武士拉麵 (已結業)

今晚晚餐想食拉麵，同朋友嚟到佐敦柯士甸路的武士拉麵，由於時間尚早，呢一帶人流稀少，只有我哋一台客人。打開Menu，拉麵嘅選擇不少，由魚介豬骨湯、四國香蔥油、黑蒜油、蕃茄豬骨數鹽味豬骨湯......應有盡有。可以自行選擇湯底嘅濃度，麵條嘅粗幼以及軟硬度。最後我揀咗「德川將軍拉麵」（醬油魚介豬骨湯底）$88。幾鍾意呢個湯底，帶微鹹、魚鮮香突出。麵質頗彈牙，不易變腍。足利將軍拉麵（黑蒜油豬骨湯底）$98黑蒜配合濃厚豬骨湯底，特別蒜香撲鼻，濃郁滋味！日式煎餃子 $30/5pcs小食都很好吃，尤其是餃子，煎得香脆， 亦十分飽滿。唐揚炸雞 $38/6pcs炸雞即叫即炸，食落肉汁豐盈。

/ /今日去咗尖沙咀呢頭附近，見到呢間拉麵幾特別，menu有啲武士企係度，好得意😝門口仲要影片介紹豚肉叉燒點樣整，忍唔住企咗喺度睇咗陣，仲見到老闆煮湯底嘅水都好講究，忍唔住入去試下！！要試拉麵最緊係要試湯底啦‼️今次叫咗兩個最classic嘅拉麵款🍜德川將軍拉麵呢個係用咗醬油豬骨做湯底仲食得咗有魚介嘅鮮味添！叉燒瘦中有點肥，唔會太膩🍜豊臣將軍拉麵呢個係用咗四國香蔥油湯底真係好多香蔥，食落都好濃啱哂中意食蔥嘅朋友呀！呢個湯底相對清啲，咁先食到蔥嘅香味！

今天和男朋友都想吃拉麵想起之前吃過的這一間 — 武士拉麵覺得男朋友定會喜歡於是帶了他過來試一試每一款湯底都以日本武士命名 好有趣足利將軍拉麵則黑蒜豬骨湯底豬骨濃湯底配以自家製黑蒜油選擇了中等濃度 幼麵 軟麵質湯底濃濃豬骨味帶陣陣黑蒜香口感細膩卻不會很油膩 味道多層次叉燒肥瘦適中 配拉麵真係好夾呀還配有紫菜、木耳絲等 好滿足另了加溏心蛋 吃拉麵必點呀豐臣將軍拉麵四國香蔥油湯底面上鋪滿大量香蔥和蒜 令湯底更香男朋友詩歌香蔥愛好者 大讚好味道配料一樣是豚肉、紫菜等加了糖心蛋 又軟又滑濃濃蛋香 正武士小丸子很久沒吃的小丸子 中規中矩

在拉麵店林立的尖沙咀，能夠生存七年仍屹立不倒，一定有其原因的！在不大起眼的柯士甸路，一間不太起眼的小店，專心做拉麵做了七年店主就在這裡為街坊煮了七年拉麵這碗以德川將軍命名，用上醬油魚介豬骨湯底，呷一啖湯，濃濃的魚香，鮮味十足！至于豐臣將軍，則是四國香蔥油湯底，湯頭濃厚得來夾著清新蔥香，夠醒神叉燒做得很好，肉味濃郁有咬口，肥瘦得宜易入口！加上半件溏心蛋，簡直絕配，令整碗拉麵視覺提昇了不少，有畫龍點睛的效果。老闆十分健談，見同我地啱傾便送一客餃子比我哋，餃子皮薄餡鮮，點上甜甜的醬油，將餃子味道提升至另一層次魚介湯汁加了魚油的確將味道提昇，原來這是店主親自泡制的秘密武器！還有另一武器，就是這瓶黑椒油，炸得脆脆的黑椒，經店主炒制之後，加在拉麵中，奇妙的化學反應就發生了，一定要親身試過才知有幾奇妙呀！但～要試趁早呀，店主説這店經營到七月便將結束，又一間敵不過疫情的小店，可惜呀！

通常自己一個人嘅午餐，我第一樣諗到嘅都會係拉麵，可能因為女朋友唔食拉麵嘅關係，又或者係慣左類似一蘭果種吧台設計可以自己慢慢享受拉麵。黎到柯士甸小路嘅武士拉麵，睇門面都睇得出係隱世拉麵，入到餐廳有少少去左東京一番街嘅感覺，餐廳大約得10個座位左右，最適合一個人享受拉麵。午市餐牌有5種唔同拉麵選擇，種種都好吸引，仲可以加配餃子、炸雞等等小食。=========================九洲地獄拉麵 (辛辣地獄湯底) $78不消5分鐘拉麵就煮好，地獄湯底好似好辣其實辣得黎幾惹味幾過癮！配料有一塊大紫菜，2大塊叉燒同半隻糖心蛋，拉麵選用幼拉麵，做到掛湯效果，正！日式煎餃子 $30老實講30蚊5隻餃子性價比唔算高，不過武士嘅煎嘅餃子同出面食煎/炸嘅唔同，唔會煎到好乾身冇左餃子嘅肉汁。餃子配上餃子醬汁酸酸地非常好味！言談間聽到老闆同熟客講疫情前開多左嘅兩間分店都因為疫情問題要結業，尖沙咀係唯一一間繼續營業嘅，做埋今年都可能唔做。睇得出其實老闆好有人情味，會成日同客人傾計，上次同同事黎食果陣叫左份餃子老闆仲送多一隻等我地夠分，體現對顧客嘅重視。希望武士拉麵可以冇事捱過今次疫情，等更多人認識呢間

哩幾日天氣又涼返些少陰陰天凍凍地又會好想食碗熱湯麵早前嚟到尖沙咀韓國街個頭覓食比我哋發現到哩間拉麵小店 — 武士拉麵店內裝修非常日式 簡單親切🤍全部係bar枱位 可以睇住師傅煮麵🔸德川將軍拉麵（我揀咗幼麵、硬度適中、味道適中）湯底係魚介豬骨湯，魚介嘅鮮香配合豬骨嘅順滑，飲落又香又舒服，味濃而不涸喉，好味😋！而且飲咗好多湯麵唔會好口喝，抵讚👍🏻！幼麵質地比較吸湯，所以好夠味。配料有肥瘦適中嘅叉燒、糖心蛋同大量木耳，不自覺地就食哂成碗。🔸真田將軍拉麵（他揀了粗麵、偏硬、濃味）哩款嘅配料係豬軟骨，煮到好軟綿，入口即化，而且好入味，好好食👍🏻！粗麵係沾麵個種，挺身爽口，掛湯力強，粗麵配濃湯口味係比較夾。🍵另外佢哋會擺放一啲預先沖好嘅熱綠茶，係抺茶粉個隻，暖笠笠、好香好好飲！

位於尖沙咀柯士甸小路的內街拉麵小店， 門口雖然不太起眼，小店地方亦很細，只有幾個坐位，但店內拉面質素非常好，湯底好味，睇得出老闆好用心去制作，而且價錢好優惠，性價比亦好高。

呢晚放工同老公去左尖沙咀搵食~行左入韓國街,但好多都係食炸雞, 行行下見到有間拉麵店, 好耐冇食日式拉麵喇!就決定食佢!店面細細, 只有幾個吧位, 食物都係主要係拉麵, 仲有幾款小食飲品咁~但可以坐係吧枱睇住師傅用心製作食物,食都食得開心D呀!!足利將軍拉麵 $98呢個拉麵係黑蒜油豬骨湯底, 黑蒜油味超香!豬骨湯底都夠晒濃厚!配埋叉燒, 紫菜同木耳絲, 好味!武士沾麵 ($118)見到有一款係沾麵來, 係柚子魚介WASABII沾麵。就試試佢~叉燒的肥瘦比例好好, 有肉香時又有油香, 又唔會太瘦又唔會太肥~拉麵我揀左粗, 諗住掛湯會好D~好彈牙!個汁個味道都好夠濃, 有濃厚既魚介味, 但又隱若有WASABBI同柚子的清新, 唔錯!!我地仲係枱面見到有枝武士店長特製魚油, 下次再來我要叫個魚介拉麵, 再加呢個魚油來試下先得!

咁岩係尖沙咀行街，經過韓國街見到好多好吸引既韓菜但最引人入勝既係呢間拉麵店簡單既裝修 大大隻字寫住武士拉麵好霸氣 吸引住內心有武士魂既我一入去就有位武士般既店員招呼我佢一人打理全店運作 點餐烹調收銀好似武士咁打得菜單有好多以武士為名既拉麵 好有趣例如招牌既德川將軍拉麵特別湯底既武田將軍(北海道牛乳)每款都好吸引 我揀左好耐先決定到我點左足利將軍拉麵 即係黑蒜油豬骨好濃好香 色香味俱全豚肉亦軟淋 肥瘦均勻加多隻半熟玉子 好滿足

左行右行周圍搵仔最鍾意食嘅嘢見到拉麵第一天隔離已經買俾佢試竟然一試就愛上中午有試過買晚上都有買過試左幾款拉麵醬油又試沾麵又試過⋯拉麵梗係唔少得啦！炸雞🍗叉燒拉麵🍜全部都正到爆兩位哥哥都好好傾非常友善而家買到熟曬一入去哥哥就知道我要啲乜嘢第一句就問我要唔要炸雞啊如果要嘅話就要而家整咗先因為炸雞需要時間仲知道我要分湯上添仲問我要唔要加蛋啊我梗係要啦非常窩心因為記得客人需要😙加油啊支持你哋除咗疫情亞仔要隔離第日我都會嚟幫襯㗎😜真係好好食食拉麵最緊要個湯底唔好講少食過就知道🥳好傾到爆炸呢兩位哥哥😛

時間係晚上七點我要鋪頭嘅時候得兩個人真好彩等吓等吓已經坐滿晒食客😅因為喺澳洲返嚟隔離留喺酒店（亞仔）我梗係搵啲好嘢俾佢食啦加上佢仲話要食拉麵間間都執晒因為疫情關係撐唔住🥴行吓行吓見到呢間唔錯喎都幾多人食一個人一腳踢店主叫咗個沾油麵再叫炸雞再加隻溫泉蛋埋單$151我問店員有冇外賣送佢話一個人攪唔掂我係香港人我都唔建議叫foodpanda我覺得南亞裔好污糟🤪😢🤫自己親手買會好啲😝重點黎啦食飽飽啊仔話話好好食👍🏻😋所以下次再幫襯😚撐住呀好食嘅嘢希望多啲人幫襯逆境求存

繼上次食評後, 再次找到一間值得推介的橫街窄巷小店。它位於尖沙咀及佐敦之間, 都是跌跌撞撞中找到, 內心的拉麵魂就叫我一試。雖然門面不吸睛, 但內涵卻有其吸引之處~拉麵可以選粗幼軟淋外, 湯底亦可在濃、中、淡之間選擇, 剛好和朋友都是「濃的傳人」, 當然容易選擇。阪上將軍拉麵 (蕃茄豬骨湯, 另加了溏心蛋)試的原因是吃拉麵多數選地獄湯, 在朋友麻煩店員推介下, 只好禮貌的點了推介之一的蕃茄豬骨湯底。本身有點無奈, 但吃後已變了無悔。超喜歡它不造作的酸甜度, 在酸甜度不過火但帶剌激感下和拉麵取得好好的平衡, 令我不自覺下把整碗湯乾了。選了幼身軟麵, 麵真的非常幼身, 完美鎖緊湯汁。叉燒帶油甘香。糖心蛋略熟但入味。足利將軍拉麵 (黑蒜油豬骨湯)另一推介的黑蒜油豬骨湯, 甫上檯已經香味撲鼻, 喝一啖湯更加直通經絡。和蕃茄豬骨湯的醒胃感不同, 黑蒜油湯是同時帶來嗅覺和味覺的衝擊享受, 但同樣高質。可能亦因為兩個都選了濃湯底, 就算食到最後幾啖, 都依然熱辣辣, 湯底夠厚但不油膩,  good~唐揚炸雞表皮看似較厚實但意想不到包著的雞肉仍然鮮嫩武士蜜蜜飲 (柚子)非常濃郁, 吃完較濃味拉麵之後飲

今天跟朋友來到尖沙咀一間隱世美味拉麵。雖然小店地方不大，但勝在環境夠整潔。一進店已經有幾台食客，加上我跟我朋友已經滿坐了。桌面整潔，坐位不算不太逼。我點了一碗柚子Wasabi魚介沾麵 $118沾麵湯汁又香又濃郁，帶有一點點魚介清香味和淡淡的Wasabi味，感覺清新又美味。粗身的拉麵非常有彈性，軟韌度剛剛好，沾上湯汁吃好有口感。叉煙薄薄肥瘦適中，軟淋好吃。朋友點了黑蒜油豬骨湯底的拉麵 $98見到佢個拉麵一到，個碗不停冒煙，湯熱會令到整碗拉麵變得更加好吃。我試了一口湯加拉麵，黑蒜味非常濃厚，又香醇。幼身拉麵感覺比較掛湯，好滋味。小食方面我們點了日式煎餃子$30 餃子皮薄餡靚，價錢實惠。很適合食量大的朋友。店員製作拉麵速度也很快，5-8分鐘便上枱，是一人晚餐不錯之選。

妹妹是拉麵愛好者，口袋一直有好幾間拉麵店想試，今日剛巧同佢出嚟尖沙咀行街，所以就去武士拉麵食晚餐。見到大家的評價都好好，我地都想試好耐架啦，好期待。門面不大，係一張長枱對住師傅製作，好似去咗東京街頭的小店一樣。一坐底，有自助式嘅綠茶，餐牌當然係主打拉麵，另外仲有一啲小食。只計拉麵都有成十款咁多，我地揀咗好耐，因為真係款款都好想試而且每款湯底都好特別! 經過一輪爭扎之後，我同妹妹分別揀咗「豐臣將軍拉麵」同埋「織田將軍拉麵」。豐臣將軍拉麵 - 四國香蔥油拉麵我係蔥蒜控，見到香蔥油湯底就已經心心眼，嚟到亦都無令我失望，有大量的蔥香芝麻香。先試一啖湯底，湯底清甜，有陣陣的豬骨香，加上麵質控制做得好好，掛湯之餘又不會過稔；叉燒亦十分出色，肥瘦適中，入口嫩滑。織田將軍拉麵 - 鹽味豬骨湯拉麵妹妹喜歡比較傳統的味道，簡單如豬骨湯就已經令佢好滿足。看似簡單但其實食得出師傅花了不少心機在湯底上，濃香而不油膩，加上叉燒的香氣，妹妹都話好食!如果希望口味多啲層次，師傅亦自家製了魚介味油，可以提升味道。一邊食一邊聽到師傅同其他客人自家製的過程，大概是要自己將魚仔燒好再封乾打成粉，咁用心製作的小店真係大加分!!

今天到了尖沙咀辦事，走著走著到了尖沙咀柯士甸道，找到一間小小拉麵店，見到門口餐牌也很吸引，便入內試試。店舖似足日本拉麵店，一排長枱，有膠板隔開，見到師傅煮拉麵，餐牌有大約10個選擇，有豬骨湯、黑蒜、辛辣、蕃茄湯底等等，全部以武士名稱命名，十分有趣。我們也請師傅介紹一番，最後選了一濃一中等的味道，德川將軍拉麵及豐臣將軍拉麵，前者較濃，是醬油魚介豬骨湯底，後者是四國香葱油湯底，可選擇麵的粗幼及軟硬度，以及湯底的濃度。拉麵很快便送上，有大大塊紫菜，木耳、香葱及叉燒，豐臣將軍口味適中香濃，麵幼滑可口，叉燒半肥瘦十分美味。而德川將軍滿滿魚香味，我們也按提示試完一淡湯後加入特製魚油，味道果然即時提昇！服務態度好，期待下次試其他口味！