橫浜街場 (已結業)

以木筒聞名既半任食火鍋有兩個套餐貴一點的有海鮮🦞湯底選擇有幾款，我揀左人蔘雞湯，湯料十分足，有半隻雞，人蔘，紅棗等等，隻雞仲要煮完有味道，唔係cheap cheap 果種，不過有人蔘既湯有一弊處，初頭好好味，到中後段會有甘甘地苦苦地任食配料選擇較少，但每一款都新鮮有味道，牛肉有三款，套餐包一碟安格斯牛，厚身有牛味，固之然最正另外有三款任食既牛。滑肉，美國肥牛同牛肩肉，牛肩肉本身油花均勻，咬落口感滑，有牛香，美國肥牛亦不差，鮮嫩口感分明（牛肩肉好食一點）套餐包配料有手工餃同丸，食落多汁，味道濃厚，好似自家制，最特別係有一粒蝦米🦐墨魚丸。有陣蝦米香又彈牙。雞子同厚切花膠，鵝腸都新鮮。飲料種類選擇雖少，但勝在有手調飲品，都是任飲的，手調飲品選擇會多小小，我試左士多啤梨沙冰同柑桔檸檬都幾好飲又唔會太甜海鮮餐可以選擇海鮮燒，味道唔錯，幾新鮮，帶子燒完多汁，肉質滑，咬落無腥味，龍蝦🦞，海蝦🦐同蠔我就無燒，用邊爐煮，蠔熟後雖然無太縮水，但味道一般，龍蝦🦞有鮮甜味，肉質鮮嫩，海蝦🦐無咩特別，味道尚可整體而言算中等價錢高水準享受

一心想食木桶火鍋，於是係openrice訂座咗呢間試試，上到佢職員友善同禮貌地解釋落單程度和放題的套餐，但聽到木桶火鍋原來已經無咗，就有點失望，不過都黎到就繼續試食。我地叫咗 $398 海鮮火鍋放題，海鮮都算新鮮，套餐內指定食物都好快速送到。之後我地再落單叫咗一份蔬菜，就等咗起碼半個鐘，催咗幾次先有。。。呢樣野就唔係咁好，因為當晚客量唔多，只有十幾檯，希望呢方面可以加以改善。而食物和份量方便都幾好，十分滿分都有8分。

成日想打邊爐又怕唔健康 所以見到有主打藥膳火鍋的餐廳就想試下 入到嚟見到地方都算寬敞 而且侍應話原來佢地陸續換緊檯 每張檯除左可以打邊爐 仲可以燒野食 滿足唔同口味嘅大家👍🏻D肉可以一半攞嚟燒 一半去打邊爐 換唔同口味 正😋呢度飲品選擇都好多 除左一半汽水啤酒任飲之外 連紅白酒都係任飲 真係咩都抵返哂😆而且佢地亦都有特色野飲 呢杯係玫瑰花釀 適合唔想飲凍飲的人😛花膠螺頭藥膳雞鍋湯底好清 有少少人參香味 湯底亦好足料 有好多雞 亦都會搵到大大塊花膠 好健康又唔會膩的湯底！跟餐會先送一碟炸物 有魚皮 響鈴 油炸鬼釀墨魚膠跟著亦都有一碟好精緻的手工餃同特色丸子餃子皮薄餡香 丸全部都好彈牙 有手打的優勢 特別推薦墨魚丸 入面釀左蝦乾 好特別🤗安格斯牛頸脊 見到都哇一聲 牛肉紋理好靚 唔會太肥 咬落有口感 一流！個餐亦包含一堆打邊爐常客 可以任叫 食到飽為止：）最後亦有甜品 牛奶果凍好香奶味 份量岩岩好 食完主食都可以有位食甜品！整體而言都好滿意今次打邊爐體驗 侍應亦好周到 不時就過嚟加湯同推薦野食 會再encore!

環境: 👍👍👍裝潢真的似一個籃球場一樣，店外面有鐵絲網及籃球框等。 凝造到一個球場一樣的環境， 裝潢夠心思。 我們坐在窗口位置，位置闊落開揚，望到旺角街景。湯底:😍😍😍湯袋主要以雞為主。這次我們選了花膠螺頭藥膳雞鍋 。 湯料豐富，由花膠及半隻雞淆製而成。 再加入滋補藥膳例如：海底椰、杞子、蜜棗、螺頭、人參及當歸等， 非常惹味，而且雞肉嫩滑，店員建議食客可以先試湯底再加入食材，滋補而不燥。 湯底方面還有韓式藥膳雞鍋、 姬松茸藥膳雞鍋、 人蔘雞鍋及人蔘藥膳烏雞鍋以供選擇。鍋底包括了(位上)的小菜：即炸響鈴 ：口感厚實，一咬滿口支竹油香撲鼻。 😍手切安格斯牛頸脊：牛味濃， 牛肉脂肪比例均勻， 牛肉口感脆口新鮮。 😍😍😍炸物：即炸魚皮：魚味濃， 即炸夠新鮮，不會有油益味，以及魚沒有腥味。炸蝦乾墨魚丸： 墨魚味濃，爽滑彈牙。但蝦味較微。 👍丸類：手工西班牙豚肉黑松露丸：黑松露味香。手工安格斯芝心牛丸： 牛加上芝心丸的配搭新穎有創意。牛肉味濃，但進食時須小心，熱燙芝士。另有創意的自創小菜例如，鬼鬼馬馬及雪中抱月。餃子類：手工獅城魚尾雲吞手工芫茜餃手工西洋菜餃手工韮菜餃 😍😍😍另外多款食材可以無限

橫浜街場 (旺角)全港首創木桶噴泉火鍋🤭朋友食完大讚。令我都好期待🤩今日終於得閒食。一入去，店如其名，裝修好似街場🤣行工業同金屬元素既風格，都好有風色。前菜係川味木耳同手拍青瓜，放係醬料旁，任拎。😍夠開胃而且又夠味。好食。點完餐就上左個大木桶，好得意😎同男朋友仲研究好唔好都買返個返屋企🤣。點知原來係訂制既，🌟神奇之處係湯滾起左之後會係木桶裏面既洞噴返出嚟，具有過濾隔渣隔油之用，🙆🏻‍♀️可以簡單容易飲到口清湯。🥄放勺係洞口取湯容易又快捷。睇到我哋嘖嘖稱奇。湯底揀左花膠螺頭藥膳雞鍋。😼足料濃郁滋補，藥材味唔重，係好香人參同紅棗味既雞湯。花膠煲腍左好好食。部分食物係指定(位上)的💁🏻‍♀️如下：👀餃子做得尤其出色。拍得住/甚至好過專賣餃子🥟既鋪頭，新鮮而且味道岩岩好。即炸響鈴🔔、魚皮、墨魚膠讓油炸鬼。🤣響鈴比一般大而實。🐟魚皮粉漿較厚。但整體嚟講呢道炸物油膩感重。肉類我地揀牛。🐮大大碟，好靚仔既牛頸脊。肉味香濃，好滿足。到左任食方面，我地都估佢唔到咁高質。🙆🏻‍♀️即使係任食牛肉都係非一般靚。🐮新鮮、爽口、牛味重。就淨係瘋狂食牛肉都已經可以回咗本。飲品方面除左基本嘅汽水🥤，仲有特調嘢飲(水果紅/

今日嚟到呢間全港首創嘅木桶噴泉火鍋踩踩點，橫浜係專做唔熱氣同養生嘅邊爐，啱曬女士食，因為係旺角行街，所以今次就揀左旺角呢間分店餐廳以籃球為主題，夠曬特別！一出𨋢就見到一排鐵絲網既牆，掛上唔同顧客既合照，好有親切感餐廳推行電子下單，呢頭order完嗰頭就出菜，好有效率！我地嗌咗一杯水蜜桃紅茶(左)，唔會好甜，一杯金桔檸檬(右)，酸酸地好開胃另外，醬料放係出面，有保鮮紙封住，非常衛生👍🏻湯底揀咗花膠螺頭藥膳雞鍋，聽個名都知夠曬養生啦☺️，食完都無咁大罪惡感呀🤣呢個木桶噴泉火鍋真係夠曬新奇！當個湯滾嘅時候，會係桶內嘅洞噴出來，店員解釋嗰啲係洞出嚟嘅湯會比較清，因爲由底開始滾，面頭層油同雜質會隔咗，真係啱囇我呢啲又想打邊爐又怕肥嘅人！🤣響鈴係餐廳即叫即炸，口感同外面買的完全唔同，非常香脆可口，仲有炸魚皮同鬼鬼馬馬(墨魚膠釀油炸鬼)，個人就中意沾一沾湯再食，估佢唔到仲係都非常脆口下面嗰碟主菜全部都係餐廳自家制，肉丸爽口彈牙，餃子皮簿餡多，全部一口分量，真係好味到唔夠喉呀🙈肉類方面，餐廳包嘅三個選擇之中我地揀咗蒙古羊肉(右上)，食落好彈牙，好有羊味，接受唔到臊味嘅人就唔建議嗌啦！左上:牛肩肉 肥瘦比

夠心思講返食物先我地叫左花膠螺頭藥膳雞鍋湯底打邊爐嘩。一上到，個鍋竟然係一個木桶店員建議可以先試湯底再加食材，既藥膳味但感覺滋補而不燥。叫左個花膠螺頭藥膳雞鍋湯底，首先佢地既鍋並唔係出面用開既鐵鍋，而係用木桶，木桶本身設計會自動隔油，我地食左兩個鐘都唔駛自己郁手。花膠螺頭藥膳雞鍋，超足料! 紅棗同參都一大堆，仲有半隻雞。最特別係佢既卵石，店員話加熱既同時佢會釋出礦物質，所以會比較健康同有益。下次都繼續來。

打邊爐就打得多係街場打邊爐真係第一次因依度環境裝潢真係好似一個籃球街場店竟然有鐵絲網及籃球框凝造到一個球場一樣的環境好夠心思講返食物先我地叫左花膠螺頭藥膳雞鍋湯底打邊爐嘩⋯一上到⋯個鍋竟然係一個木桶店員建議可以先試湯底再加食材一開木桶我竟然見到木桶設左噴泉口係泉口就可以飲到唔油既濃濃湯好濃既藥膳味但感覺滋補而不燥立即一睇湯料好豐富見到有花膠及半隻雞仲有大量藥膳例如：海底椰、杞子、蜜棗、螺頭、人參及當歸等用料好足食到咁上下店員仲會替你攞上雞肉慢慢分之後就到打邊爐時間，食材創新，食材真心推薦即炸響鈴 口感厚實，再加吸左湯底，油香撲鼻即炸魚皮魚味濃， 不會有油益味，以及魚沒有腥味 炸蝦乾墨魚丸墨魚味濃，爽滑彈手切安格斯牛頸脊：牛味濃， 牛肉脂肪比例均勻， 牛肉口感脆同新鮮丸類都好吸引手工西班牙豚肉黑松露丸黑松露味香手工安格斯芝心牛丸牛加上芝心丸的配搭新穎有創意,牛肉味濃，但進食時須小心，熱燙芝士。仲有創意的自創小菜例如，鬼鬼馬馬及雪中抱月。除左以上，另外依度仲有好多款平日食材可以無限添加。 飲品方面有沙冰、奶昔、乳酸、紅白酒等供客人任飲。汽水、茶等也是無限添加。 可以用咁既價錢食到樂膳雞同邊

今晚同細妹行開旺角買嘢，發覺好耐冇打邊爐，所以決定今晚食完先返屋企，我地搵左間樓上火爐店，入到去發覺同出面既連鎖店唔多一樣，佢地環境好舒服，座位又寛敞，而且裝修設計簡潔！我地坐底左就叫左個花膠螺頭藥膳雞鍋湯底，首先佢地既鍋並唔係出面用開既鐵鍋，而係用木桶，木桶本身設計會自動隔油，我地食左兩個鐘都唔駛自己郁手，但個湯底都仲好清，呢個設計真係好方便，而且木桶兩旁有幾個小孔，如果大家想飲湯就可以直接舀嚟飲，而且湯底有好濃郁藥材味，內有原隻雞，配上不同藥材，紅棗同花膠，雞肉食落非常嫰滑！因為我地係叫set，食完個湯底既料之後，仲有其他配料可以打邊爐，其中西班牙黑豚肉就最值得推薦，肉質好鮮嫰，而且每片黑豚肉都肥瘦平衡，好有口感！另外佢地既自家製手工菜餃都係必食之選，尤其係韭菜餃，皮薄餡靚，煮完之後，包住d雞湯，食落非常鮮甜，最後仲有自家製甜品送，我地揀左朱古力布甸，所以大家行開旺角記得要試試！

木桶打邊爐咁特別!? 我同朋友見到都好有興趣，而且298兩個半鐘，仲有紅白酒飲任，性價比好高餐廳幾寬敞，坐得夠舒服。而且有幾部大電視，坐邊都睇得到野食未到食下前菜，青瓜微酸夠爽口，木耳夠清新，夏天食下呢啲小食夠開胃👍主角來了，點左店員推介既花膠螺頭藥膳雞鍋，超足料! 紅棗同參都一大堆，仲有半隻雞。最特別係佢既卵石，店員話加熱既同時佢會釋出礦物質，所以會比較健康同有益花膠都真係唔錯，厚身夠大件，食落又夠粘夠咬口套餐送既野超多，魚皮響鈴超級香脆，放湯更加一流👍呢一埋手打丸同手工餃非常出色!丸類類夠彈牙，用料又夠足，墨魚丸入邊真係粒粒炸蝦同墨魚粒，有油香夠香口。餃類最鍾意餛飩，蝦味唔太重，但豬肉味勁香，超正!送既安格斯手切牛最正! 大塊得黎夠厚口，食落有咬口，牛味勁濃👍唔夠仲有好多野食可以點我就緊係encore好多肉😆😆佢既肥牛同牛肩肉都好靚，整體食材都高質奶昔我都飲左好多杯了😂😂😂真係食到捧住個肚走👍

之前朋友講過有間打邊爐不錯，黎到之後睇返餐牌，原來是$218有得打爐之餘仲有得食串燒，好驚喜! 朋友的確沒有介紹錯，入到去我地坐了卡位，都幾大舒服，而出奇地不太油煙，通風做得不錯與時俱進的善用電子下單，十分方便食客，又列明清楚。我們叫的湯底好濃又香，配上一陣來的牛肩肉十分好食，肉又滑又濃牛肉味，而且仲有黑豚肉同雞肉添，二款的肉味不錯而且都幾嫩滑。呢度有一隻芝士丸都係我最愛，每一次火鍋如果見到佢一定會點，一咬就爆漿，非常爽又好味。食了幾碟肉之後再叫了火鍋配料都好多選擇，而且仲幾新鮮，串燒方面十多款，我地就叫了七款自制串燒拼盤，燒得幾香，而且不會好乾身，配上乳酪系列飲品最好味。這裡飲品選擇都不少，有熱有凍岩晒我地二個。晚市放題任飲呢方面好貼心，因為吃火鍋串燒都容易口乾多飲2杯，任飲相當抵。

諗住帶媽媽出街食 做下孝子 見openrice食評寫呢到打邊爐 湯底係藥膳湯底 當然要揀滋陰食物 -花膠螺頭藥膳雞湯底 等佢開心下 媽媽話唔要食海鮮所以就揀$298套餐湯底內有好多花膠仲有大半隻雞 真係估佢唔到 以為只係淆個湯底出黎 花膠軟得黎又夠爽 雞肉好滑以下係位上食物手工製作丸類同餃子安格斯軟芝心牛丸 手切安格斯肥牛片飲品選擇好多 媽媽好欣賞有養生熱飲都有洛神花茶 薑母茶等 唔洗成日飲汽水喎 我都飲左幾杯奶昔 沙冰 乳酸 原來呢到紅酒白酒啤酒都係免費任飲 下次同朋友黎就可以盡興下

呢棟大廈裏面有好多餐廳可以選擇我同朋友揀呢一間餐廳就因為佢嘅火鍋湯底夠特別同埋假期比較多時間所以晚飯鬆動啲就揀咗食火鍋佢個火鍋湯底唔係普通嗰啲豬骨沙嗲湯而係藥膳湯底 我同朋友揀咗花膠螺頭藥膳雞湯底佢火鍋有兩種價錢分別係$298 $388視乎你要唔要海鮮 我同朋友食唔到太多所以就決定要較平價錢嘅嗰個個湯底入面竟然有大半隻雞 真係忍唔住嘩嘩聲 仲要好嫩滑 啖啖肉 花膠都唔少 真係食個湯底都回左唔少本之後食物就陸續黎啦 有部分食物係位上 例如手工丸同手工餃 個安格斯芝心牛丸好好食 入面芝士係流心嘅 另外幾款餃都唔錯 亮點當然係手切安格斯肥牛片 而有啲呢就可以任食 少量海鮮 牛肉 菜 麵食都有而且佢飲品選擇好多 同出面嘅任食火鍋唔同 例如奶昔 沙冰 乳酸 甚至紅酒白酒啤酒都係免費任飲我最欣賞就係佢呢個木桶火鍋爐木桶個高度夠晒高 唔怕啲蒸氣同湯彈晒出嚟

昨天約左好耐冇見既朋友食飯，佢話旺角有間打邊爐好好食一於book位試下！我地大約6:00pm去到，揀左$298既餐（有8折），除左有指定啲肉同配料，仲有其他任食火鍋配料 呢間舖頭既湯底好特別，係藥膳湯，我地揀左花膠螺頭藥膳雞煱個湯底好正仲好好好食既響鈴，索哂啲湯好好味！丸同餃亦好有水準！野飲都係任飲架餐廳環境亦都唔錯，同朋友傾計黎講係一個好地方！下次一定會再黎！如果想食打邊爐，推薦一定要黎試試，好好味

想同朋友一齊食任食火鍋, 上openrice睇就發現呢間店, 訂座仲有25Asia Miles, 咁就決定試下啦!上到去其實唔算好多人, 我地叫左個海鮮餐, 揀左花膠藥材湯。之後老闆娘好細心叫我地揀野食同埋飲品。不過無論係丸, 肉同埋其他配料都係得5-7款, 雖然openrice訂會有75折, 但388黎講真係得好少選擇...隔左一陣個煲就黎左啦, 佢係用一個木桶裝住而湯會係周邊既洞流出黎, 湯底都真係好多料, 又有花膠, 半隻雞, 同埋好多藥材!然後配料都黎左, 簡單講就係你叫1佢就嘛會出1俾你, 所以第一次我地叫返黎既野好奇怪同埋好少..牛肉都係新鮮既不過牛味唔係好重, 我地一開始就飲左啖湯先, 都真係好清甜同埋足料既, 我地後尾想食魚皮同埋響鈴都冇得叫, 食物水準唔差不過種類多返啲會感覺抵食啲囉