樂麵

营业中

休息中

咁啱同朋友仔嚟開葵芳呢頭，口痕痕但又唔想掃街，突然想食拉麵周圍行行吓嘅時候搵到一間拉麵店！果斷決定要試一試😀講吓環境先，餐廳係新都會廣場2樓，坐嘅位置都幾闊落😬裝修幾日式😍有feel👍🌸鰹魚雞白湯🌸呢款拉麵有豚肉同半粒糖心蛋，拉麵🍜有得揀藜麥拉麵定永樂伊面（+$20）我就揀咗揀藜麥拉麵，好有咬口，幾掛汁👍👍鰹魚雞白湯湯底好正，好新鮮。🌸花雕醉雞湯🌸哇估唔到花雕醉雞湯可以同拉麵結合一齊🤣第一啖飲咗個湯先，湯底勁重花雕酒味，雞肉同鴨肉都係👍鴨肉用慢煮方法，所以幾融入落拉麵度😍📝整體評分美味指數：🌸🌸🌸🌸🌸賣相指數：🌸🌸🌸🌸🌸抵食指數：🌸🌸🌸🌸🌸環境指數：🌸🌸🌸🌸🌸5🌸為滿分📍樂麵地址: 葵芳興芳路223號新都會廣場2樓270號舖

前晚同屋企人去咗葵芳買嘢，順便去咗新都會廣場食晚飯，我哋揀咗呢一間位於2樓嘅拉麵店，見到佢哋嘅湯底都有唔同嘅選擇，除咗拉麵仲有其他飯類或者小食！✨椒鹽唐揚日本池魚✨呢一個小食幾香脆，池魚炸到外脆內軟，仲有啲椒鹽調味，幾好食！✨日本雞油豚角炒飯✨呢一個炒飯粒粒分明，入口雞油味香濃，加咗啲香蔥就更加香味濃郁，賣相都非常之豐富！✨花雕醉雞湯拉麵✨難得嚟到點可以唔食佢哋嘅招牌拉麵，花椒醉雞湯好香酒味，雞肉好嫩鴨肉都好香，配咗佢哋嘅蕎麥拉麵，仲可以揀軟硬度，非常貼心！✨真贅雞白湯✨呢個都同樣好好飲嘅湯底，比起頭先嗰款肉類仲會多左豚肉，湯底都非常之濃郁！

見到佢哋社交平台努力經營本土文化同埋香港人嘅親切形象，終於有機會嚟試下，結果真係冇希望就冇失望，仲要非常失望🥲⋯入座後，Manager/老細款嘅人同我哋講拉麵紙就快用晒所以直接講食咩就得，但係同行友人已經手快剔咗紙，佢見到即刻黑晒面，全程好似欠咗佢咁，非常影響大家食嘢嘅心情。鋪面裝修得好靚，見到佢有心度過「香港職人」等等嘅slogan同埋design，真心欣賞嘅。但係，枱面抹完都係油淋淋，筷子同杯都係濕嘅，枱面壺水只係得一杯水嘅份量亦都冇refill過，頭頂冷氣機keep住毛毛細雨咁樣滴水，咁裝修得幾靚都冇意思⋯另外見到樓面員工冇戴手套，上菜收碟抹枱收錢都係同一對手，唔知上次洗手係幾時？我自己都有做飲食，明白晚市忙同攰，但見到呢啲細節位都會覺得過唔到自己嗰關🥲。食物方面不過不失，份量合理，但味道方面同價位可以有更加好食嘅選擇。食完之後我哋準備起身埋單，但係因為出面收銀冇人，所以我哋已經特登避開manager，搵咗友善嘅員工幫我哋手埋單，manager聽到又西口西面咁加句「直接出去咪得」。好耐冇試過出街食嘢食到成肚氣，以上遇到嘅問題當時冇同舖頭反映係因為見到管舖嘅人係咁嘅態度，自然就會覺

身為拉麵愛好者，終於一試葵芳「樂麵」，店內舒適而簡雅。葵芳不嬲都出名好多野食，呢日就去左橫街窄巷搵下有無野想食，呢間拉麵店望落幾吸引，一於就入去試下。一入店，滿有日本既特色😍店內選擇多樣，有湯麵、沾麵，日本飯，總有一款合你心意。自己選擇就是皇道。我簡胡椒豚肚湯，發揮正常！湯水呈米黃色，喝起來豬味濃郁😍湯底幾香，麵身算係比較粗，麵條的硬度也恰到好處，非常好吃，所以好有彈性同埋冇咁快淋。🍽️晚市：主打🐔鰹魚雞白湯麵條口感滑順有咬勁；炙燒叉燒口感軟嫩，肥瘦適中，入口柔軟富油脂香。秋葵釀蝦膠炸串賣相一流！這道秋葵釀蝦膠非常有嚼勁，蝦膠肉質細嫩富彈性。果然係我朋友的推介! 豚角丼賣相好靚，當中的豚角煮肥瘦適中，有咬到脂肪又有瘦肉好出色。PS. 餐廳係多元化選擇，由湯底，麵既粗幼軟硬度，湯既濃度，蔬菜多少等都以畫紙仔形式供客人選擇，真係好多元化😍

鰹魚雞白湯拉麵1️⃣0️⃣0️⃣湯底夠晒特別，鰹魚既鮮味加埋雞既鮮甜，成個湯都好清香，濃得黎有種獨特既鮮味！拉麵麵質特別，係蕎麥麵，口感更煙韌，更有咬口，亦都好掛湯，又健康啲！配料豐富，豚肉鴨肉雞肉唔同口感，同樣新鮮，流心蛋終極流心，一絕！椒鹽唐揚日本池魚1️⃣0️⃣0️⃣口感酥脆，食到魚肉又食到脆骨，鬆脆既口感同薯片真係差唔多！味道香濃，非常惹味，椒鹽既咸香更帶出池魚既鮮味，咸度適中！日式煎餃子9️⃣0️⃣餃子餡料豐富，唔但止豐富，調味都好好，豬肉肉質又好，同菜絲非常配合！餃子皮好脆，每隻餃子都係外脆內軟，更加做到冰花餃子既效果，點啲喼汁食味道更佳！秋葵釀蝦膠炸串1️⃣0️⃣0️⃣秋葵新鮮，爽脆既秋葵用少少炸漿包住去炸，完全唔油膩，蝦膠亦係有爽陣既口感，一啖食到脆口既秋葵又有彈牙既蝦膠，口感好好！炸串既味道都好好，香脆惹味既炸串有蝦膠既鮮甜，秋葵既清甜，仲有適當既調味！

真係好掛住日本啲拉麵🥺 今日收工去咗搵個friend, 由葵芳地膽帶咗我去一間超級好味嘅隱世拉麵店。入去環境好有置身日本居酒屋嘅感覺。餐廳員工服務態度非常親切，一坐低就問我哋要茶或是水。胡椒豚肚湯拉麵煙韌彈牙，掛湯能力佳，吸附大量湯汁；叉燒軟嫩入味，帶微微焦香；少許蔥花、筍乾。豚肉都份量十足，有大大片叉燒，食完飽肚又滿足！我們點了日式煎餃子餃子皮脆又多汁，煎至金黃焦脆，內餡肉質鮮甜！仲有以下呢個小食都有驚喜！秋葵釀蝦膠炸串新鮮外炸起熱辣辣，這個小食很有特色，味道也很不錯。兩個人分來吃剛剛好，也很適合當作開胃菜。麻香胡椒豚肚絲超級大碗～～ 食材絕無馬虎～一黎到熱辣辣，加埋面頭既麻香味重的豚肚絲，味道唔錯！！要再三一提!! 樂麵的日式裝潢，服務員體貼安排熱茶或冰水，異常貼心100分。

今次想同大家分享呢一間葵芳新都會廣場嘅高質拉麵店，餐廳已經開咗一段時間，但係仍然keep住好高人氣，今次去食都見到有唔少人排隊🥰證明食物相當之有保證❤️‍🔥我嘅選擇❤️‍🔥花雕醉雞湯❤️‍🔥好鍾意佢哋嘅湯底有淡淡的酒香，湯底非常之濃郁，雞湯清甜，入面會有雞肉同埋鴨肉，仲有隻醬油糖心蛋，非常之豐富！朋友選擇❤️‍🔥鰹魚雞白湯❤️‍🔥呢一款新品超多木魚碎喺上面，好友日本風味，而且又有大大塊嘅豚肉，都有配埋糖心蛋，豚肉薄薄一片好嫩滑！佢哋而家仲有張印花卡可以儲印花，等我好好keep住佢下次再食過先！

今日同呀妹黎睇話劇，睇完黎到新都會，見到呢間拉麵店，裝修都幾日式，啲拉麵又唔同平時果啲，就入黎試下，果然唔錯！我地叫佐兩個拉麵，一個胡椒豚肚湯拉麵，一個真熬雞白湯拉麵。胡椒豚肚湯拉麵有豚肉豚肚同流心蛋，成碗上到黎真係見到滿滿胡椒，湯底一飲就好重胡椒味，真係好似飲緊中式既胡椒豬肚湯咁，辣辣地反而幾過癮，補身呀😝呢個湯同拉麵原來好夾，加埋豚肚又幾爽口，幾有咬口，豚肉亦好嫩，係好特別既拉麵呀😙另外既真熬雞白湯拉麵就有豚肉同醬油流心蛋，呢個好似好普通，但煮得好好，豚肉同流心蛋係雞湯既好好配搭，白色既雞湯好香濃，但又唔會太肥膩😉反而有啲粘口，配埋硬硬地既麵同其他蔥菜，口感味道更好😌

實在太掛住日本 所以呢晚又去咗食日本野。終於可以一嚐好友讚口不絕的「樂麵」🤩店舖環境舒適，裝潢別致，情侶約會或朋友聚餐也很適合。平日夜晚嚟到都幾full🙈呢間嘅拉麵有好多選項 例如可以揀麵嘅粗幼、 軟硬、 連叉燒都有選項🦐 等大家可以食到比較啱自己口味嘅拉麵。🐷鰹魚雞白湯($108) + 京蔥薑油手撕元氣雞 ($30)鰹魚雞白湯質感濃稠不油膩😋拉麵嘅湯頭清淡鮮美，口感非常濃郁。湯底喺用咗原隻雞烹煮幾十小時以上而成白湯，麵質軟適中，整體是飽肚又高質🤗🐷真贅雞白湯($98)+日式煎餃子呈奶白色的湯底以赤雞熬製六個小時而成，甫上桌已聞到香氣四溢，湯頭濃稠鮮美，入口甜而不膩，口感香醇順滑，creamy不黏口！真贅雞白湯價錢上也較抵食👍🏻。呢間拉麵店都幾有驚喜 唔怪得平日夜晚都咁滿座啦😙 好開心可以食到咁豐富嘅晚餐。

新開既葵芳新都會拉麵🍜諗住試食下，因為鋪入邊都坐滿人，需要等位大約10分鐘左右，見入邊啲人都食得好快。🙂由入坐到食物來到時，店員服務態度都略差，仲漏左單等左25分鐘，豪無歉意仲要串咀態度，消費者心態都唔係要受係氣，大家都係黎食飯！🥲🥲另外食物方面：價錢略貴、賣相睇落都ok 、但食落真係麻麻地好食。 叫左個醉雞面 完全係勁奇怪個味道。。。 反而朋友既胡椒豬肚湯味道ok應該都唔會有下一次，唔值得食🥲

為左慶祝同男朋友的周年紀念日💕，LUNCH特意BOOK左呢間充滿情調既餐廳。總體來講食物高質，菜色擺盤精緻，而且食物都好有特色👍🏻🍝秋葵釀蝦膠炸串🍝一道非常有創意的小吃，口感非常清脆，秋葵和蝦膠的味道相互融合，令人回味無窮。烹飪技巧非常高超，每一口都是滿滿的美味。🍢京蔥薑油手撕元氣雞🍢 雞肉肉質鬆軟入味，軟硬度合適。☕好好食，京蔥清爽解膩。🍢椒鹽唐揚日本池魚🍢 最中意個醬油，唔會太甜或者太鹹，岩岩好，肉汁豐富。最後，兩個湯：鰹魚雞白湯& 胡椒豚肚湯岩曬我心意，非常足料！食住中意既食物，我地心情都好放鬆寫意💖，下次拍拖都可以再book呢度。

樂麵結合日本拉麵同香港美食嘅特色🇭🇰 製作出創新fusion拉麵，有醉雞/ 胡椒豬肚/芫茜拉麵，諗住見佢新店試試，點知係獨一無二難食🤮🤢，服務禮貌麻麻，呢個價錢日本拉麵都食到啦💸🙄：-1️⃣ 「真熬雞白湯🐔🍜($98)」🆕2️⃣ 「花雕醉雞湯🐔🍜($108)」🆕寫多都嘥我墨水🥹個麵淋到好似煮咗幾世紀咁，夾一條可以成碗麵夾起，藜麥拉麵口感粉得黎好鞋；糖心蛋切得核突，只得鹹味；肉不過不失，雞白湯湯底creamy都ok，但個花雕湯真係鹹到苦又唔香～希望餐廳可以改善

👏🏻鰹魚雞白湯拉麵呢個配料有豚肉，鴨肉，雞肉，醬油流心蛋。呢個既湯底比普通既雞白湯多佐一份魚既鮮味，好鮮租甜，亦有雞湯既膠質，香濃鮮味，豚肉夠嫩，鴨肉有啲嚼勁，雞肉都滑，流心蛋好香，成碗都好好食！🫶🏻真熬雞白湯拉麵呢個配料有豚肉同醬油流心蛋。我講湯底真係好濃雞味，十分香濃，湯底稠稠地，飲得出好重膠質，真係用新鮮既雞煲出黎，奶白色既湯底好正，拉麵都幾掛湯，豚肉又夠嫩，加埋岩岩好既流心蛋，質素好好！🫰🏻麻油炒筍絲筍絲好新鮮，用麻油炒好滑身，咬落又爽脆又香，做小食好好！👍🏻秋葵釀蝦膠炸串估喎到秋葵都釀到蝦膠係入面，秋葵炸脆都仲好清甜，蝦膠又彈牙，配合得好好！

🏮秋葵釀蝦膠炸串🏮呢間日式拉麵店又真係好食，唔怪得見佢愈來愈多人，我同男朋友都係等了好陣子先入到場，呢度除有拉麵之外仲有啲小食，秋葵釀蝦膠炸串呢個做法好特別，一睇就想試，呢一串秋葵又真係幾好食，原來加埋蝦一齊食可以咁好食 🎈🎈🎈🏮花雕醉雞湯🏮呢個花雕醉雞真係不得了，一嚟到已經嗅到陣陣酒香，但呢種酒香絕對唔係濃到苦果種，加埋雞肉，可以話入晒味🎈🎈🏮鰹魚雞白湯🏮反而呢一個有兩種口味，鰹魚真係份量好重，超級多，而佢既配料都係大量咁比，有好多蔥，雞肉同湯都好正 🎈🎈🏮麻油炒筍絲🏮勁香既麻油味道，好爽口，呢一碟小食好好食，而且職員仲比左張儲分卡我地，食夠指定次數同數目仲有額外獎品，日後要係度食多啲先得🎈

一家三口👨‍👩‍👧黎到新都會廣場食拉麵，叫左2個拉麵，2個小食和兩罐飲品分黎食。秋葵釀蝦膠炸串🩷🩷🩷🩷🩷呢個餐廳自創菜式真心非常滋味，將秋葵切開，再把蝦膠釀入秋葵內，然後整條拎去炸。秋葵外皮脆卜卜，入邊嘅蝦膠爽口彈牙，蝦鮮味十足，老公和呀女都食到舔舔脷😋椒鹽唐揚日本池魚🐟🐟🐟🐟🐟呢份唐揚池魚同樣係脆卜卜，炸到連魚骨都非常香脆，池魚非常鮮甜，灑上椒鹽令詞語嘅味道更突出。真贅雞白湯拉麵🍜🍜🍜🍜🍜呢個雞白湯拉麵嘅配料，有雞肉，鴨肉，豚肉和糖心蛋，配料非常豐富，加上大量蔥花，令整個湯底充滿蔥花香味。拉麵係幼身拉麵拉麵，食落去非常爽口。鰹魚雞白湯拉麵🍜🍜🍜🍜🍜拉麵上鋪滿滿滿鰹魚乾，鰹魚乾好有口感，味道亦非常濃郁，配上鮮甜嘅鮮雞白湯，味道非常豐富。呢款拉麵有三塊大大塊嘅豚肉和半隻糖心蛋，同樣非常好味！仲加咗$24要咗一支紅茶花伝的檸檬紅茶和玻璃樽裝忌廉。