武士拉麵 (已結業)

今天在尖沙咀附近找一間拉麵吃晚飯。黑蒜油豬骨湯底 HK$98黑蒜油極香濃，豬骨用大火煮十小時， 油香很重， 幼麵沾滿湯底，充滿彈性的麵條，口感一流， 柚子魚介Wasabi沾麵 HK$118麵底比拉麵粗一點， 最緊要是有過冷河，麵的質感更煙韌，更有口感，叉燒用醬油煮5 小時以上，再以火槍2 分鐘 ，去除多餘油份 ，又能鎖住肉汁，最後以日本海鹽調味， 並有入口即溶的口感！同湯底比平時濃厚一點，在沾上沖面的時候放入口都味道便可以剛剛好，湯底濃郁又充滿魚香，Wasabi微微帶辛辣， 一試便愛上！ 吃完不夠喉encore要多一個加麵！

依到每一款拉麵都以日本吾同將軍名命名 幾特別🤣就咁睇個名係吾會知佢係咩湯底😂 而每款麵都可以揀麵條粗幼度 麵質軟硬度 同湯底濃淡度😆德川將軍拉麵 以醬油魚介豬骨做湯底, 湯底有好香濃吾腥嘅魚介味😆 揀左濃湯但湯底吾算話好油亦吾會好鹹!☺️ 麵質揀左幼硬麵 感覺正常食落爽口無特別驚喜 如果可以再彈牙少少就好啦!🤣而配料有兩塊肥瘦適中嘅叉燒 半粒溏心蛋, 木耳絲同紫菜, 個人覺得美中不足係粒溏心蛋熟左少少..🙁足利將軍拉麵 以黑蒜油豬骨做湯底, 黑蒜濃烈程度岩岩好😌味道好濃郁 依個湯底比起魚介就相對油膩少少 但同樣吾會話好鹹 幾好😋 配料就同德川將軍一樣🤣另外加左個武士小丸子試下, 其實姐係章魚小丸子, 細細粒熱辣辣 外皮係脆卜卜嘅 正常好味!😆整體黎講依間拉麵吾錯 湯底做得幾好 雖然無話有好大驚喜 以拉麵黎講算做正常/ 普普通通, 但價錢吾貴, 以lunch黎講算抵食! 下次會試下其他將軍😂

香港地有好多好食既拉麵店，鍾情於濃湯底既我一定會食混香港地高質既拉麵店，而今日就黎到柯士甸路既武士拉麵搵食，做好安心出行同埋量體溫就入座了。咁我就叫左個黑蒜油豬骨湯底，一上枱已經聞到好重既黑蒜味，再黎就梗係試咗個湯底先啦，湯底既黑蒜味真係好濃但亦飲到豬骨熬出黎既味道，雖然叫做黑蒜油但係油份唔重，就咁空口飲都唔會感覺到油膩。麵條方面佢地會set timer去控制麵條既軟硬度，大家可以跟據自己既喜好去選擇麵條既粗幼度同埋軟硬度，我鍾意有咬口所以揀左硬，同埋麵條落碗前店員會先搖乾麵條多餘既水份防止溝淡湯底，麵條分明唔會痴埋一舊而且每條麵條都吸收到湯底既精華，讚！除左湯底麵條正之外，其他配料同樣唔錯，佢地會用火槍燒香叉燒，咁就可以將多餘既油脂燒出而且將肉汁鎖死，一食既時候外層口感會有些少焦香既口感，肉質爽口而且內裡肉汁juicy！利申原本係得兩塊叉燒，我地係另外加錢先至有多一塊haha。至於我朋友就叫左個四國香蔥油湯底，一上枱我梗係即刻試埋佢個湯底，呢個豬骨味會更加特出，而最諗唔到既係加咗香蔥既湯底竟然都好相襯，香蔥令濃濃既湯底帶番點清新既感覺，個種濃而不膩既感覺好正，鍾意食蔥既朋友仔必試呢個

因為疫情冇得去日本，好耐冇食過日本地道拉麵啦😢! 記得每次去日本，都會食番幾碗拉麵先滿足! 朋友介紹我來到這家拉麵小店<武士拉麵>，拉麵師傅採用日本直送🇯🇵食材，再依足日本本店製法，用心製作每一碗拉麵，味道夠晒地道，簡直可以搵番去日本的感覺啊🥰!#德川將軍拉麵🍜$88德川將軍拉麵是由"醬油魚介豬骨湯底"製成，是小店人氣之選，很多人冒名而來吃的✌🏻。這裡的魚介湯底由六款不同類型的魚乾熬製，再加入雞骨及蔬菜等材料煮十多小時而成，真材實料，魚介味濃又鮮甜，而且食完都唔會好口喝，真是非常讚呀❤️! 叉燒方面肥瘦適中，整得非常香口入味😋! 當你試咗頭啖湯之後，加點<武士店長>特製魚油，魚介味道再提升😍。#坂上將軍拉麵🍜 $98坂上將軍拉麵是由 "蕃茄豬骨湯底"製成，清香蕃茄🍅味道帶少許甜味，蠻適合女士💁🏻‍♀️們吃的。#唐揚炸雞(6pcs) $38炸雞外脆內嫩，炸粉夠簿身，唔會好漏，點埋沙津醬好滋味~眼見疫情令小店生意影響了不少😢，希望有心人一起支持這家拉麵小店啊💪🏻💪🏻，可以繼續食到好味拉麵🙏🏻🙏🏻!

舖內細細，是長窄型的。一邊煮麵，一邊座位食麵，感覺真係好似在日本的拉麵小店，好回味。黑蒜油豬骨湯底，一上枱已經有好香的黑蒜味道，配了片大紫菜和溫泉蛋，加上濃郁的湯底，看到都好想食。溫泉蛋煮得好靚，蛋黃蛋白有小小流心，真係好好味。拉麵麵質好彈牙，煮得剛剛好。义燒的厚度、肉質，口感都好好。四國香蔥油湯底，濃濃的豬骨湯，加上勁多香蔥，味道好香，好濃郁。日式餃子，煎得好香脆。是傳統的日式餃子，餃子餡滿滿，有菜和餃子肉的肉汁，唔洗點醬汁，都好味道。

無黎一牌，質素都keep到。比起其他連鎖拉麵店，武士拉麵品質更好，湯底更有層次。老闆亦好nice，人情味高。 識食嘅，都係識途老馬，熟客仔。 睇下有咩食先豐臣將軍拉麵四國香蔥油湯底， 用咗四種唔同的蔥， 所以蔥味有層次得黎又清新。湯底清澈，但豬骨味重。配上义燒一齊食，可以去到豬肉的油膩感，特別fresh。足利將軍拉麵黑蒜油豬骨湯底， 一放喺枱就聞到好香蒜油味。湯底濃，蒜油味香濃。麵幼滑叉燒肥瘦適中，黑椒味重。日式煎餃子 皮脆肉嫩，多菜

講起疫症，大家就會好掛住日本，講起日本，大家都會諗起拉麵同埋武士。呢間拉麵將武士和拉麵合體，變成武士拉麵，並用多個戰國時期將軍命名拉麵。德川將軍拉麵是醬油魚介豬骨湯底拉麵，一入口濃濃的魚湯味，再配上半熟糖心蛋，拉夠淋，湯夠熱，是上等靚料。豐臣將軍拉麵是四國香蔥油拉麵，據店長介紹，湯當中的黑蔥是來路貨，由日本訂來的，每湯花費的黑蔥油就已經過十元了。同樣配上糖心蛋。煎餃子即叫即煎，十分驚艷，很脆，真的很脆。店長更說明不用醋的原因，十分熱心推介美食。特製魚油魚油味濃，令拉麵更上一層樓

今日喺尖沙咀附近放工，行入內街就搵到依間拉麵小舖。入到去座位唔多，但係店員好熱情、好殷勤咁招呼客人。餐廳嘅拉麵種類算有比較多。亦都可以自己選擇自己喜歡嘅湯底濃度、麵條軟硬度同埋麵條粗度。最後我揀咗食九州拉麵，賣相唔錯，湯底好濃郁。但係鍾意食辣嘅我，希望可以再辣啲，咁就更加野味！麵條同埋麵質我都揀普通。食落去幾彈牙，口感唔錯。一碗拉麵最重要嘅，除咗係湯底之外，對我來講，就係拉麵裡面嘅叉燒。餐廳叉燒都唔錯，半肥瘦，好淋同埋好入味，好正！總括而言，餐廳拉麵唔錯，店員都好熱情，好好傾，係尖沙咀一間有人情味嘅小店👍🏻

餐廳大約八至十個位，老闆自己打理，可以見到整個製麵過程。櫃內有些日本武士擺設。叉燒即時用火槍燒，聞起來好香。足利將軍拉麵 | $98足利將軍拉麵即黑蒜油豬骨湯底，黑蒜油味香，叉燒厚薄適中，上面有黑椒碎，燒過的關係，食起來好香。溫泉蛋流心，不過稍為不完整。拉麵間有芝麻，又是另一種香味。九州地獄 | $118朋友跟我都不約而同想吃九州拉麵🍜，辣一辣。九州拉麵有好多蔥花，被我全部吃掉了。拉麵微辣，湯底在口腔內時不覺得辣，是嚥後才慢慢辣起來。老闆煮拉麵時唱起歌來，都幾好聽。

武士拉麵一直都係我成日嚟食的拉麵，因為呢度拉麵高品質之餘，餐廳仲有一份人情味。坐位唔多，老闆認真用心製作每一碗拉麵。今次再嚟食我至愛的足利將軍拉麵(黑蒜油豬骨湯底)如果你係黑蒜油嘅忠實粉絲，一定唔可以錯過呢度嘅足利將軍拉麵，因為它係用咗日本高品質的黑蒜油，其實一入口就知咩係高質黑蒜，果然唔同！湯底除咗有香濃豬骨味，仲有好新鮮的大蒜味，正！要另外讚下麵底嘅質素，粗麵好好食，又彈牙！店內有特製魚油可以一試，加咗有淡淡的魚油香味，提升拉麵層次感！武士沾麵(柚子魚介Wasabi沾麵)朋友平時鍾意食沾麵，都話呢間得wo! 原來他好欣賞個沾麵湯底，估唔倒柚子魚介濃湯又幾夾微微的Wasabi香！係少有香港食得出層次的沾麵湯底。武士小丸子呢間嘅小丸子其實都唔錯，可以一試！小丸子做到外脆內軟，粒粒熱辣辣，正！下次一定要嚟試下四個香蔥油拉麵！聽老闆講呢個仲出色！

和朋友行到柯士甸道一帶醫肚，附近很多食肆餐廳，偏偏我們想吃拉麵，我們被武士拉麵門前的餐牌吸引了，雖然這家餐廳小小的，座位不多，一排而坐，但服務招待不錯。足利將軍拉麵吃拉麵湯底最重要，這碗是黑蒜油豬骨湯底，端上來的一刻，整碗拉麵的排位整齊，隨即品嚐了一口湯，很香濃呀。我要求了麵質，不軟不硬，果然做到我的要求。兩片日式叉燒，肥瘦均勻，豬肉味濃，最欣賞那半顆糖心蛋，真的恰到好處。整碗麵色香味俱全，很令人回味。豐臣將軍拉麵這個是香蔥油湯底，對於喜歡吃蔥的朋友，就很推介這款了。面層鋪滿了香蔥，蔥油味濃，兩片日式叉燒，和半隻糖心蛋, 喝過醬油豬骨湯底再喝蔥油湯底，感覺截然不同呢。武士拉麵最特別之處就是他家的醬油，特製魚油很香魚味，還有香濃的黑椒油，辣油的感覺比起坊間的偏辣。三款醬油各有各的特色，都能帶出各款湯底味道，很讚!

九洲地獄拉麵（辛辣湯底）係我個人最愛嘅選項，個名有d嚇人，其實辣味好輕微㗎，唔係好辣嘅。麵底有幼、寬、硬、軟等選擇。溫泉蛋超讚，只係今日去到賣晒，不過以前過去食都係必食嘅。今日嘅溏心蛋都算唔錯。豚肉厚度適中，湯底濃稠又唔係好咸（同其他鋪嘅拉麵湯唔同），我個人非常鐘意。加d「武士店長」特制魚油會提鮮。醬油湯底也屬於常客口味了，因為有多加醬油，所以湯味會偏咸d，不過如果加埋栗米，咁會多些甜味，口感更佳。店長和員工都係健談既，態度亦唔錯。價錢方面，人均110蚊一餐，有小小貴，不過個味道真係好正，所以我個人都幾鍾意過去。

放工唔想煮飯，但係又想食啲comfort food 坐咗成日冷氣房，食返碗熱辣辣嘅拉麵就最好不過，夠簡單，又好味。喺OpenRice搵到依間拉麵店，之前都冇留意，原來呢度有間隱世拉麵😄😄睇睇餐牌，佢哋嘅拉麵每一個都係有將軍名字，都幾得意豊臣將軍拉麵- 四國香蔥油湯底揀依個係因為比上面好多蔥吸引😁😁我覺得可以飲濃郁嘅拉麵湯底，加埋青蔥，好爽，又清新d ，冇咁膩依間拉麵店仲有佢哋自己特製嘅魚油，加少少落啲湯度飲，感覺即刻健康好多😆😆😆同埋都真係有微微魚香味，一試無妨😁😁叉燒喺點餐之後即場火炙燒過香味⬆️味道唔錯，又唔會太肥，而且有啲軟軟骨膠原感👍🏼朋友點了唯一一款沾麵係有少少芥辣味，同埋柚子味，我試咗一啖，感覺都幾清新，同埋微微辣味。

想食一個唔使急, 最緊要快嘅晚餐, 拉麵絕對係我嘅最佳選擇, 位於尖沙咀呢間武士拉麵已經食咗好多年, 每次出開嚟尖沙咀做野, 又諗唔到食咩嘅時候, 就會嚟呢度, 快靚正.開放式廚房設計, 小型的拉麵店, 只有一張長型木餐枱, 應該可以同一時間容納到10人以下, 由於今日時間尚早, 未到7點嘅晚飯黃金時段, 所以唔使等位。除多款拉麵供選擇, 還有加配食品及簡單飲品.佢地好多款拉麵都食過, 今日再來德川將軍拉麵 $88 (+$10 配溏心蛋一隻, 半隻可以跟朋友分享)簡單一碗醬油魚介豬骨湯底拉麵, 配上日本叉燒,、木耳絲及半隻糖心蛋, 已是飽肚又美味的晚餐。食拉麵, 梗係要先嚟飲湯, 香濃的豬骨湯底, 豬骨淆湯淆到出曬味, 還帶點魚油香, 湯頭香濃得呢唔死鹹, 好飲。半肥瘦相隔叉燒絕對係日本拉麵既絕配, 肥肉香滑肥美, 瘦肉有咬口得嚟不失肉味。溏心滑溜, 蛋香十足, 重要營養豐富拉麵煮得軟硬適中, 爽口又彈牙, 真係好冇儀態地食到雪雪聲, 夾雜一口湯, 一住拉麵, 幾根爽口木耳絲. 美食才可令人生咁精彩呢! 

食得多西餐，就想食日本菜，不過最近book唔到想食嘅日本菜，所以經過佐敦嘅時候見到依間拉麵舖頭個門面唔錯，就入咗去，雖然舖頭細細間，但係入面都坐滿幾個客，就等我試試佢。裝修唔算特別，但拉麵就好似幾正宗咁，叫咗一個黑蒜油拉麵入面有豚肉，另一個就普通豬骨湯拉麵，兩份都唔算太貴，唔使$100 ，比起而家好多都要過$100嘅拉麵我就覺得依家算唔錯啦。我同師傅講鍾意食唔好咁林嘅拉麵，鍾意食有咬口嘅，佢都做到，而且黑蒜油湯底都唔會太鹹，唔會太重味精味，所以食完都唔會好頸渴，而另外普通豬骨湯底嘅拉麵，就好香豬骨湯味，應該都係熬咗好耐，同時都唔會落好多味精，由於我同朋友都唔算太肚餓，所以一碗拉麵就夠啦，都冇特別嗌其他嘢食，不過如果下次再嚟嘅話都會試埋佢嘅餃子嘅。呢啲小店都真係好值得大家支持，唔好淨係食大連鎖店。