參不會太靭好入味，鮑魚都不錯👍🏻👍🏻🌸太白醉雞～>醉雞汁超香，加咗杞子喺裏面，浸住啲雞好入味，雞肉都好肉嫩👍🏻👍🏻🌸鮑汁瑤柱冬菇飯～>鮑魚汁鮮甜，加埋瑤柱粒冬菇粒，淨係食飯都好有口感👍🏻👍🏻🌸仲有叫咗個沙薑雞撈出前一丁，有啲驚喜😍👍🏻👍🏻

路過，試一試。藥膳醉雞，雞有d削，酒味足，調味也可。藥材湯，味濃，份量偏少，湯匙和湯碗差不多大。另點了魚皮，有點腥。食物質素有徒改善，但調味是ok的。地方有點 骯髒，牆身有些已死的小昆蟲。。。

第一次試這家的砂鍋雞湯 聽聞它的砂鍋系列被推成必試的選項點了兩款口味的 花膠雞湯翅和龍皇雲吞雞奶黃色湯底的味道 帶有雞肉的清甜友人的雞湯翅湯底多一份海鮮味我倆飲完有少少口渴 兩款湯飲到最後都有點咸了(*´･д･)雞件正常發揮 略略偏瘦肉感 雞胸部位為主花膠份量不少 口感偏爽口 飽滿的吸收雞湯精華然而翅片卻是少得可憐 好不容易才找到零碎的兩三小塊 單試了友人的小小翅片 淡味的略帶少許腥味反而另一款的雲吞雞 味道較接近個人口味湯面上的少少雞油黏附在米線上 入口較滑溜 雲吞大顆如乒乓球 皮薄透滑 入面原隻鮮蝦爽甜彈牙感覺這家可一不可再 無特別喜歡和驚喜期待繼續發掘下一間雞湯小店(•̀ᴗ•́)و𓇠𖤥 樂湯雞麵館 (庇利金街)༶ 砂鍋花膠雞湯翅+白飯༶ 砂鍋龍皇雲吞雞+米線𓇠

今日就同屋企人黎食，假日嘅中午時分都未滿座，一黎就有位坐。同屋企人都嗌左砂鍋花膠雞，一個跟飯，一個跟刀削麵。一落枱佢已經係咁滾，已經見到好足料，有雞肉 金華火腿絲 花膠同翅粒。佢啲雞吾係頭頭尾尾，係會有雞胸，雞翼雞髀既部位。而啲花膠都好幾多，至少有三四塊大既。雞同花膠都好滑口，但係略嫌麵其實都吾係好多，個人覺得如果係男仔，可能未必夠飽？第一次食刀削麵，佢嘅麵好滑口，跟埋湯食好正！整體黎講，啱晒鍾意啲想食清淡既人，又好岩冬天熱辣辣食，雞滑花膠滑，正！😋😋

經過銅鑼灣分店見以雞湯養生作招徠好健康所以bookmark左，原來佐敦都有分店，所以去試試~Order左砂鍋花膠雞湯翅配米線，熱焫焫一大鍋有唔少雞湯同雞件。首先試試個雞湯先~ 的確非常鮮甜，加左金華火腿熬製，食得出真材實料冇落味精，比係紅磡試過另一家亦唔錯兼同養以養生湯麵為名嘅小店，落湯雞嘅雞湯更鮮而不油，更勝一籌，不過米線嘅份量就唔多，男仕未必夠飽。花膠口感較一般嘅爽，雖然翅嘅份量少但非常有咬勁，而我個鍋咁啱係雞脾肉所以格外滑嫩，正！呢鍋花膠雞湯翅都唔錯，感覺好養生，值得一試！

又係朋友帶我食好西時候，佢帶左我去食呢間年頭好多人講過嘅店，佐敦開左新店就試下，不過佢話呢間料足d，但味道就銅鑼灣入味🤔不過我第一次食已經覺得好唔錯但有段小插曲係，佢無放到雞入去俾我😂😂所以解釋到點解我個碗D色水同我朋友的不同😂 後期佢都有補返😏🙏刀削麵口感非常正，唔un唔林，軟度適中，很好吃！D雞超滑～真係好重料，個湯底都非常岩補身用！超級入味！店舖話d 湯底淆左8粒鐘！加多杯豆漿都好好飲，重豆味！

此餐廳以無添加味精做招徠，大部份湯底以雞湯做主打，另外還有足料的當歸黨蔘藥膳湯。街坊想豪食一餐鮑蔘翅肚；或者飲碗老火靚湯，配碗飯麵都得。豐儉由人，絕對是入得廚房出得廳堂的一餐住家菜。週年期間限定的鮑蔘翅肚一人餐，只需$168。有花膠，又有群翅，用料十足；比得上很多大酒樓的所謂金湯翅綽綽有餘。海味一品鍋更有元貝，鮑魚，海蔘和花膠。以此價錢，當然不是一級材料，但絕對已交足功課，口感也夠軟身。醉雞更配上少量蟲草花，肉質嫩滑，略嫌酒味未能滲透在其中。最後仲有一碗鮑汁飯，雖然味不算濃，但也為此一人餐劃上完整的句號。砂鍋雲吞雞麵，絕不欺場。雲吞有湯匙大，包住一隻原整的大蝦，雞肉雖然在湯中，但還有口感。很多時，坊間的雲吞雞肉也比較梅爛。一上枱，已聞到濃濃的椰子味，桃膠又清楚可見有一堆。在眾多雞湯款式中，椰子雞湯應該是最值得飲。其他的雞湯主要是加了花膠，翅等，基本上不能增加其鮮甜味。豬手炆得夠軟身，同樣配上蟲草花和杞子。可以小食點選或配湯飯。反之藥膳雞腳就太硬了，建議可煲耐點，軟綿一點口感更好。至於夏日期間限定的鮑魚冬瓜粒粒湯飯除了有鮑魚做亮點外，湯就淡了一點，冬瓜又少了一點。還是點客雞湯或藥膳豬手配

年初在開飯見好評如潮。 佐敦店位置鄰近大量海味鋪。 店家有意以雞作主題配飽魚/花膠/海参等目標明確。年輕人如果自己做的話太多功夫但又想食! 每樣材料不用多只須一只飽魚加幾件滑雞經已可以制造話題。價位在150-200蚊中間。旺區開店自然有內地客幫襯。市場學上是贏了。飽魚汁味道係李X記舊裝蠔油加老抽/雞湯煮出來的豉油撈飯/麵。雞係黃油雞皮下脂肪相當豐厚。好難講係健康飲食。浸雞嘅雞肉保持滑溜再加上獻汁裝飾一下賣相都可以嘅。如果雞嘅質素高一點的話效果應該更好。冷盤嘅去骨豬手份量都OK多, 味道一般嘅醉豬手皮多肉少, 食骨膠原為主。唔知點解佢打單係"白灼海中寶"不過價錢一樣$52 所以無特別再追問了。

之前一直食開都覺得好好，雞又滑，份量又足，幾個月無嚟，但今次真係好差，唔知道係咪轉左師父呢，雞只有3嚿🙄，好偷工減料姐😑 仲要係煲老晒，好鞋身嘅，好浪費囉🙈，但講句公道說話，不過啲湯都係一樣好飲，無變的。下次再試下會唔會有改善先， 如果永遠都係咁差，就真係唔值得再食😅

要咗一個雲吞雞煲米線兩粒雲吞有半個拳頭咁大，一咬落去啲蝦爽彈牙，雲吞皮夠薄 ，見到個樣都已經知道好好食😋，果然同見到嘅一樣好食啱啱上菜時，個鍋仲係熱辣辣，湯底會有翻滾嘅視覺效果，所以真係要吹凍啲先可以食。雞都算滑，不過個湯底就有少少油，因為有好多雞油，有啲油水掛喺個米線度，食落更加香滑。環境：餐廳不是很大，大概可以坐到30人。所以有時會搭枱，可以是一個速食的餐廳，不會是一個休閒聊天的餐廳。上菜速度都算好快，所以客似雲來。總結：期待再去食第二次

呢間餐廳真係食過好多次，次次都係食砂鍋花膠雞湯，今次試新嘢。xo醬招牌雙寶撈麵🍜2種招牌餃子加刀削麵，餃子超級大粒，最喜歡花膠魚翅餃內餡淋滑，滿滿膠原蛋白。刀削麵煙韌有咬口，好好味！至尊鮑魚雞大碗飯🍚呢個睇落簡單但係味道一啲都唔簡單。剩係個鮑魚都覺得抵，鮑魚好彈牙，雞好滑嫩，好好味！雞湯🥣講到樂湯雞一定唔可以唔提佢啲雞湯，呢個我地加十蚊換既雞湯，雞湯飲落好舒服好滋補，又唔會太鹹，大家一定要試。豆漿🥛豆漿好重豆味，好清甜，唔會太甜，抵讚！xo醬招牌雙寶撈麵🍜2種招牌餃子加刀削麵，餃子超級大粒，最喜歡花膠魚翅餃內餡淋滑，滿滿膠原蛋白。刀削麵煙韌有咬口，好好味！至尊鮑魚雞大碗飯🍚呢個睇落簡單但係味道一啲都唔簡單。剩係個鮑魚都覺得抵，鮑魚好彈牙，雞好滑嫩，好好味！雞湯🥣講到樂湯雞一定唔可以唔提佢啲雞湯，呢個我地加十蚊換既雞湯，雞湯飲落好舒服好滋補，又唔會太鹹，大家一定要試。豆漿🥛豆漿好重豆味，好清甜，唔會太甜，抵讚！

今日行過呢邊見到一間專食雞既小店麵館餐牌好似幾吸引,坐低試下佢招牌菜先!花膠藥膳醉雞米粉 (可配飯或刀削麵或米線) $78醉雞 酒味特濃 軟滑既雞肉 肉多骨少 酒香滲曬入雞肉之中 食入口每一件都有酒既香氣散發出黎湯是真材實料無添加 飲完不口乾 喝起來小心燙口 湯中飲到濃郁既中藥材香味不帶苦澀!花膠厚身彈牙滿滿的膠原蛋白滋潤美味養顏樂湯雞麵館佐敦庇利金街61號地舖消費$100評分8/10

有次在朋友介紹下，認識了樂湯雞麵館，最早在太子分店享用過，感覺食物真材實料。但早前太子店結業，令我和友人都感到失落。知道在佐敦再開一間，就好想去試。 其實樂湯雞都食過幾次，砂鍋雞，花雕醉雞等等相信都係大部分人第一次黎會叫的食物。而我今次就見到有新野，叫：大碗飯被佢飯上面的雞件同鮑魚吸引住，於是就落單啦, 另外仲點左一碗雞湯。 雞湯同飯一齊上，先呷一口雞湯，感覺清甜，仲有陣陣金華火腿味，$10一碗抵唔抵就見仁見智，反正我之後應該都會叫🤣，真係好好飲。之後到大碗飯啦！一見到就有一隻鮑魚同4～5件雞件，而飯底就係鮑汁香菇絲飯。飯底每粒都佈滿鮑魚汁你唔會見到丁點白飯。而且佢並唔係淋汁上去，所以個飯唔會濕哂，好食。鮑魚個人冇咩研究，腍滑有鮑魚味，夠彈牙，對我而言已經好好味。雞件沒有去骨，對於我呢啲懶人黎講去骨當然最好，不過無去都唔礙事，因為骨都只係得小小。 雞件有汁不老，肥瘦適中，配埋個飯仲可以突出到雞的甜味，超正。七十幾蚊一碗話貴唔貴話平唔平。但絕對物有所值！總結，樂湯雞真係好難令你失望！必定回頭！

樂湯雞呢間第一次食，一坐底就叫左個2人套餐，因為可在雞煲翅主餐牌選1款，緊係選最貴既雞煲翅(半份），加碟醉豬手，兩個飯，一碟娃娃菜，叫多杯豆漿都係加多10蚊，兩人埋單24x, 晚市都算係咁，健康得黎又唔算貴，最緊要重點係碗翅湯，感覺消淡無味精，成碗湯先係精華所在，所以全部飲哂，如果食唔落既落，單叫湯飯連餸都係78蚊，真係睇餸食飯，我覺得冬天黎食仲更加磁味，因為食完暖笠笠，唔使做warm up, 地點都唔難搵，值得一試

打風後既天氣特別唔穩定，小編收工去到佐敦搵食個陣都俾突如其來既大雨攪到狼狽，響佐敦站附近突然見到呢間以雞湯為名既店舖，咁就梗係借機會試下先啦。既然都咁大雨既情況下，無理由要俾自己做「落」湯雞嘛!入到去坐下後，店員未響小編睇餐單個陣就已經好主動咁介紹佢地拿手既鮑參翅肚餐! 明明係黎飲雞湯但店員會咁樣介紹，雖然要$168但都有4款食物下都試下先!鮑參翅肚餐包括金湯花膠翅﹑海味一品煲﹑太白醉雞﹑鮑汁海味飯 (經小編問過後金湯其實都係雞湯既成份但會更濃更香)。由於小編唔太喜好醉雞關係，經苦苦既求情後，店員都肯為小編換上左口水雞。金湯花膠翅：湯內會有幾件花膠以及群翅碎，食落去花膠都煮得非常軟身；而金湯上面都提及因為都係以雞湯為基礎，非常濃香，一邊食飯一邊飲湯都係唔錯既享受。海味一品煲：一品煲內有海參﹑鮑魚﹑花菇﹑瑤柱及花膠。全部都煮得好入味，食落去除左鮑魚同花菇外都幾軟身，質感唔錯 (起碼小編唔會覺得佢求其俾下等貨我)。口水雞：口水雞屬於小辣而麻味香既，雞既肉質幾彈身，唔怪之得間鋪頭會以雞作為重點。鮑汁海味飯：海味飯最主要都係用瑤柱及冬菇為主，有少少類似荷葉飯既感覺，味道可能因為鮑汁關係，配合海