正品小館 (已結業)

現在係油尖旺想找一間經濟實惠的餐館都真心比較困難，但皇天不負有心人，係佐敦居然給我找到，就是這間「正品小館」。杏汁白肺湯$38雪白香滑的杏仁湯配上豬肺，滋潤有好喝。現在在家裏媽媽嫌麻煩都不願意煲，「正品」才賣$38, 想喝可以馬上來。瀨尿蝦$88巨大一隻瀨尿蝦做成凍食，蝦肉厚實而且超級鮮甜爽口，誠意推介，必食之選。墨魚咀$38粉漿炸的外面酥脆，裡面的墨魚嘴煙煙韌韌有咬口，送酒一流。豉椒炒蜆$58豉椒、洋蔥、青紅椒爆炒後加入蜆繼續爆炒，又一送酒好餸。涼瓜牛肉$68超多的牛肉炒涼瓜，真怕老闆虧本。牛肉嫩滑，涼瓜下火，送飯一流。

今天來到佐敦的「正品小館」晚膳，正品的出品給我留下驚喜又深刻的印象。首先正品的小炒的價位非常大眾化，比大家樂還平民，一客招牌海南雞飯，也只是$38, 有雞，有雞油飯，有湯，還有三種調味，大家樂賣緊$54一客。 便宜不代表出品需要將貨就價， 海南雞肉滑鮮嫩，雞油飯香味十足，列湯也到位。杏汁花膠湯$48香滑可見的杏汁湯，加上養顏滋潤的花膠才賣$48, 天天來喝一碗才有賺。黃金四季豆大熱的鹹蛋黃系列， 這次是配上四季豆，創新好味。豉椒鵝腸$58料頭足，火喉夠，鵝腸新鮮爽口無異味。正品的出品實在好食又實惠，不煮飯天天幫襯也花費得起😄

呢間中菜館好近佐敦地鐵站 位置極方便估唔到旺區都竟然仲有咁抵食嘅餐廳餐牌選擇幾多除咗有午市套餐 亦有例牌小菜黑洞私心推介必食海南雞飯套餐有齊海南雞 雞油飯 餐湯 都只係$38雞肉好嫩滑 無咩骨食起上嚟夠方便雞油飯邪惡之選 雞油香氣十足黑洞中另外帶多咗兩個小炒黃金蝦仁 蝦仁表皮上咗層薄薄嘅炸粉再沾滿鹹蛋黃 夠晒香口 送飯食perfect菠蘿咕嚕肉碟頭份量好足 超級多咕嚕肉酸酸甜甜夠開胃黑洞清晒一碗白飯另外叫野飲 凍飲都只係加$4

小寶今晚要請客，她說帶我去佐敦的一間道地正品小館吃小菜，一間性價比高的小菜館，我很喜歡吃小菜，看到餐牌上種類繁多，真的令人心花怒放!首先叫了兩個湯，有我們最愛的杏汁花膠湯及杏汁白肺湯，兩個湯看起來很相似，但是我的至愛是白肺湯，真的很補呀，而且杏汁味很重!豉椒鵝腸炒得很香，而且鵝腸很滑，難怪是這裹的招牌菜，值得一讚!另外豉椒聖子很大碟，而且聖子很爽口，我們吃到停不了口!菜笛牛肉很夠鑊氣，牛肉很薄但有很多，另外菲花雞汁，香濃味美，我們覺得這間小館真的價廉物美呀!

入呢間餐廳係比佢掛係櫥窗既凍蟹所吸引，就咁睇個名，以為係食普通飯麵，望下餐牌，就知有唔少打冷菜式店員就推介左凍食馬友魚 同埋 豉椒炒蟶子馬友魚外層已被鹽醃過，所以咸味已經有，魚肉結實不鬆散，係新鮮貨色豉椒炒蟶子店員話蟶子好靚，上枱後望一望，又真係唔錯啵，隻隻都好飽滿，勁大隻又新鮮賣相配上三色椒好吸引，椒仲好爽口，我地加左個白飯撈豉椒汁黎打冷鋪只係食一條凍蟹又點夠，整多隻紅蟹蟹已經幫我地砍好，再整碎左殼，好易就拆到肉，就咁清清地品嚐蟹肉，蟹肉既鮮甜就變得好明顯最後我地仲叫左兩碗湯杏汁白肺湯and杏汁花膠湯食開杏汁甜品，第一次飲佢既咸湯，感覺係特別既兩碗既杏仁味道好出，白肺就好爽口又帶點嚼頭，花膠就屬於爽身既類型得閒飲碗湯補一補都唔錯

喺 Mira Place 買完少少嘢就行咗過嚟佐敦食飯估唔到就發掘到呢間好餐廳一入去招呼就好好，由飯餐、小菜到海鮮都一應俱全價錢仲好抵食𠻹 👍🏻平時懶煲湯，出街見到湯品通常都會點 😂呢個杏汁花膠湯雪白養顏花膠切咗粒，飲湯時食埋就啱哂數量都算多海南雞大部分都去咗骨雞肉非常滑溜至於海南雞最緊要嗰啲醬汁，都俾咗兩兜包保唔會點哂啲汁～小菜以外有好多海鮮點咗隻 small size 嘅凍蟹其實都唔細隻喎，蟹肉都幾多點少少醋好開胃酥炸墨魚咀除咗好脆墨魚咀仲好彈牙不知不覺就清哂 🤣黃金蝦都幾大隻結實都係香口嘅菜式～同墨魚咀都係啱哂送啤酒㗎🍺難得見到有鵝腸就叫翻碟鵝腸爽口，有少少脂肪更惹味而且大大碟，有好多鵝腸菜苗牛肉好好食牛肉同菜都係咁滑嫩！啲菜苗非常新鮮

在附近買完野，到了正品小館食晚飯，因為朋友鍾意食中菜，加上看完餐牌後覺得價錢很合理，不作他選就食佢啦。店內小迫，但環境企理乾淨，加上餐牌明碼實價，感覺還不錯。即使到了晚上天氣還是很熱，先來兩杯凍飲吧，要了凍菜蜜同凍奶茶（+$4），透心涼又夠晒凍，好正。鹹蛋蒸肉餅（$38）晚餐一餸一飯一例湯連餐飲只係38蚊，真係平通街，而且質素很好！肉餅軟綿加埋不過鹹的鹹蛋，連埋豉油汁真係超好下飯，正啊！白飯熱辣辣，份量也不少。例湯無乜特別，粟米豬骨湯，偏淡的。椒鹽墨魚咀（$38）炸物呢啲香口野梗係受歡迎啦，一上枱就夾左，喔喔脆好味。豉椒鵝腸（$58）本來叫豉椒炒蜆的，唔知係店員聽錯定咩，黎左鵝腸，無關係鵝腸都好味，爽脆無異味，個汁辣辣地幾正。菜苗炒牛肉（$68）條條菜軟㗎，夠鑊氣有蒜香，好似牛肉仲多過菜心，哈哈。韭菜花雞雜（$68）因為好耐無食過雞雜又點多個炒菜，韭菜花軟嫩無渣，雞腎爽，雞膶粉，總知就係好味啦。杏汁白肺湯（$38）仲點左呢度出名嘅白肺湯，一個小燉盅上的。入面有幾件肺，但湯底就有少少失望了，好杰身，杰到好似糊仔咁，貌似開粉？可能係我唔識欣賞，但味道係正常嘅，最後比左朋友飲晒，哈哈。除左枱

今日落大雨，全日個天都黑掹掹，最好嘅節目梗係雀局。朋友住喺佐敦，到咗之後佢落樓下一間小菜館同我醫肚先，佢話周不時都食呢間，抵食又好食喎。菜館唔算大，光線充足加線白色簇新嘅水泥牆，感覺光鮮乾淨，坐得舒服。睇睇餐牌同牆上黑板嘅每日飯餐同特價海鮮小炒，全部都好街坊價，難怪落緊大雨都好多街坊嚟幫襯。【杏汁花膠湯$48】、【杏汁白肺湯$38】呢度嘅杏汁湯係糊狀咁比較濃稠，杏仁味香濃。花膠同豬肺都唔少，養顏又潤肺。【凍蟹$68】隻蟹望落唔算大隻但食落先知原來佢好好「肉地」。蟹肉雪白鮮爽，凍蟹好處係唔怕鮮味因熱力蒸發，啖啖肉啖啖鮮蟹味，好正呀，啱晒我嗜蟹之人。【黃金大蝦$88】蝦都算大隻，一路”lun”殻一路食到外面滿滿咸蛋味，好味到食完連手指都吮埋。【豉椒炒蜆$58】有紅椒、青椒同洋蔥炒，大大粒嘅蜆肉食得出係新鮮，味道微辣非常惹味。【招牌海南雞飯連湯$38】$38有雞南雞飯食仲有埋例湯?! 真係難以想像，我哋轉雞脾+$5，雞肉更加鮮嫩，仲有大大碗雞油飯，夠飽了。除咗嘢食抵，飲品都抵㗎，惠顧食品加$2有熱飲，凍飲就加$4，我哋叫咗一杯熱咖啡一罐汽水加埋先$6，抵過去超巿買。

星期五老友神神秘秘咁話約我食飯, 話包我有驚喜喎老友叫到我一定去, 咁我地就相約係大家都方便既佐敦站等行左冇幾耐, 就到D間正品小館入面係茶記格局, 好多人食, 睇落都幾正常睇埋今日有咩特價, 我哇左一聲, 今時今日有D個價錢咁食海鮮真係平!龍蝦-$98大大隻龍蝦, 唔洗用好特別既調味, 簡單的豉油芥茉吊下味已經足夠, 龍蝦肉輕輕一拉, 厚實旳龍蝦肉已經在你眼前, 食落彈牙, 龍蝦味濃, 好滿足!炸鮑魚-$38/隻鮑魚$38隻真心平, 而且仲係超大隻, 炸鮑魚特別之餘又唔會破壞鮑魚既鮮味, 炸令到鮑魚更能增加左口感, 我實在太幸福了!黃金蝦-$58黃金蝦都只係$58, 真係抵到震, 而且蝦都有七八隻, 仲要係大大隻, 完全冇將價就貨, 食落蝦好彈牙, 完全冇梅, 黃金完全滲入蝦中, 超正!白灼東風螺-$38東風螺大大隻, 好易挑出黎, 只係沾簡單的甜醬/秘制醬汁, 已經好好味豉椒蟶子-$78細蟶子黎講算幾大隻, 完全冇沙, 豉椒好惹味, 完全同蟶子融合左, 正黃金四季豆-$38食左咁多海鮮都應該要食下菜中和下, 但D個四季豆完全唔會比下去, 炸得好好, 黃金包得更好, 令我地大飽口福之

最近看到佐敦有一間新的小店，外面看上去像極的間普通的茶餐廳，但是吃的卻是有點大排檔風味的食物，看到價錢很平，所以決定入去一試。我們叫了幾款小菜去吃，當中包括有極平的58蚊凍蟹，平常是有大的，但是老闆說今天已經賣完了。雖然凍蟹size比較小，肉量沒有很多，但是可以吃得到的是這隻凍蟹的味道非常之新鮮，而且肉質很結實，58蚊就可以吃到這個凍蟹，性價比非常之高。叫了一個蒜蓉炒菜$48，又翠綠又嫩，蒜很香，不知怎的自己炒不到這味道。再來就是試一試他的大排檔鑊氣，我們選擇了一個豉椒炒蟶子$78炒蟶子來到是非常大碟，雖然蟶子的size也是比較小的，但是用數量來彌補，鑊氣雖然不及大排檔的強，但是味道也非常之好，不會把芡汁弄得太鹹。最後要了一個平常很少看到的豉椒炒鵝腸$58，汁料和炒蟶子的很似，我喜歡吃它的青椒、紫洋蔥等，很甜很清新，減輕了肉膩感覺。同樣地份量非常之大，我們兩人一路吃也吃不完他的鵝腸，最後還有數條留在碟中，平常在街上叫鵝腸只有寥寥數條。今天真是，撞到好餐廳了，下次一定會再來。

在網上看到，被杏汁燉花膠吸引而來。看到地圖找了一會，但原來很近，佐敦MTR寶靈街出口附近 ，很近...點了很有名的杏汁燉花膠- 杏汁是鮮磨的,吃得出有杏仁碎，真材實料，花膠也不少。完全吃得杏汁及花膠原味，略嫌味較淡，多點調味會更佳！黃金蝦- 也不錯。 豉汁炒蜆-很大碟，微辣，味道剛好！ 凍食奄仔蟹- 超級多糕，每隻打開蓋，隻也是滿滿的蟹糕。很甘香的蟹糕。 回味...不得不提超值套餐，海南雞飯套餐，$38已經有雞、有黃油飯，有湯、有菜。 非常超值！

小店質素比酒樓更好，更有服務。相約友人在佐敦晚飯聚舊，友人是佐敦一帶常客，當然知道邊度有好嘢食，今晚帶我去了一間小店，菜式多元化，水準不錯。豉椒炒蟶子/炒蜆夠鑊氣勁惹咮，微辣的味道另食欲大增。蟶子和蜆都好肥美，鮮！凍蟹肉質鮮甜，啖啖肉，滋味無窮。海南雞點了半隻，份量頗大。薄薄的雞皮下沒有多餘脂肪。雞肉尚算滑溜。黃金四季豆邪惡之選，每條四季豆都沾滿鹹蛋茸，越食越停不了口。杏汁花膠湯湯底比較濃稠，杰身，有點似杏仁露。花膠非常有嚼口，味道清淡，有營之選。

位於佐敦的正品小館主打價錢相廉又高質素的小菜和海鮮，位置方便，是和家人吃飯聚餐的首選，非常熱鬧看到餐牌有當然要點碗滋潤養顏的杏汁白肺湯，每位也只是$38。呷一口，杏汁芳香，濃郁好喝，十分足料啖啖都是心機呢凍蟹比較少見，這裡有大中小三個尺寸，我們點了小的試試，賣相很美。凍蟹這個潮州做法將海鹹味完全地鎖在蟹肉裡，鮮甜清爽，鮮味十足椒鹽墨魚咀是百吃不膩的小食，新鮮炸起外面酥脆，內裡口感彈牙有嚼勁，令人忍不住一口接一口吃每日飯餐有五款選擇而且價錢不貴，我們就選了豉椒鵝腸，配飯和例湯。豉椒鵝腸也是要花時間處理的經典小菜，炒得很惹味！鵝腸肥美入味超下飯的另一主菜點了半隻海南雞，啖啖肉份量也不少。肉質白滑軟腍，雞味突岀，沾醬吃一流。最後是點了一碟菜，選了家常風味的菜苗牛肉～炒得剛好，牛肉蠻嫩的，很滿足的一餐

朋友介紹佐敦有間唔錯既小菜館, 價錢仲好平, 於是我就帶左屋企人黎食係牆上寫左好多每日推介, 都有我地日常鍾意食既小炒我地研究緊食咩時, 老細話今日紅蟹好靚, 係凍食老豆一聽到, 就話想食, 話平時食凍蟹無咁平, 就叫左隻中size 黎滿足佢其實我好少食凍蟹, 應該係潮州凍蟹, 不過肉質幾鮮甜, 多肉, 用最簡單既煮法, 反而愈食得出蟹既鮮味另外, 我地叫左海南雞飯, 價錢超值, 只係$38海南雞, 肉質OK, 雞皮爽, 最重要係碗雞油黃飯, 香而不膩咕嚕肉, 汁醬酸甜醒胃, 肉質嫩滑, 好有家的味道椒鹽墨肉咀, 炸得通透, 咬後好爽有口感豉椒蟶子, 蟶子飽滿肥美, 醬汁惹味, 係我最喜歡既小炒呢到食小炒, 除左白飯, 仲有鵝油飯, 係白飯上淋上鵝汁及醬油, 未食已經聞到咁香, 入口更加無得頂!食任何野都可以用優惠價加飲品, 加$4 就有凍檸茶了結果, 屋企人都話下次再話可以返黎食, 已經諗埋下次食咩喎

最鍾意幫襯自家街鋪食店，獨有一番風味！先是招牌海南雞飯，份量好足雞肉嫩口，陪金黃雞油飯一流！再黎豉椒炒鵝腸，嚟到香味撲鼻，聞到好香好香椒味！鵝腸份量亦都十分多，配料有紅、青椒，再加洋蔥等等！東風螺粒粒飽滿，size ok，點黑醋一流！叫埋2隻奄仔，變左海鮮餐最鍾意食奄仔軟膏！最後配埋蠔仔泡飯 ，份量超級多，蠔仔又好多粒！👍🏻湯底好清甜，有豪仔鮮味，餐廳加埋啲梅菜，有埋梅菜香味，一流！今次太飽，下次試埋杏汁燉花膠，好濃郁感，見好多人食！