正品小館 (已結業)

佐敦站附近想食小菜，但又唔想去廟街做遊客，上OpenRice搵到這間小店，雖然不是豪華靚裝，簡單木枱木椅，其實都好有feel，餐牌以外，牆上黑板寫咗好多小菜同海鮮。海南雞飯套餐上菜時大大份，雞油飯好香，雞皮好薄，雞脾肉好滑，只係$43豉椒炒蜆蜆肉炒得剛剛好，夠鍋氣，青椒洋蔥吸收了蜆肉精華，特別惹味菜心炒牛肉牛肉比一般小菜店多好多，而且炒得好好，不會太硬，菜心都好嫩凍瀨尿蝦雖然唔係大隻，$44，街市都未必買到咁平，肉夠實夠甜，仲好飽滿，廚師好細心，把瀨尿蝦切開一件件，好容易入口凍蟹咪以為佢細隻，好多肉好多膏好鮮味，$68超值杏汁花膠湯，杏汁白肺湯花膠好諗，豬肺爽口，杏汁湯非常足料，絕對係生磨、冇用香精仲要一讚係店員服務態度，蟹、蜆、尿蝦都好多殼，雖然係小店，她們經常幫手清理枱面。三百幾食到咁多高質素食物，我多口問老闆如何經營，他簡單一句，靠口碑、薄利多銷，抵讚

是日同同事一起去到哩間價錢相宜的正品小館，大部份的食物，價錢相對好平，又有小菜同埋套餐，仲有好平的38蚊海南雞飯，所以同同事一齊叫左個海南雞飯套餐，另外也叫左個少有的鵝腸飯套餐套餐本身會包湯，飲品要加錢，海南雞飯海南雞飯雞件好滑，肉唔會太鞋，雞油味好重，以38蚊來說，都是好吃的，另外有埋湯同埋黃油飯，真的感覺好抵吃，豉椒鵝腸飯套餐在LUNCH來說，真的好少機會會食到鵝腸，仲要58蚊可以食到豉椒鵝腸飯套餐，都是好平，鵝腸份量都好多，另外有埋青紅椒，好惹味，真的送飯一流，整體來說，佢的食物同價錢真的OK，下午飯又可以多一個選擇了!

與彌敦道平排的幾條佐敦橫街內有不少食店，庇利金街的正品小館看來是新加入戰團的新店。從門口的餐牌看，除了有特價晚飯套餐外，尚有小菜及海鮮小炒，可以各適其適。餐牌以外，牆上寫有每日精選小菜，可以多加參考。杏汁白肺湯想不到小店也有杏汁白肺湯供應，杏汁跟肉湯互相配合，杏汁清香而肉湯味道香濃，香氣四溢，入口濃稠，此湯喝後令人感到很滋陰。紅蟹(中)凍蟹通常只會出現於潮州菜館或打冷舖內，價格亦絕不便宜，難得小店亦有凍蟹提供。紅蟹煮熟後再放涼，肉質變得更有彈性，而且口感清涼爽滑，更顯其獨特的風味。鹽焗黃花魚鹽焗黃花魚很少見，鹽焗魚多用烏頭或馬友一類魚。黃花魚肉質嫩滑鮮美，經鹽焗後鹹味已經滲入魚肉中。豉椒炒蟶子 蟶子雖不是蟶子皇，但圓嘟嘟的很有肉地，肉質鮮甜彈牙。洋蔥彩椒爽口脆嫩，豉汁香濃惹味。蝦醬炒通菜 通菜很大的一碟，粗大爽脆。通菜夏天最當造，用蝦醬炒非常惹味又清腸胃。黃金大蝦 大蝦輕輕裹上鹹蛋黃外層炸脆，外殼及蝦肉均鬆化甘香，連殼同食啖啖肉，十分滿足。

早幾日，嚟到呢間佐敦嘅正品小館。俾餐牌上嘅杏汁燉白肺吸引左。 入到去發現都好多特色小食。感覺唔錯！涼瓜炒花膠，好特別嘅菜式，口感特別，花膠養顏，食得多又會膩，夾埋涼瓜一齊食，剛好中和左飽膩感覺。 好清新嘅配搭。 唔錯！ 值得一試！招牌杏汁燉白肺。 功夫菜，杏汁係鮮磨嘅。好香濃杏仁味，配上豬肺，好特別。超值牛腩飯餐。晚市都係$38，牛腩又多，仲有幾條菜，有埋冬瓜湯同飯，非常抵食！推介： 凍食馬友： 魚鮮肉嫩，咸味剛好，唔洗點醬已經好好食。

呢日同老婆阿仔黎食小菜。呢間小館幾特別，平日出街食小菜都係大大碟，要搵齊人先夠食。而呢度D小炒多數係一人或二人份量，細細碟咁，即管叫多幾款試下，唔怕食唔晒。除了點餐紙外，牆上還列中多款小炒，選擇都頗多。..今次來到就叫個午巿套餐，非常便宜，份量又飽足。我叫左豉椒鵝腸，鵝腸不帶肥膏，但我個人較喜歡肥厚多膏的鵝腸。配菜加上不少青椒，汁料亦不鹹膩。附上的湯亦無味精，整份都是健康的餸菜。..白灼白爪魚，切成一口大小，煙煙靭靭，配上刺激的芥末醬，非常好味，不自覺一口接一口地吃完。..阿仔食佢最愛的油麵。配料是自選的，沒有選擇困難症的他，果斷地叫了丸類，包括牛丸及豬肉丸。我各樣都試了幾口，覺得很適合他吃，首先麵條帶點彈牙，而且沒有鹼水味。雙丸亦彈牙可口。湯底是清淡的，像菜肉清湯之類的味道，應該沒有添加增味劑之類的調味料，吃著覺得幾放心。..太太選了海南雞飯轉髀。在場好多人叫海南雞飯，幾受歡迎。我試了幾口，覺得雞肉很滑（因為轉了脾吧），油飯的味道偏向健宜，未必滿足到愛重口味、喜歡強烈香茅味及油蒜味的食客。配菜好吃，那些酸蘿蔔絲，吃著好開胃。..老婆叫左呢碗杏汁白肺湯。我試了，覺得口感有點怪，裡面是杏

是晚想食下小菜做晚飯，去左比較多地道餐廳既佐敦搵食，行過見到「正品小館」呢間新開餐廳，見佢環境幾光鮮就入左去LU食物好抵食，好多菜色都只係$38，簡直係抗通漲咁，一陣睇埋食物既份量同樣，更加係有少少唔相信點解可以賣得咁平杏汁花膠湯 ($48)店員不停介紹我飲呢個杏汁花膠湯，果然無介紹錯，湯濃到好似杏漿咁樣，花膠切細左方便飲用，極高質既一盅湯櫻蝦鵝油菜 ($18)呢碟油菜充滿誠意都係收$18，淋上鵝油加埋櫻花蝦，比一般油菜香得多豉椒炒蜆 ($58)粒粒蜆都有大大粒蜆肉，唔會好似平時食大排檔咁有半碟都係得個殼，小小辣，記得趁熱食鹽焗馬友 ($88)呢道鹽焗馬友我覺得大家一定要試一試，魚肉十分嫩滑，得中間一條大骨，唔識食魚既朋友都無問題，旁邊既鼓油辣辣地，輕輕沾上少少就足夠海南雞 - 半隻 ($88)、鵝油飯 ($15)海南雞已經起曬骨啖啖肉，雞肉滑滑的又唔肥，叫左碗勁香鵝油飯一齊食，真係好好味誠意推介大家黎食呢間咁抵食又高質既小店喔~

今晚和朋友到佐敦購物，忽然下起大雨，就走進附近一小菜館避雨兼吃晚飯。小菜館面積不大，只有約三十多個座位，我拿起菜單一看，發覺價錢非常親民，就隨便選了幾個老闆推介及牆壁上展示的是日特價菜式。凍蟹 ~ $68價錢咁平，本來不抱有太大期望，但入口蟹肉鮮甜，點浙醋吃，更加美味。即時再落order加多兩隻，可惜已賣完，杏汁花膠湯 ~ $48自家制鮮磨杏汁，好濃杏仁味，花膠量勁多，滋潤又抵食。黄金海蝦 ~ $88海蝦好大隻，鹹蛋味甘香，配啤酒吃最適合。海南雞 ~ $88雞皮薄，雞肉滑，最難得係連雞胸肉都做到好嫩滑，配酸甜蘿蔔絲同吃，一點也不覺肥膩。豉椒炒蜆 ~ $58蜆無沙，有鑊氣，豉椒味濃，帶微辣，好快就被清碟。白灼鵝腸 ~ $38價錢超平，但鵝腸份量不少，雖然係白灼，但都好爽脆，沾辣椒豉油吃，油浸黄花魚 ~ $88黄花魚開邊油浸，魚肉好嫩滑，但有啲油膩，我減肥唔敢吃太多，不過朋友就連魚頭都食埋。腐乳通菜 ~ $48好大碟，有鑊氣，難得通菜可以炒得咁翠綠。總括今晚無心插柳之下吃的一餐晚飯，可說是平、靚、正，我已約定朋友下次再來光顧。

侵侵發癲，玩轉全球股市，大家對經濟前景都不感樂觀。身為草根，難以單靠微薄的收入支撐未來生活，本想透過投資賺取丁點橫財，如今卻慘變大閘蟹。心情麻麻，正盤算著如何慳錢之際，發現了一間定價便宜的小菜館，今日餐飯有著落了！這間位於佐敦的中餐廳，裝修簡潔、格局親民。主要食物就羅列在一張點餐紙上，不過提議各位留意牆壁黑板，因為部份小炒乃off-menu，而且還有是日特價菜式。如果想簡單地吃個飯餐，最平$38有交易，叫人震憾的是海南雞飯亦只售這個價錢！約了久沒見面的長輩吃飯，總不能太過寒酸，於是點了幾個小菜，其實最後結算也不過$300，超值。首先試試招牌海南雞($88/半隻)，師傅早已將之去骨，吃時啖啖肉很方便。要知道此菜的真章，挑了一件雞胸品嚐，肉質嫩滑無渣，對辦。之後再試其他部位，例如雞脾和雞翼，滑溜程度當然是有過之而無不及。雞皮色澤黃澄澄，連著的脂肪沒有膩感。海南雞以香料浸製，本身已散發一種芬芳，而店家亦按傳統提供了黑豉油、薑蓉和辣醬，當中以後者較有特色，辣中帶甜味道複雜。最後吃些醃蘿蔔絲清清味蕾，再向下一道小炒進發。豉椒炒蜆($58)甫送上枱，一朕濃烈香氣飄來，成功奪取大家的注意。此菜份量頗

在官涌打完波，通常都會走到佐敦道附近覓食。巧合地在寶靈街佐敦站附近，見到有家《正品小館》，在門口看了一會餐牌，就進去開餐了。門口大大隻字五個指定餐，平均$38-48，在市區而言叫便宜了餐牌一張紙過，選擇都叫多，連海南雞飯才$38，很吸引似的小炒也頗便宜，如果夜間食餐飯，都幾抵！傳說中$38 的海南雞飯與外邊$68 的無分別。黃油飯夠香，海南雞夠滑，且不多骨而啖啖肉配菜酸蘿蔔絲，令人更開胃。值得一讚是燉冬瓜湯，無味精，飲完夠清涼E 餐豉椒鵝腸飯 $48同樣地有一碗燉冬瓜湯。鵝腸夠爽口，口感不錯。配菜則有大量洋蔥、青椒、紅椒等，醬汁香濃，炒得幾有鍋氣鵝腸又有少少椒辣味，令人精神一振凍飲加$4，是為凍菜蜜，幸好不太甜，正合小弟口味兩個餐埋單才$94，可叫作平靚正吧！下次可試試在該店晚膳

餐廳林立的佐敦，要想找個地方吃飯，那是容易不過的事。看見窗明几淨的小餐館，就是它啦。杏汁白肺湯，甫一端上桌，清香撲鼻的杏仁味，立刻俘虜了我。貪心的我，又嚐了朋友的杏汁花膠湯，花膠份量十足，濃郁芬香。店家介紹的海南雞飯，雞肉嫩滑，吃一口油飯，雞油滲透至粒粒米中，先聲奪人。油浸黃花魚，表面煎的酥脆，魚肉依然鮮美。這碟豉椒鵝腸，色彩繽紛，份量可真多。椒鹽墨魚咀，鹹香酥脆的外表，與彈牙的墨魚，層次起疊。白灼東風螺，火候剛剛好。庶民味道未必只有粗獷，若是有心，依然可以不凡。煎青根魚，類似半日鮮的做法。海魚，仍舊是最鮮美的。椒鹽泥孟魚，沒有泥腥味兒，口感細膩。黃金四季豆，裹著冶味的鴨蛋黃，停不了口啊。頗有心思的配搭，櫻花蝦鵝油菜心。食物的質素，吃得出店家的用心。超然的性價比，精緻的出品，令我們下次再見。

放假總是美好的....可以訓到自然先搵朋友食個late lunch，跟住再行下街買下野，然後肚餓再開餐xppp我地由旺角行到去油麻地，一直行到去佐敦個邊拎蛋糕，之後見肚餓就入左去附近一間裝修“骨子”企理既小菜館到醫肚~~除左有小菜小炒之外，亦有客飯套餐同一啲是日特價既精選菜色我地首先要左兩款小食，“椒鹽墨魚咀”HKd$38同“白灼鵝腸”HKd$38~~前者炸至外脆而不油，墨魚咀爽而不韌：）而鵝腸清洗處理乾淨，點上辣椒鼓油同吃，爽脆而香！兩款小食都做得相當出色跟住再要左兩款小炒同一客“海南雞飯”HKd$38，見到只係加5蚊就可以食雞脾位，咁就梗係轉埋啦兩款小炒都係喺是日特價既菜單上，分别係“黃金大蝦”HKd$88同“鼓椒炒蜆”HKd$58大蝦炸得金黃香脆，加上沙沙咸香既咸蛋黃同鮮味既蝦肉，好食到連蝦殻都可以食埋後者既炒蜆亦好有鑊氣，蜆肉飽滿無砂，唔錯唔錯：)估唔到加埋轉食雞脾位都只係43蚊既海南雞飯會咁有驚喜，雞肉去骨，食落啖啖肉之餘仲好嫩滑，連附送既木瓜雞湯都幾清甜！雞油飯就試得多，見到有鵝油飯，自己又未試過，所以就問下店員姐姐可唔可以轉，店員姐姐好好咁幫我轉左，唔好以為鵝油飯會好油膩

朋友家的附近，新開了一間主打香港仔風情的餐館，位置非常便利。今天四個靚太，就在這裏聚會啦。我們坐下就雞啄唔斷，八卦一番，顧不得點菜。到是老闆見狀，主動介紹他們家的拿手好菜給我們。杏汁白肺湯，濃濃的湯羹，伴著刻意粗磨的杏仁碎，口感真棒！杏汁花膠湯，裏面竟然有這麼多的花膠，火候夠足，超值了。椒鹽泥猛，魚的大小適中。煎的乾爽不老，正是避風塘的風味兒。我的最愛，煎青筋。吃得出是鹹鮮做法，魚民最拿手的處理方式，冶味一流。白灼東風螺，蘸著自家調製的辣醬甜醬，手不停，口不停。油浸黃花魚，表面金黃，肉質嫩滑。能在休魚期吃上這麼多的魚，我也真是滿足了。五顏六色的豉椒鵝腸，適合重口味的你。椒鹽墨魚咀，粉漿不厚，炸的酥脆，與冰凍的啤酒絕配啊。黃金四季豆，不能抗拒的鹹蛋黃，平凡中見真章。看見旁邊的客人都要了海南雞飯，我也忍不住要了一客。雞皮下面的那一層晶瑩剔透的啫喱，油而不膩，異常滿足。櫻花蝦鵝油菜心，有了襯托的尋常菜心，立刻細緻不凡。餐館雖小，出品卻是如其名，正！

杏汁白肺湯一個好花功夫 時間去煮 的湯飲完 成個人 好潤真材實料 一定要試海南雞雞肉好滑d 醬汁 跟 其他地方 有點不同 有可能 師傅自家配方值得一試椒鹽魚片頭爽口 彈牙忍唔住再叫多碟 送酒佳品黃金炒海蝦蝦 的size 算 適中 也是爽口的蝦以這個價錢與分量相比 其實好抵食白灼爽脆八爪魚爽脆度滿分碟餸落枱唔洗2分鐘就ko 油浸黃花魚外脆內滑 香口 惹味 又一送酒必備就連炒碟菜 都見到師傅的用心煮作櫻花蝦 鹅油菜原來是加了些鵝油 唔怪得食落 好香口再綿上添花 加上櫻花蝦 更有不同層次的口感黃金四季豆 咸蛋的分量得宜 沒有很油膩 和 太咸 的感覺 這2個菜 也不常在其他食店見過... 老闆 想 為食客 帶來 獨特的味道除了送洒的小食 獨特的炒菜之外還有家常菜唔洗50蚊 的 客飯連湯 晚市 這個 實惠 價錢 油尖旺區 應該不易找到我想 老闆 其實 用心製作 以 優惠價格 獨特的煮法 / 食材 回饋街坊另外 上菜的姐姐都好有禮貌 感覺親切以後去 佐敦 又多這個食店 可供選擇

昨天陪姨姨去佐敦買床上用品，無意間及掘到正品小館這街坊小菜店，它的小菜價廉物美，而且不少小菜看似簡單，卻考廚房師傅手藝，我們吃完讚嘆不已，太好吃了，我們亦強烈推薦這誠意小菜店。正品小館中午除有飯餐，麵食供應，亦有小炒和小食可選，我們就是被小炒與小食吸引過來。難得這裡有小菜可吃，很多時餐廳下午只有「碟頭飯」吃，太單調了。白灼爽脆八爪魚超迅速上場，只是簡單的白灼，吃起來就超棒，就是一個「鮮」字，一咬下去，嘴中充滿大海的味道，如同遨遊海中。八爪魚挺爽脆，肉質完全不老，姨姨說足見師傅拿捏白灼時間恰如其分。熱騰騰的豉椒鵝腸亦來到我們眼前，豉椒香味充斥著鼻腔中，鵝腸十分肥美，嚼來爽彈極致，豉椒醬汁滲透鵝腸內，好不入味，說得上色香味俱全。豉油皇茄子也是水準之作，姨姨說炸茄子要不油膩是毫不容易，這豉油皇茄子外脆來嫩，外層炸粉薄薄的適當掛在茄子上，豉油鹹度剛好，鑊氣十足。黃金大蝦色澤奪目，討人喜愛，大蝦裹滿鹹香的鹹蛋黃酥炸，蝦殼香脆可口，彈肉鮮甜彈牙，實在難以招架，我們大快朵頤，大蝦連蝦殼吃得乾乾淨淨才罷休。海南雞飯絕對是抵食之選，38元就能吃到海南雞，油飯和湯，連鎖快餐店也吃不到這便宜高質的海南雞飯呢

Walked past this restaurant on a rainy day as it was close to one of the MTR exits.The front of the restaurant was interesting, there was a huge menu which was an enlarged version of the ordering sheet so went it.I loved the black and white pictures on the wall.The seating area was comfortable.The menu had a nice range, it had lots of seafood which is my thing.Every dish made you feel like home as they were not oily and presented in a simple but nice way.Had the recommended fish which was amazin