樂湯雞麵館 (庇利金街) (裝修中)

噚日放假上左去住喺佐敦既朋友屋企打機，大戰左6個鐘頭之後，大家都覺得好肚餓，我朋友就推介一間叫樂湯雞麵館比我地，佢話自己成日都會去買外賣同好好食的，跟住3條友就落樓去試下虛實，落到舖後未到晚飯時間唔算太多人，睇完餐牌當然叫返個鎮店之寶砂鍋花膠雞湯翅「我地一於食豪啲叫左全隻，再加每人1隻鮑魚」，同點左多款開胃小食有：1)炸魚皮 2)鹽水雞腎 3)蟲草花杞子翡翠苗 4)紅油花膠魚翅餃 5)沙薑雞腳 6) 醉豬手，我個人特別鐘意雞腎同雞脚，兩樣都好食同好入味，其他朋友都話啲小食好正，最後(大佬出場)個砂鍋花膠雞湯翅送到，品嚐過後我地一致覺得美味同足料啲雞肉好嫩口，花膠魚翅同樣掂，完勝我地早兩年喺澳門食嗰啲出名既煲仔翅，同埋呢度啲工作人員都幾親切同有禮貌，另外都留意倒都幾多人嚟幫襯買外賣的，証明附近街坊都好識食，總結我地覺得這間樂湯雞麵館絕對食得過亦都証明我地個Friend冇吹水同冇介紹錯，食完豐富又滿足既晚餐後就即刻返去個Friend屋企繼續屠龍了😂

最近疫情稍為緩和，工作後沒有買外賣，直接食埋先返屋企，今次選了樂湯雞麵館食飯。我本身好鍾意飲湯，加上工作忙碌，需要飲湯滋潤一下。我選了至尊珍品雞湯，材料相當豐富。當中包括海參，鮑魚，花膠，魚翅，冬菇，雞腳，全部係我鍾意食材。個湯夠鮮甜，由於不含任何味精，飲多些也無問題。海參夠大條，又厚身。鮑魚夠大爽口彈牙。花膠好大件，又夠厚身。小食選了花雕豬手和花雕醉雞。豬手夠爽口，入口有花雕香味，估不到甘夾甘好味。而雞肉夠嫩滑，不會太乾身和硬。下次要試下其他菜式。

由等位到俾錢走人，個哥哥仔都好friendly，係香港人嗰種人情味，好到我地諗係咪老闆黎嘅呢？食物方面： 首先個清雞湯好好味，個鍋係好熱，升晒煙咁攞黎，粉絲好正，會繼續encore，雞好滑，新鮮，個雲吞好大粒，皮薄，入面嘅蝦新鮮又彈牙，正！ 然後有個小插曲，話說我太貪心，飲湯飲到尾有少少雞骨碎，有粒仔雞骨碎插住喉嚨，個哥哥又俾水，又問我有無事，最後話俾罐可樂我飲吓，真係好好人！然後我離開後，都解決咗梗骨🤪

早排去佐敦見到有樂湯雞，記得之前在銅鑼灣食過，足料靚湯，今次又經過佐敦，就特登在這裡吃晚餐！店面比銅鑼灣小一點，晚市好旺，人氣滿滿，看來大家都很喜歡飲靚湯，有啖湯的確留得住大家的心XD餐廳的桌子和凳以木為主，人客離開後都會用消毒水清潔，令人覺得安心！我們點了一個湯麵餐和一個淨湯，另外再點小食和菜！見到好似有新餐牌，都想試試！粉麵餐就點了花參藥膳醉雞，配飯，藥膳湯裡面有不同藥材，例如紅棗，可以補身，雖然是藥膳湯，但入口清甜，最驚喜是有花膠和海參！花雕醉雞質素都好好，雞肉爽口彈牙，酒味濃郁，調味非常好！另外點了至尊珍品雞湯，湯底是濃郁雞湯，配料份量超級多，有魚翅、花膠、鮑魚、海參、瑤柱、冬菇、雞腳，「湯渣」都值回票價！第二度難有這個價錢這種質素！小食點了尖椒麻辣皮蛋和椒香拌柏葉 ，兩個都辣，但不同！都很開胃，特別是充滿椒麻香的柏葉！套餐加錢還有豆漿！

今天在佐敦工作，收工約了男友吃晚飯，但又吃厭了放題/打邊爐，在網上搵到一間吃雞既專門店*樂湯雞麵館*，覺得吸引就去試下食物選擇多，令人花多眼亂龍皇雲吞雞先到，很足料，雲吞厚實蝦又新鮮，味道甘甜，雞沒有雪藏味夠嫩滑，刀削麵有咬口，口感不錯，但最驚喜就是雞湯，清甜雞味濃，而且不太油膩口水雞絲撈丁，雞絲份量多，而且夠辣，很惹味，岩晒男友，他都很喜歡口水豬手，豬手大大件，皮滑脂肪岩岩好食左咁多肉，當然要吃茶，雜菜煲有金華火腿，湯底清甜，白菜清甜夠滑，仲有金菇，份量這麼多才48很抵食我地食到好飽好滿足，埋單才258，而且唔收加一，真的很抵食，下次會再來幫襯

自從有左之後，食野方面真係要好小心！每選一樣食物都要睇清睇楚食唔食得，健唔健康。今日同老公行街時就見到呢間＊樂湯雞麵館＊見到雞已經知道一定食得啦，在望一望餐牌，嘩。。真係都幾岩我喎，好多名貴食材，又花膠，又魚翅，又鮑魚等等，唔洗諗啦！即刻入去試下先。首先黎左廚師推介開胃小食＊香辣花膠豬紅＊睇見紅卜卜都覺得好辣，我只係每樣食一件試下味都覺得辣，豬紅超級入味，辣得黎好香，好野味，花膠岩岩好，膠質非常重！真係幾開胃喎～因為行得太耐既關係，老公太肚餓，所以叫左個＊至尊鮑魚雞大碗飯＊好神奇，實物同圖片真係一模一樣^^"雞係用雞脾，唔洗特別加錢嫁！又香又滑，雞肉嫩，鮑魚大大粒，煮到岩岩好夠曬淋，鮑魚味保留住，好特別係個飯，有小小酸，有小小甜，不過唔知加左Ｄ咩，但好夾。小食方面叫左呢個＊紅油花膠魚翅餃＊睇到個名好特別，所以叫左呢個，呢個辣同香辣花膠豬紅個個辣完全唔同，呢個係麻辣，餃入面有魚翅絲，花膠切碎，仲有小小肉碎，好特別。呢個就係我既健康＊砂鍋龍皇雲吞雞＊湯底個雞湯真係不得了，超濃雞味，勁鮮甜，講明健康，所以佢俾既係雞胸，但佢既雞胸都係嫩滑既，我就叫左配米線，份量岩岩好，仲有位俾我飲曬Ｄ湯！呢個

又到咗每個月嘅22號，我總係會想搵一間未食過嘅餐廳同我老公explore下，今次我地放工去佐敦買啲野，路過就到咗呢間個名幾搞笑嘅餐廳，就入去試下點知呢度主打嘅係雞湯翅，而且係一個普通人都可以負擔到嘅尋常價錢，所以我都唔執輸，揀返個嚟試下。先講下啲前菜，其實呢個豬手是不錯，店方去掉一些豬骨，讓人只吃到肉和皮的爽口，要挑剔的話是花雕未太入味，但仍是不錯。至於這個金錢肚，就普普通通，畢竟肚太韌。 但念在店家不是主打這個，我覺得是情有可願。話說我在這個雞湯翅加了個粉絲，這個粉絲是另上的，但湯仍是用返本身雞湯翅的湯，而且火腿也沒少給你，和雞湯翅相當之夾。好了，這個主菜了，老實說百多元，我本來沒太大期望，但來到時看到這賣相，還是覺得喜出望外。畢竟翅真的沒少給，金華火腿也是，花膠和雞的份量也不相伯仲，可以說相當足料，湯也是相當濃厚，喝了一口，也沒覺口渴，那是原汁原味的味道，沒添加味精。我想說的是份量真的頗多，相信店方也是希望兩個人分著吃，只是沒想到我是自己一個人吃，哈哈，所以挺飽的。 鄰桌的男人大啖大啖吃著，好不滋味的樣子，要是工作辛苦了一天，來到這裡還能吃雞湯翅，也算是一個不錯的心靈慰藉。

收工太累又唔太想煮飯，老公想食得健康d飲下湯水，揀左呢間係屋企附近既湯麵館，出名材料靚夠鮮味，是日決定食得健康d ，我們order了湯品、菜苗及湯麵。蟲草花杞子菜翡翠苗初頭還害怕有草青味，又無喎，杞子+蟲草花飲湯帶小小甜味，菜曲嫩口煮得唔會太腍，夠fresh👍🏻砂鍋花膠雞湯伴米粉材料多味道足，靚湯底有花膠、雞、金華火腿，米粉吸灑湯精華，夠灑鮮甜！花膠夠灑滋補口感爽滑，雞肉夠嫩唔鞋口，健康又美味呢😋沙鍋龍王雲吞雞花膠雞湯底配大大粒雲吞，味道跟平時食的有小小不同可能是用雞湯浸過吧！鮮蝦雲吞蝦肉幾鮮味同爽口，很新鮮，好食！至尊珍寶湯見湯品很清甜，令我們想encore，於是order了這個至尊珍寶湯，好有驚喜有原條海參😍、小排翅、花膠、鮑魚及金華火腿，好鮮味帶小小咸香，材料成為了精華😋好味！

我曾經食過「樂湯雞-銅鑼灣店」，仲記得平靚正👍🏻，今次知道佐敦開左，所以來到佐敦緊係要再食啦🤗來到這間緊係要食花膠雞湯翅，因為聲稱無味精，要食到原汁原味呀😌「砂鍋花膠雞湯翅-配刀削麵」正呀😍😍雞湯味香濃，而且真係有魚翅👍🏻👍🏻配上刀削麵😋夠哂飽肚「椒香拌柏葉」十分開胃，而且爽口😋「醉豬手」重點：沒有毛，沒有骨，的確用心制作😆😍「涼拌萵筍」爽口清甜，我最愛呀🤗「蟲草花杞子浸翡翠苗」香濃湯底👍🏻備註：員工十分好照顧，有禮👍🏻真的原汁原味，無加味精😌

之前同事勁推介之下帶過我去銅鑼灣嗰間食lunch，同事果然冇介紹錯，真係會上癮🤣今次放工特登同friend再去佐敦分店食，呢度環境唔錯又乾淨，店員亦好有禮貌。每次嚟都要食冇加味精嘅👍🏻砂鍋花膠雞湯翅配刀削麵，同事曾經表示試過幾款，表示配刀削麵係最夾最好食！一試之下真係令人好難忘，平時絕對唔會飲麵嘅湯底，但係呢度食每一啖刀削麵都要配上湯，食到停唔到口😋刀削麵帶啲煙煙韌韌嘅口感。砂煲花膠雞湯翅當湯飲配飯又🉐️個湯就會清啲！另外再加啲小食，麻辣雲耳、紅油花膠魚翅餃、白灼海中寶。叫咗好多樣嘢兩個人都唔使$300👍🏻細看之下，先發現原來公雞碗有「樂湯雞」🤣

當年暑期工做股票行，師傅賺到錢請我地食魚翅撈飯，從此一試愛上，因為鍾意食又想CP值高，周圍食周圍試終於發現到佐敦呢間 樂湯雞。湯品濃郁真心不錯，幾十元有交易，湯是真材實料無添加，飲完不口渴。見到在座有不少街坊支持，就知道小店實而不華，用心製作大家都品嚐到各式各樣嘅砂鍋雞湯。砂鍋花膠雞湯翅 配白飯 $78可以說是鎮店之寶，我見好多食客讚好，熱騰騰的砂鍋保存了湯的熱度，喝起來小心燙口，先品嚐一下雞湯的清甜，實在是很好喝。然後就在砂鍋裏尋寶，鮮味的雞件嫩滑味濃，有一排排的魚翅，有兩大塊掌心花膠，厚身彈牙，滿滿的膠原蛋白，滋潤可口，魚翅撈飯回味無窮。藥膳醉雞 $62 一陣陣花雕酒香好特別，醉雞非常入味，肉質彈牙，酒香惹味，我朋友食完面都紅晒，真係好似飲咗酒咁囉！配刀削麵連湯底都有藥膳香味，有藥材真材實料。口水尖椒皮蛋 $28這裏的小食/冷盤不能錯過，酸辣的帶濃烈蒜香，醒神開胃。炸魚皮 $28炸得很鬆脆，沾滿雞湯吃更滋味。口水醬花枝丸 $30麻辣開胃的口水醬汁，配上新鮮彈牙花枝丸，叫人難以抗拒！涼拌萵筍 $28想吃點蔬菜，涼拌萵筍就最適合夏天悶熱嘅天氣食，脆滑嫩綠，酸辣開胃。

出街食飯也想健康點，最好有湯水，今次朋友帶我去位於佐敦「樂湯雞」試吓。蟲草花杞子浸翡翠苗 $38顏色翠綠，份量是大碟，$38 是很經濟。呷一口是清甜，翡翠苗爽脆可口。花雕醉豬手 $52除了花雕的酒香，還有花香，原來加入桂花釀製，好有驚喜，豬手多肉，外皮爽脆。紅油花膠魚翅餃 $42紅油好香夠辣，魚翅餃大隻，有木耳絲、豬肉、魚翅等，好有口感。砂鍋花膠雞湯翅 $78砂鍋熱騰騰上檯，而且保溫能力高。可以另加入米粉、米線、粉絲、刀削麵，我們加了粉絲，份量幾多。雞湯清甜滋養，幾足料，雞肉嫩滑，花膠有好幾片，性價比高。

有時媽媽攰嘅時候會叫我去買外賣，晚飯唔洗煮！我今日就選左佐敦嘅樂湯雞。1.砂鍋龍王雲吞雞米粉 （$78）2.口水雞刀削麵 （$58）3.醉豬手米線 （$62）三個麵，都用上唔同嘅湯底，豬手麵係用左藥膳湯底，可以話係温和嘅藥膳味道，唔會好勁，大衆都會接受到！ 配合濃濃嘅花雕豬手，豬手起曬骨好正，啖啖肉之餘仲更入味！而口水雞同雲吞雞嘅湯底都係雞湯底，十分滋補，由細到大，媽媽都教出街食湯麵唔可以飲佢嘅湯底，因為9成都係味精湯對身體唔好，樂湯雞簡直打破依句固有思想，一家三口湯連麵清矖！口水雞醬一流，除左麻辣之外，仲有少少甜，唔好見佢好橙色濃濃咁，其實食得少辣嘅朋友都食到！麻辣雞絲海蜇 （$52）打開盒後感覺驚喜！ 將蘿蔔，青瓜，雞絲切得得幼細，每條都充滿秘製醬油，色彩鮮艷, 一啖內有齊蔬菜,雞肉同海蜇，健康平衡加上美味，簡直一絕！                                    沙薑雞腳 （$34）啲沙薑味好入味，調味料分怖均勻，雞腳肉質燜煮得軟腍，食完感覺骨膠原滿滿！十分推介這店俾大家試，食完大家都好暖和，飽足！

依家個個都話食野要健康,呢間《少鹽、少糖、少 • 確幸》餐飲聯盟就一定岩大家啦!🥘砂鍋 花膠魚翅餃 雞 *粉絲 $74細細條既粉絲索盡雞湯既精華,條條粉絲食落都充滿雞汁味道,今次既雞件仲係我最鍾意既胸肉,但咬落一啲都唔會鞋口,而且份量仲好多!!!花膠魚翅餃都好好味,裹面既料好新鮮,爽口彈牙好味道!‼️推介指數 8/10‼️好味指數 8/10🥘砂鍋 花膠雞湯翅 *白飯 $78雞湯一樣係好濃郁,驚食麵唔夠飽既朋友,呢度都有白飯俾大家選擇架~~花膠好大件,而且整得好爽脆,魚翅都係一梳梳,完全無呃秤,雞件份量當然都好足啦!!配埋飯食,呢餐一定夠晒飽呀!‼️推介指數 8/10‼️好味指數 8/10🐖醉豬手$52豬手勁香,一陣陣花雕酒香傳入個鼻,咬落淡淡酒香好惹味,而且肉質彈牙好爽口,再濃味小小,食完真係會醉呀!‼️推介指數 9/10‼️好味指數 9/10🍽 樂湯雞麵館 (庇利金街)📌 佐敦庇利金街61號地舖(港鐵佐敦站 C2 出口, 步行約1分鐘)☎️ 23822298⏰ 星期一至日12:00 - 22:30

疫情之下，很多約會都打亂了，約了閨蜜見面順便當拜年，今次食餐豪的，唔去飲茶，食雞煲翅在佐敦區，交通方便易去枱與枱之間有隔離牆上中式擺設雞煲翅加20元可以多一碗米線/刀削麵/米粉，我們揀了米線，湯底是药膳雞湯湯多過米線，药味濃郁，更滋補涼拌萵筍調味用蒜泥陳醋和醬油，另一烹調方法，唔會太熟，非常爽口口水尖椒皮蛋食辣就啱口味，我只食了2件，其餘朋友清碟2人份量雞煲翅，火熱上枱，要小心燙手除了有散翅，竟然有驚喜的小排翅，貨真價實，有口感大塊花膠多件，還有惹味金華火腿餚湯，味更鮮甜足份量，半只鮮雞，肉質嫩滑，每人起碼飲到2碗湯，超價錢合理，抵食，最緊要是無味精，唔會口渴