樂湯雞麵館 (庇利金街) (裝修中)

未點餐前員工態度殷勤 令我們滿心期待 上菜時發現 全胸宴， 店員回覆可笑至極，師傅按部位切該輪到雞胸就是全胸宴全因我們疏忽沒有指名不要胸或下次加錢要指定部份 我們當時一肚子氣 仲會有下次，另外口水雞餐也是全胸另加 雞鎚雞翼各一， 店員此番可笑作答 不知純粹個人意見定公司指引 極度不負責任， 最後今餐變為湯撈飯 ， 我們 今餐消費$136 但係兩個都係食湯撈飯 ，我哋都覺得 冇需要用$136去食個湯撈飯，此劣質食店 祇此一次永不錄用 此番言論係希望 唔會再有其他人好似我哋一樣咁不幸中伏

/ 同同事經過開佐敦，見到呢間食雞湯既好似幾唔錯，點知⋯試過一次「樂湯雞」之後，真係返唔到轉頭🙈！📍涼拌雞絲海蜇 ($52)💬由於食唔到麻辣，所以叫左個涼拌唔辣既，(個人黎講太鐘意食海蜇🙈)，咁岩呢間既海哲都唔錯，好好食😋，不過記得食之前要撈一撈佢，因為佢d醬油都好多，唔撈既話會好鹹！📍砂鍋花膠雞湯翅 ($78) ; 配稻庭烏冬(+$6)💬同同事分別每人叫左一個砂鍋，黎到既時候真係熱辣辣，冬天食既話真係一流，一定好溫暖🥰！我地食左呢個真係返唔到轉頭，雞湯勁正，無味精既感覺，雞都好滑 (不過可能因為我地+$8轉左雞脾既原故)，另外，配稻庭烏冬真係好出色，好match😋！好足料啊真係，好夠飽👍🏻值得一讚係員工服務態度好好，好有禮貌，仲會主動同我地傾計，有時仲會介紹新推出既食物俾我地😆！

為了舒緩工作壓力，決定食一餐好少少嘅午餐。 新開張地方光猛清潔, 服務員態度殷勤，雖然地方淺窄，有些要求高的客人在座位上有諸多要求，店員也盡量配合。 一個人叫了了一碗雞米線和醉豬手， 普通打工仔$200 喺佐敦食一個午餐唔係日日會發生，但係真係食過返尋味。個雞湯絕對係鮮到不能形容熱騰騰的一碗足料米線非常治愈，豬手係一試難忘，同肥膩絕對拉不上關係，骨膠原大補足！ 碗米線真係非常之熱所以大家要小心慢慢吃， 碗湯飲了一大碗都冇口渴，係真功夫！

收到資訊話這裡可以魚翅撈飯，於是同朋友落去望望，店舖就係在彌敦道行入一條街，唔難搵，店舖內座位都唔算太迫，但都好多人，所以要等位，係門口再望見到個鮑參翅肚餐，座下後就點了這個，在香濃嘅湯底內有軟滑嘅花膠，同魚翅，真係十分足料！湯底十分濃郁，加埋湯料，真係可以魚翅撈飯，而個飯就係鮑汁海味飯，加埋個金湯花膠魚翅，真係已經十分滿足！但個餐還有海味一品煲內有彈牙鮑魚、爽口海參、大大粒瑤柱、彈牙煙韌嘅花菇、同埋吸收了汁嘅花膠，真係都唔知由哪一邊開始！除了湯，飯，煲外，重有份太白醉雞，用上了花雕酒浸住隻雞髀，雞肉十分嫩滑軟熟之餘還有香濃嘅酒香，十分好味！而朋友就係點了口水雞配刀削麵，口水雞嘅雞肉一齊嫩滑軟熟帶點辣，而紅油花膠魚翅餃，入口口感皮薄足料，味道濃郁；炸魚皮亦大大碟之餘魚皮十分脆口，配上金湯，好味！今晚食得滿足，價錢相宜，質素高，之後又多個地方可以食得好！

相信呢間樂湯雞麵館都非常多人認識，都唔需要點樣介紹，適逢佐敦開咗新分店，佢嘅期間限定，鮑心翅肚餐，引來一番熱烈話題，雖然唔係忠粉，但似乎唔試吓唔得。 呢個$168一位用套餐，有金湯花膠翅，包左鮑魚、海參、花膠、瑤柱、花菇等嘅海味一品煲，太白醉雞，仲有最後嘅鮑汁海味飯。 三個朋友過嚟一齊食，當然唔可以就咁食佢一人餐，先點了個前菜麻辣海參，辣就唔夠辣，但係幾彈牙，以呢個價錢收貨，不過略嫌青瓜好多。 我自己叫咗個XO醬雞絲撈出前一丁，上兩次我都好想試佢個撈麵水準，都算幾對辦，了咗個心願。 講返個餐，金湯花膠翅夠濃夠甜，好似南瓜湯一樣咁杰，好足料，當然唔係啲乜嘢超級幾靚翅，但呢個價食得開心。 海味一品煲擺盤唔係好靚，但係就真係好似寶盒咁乜都有，樣樣都係靚嘅嘢，特別正嘅係花膠，大件到不行。 太白醉雞，水準依然試過幾次，呢度嘅雞都真係冇得投訴。 相對尾聲的鮑汁海味飯就普通左少少，我覺得叫一碗白飯，然之後送花膠翅個湯或者海味一品煲個汁仲正。 三個人當然意猶未盡，叫咗一個砂鍋雲吞花膠雞。 難得多人先至可以叫到呢一個主菜，由於好大碗，足夠四個人分

呢幾日食得有得熱氣 係登龍街見到呢間好似清清地 就入左去試下😽如果係普通粉面黎講 呢間嘅價位就唔算太平🤠但勝在用料 同埋味道都幾好 尤其是個砂鍋花膠雞 真係超驚喜😻另外食左個豬手飯就普普通通🤣如果大家食就超級推薦佢嘅砂鍋系列 下次再去會試埋其他菜式🥰🌟砂鍋龍皇雲吞雞 (刀削麵) $78原個砂鍋上枱 一打開就好香 湯嘅味道濃郁 比起一般粉麵店嘅味精味 呢間真係差得遠雞件肉厚 滑嫩入味 仲有佢嘅刀削麵真係好食😋麵質唔會太厚 有咬口 好食之前介紹個間台灣麵好多🤦🏻‍♀️📌樂湯雞麵館 (登龍街) 銅鑼灣登龍街41-51號地舖🚇港鐵銅鑼灣站 B 出口, 步行約2分鐘📌樂湯雞麵館 (庇利金街) 佐敦庇利金街61號地舖🚇港鐵佐敦站 C2 出口, 步行約2分鐘等候時間🕰 0 mins📍#銅鑼灣

之前係cwb經過見到呢間標榜不添加味精嘅砂鍋雞湯，已經好想試下🥰今日咁岩去開佐敦，一於飲下靚湯先！叫咗砂鍋花膠翅雞湯，半隻雞，用砂鍋滾住咁上，半隻雞份量夠哂我同男朋友兩個人食，雞肉都好滑唔柴，起碼有4片花膠！大概一人有一碗半湯，有金華火腿，啖湯真材實料好鮮甜濃郁再叫左3樣小食皮蛋好惹味醋香云耳非常開胃好食！仲有蒜味，男朋友都好中意！醉豬手，份量都算多，啖啖肉，正下次再嚟encore，可以試吓鮑參翅肚餐，168好抵呀地方都算闊落，枱與枱隔好多空間，環境乾淨光猛

自從去過太子嘅樂湯雞麵館一次之後，就愛上了。如果有時想飲雞湯，就會自然想起呢間分店，但係太子嘅分店唔係太就腳唔係成日有機會去到。有一日去佐敦同朋友食糖水，就發現原來竟然開咗分店，呢間分店仲要非常方便，食品選擇同舊店又完全一樣。之後經過佐敦，bookmark左呢間分店記得就來了。今次叫咗花膠雲吞雞湯一大碗，四個人分，花膠同全隻雞四個人都食唔晒。最正係佢個湯依舊熱辣辣送刀削麵同米粉一流。佢仲有一個叫做鮑參翅肚餐，有一份醉雞，有份鮑魚海參，仲有個飯，咁多嘢食都係$200到。最重要係服務幾好，員工不多，客人就多到七彩，但係你都感受到呢間野嘅服務水準。整體感覺比起太子嘅分店更加之好，絕對值得推介。唯一唔好嘅就係飲品選擇不多，不喜歡飲汽水嘅我因為當晚豆漿已經售罄，所以冇乜選擇。

不知從何時開始，香港先後開了數間名字趣怪的中菜館子，好像「樂湯雞麵館」、「醉藥雞」、「癡膠雞」等，一看名字，便知道主打的有湯、有醉雞、有藥膳、有花膠。這幾間名字有趣的中菜館，「癡膠雞」我還未幫襯過，「樂湯雞麵館」和「醉藥雞」我可是有去過的，而我這天去的是「樂湯雞麵館」的佐敦店。這館子原來最近推出了一個期間限定的「鮑參翅肚餐」，周年慶優惠價只是 $168，便可以一次過吃到「金湯花膠翅」、「海味一品煲」、「太白醉雞」和「鮑汁海味飯」，將鮑參翅肚一網打盡。既是如此抵食，當然不作它選，就點它做晚餐。「金湯花膠翅」大大一碗，濃稠的南瓜湯底，味道香甜，內有花膠、魚翅等物，雖然不是很多，可也貨真價實，童叟無欺。「海味一品煲」材料極多，在鮑汁浸潤下，全部材料，無論鮑魚、海參、魚肚、花菇、瑤柱以至小棠菜，都十分可口味美，濃郁的鮑汁應記一功。 「太白醉雞」的酒味不算很濃，對不嗜酒的我來說已經足夠。軟滑的醉雞，肉多骨少，都算是頗佳的下飯菜。「鮑汁海味飯」單看那深濃的啡褐色，已知整碗高高拱起的海味飯必定滿是濃郁的鮑汁味。這飯雖然海味不多，味道可挺不錯。這個餐無疑是抵食的，但有一個缺點，就是沒有甚麼蔬菜，所以我

今日與女友去佐敦購物，購物前大家都肚餓想先吃東西，我地網上搵到一間評價不錯既食店*樂湯雞麵館*，我地決定試下店鋪環境清潔。食物選擇多，我地揀左鮑參翅肚餐+口水豬手撈麵+娃娃菜翅先到，熱辣辣，湯有南瓜味但不算濃，好飲，翅夠滑爽口一品煲份量十足，食材大大件，絕不欺場，鮑魚味甘算大隻，有咬口醉雞大大份，雞啖啖肉冇雪藏味，酒味不算濃，岩我飯粒粒飽滿，軟硬適中，鮑汁味濃，好味口水豬手撈麵，豬手多又大份，口感軟腍，啖啖肉娃娃菜新鮮爽甜，湯又清甜不膩，健康！埋單食左咁多野都係$290，又唔收加一，真的幾抵食

出街食飯有時味精多又無咩湯水，今日黎到佐敦嘅樂湯雞 花雕醉雞 $52雞肉嫩滑，酒味就稍濃左d！口水尖椒皮蛋 $28正常發揮。涼拌蒿荀 $28份量幾大碟，拌勻夠惹味。砂鍋花膠雞湯翅 $78可選飯或多種麵類，花膠大塊雞肉肉質都算滑成條翅裙，金華火腿味道濃郁幾足料！平時食到嘅雞湯米線味道通常湯麵分離～呢間濃度夠可以將湯底同米線融合一齊。xo醬招牌雙寶撈刀削麵$78（花膠魚翅餃+雲吞）兩隻餃都比正常的大粒紮實，原粒蝦肉爽口彈牙刀削麵煙韌掛汁～

我同 BB 今日食呢間叫樂湯雞 我地分別叫左砂鍋花膠雞湯翅 我就配公仔麵 我女朋友就配烏冬咁首先講我呢碗花膠雞湯翅配公仔麵先 店員為我奉上呢碗麵之後 我第一時間先飲佢既湯底 湯底非常濃郁可口 絕對冇任何味精 真係100％用鮮雞黎餚製 煲足廿四小時 所有鮮雞汁既精華帶入雞湯 真係令人飲到唔停囗 講到鮮雞 鮮雞既嫩肉 咬入囗真係零舍唔同 真係好有傳統雞味👍 之後講到主菜花膠 呢隻花膠真係用嚴選既花膠 絕對唔係普通既花膠  食落去真係好有真正係上環海味店買既花膠味道 識補身既人 尤其係女人 一定要黎呢間叫碗黎食👍👍 然後再配上公仔麵 簡直係好特別 好有另一番風味😍 而我女朋友果碗同我一樣 不過佢配烏冬  😂唔需多講之後講小食香辣花膠豬紅 香辣既豬紅 呢種小食真係令我想起九十年代係街邊小販推車仔賣既一碗碗熱辣辣既豬紅 果種九十年代既味道終於返尋味😋 再配搭上花膠 簡直係天衣無蓬👍👍😘  之後講到XO醬龍皇雲吞 呢種雲吞唔係普通急凍雪藏雲吞 係店內人地自己包既雲吞 係好足料 再配上XO醬 真係冇得頂之後口水醬花枝丸 爽口彈牙既花枝丸再配上勁辣既口水醬 真係好惹味😋😋 我地食到咁飽都係295蚊咋

之前吃過樂湯雞一次，都幾喜歡他們家的食物，尤其是花膠雞鍋，所以今次來吃都不例外點了花膠雞鍋。花膠雞鍋米線，厚厚的花膠配上嫩滑雞件，再飲一口湯，醇厚香濃，呢個米線真係好正，好啱滋補養顏。黑松露雲吞撈麵，雲吞啖啖蝦肉，爽口彈牙，同時滲透着黑松露香，撈麵另一番風味。新出嘅麻辣金錢肚，金錢肚切到好幼細，所以特別索味，辣得來又帶麻香。椒香拌柏葉，口感很爽脆，有點芝麻有點辣椒，增添雙重的香味。醉香豬手，豬手皮幾爽滑，肉質彈牙，帶點花雕酒香，香氣撲鼻。今次同朋友一齊去吃，大家都好滿意，期待下次再來又有新食物推出啦😋😋

今日朋友帶我嚟咗呢間餐廳，話呢度係佢嘅飯堂，今日就跟咗佢泥喺度食飯。小店裝修簡約，但係座位都算舒適，餐牌嘅選擇都幾多，經過朋友介紹，我哋點左幾款熱門小食。我哋分別點左口水雞同沙薑雞。呢度嘅辣汁有別於坊間，比一般餐廳辣好多，佢哋嘅雞都好滑，而且雞味濃郁，好有驚喜！手拍青瓜同麻辣雲耳都好出色，青瓜好清新，而且好爽口，雲耳配上佢哋嘅麻辣汁，味道提升不少。主食係砂鍋龍王雲吞雞，我就選擇左粉絲。呢度嘅湯底都好濃郁，粉絲吸收晒湯嘅味道，最後我忍唔住飲晒成碗湯！XO 醬海味三絲撈刀削麵入面有花膠同海參，而且份量都好多，冇諗過呢個價錢會食到呢個質素嘅食物。鍾意食雞湯麵同埋麻辣嘅朋友一定唔可以錯過呢間餐廳！

早兩日同老公加埋阿仔3人行，一齊行完廟街後就走左去佐敦一帶揾食，行過庇利金街附近見到一間叫樂湯雞麵館(個名幾得意)，睇過門口餐牌有雞湯翅又有粉麵飯同多款小食，好似都幾多款式選擇，所以今晚晚餐就決定選這裏了，入店後睇完餐牌當然要試下個招牌菜la，叫左砂鍋花膠雞湯翅(壹隻)，還order左以下小食: -紅油花膠魚翅餃-沙薑雞腳-花鵰醉豬手-炸魚皮-鹽水雞腎-蟲草花杞子浸翡翠苗等左陣個砂鍋花膠雞湯翅就送到上枱材料非常豐富，雞肉嫩滑湯夠濃，花膠同魚翅份量都唔小，我地亦加左鮑魚同龍皇雲吞真係非常之滿足😋，至於其它小食都唔錯，個醉豬手啲骨頭已挑好哂，食落啖啖肉，皮夠爽脆入哂味，而翡翠苗就比較小地方有得叫同較特別，味道同口感都唔錯(其他小食都係水準之作👍🏻)，呢度既店員服務殷勤有禮(尤其是有位好高大既後生仔)，食完之後返到屋企都唔會覺得口渴，足以証明冇落味精la👍🏻👍🏻，我地都覺得這間樂湯雞食物味美新鮮又足料😋😋，下次想食雞湯翅時一定會再嚟ar