正宗印度菜館

营业中

休息中

作為龍城食肆的常客，竟然是一次也沒有光顧過這所應是這一帶唯一主打印度菜的地方。想起來真的有點慚愧呢....還沒有到達正式的午飯時候，人已坐在店子當中。這裡的set lunch只賣三十多塊錢，前菜、主食及飲品樣樣落齊，有着一貫龍城食肆的風格 --- "抵食夾大件"是也....先來papadums (胡椒脆餅)作序。夠薄夠脆口，很有吃snacks的味道。配醬有的是酸咪咪的香草乳酪及一些帶微辣的紅色醬料。當然不少得的還有切碎了的紅菜頭。吃後令人胃口大開，是很"印度"的風味....Samosa外皮硬得尤如石頭一般，少點牙力也真的咬不到。不過裡頭以青豆及薯仔粒作材料的餡是塞得滿滿的，抵吃度一欄由此已經攞足滿分了....這兒的咖喱香料味不算十分重，辣度頗適中，起碼連我這個不太吃得辣的人來說亦是可以接受；雞肉不嚡，但卻不甚入味，有點可惜....喝完一杯味甚淡的iced lemon tea後，肚子已飽得很了.....

第一次黎食,抱住ok就算既心態,但得到既感覺係真係幾好食~先講環境,城南道靜靜地,迫車好方便,餐廳入面唔係好大,但幾舒服~2個人叫左2個咖哩,1個黃飯,芝士餅同牛油餅~本身呢幾年食咖哩都係去重慶既咖哩王,但一排無去,上個月去完,發覺已經唔同左,人又多,野食又差左,又等得耐,始終出左名,無左個feel....呢度個咖哩蝦同雞,幾好味,特別蝦幾新鮮,牛油餅都good,但芝士餅始終都係咖哩王好,總括黎講,我都係會黎呢度~埋單$276,算係甘..service好好,下次會再黎~

食盡九龍城3th station經過見到呢間野裝修靚得黎又舒服消化完入去食叫左牛油烤餅($18) , garlic 烤餅($20), 咖哩雞($45), 清炒時菜($28) x2前菜(唔使錢的)黎左4片好似薯片既烤餅,配3隻汁(波菜汁,茄汁,紅garlic),都ok食咖哩雞一般, 冇咩味咁= =同埋好細盤garlic 烤餅, 牛油烤餅呢個平得黎又食得飽~ 佢地話牛油仲好食d呀清炒時菜呢個正!!我地叫完食哂一碟,唔夠喉再吃多碟食過!炒得好好味呀又大碟woh尾盤黎左碟乾食既糖粒 + 草粒...唔知咩黎都食左d.. 好似食左香料咁但樓面(2個印度人,可能係owner) 都好好,不斷觀察客人有冇咩野需要同埋間野裝修幾靚,好似d好舒服既cafe咁又好夠靜~~

The decor of this restaurant was understated and the atmosphere was like your typical Indian restaurant: dim lighting with light music playing in the background, but the food was delicious. Except the chicken vindaloo which came a tad on the watery side and the complimentary papadom with chutney tray which was quite mediocre, the sheek kebab (minced lamb blended with corriander, fresh herbs and onions made like a sausage on a skewer, barbecued and served on a sizzler), chicken tikka masala and p

同事推介這家九龍城的印度午餐已久，不過每每午膳時間，都忘記有此選擇。今天突然醒起，捉埋「始作佣者」，一起到九龍城開餐這裏的咖喱午膳套餐才$32, 已包湯/咖喱角、咖喱(雞/牛/羊/魚)配naan bread/白飯、以及飲品(咖啡或茶)一杯，非常豐富。我挑了咖哩羊肉配飯，加$8將飲品轉做乳酸，前菜則選了咖喱角；咖哩有辣、小辣和不辣之分，侍應會主動詢問，不嗜辣者大可放心。點菜後，侍應隨即送上印度脆餅和醬汁盤 - 雖然這是印度菜館的「指定動作」，但只費三十多完的set lunch，也奉送這個，就算每人只有半塊，也令人驚喜萬分。剛吃畢這塊脆餅，前菜即送上。每人一個咖喱角，沒有炸得非常脆，也不夠熱，但外層尚算鬆化；裏面的咖喱雜菜薯仔蓉也夠香；未算十分出色，但總算是合格水準以上。再等一會，主菜咖喱羊肉送上；我挑的辣咖喱，雖沒有很辣，但勝在香料下得足，吃下去非常的香；而羊肉頗嫩滑 (當然不及羊腩，但以非羊腩來說也很不錯)，也非常入味。個人喜歡配上印度米煮成的白飯同吃，更能突顯咖喱和食材的香鮮。以飯和同事換了一些naan bread試試；naan bread 也做得不錯，相當鬆軟，而且有層次感，索了咖

於三月時在「正宗印度菜館」品嚐過一餐「一百萬零一晏」後，直到三個月後，才帶同啤梨一起到來，來一回「一百萬零一晚」。是晚外面下著零散的大驟雨，入店時只有我們一檯客人，看過餐牌後，每款也想一試，還是點一個「二人套餐」($165.00)來得方便，內容如下︰01.胡椒脆餅02.雜菜咖哩角03.串燒雞件04.羊肉咖哩05.炒青菜06.薄餅07.白飯08.印度咖啡(加$5.00升級)八款食物當中，只有串燒雞件、炒青菜及白飯是首次品嚐，其他菜色的食評請看回「一百萬零一晏」，因為素質與味道與上次無異。串燒雞件端上來時熱氣騰騰，在服務員加入檸檬汁後，白煙便不停地冒出來。生洋蔥在熱力下變得半熟，令口感爽口得來又不會攻鼻。雞件當然是雪藏貨色，但肉嫩軟腍，醃料夠搶口，加上鐵板的威力，令此道菜色更加精彩。炒青菜是另一道出色的食物，脆爽的通菜，用濃而不鹹的調味料來炒，夠鑊氣得來又不覺油膩，就算散叫時也必定要點一客。一向對印度白飯有著奇妙的感覺，幼長的米身，質地散而不硬，給我一種鬆鬆軟軟的口感，用來伴一點咖哩汁來吃，飯粒在口內仍然有著一種散散碎碎，但又軟軟的特別口感。未知是否由於是晚餐的原故，付款後服務員送了一碟物

在九龍城住了十五年也不知道有這一家餐廳。星期一晚上和太太到來一試。地方不大，但環境不錯。沒有訂位，八時到達，約七八成滿座，我想假期來一定要訂位。沒有套餐，但價錢十分合理。要了兩杯飲品、咖哩牛、雜菜咖哩角、印度燒雞翼、 印度雜菜、薄餅和白飯。上菜的速度適中，一樣樣的來。咖哩可點大、中、小辣，我們點了中辣，不算辣，不食辣的我也沒有問題。食物味道不錯，下次要帶埋阿仔來。兩個印度男侍應服務十分好，一個cool D， 一個好好笑容。

在第八十一屆奧斯卡大贏家「一百萬零一夜」的電影中，寫實地描寫印度的貧窮、宗教衝突及社會黑暗一面等題材，可惜在戲中未有出現一幕不論是高級還是平民的印度菜。只有在警局內提及地道薄餅的價錢，或主角在黑幫頭目家裡弄了一份三文治，確實有點可惜。所以今天下午來到九龍城的「正宗印度菜館」，就是為了追尋一頓「正宗印度菜」。上午十一時三十分來到，服務員還在擺放餐桌的用具，在詢問是否已開始營業後，便找個位置坐下。店子不算大，大約可容納三十人左右，與服務員的對話中知道，在星期六是沒有午餐供應，不過他說仍然可以提供給我。三十二元的午餐只有一款，指定前菜是「糊椒薄脆」，而可選擇的分別有「餐湯」或「雜菜咖哩角」，主菜咖哩的配料是「羊」、「牛」、「雞」或「魚」，「印度薄餅Naan」或「白飯」，最後還有餐飲咖啡、奶茶或汽水。我選了「雜菜咖哩角」、「咖哩羊肉」及「印度薄餅」，而餐飲在查詢後，跟餐的只是本地咖啡，服務員提議可加五元升級為「Indian Tea」，最後照他的安排。等了一會，先來了「糊椒薄脆」及三款調味醬，每一款也帶辛辣，當中以「紅洋蔥」及「紅色醬」較有特色。但對於不太受辣的我來說，三款同樣感到頗辣。「糊椒薄

我地係依住openrice o既地圖去揾呢間店，去到都3點，唔知道人地就黎落場，走左入去食。當然果個人都照serve我地。我地叫左2個set lunch。咖哩羊 同咖哩牛 naan iced tea前菜係胡椒餅，有3款醬點，好味呀﹗之後有咖哩角同湯，咖哩角好味，好多薯仔o係入面，湯有d味精，飲一半就冇飲。咖哩牛同平時食o既咖喱牛腩一樣，至於咖喱羊就好好味，d 羊肉又腍又冇乜脂肪。如果冇睇錯咖喱羊係偏紅色d，味道都特別好多，所以我d naan 都點晒果邊。至於naan，都幾ok，食得出o既麵粉味，幾好。加埋杯iced tea，仲有好有印度feel o既格局，而且冇其他人客，配合後面落左場一邊食緊lunch 一邊吹水o既印度待應，完全唔記得左自己o係hk。用左35蚊有一個咁美麗o既幻想，令人非常滿意。

I went there twice within one week and was really impressed with their food. Their naan bread is the best I've tried so far. Their chicken takka is good too - tender and juicy - a must-go place for indian food lovers. The service is good and the food is value for money. Their chef should be praised!

昨天與朋友去此間用午餐，我們order了兩份set lunch，set lunch包一隻雜菜咖喱角或湯，一碗咖哩肉，三片烤餅(naan)或飯，一杯飲品，價值35元。相比其他印度餐廳的咖喱，散叫一碗都要四十多元，這裡的咖喱的確較抵。餐奉上前，每人一片胡椒脆餅，咸咸地，辣辣地，好脆，好香口，點紅色的甜辣醬一流。我朋友要了一碗扁豆湯，味道少少酸，內裡有米飯，我朋友不太接受。我要的是咖喱角，此咖哩角不油膩，內裡的薯仔辣辣地，又有香料，好好吃。咖哩牛及咖喱魚我們要中辣，我覺得咖喱魚較辣，不過不會蓋過魚的味道，此種魚柳不是用石班，而是sole fish，本人查過，sole fish是類似撻沙，內質較彈及滑。而咖喱牛沒有那麼辣，此咖哩用牛腩，好淋，好好吃。用naan點咖哩汁，非常好味。埋單每人35元，真係非常抵食，我相信在重慶大廈內，未必找到又抵又好味的咖喱餐。該店老闆非常親切，他問我們食物如何，埋單時請教他如何用印度話講埋單，他也教導我們，我相信我們會再去。

此店為九龍城絕無僅有的正宗印度菜, 其掌舵人均為印巴藉人事, 顧客亦不乏印巴朋友門, 所以正宗呢部份可以放心! 但門口暗暗的, 普不顯眼, 要去的食家小心走漏眼!昨晚外賣賀窿爸生日, 老窿亦是煮咖喱能手, 故叫了較特別的:茄汁濃蝦 (名字不是完全一樣), 汁甜甜哋, 送naan也好食, 唯蝦太細隻, 數董亦少, 收92蚊, 有點不太化算.芝士大力菜, 在重慶食過, 頗喜愛的! 份量不少, 味道不俗, 也是送naan佳品, 56蚊, ok的.普通naan-10蚊, garlic naan-18蚊, 感覺略細份咗少少, garlic味也有點不夠, 普通.埋單180蚊, 感覺上比重慶嚟得貴, 可能係太的色了吧. 味道而言亦好似重慶好d. 但這是城中唯一之選, 加上服務態度不錯, 外賣也是用靚靚紙袋, naan亦用錫紙包好, 夠貼心, 籍得一笑!

近期食過2次,真係唔錯...^^2次都有order咖哩蟹,係一order即刻搵人出去買蟹,又大隻又新鮮...咖哩唔算太辣(有得揀辣度)唔會食到一食汗,但咖哩香味十足點薄餅撈飯都一流...正而且非常抵食,除左有set之外,而家用aeon card仲有discount tim...

好彩有book到位, 因為入到去冇耐都開始full full地喇. 五個人, 叫o左個四人餐, 剛剛好.~~胡椒薄塊 (有少少辣, 等人o既時候食幾好)~~羊肉咖哩角 (餡料足, 不過如果一個人食晒一個都幾飽)~~印度鐵板燒雞 (香味好濃, 幾好食)~~咖哩蝦 (有少少辣, 咖哩汁用o黎點印度薄餅, 好好味)~~咖哩羊肉 (帶甜, 都ok)~~炒通菜 (普通炒通菜, 冇咩特別好唔好食)~~印度薄餅 (有原味同蔥油餅, 兩個都食, 用o黎點咖哩汁好好味)~~印度黃炒飯 (好香, 好好味. 唔加咖哩汁都好食)~~汽水四杯連加一唔過四百.Remark: 地方較細, 最好預早book枱會好d. 全場得兩個侍仔, 其中一個都聽得明廣東話. 另一個就差d. 不過都ok有禮貌. 係上菜會慢d. 同埋好似叫餐好似抵d. 因為散叫都幾貴. 平均一個主菜(咖哩)都要60~70左右, 薄餅都要20~30左右.

一直唔知九龍城有印度餐廳, 今日終於0黎dinner 試試. 兩個人食, 見2 人套餐份量好似太多, 結果散叫了:- Complimentary 的Papadum: 即胡椒脆餅, 可蘸mint yogurt sauce 或紅色的酸酸0地又帶ketchup 味的sauce: 好薄好脆, 0係口入面時勁香, 吞0左之後就開始又嗆又辣, 食得過癮; mint yoghurt sauce 酸酸的又有d 牙膏feel, 哈哈! 紅色的汁就無乜特別.- Mutton Rojan Josh: 羊肉咖喱, d 咖喱汁稀稀的, 辣多過香, 麻麻0地鍾意; 一個個cubes 形的羊肉少少羶香, 食落幾韌幾0鞋, 麻麻0地. 上次0係長洲Morocco's 食的好食得多!- 唔記得咩名堂的Okra 手指豆: 用了幼身的手指豆, 切到短短的, 食落好爽口, d 汁帶蕃茄味又有d 唔知乜0野香葉, 味道好特別. 幾開胃的一碟, 幾好食!- Naan bread: 面頭唔係咁脆身, 不過幾軟熟, 蘸sauce 一流.- 牛油paratha: 立立令的, 睇到有幾個layer, 牛油味幾濃幾香, 烘得脆身,