沃川自家料理

营业中

休息中

推薦❤️絕對值得黎食嘅居酒屋！食材新鮮，啖啖滿足，職員亦都好客熱情，平均一個人大約600-700港幣就食到飽，而且質素不錯，我覺得開心過食自助餐🍶放工之後黎呢度放鬆一下心情，飲杯酒食下野，會係唔錯嘅選擇！----------------------煮白梅貝🟠HKD66呢個白梅貝甜到連內臟都好好食，推薦！蟹子沙律🟠HKD58食佢開開胃口都係好刺身『廚師發板』🟠HKD520當日職員向我地介紹，如果想叫刺身，都可以比個價位佢，由廚師按價錢同人數，由廚師幫我地去set，感覺幾似廚師發板。薄切蜜柑鯛沾佢地特調醬汁都幾好食，厚身嘅蜜柑鯛燒香後味道更香，伊佐木同油甘魚鮮甜，生蠔大大隻亦甜身，而職員分享最近鮟鱇魚肝當造，所以會肥美啲同多魚油，食落口感的確不錯！濃湯蝦烏冬🟠HKD148職員見我地連湯都飲曬，就話比我地知呢個濃湯蝦湯底經過8小時製作，唔怪得咁香，配烏冬一流~魷魚餃子🟠HKD68粒粒魷魚內餡，非常有咬口，送酒不錯炸墨魚餅🟠HKD128我地隔咗一隔先食個墨魚餅，但依然脆口，炸粉口感特別，不錯豬腩肉🟠HKD32食落唔肥膩，不錯雞肝串🟠HKD32一個字~正柚子鹽燒白鱔🟠HKD68白鱔有一定厚度，調味

尖沙咀不嬲都多正野食，今次搵左一間開業21年仲屹立不倒既居酒屋，餐廳充滿八、九十年代既氣氛，野食都幾出色花生豆腐外表同普通豆腐分別唔大，但一咬落去有濃厚嘅花生味，神奇係質感仍然保持豆腐既順滑，好特別蟹籽沙律好啱夏天食，大量蟹籽放咗喺青瓜絲上面，撈埋食好清爽味噌煮豬腸好欣賞啲豬腸煮到好入味，但又唔會死鹹。紅蘿蔔同蘿蔔都好入味刺身：深海池魚，油甘魚，生蠔， 鮟鱇魚肝深海池魚勁正！加埋特別調配嘅醬汁，味道同口感都好清爽～油甘魚又柚子清香，都好特別汁煮白梅貝師傅已經事先將貝肉挑起，然後用牙籤穿住，只需要輕輕一用力就可以拉出成塊肉，好方便～味道亦都係好入味自家製厚燒玉子一碟有六件玉子燒，有甜甜嘅蛋香～串燒：雞皮餃子，雞頸肉，雞股，豬腩肉串串燒係即叫即燒，所以要等比較耐，雞頸肉最好食，好Juicy五目炒什菜日式醬油炒嘅雜菜，都唔錯濃湯蝦烏冬湯底好濃厚，有大量櫻花蝦同蝦肉，配埋個烏冬真係好好味，最後連湯底都飲哂

親愛的人慶生，到尖東回憶的家，前忌廉哥家附近見到一日特色日式舖，仲要超多人。前菜熱菜開始，跟住當然點了不同的小食，服務員細心介紹花生豆腐（滑有淡淡花生香，味道清新），壽星愛辛辣濃味小食，就選了芥末八爪魚。熱食我愛健康層層疊式苦瓜豚肉炒蛋；佢就喜歡味噌煮豬腸（味噌與豬腸超濃味，好在有清甜蘿蔔襯一下。刺身配上特色醬油，加上各種海鮮，正。鮮甜的池魚，咬勁十足的鮫鰈魚，肥厚的日本生蠔，肥美的油甘魚，口感豐富的帶子海膽雜錦天婦羅有海蝦，炸蠔等不同海鮮再加日本南瓜，配上咖哩鹽及蘿蔔蓉任君選擇。清酒煮蜆嗰湯汁異常鮮甜，有淡淡酒香，仲要隻隻都係巨蜆超愛。鰻魚飯好大碗，幸好壽星係食貨，多多都食到，不然就浪費了。對我來就水晶梨芝士才是重點，未試過，超有特色，水果的甜與芝士竟然係夾，呢嗰我唔客氣，要食多件。整體極高質日式小點，值得再約朋友嚟。#尖東新食點#沃川#服務員體貼#花生豆腐#水晶梨芝士（期間限定）#海膽帶子

估唔到尖沙咀有間隱世高質居酒屋 -沃川自家料理！今次同好姊妹一齊去試下。入面有bar枱座位，仲有幾間私隱度高嘅日式房間。食物方面選擇多，刺身、串燒、壽司、卷物、鍋物等等，而刺身可以由廚師發辦，為你揀選最新鮮嘅食材。🦪刺身拼盤 $580鯛魚白子: 好鮮美，入口即溶。鯛魚卷：加上點點柚子，口感清新螢光魷魚：好嫰滑好正呀！伊佐木魚三吃：有齊薄切、炙燒同配牙蔥薄切配上酸汁 鮮味十足炙燒令魚油滲出 入口肥美鮮嫩而包裹住牙蔥令口感更豐富一次有齊三種享受。🍢燒蝦姑干 $78蝦姑干的外皮酥脆可口，內裡軟嫩彈牙。調味也拿捏得恰當，鹹甜適中，既不膩口又不乾澀。🥘味噌煮豬腸 $98豬腸經過慢煮，變得柔軟爽嫩，沒有雜質和膻味，入口即化。醬汁以味噌為基底，既有濃郁嘅鹹香。🍛鮮蟹肉蟹膏炒飯 $108蟹肉鮮嫩多汁，炒制恰到好處,既不會乾澀也不會過於油膩。蟹膏的滑嫩質地與米飯的爽口相得益彰，為整道菜提升了口感。🍡柚子鹽燒白鱔(2串) $136白鱔質地柔嫩，它獨特嘅柚子鹽調味，酸甜鹹完美融合！🍗雞全翼(兩只) $64燒得啱啱好，雞肉入口嫰滑。🥓雞胸軟骨串(兩串) $64雞胸軟骨串看起來相當可口。雞肉采用雞胸部位，口感更

尖東竟然有間平日都會滿座嘅居酒屋🏮。食物款式好多，用料仲好靚！✨刺身蜜柑鯛、鰤、帆立貝、鰆、室津蠔好驚喜有蜜柑鯛兩食。薄切嘅配酸汁，厚切嘅配豉油。鰆經過炙燒多咗少少油香。帆立貝來貨好靚，特別鮮甜。室津蠔爽脆而且海水味好濃。✨龍蝦沙律啖啖都係爽彈嘅龍蝦肉。蛋黃醬同蟹子嘅配搭好有comfort food感覺。✨瀨尿蝦乾好似魚乾咁味道鹹鹹香香，不過好食啲完全唔腥。唔趁熱食嘅話會變韌😌。✨免治雞肉棒口感彈牙，撈埋蛋汁更加滑。✨雞頸肉燒鳥比較常見得嚟又最嫩滑嘅部位。每串嘅仲份量好多。✨雞股雞皮好香脆，肉質有彈性又多汁。✨鹽燒A4牛小排好靚嘅medium！肉質軟嫩，幾乎完全無渣。一定係👩🏻喺香港食過最正嘅燒牛小扒。✨野菜天扶良麵衣又薄又香脆，蔬菜仲係好juicy。✨蕎麥麵蕎麥麵有少少咬口又重蕎麥香。配冷麵汁/蛋黃都好夾，一啲都唔單調。

尖沙咀南洋中心有間開咗好多年嘅隱世日本菜，難得朋友返香港，當然要一齊回味吓～今日前菜係蟹籽沙律，蟹柳絲加埋爽脆青瓜絲非常開胃。螢光魷魚乾係我最愛，烘香咗，熱熱地入口鬆化。螢光魷魚乾又比一般魷魚乾濃味，係絕佳嘅佐酒小食！見佢哋宜家21週年限量大激安除咗啤酒同清酒有優惠外，刺身同小食都好抵食。我哋嘅刺身拼盤交俾師傅發板。時令空運薄切魚（深海池魚）同時令活石蠔都係優惠之一；特別喜歡佢哋個柚子醋，可以帶出深海池魚嘅鮮味。油甘魚刺身厚切同鯛魚白子，都係即日空運到港。今次最特別係食咗個八爪魚吸盤。師傅好有心機將三文魚籽放於吸盤內，唔單止賣相靚，三文魚籽為八爪魚吸盤添上自然咸味，精緻又有咬口。熱食方面，激安價嘅燒牛小排原來用咗蝴蝶腩部份，怪不得肉味咁突出。蒲燒鰻魚飯鰻魚夠厚身啖啖肉，日本米亦特別彈牙。炸豬肉餃子熱辣辣非常香口；粟米天婦羅就炸到金黃色，粟米飽滿香甜，十分驚喜。野菜鍋 有少少辣，南瓜軟糯入口即融 。兩個人食到好飽，人均消費都係七百幾，絕對係性價比之選！值得推介👍🏻

第三十篇食評，當然要點評一頓特別的約局。今次趁食生日飯去一間bookmark 已久的日本菜餐廳- 一間位於尖東的居酒屋。店內環境偏家庭小店風，多是附近打工人放工的小酌好去處。特別喜歡店內柔和的暖光色調，好有昭和風感覺。店舖招待客人用的是烏龍茶，味道稍淡。食物整體有驚喜，感覺師傅用心製作。/前菜 HKD20(個）自家製漬物/活石蠔4隻 HKD180石蠔本身鮮美，creamy程度/鐵味適中，配上特配醬汁加乘了整體鮮味 /荔枝豚肉卷 HKD28相當有特色的配搭，意外地好味，豚肉煎有焦邊，脆脆的。捲著荔枝來吃，荔枝的清甜中和了豚肉的膩感。/蟹羔壽司 HKD28(件）紫菜不夠脆，不過蟹羔用上了沒有腥味的蟹羔，正/三文魚腩壽司 HKD22(件）呢個真係無得頂，魚腩又肥又厚，油脂在口中徘徊⋯/自選刺身併盤 HKD680元貝夾海膽、池魚、油甘魚、八爪魚、八爪魚吸盤、三文魚、白子、牡丹蝦/田樂豆腐 HKD68味增鋪面，豆腐炸得外脆內嫩

今次帶屋企人去了尖東一間較隱蔽的居酒屋🏮日系屋酒屋裝修感覺去左日本咁✨餐點款式花多眼亂唔知點揀好🫣只要跟店員說，店員可以幫我地安排廚師發板的刺身拼盤~價錢唔會好貴，但就可以試到好多新鮮當造的刺身，呢個安排真係好貼心❤️ *有咩唔食記得講埋啊店家會先上每人一小碟前菜，之後選好的花生豆腐就到了✨這個是沖繩名產，想不到這裏會有~刺身拼盤-廚師發板💰480廚師幫我安排了5款刺食，Season 的螢光魷魚、甲烏賊、室津蠔、鮮帆立貝夾海膽和深海池魚🐟 深海池魚都食唔少，但卷住柚子皮和芽蔥的做法我都係第一次試😌池魚點酸汁食可以提升鮮味，包上柚子皮的池魚增添了柚子的果香味和微甜，爽滑的池魚和有咬口的柚子皮一齊食，帶出多重口感，一口就可以品嘗不同滋味，實在令人回味無窮✨串燒都有好多選擇✨而且烤至恰到好處，肉質細嫩多汁，口感極佳🤟🏻個人最喜歡荔枝豚肉卷，豚肉肉質嫩滑，荔枝清新香甜，肉香和果香混合，還中和了油膩感，十分好食❤️必點燒牛小排✨肉質嫩滑多汁，燒過的牛小排散發出更濃郁的牛肉風味，一放上枱馬上就清碟了😋這裡的款式超多~而且有獨立房，喜歡獨立空間的朋友有多一個選擇😌獨立房設有最低消費，訂位時要留意喔🙌🏻

小小一間店，日式裝潢，設有吧枱位，亦有房間位置。落地玻璃望住麼地道花園，採光度十足！👉🏻花生豆腐 $58自家製，鮮嫩的豆腐同香濃嘅花生完美融合，醬汁調得平衡，口感細膩柔滑！👉🏻澤蟹 $98細細隻，看似生猛，非常香脆，蟹味濃！👉🏻刺身 $420分別有鯛魚兩食，白子同埋鮮八爪魚！鯛魚薄切配柚子醬，好清新；火炙鯛魚厚切；香口又帶岀個鮮味；白子好肥美！👉🏻海鮮天扶良 $298帆立貝夾海膽，外酥內嫩！廣島蠔好creamy！日本舞茸勁鮮香！沙追魚啖啖肉唔腥！仲有甜甜嘅南瓜！👉🏻田樂豆腐 $68賣相有層次，嫩滑又帶有焦香，脆口！👉🏻稻庭烏冬 $78冷食，將蘿蔔蓉、蔥花、Wasabi再加日本生蛋撈埋一齊，沾上烏冬，細韌彈牙，清新入味！👉🏻串燒雞肝口感柔軟；柚子鹽白鱔，肉質彈牙，淡淡清香；荔枝豚肉卷，層次感豐富；冬菇串，肥厚；雞皮串，酥脆可口；一口番薯串，綿軟香甜；雞胸軟骨串，爽口！

尖東酒吧街附近有一間昭和風屋酒屋門面裝修已經好似去咗日本呀！食物選擇非常之多！店員都非常專業！如果唔知簡咩食好，簡咩酒飲，都比到專業意見！例如店員清楚邊一年既茅台相對好飲店員推介馬年既！有機會真係要試吓！不過今日就飲住日本清酒先啦！飲返兩杯之前食d 野墊肚啦！季節限定刺身拼盤⭐️除左有主角池魚，仲有油甘魚腩、北寄貝同埋季節性白子 ！油甘魚腩入口即溶，北寄貝非常新鮮，白子入口即化～ 配上檸檬汁非常開胃！池魚刺身的刀工非常厲害！切得非常薄！配上秘製的醬汁，恍如置身於日本地道的居酒屋！宮崎豚肝併豚肉腸⭐️豚肝的柔滑，搭配芥末醫，好好味！豚肉腸好脆皮！味噌煮豬腸⭐️關東煮既味道，豬大腸煮得好淋，而且有吸滿汁既白蘿蔔！蟹子沙律好多蟹子！好開胃！串燒選擇超級多，唔同種類都試吓！簡左豬腩肉、荔枝豚肉卷、雞腳筋串、雞胸軟骨串同埋露筍豚肉卷串！當中最驚喜嘅係荔枝豚肉卷！因為配搭得好新奇，但又好夾！荔枝既甜味令每啖豚肉都好juicy ! 一向好鍾意食雞軟骨以形補形，補充骨膠原！兩款軟骨各有各好！雞腳筋會比較淋，易咬d ，彈牙d!雞胸軟骨就大舊d ，多肉少少！炸墨魚餅 外皮炸得好脆！內裡好彈牙！朝鮮麥豚肉野菜鍋⭐️

沃川自家料理地址: 尖沙咀麼地道75號南洋中心UG樓5-8號舖電話: =====================作為住在香港的香港人 ，在彈丸之地有著世界各地美食，是件幸福的事。剌身船：蜜甘鯛魚刺身、珍寶鮮 、帆立貝、三文魚腩、鮮螢光魷魚，刺身水亮，是証明新鮮，鯛魚魚鮮甜，具肉質柔軟，三文魚腩邨入口即融出油脂。前菜：花生豆腐，得意口感，是食奶冰。串燒叫了一大盤，乜都點些出來變成那麼誇張。蕃茄豚肉卷串、蘆筍豚肉卷串同豬腩肉串，腩肉串很欣賞有油花，邊位再帶點焦焦，灑上鹽提味很棒。蘆筍是食爽口感免治雞肉棒，雞頸肉，，雞腎串，雞肝串，雞內臟燒到沒有over 口感與原味都保持到牛舌串也很香粟米天婦羅爆甜呀海膽濃湯松葉蟹稻庭烏冬，個湯好喝甘甜到彈起呢，鵝冬有彈性，蟹肉一絲絲送入口。大吃四方#life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgas

🇯🇵秘隱高質日式料理店🇯🇵-閨蜜係哈日族 捐窿捐罅發掘優質小店 我哋最近去一間開咗超過20年嘅料理店 刺身/天婦羅/串燒/熱葷 樣樣食勻 果然高質👍-🍣時令刺身由廚師發辦 池魚清爽 三件吞拿魚刺身嘅味道由淡至濃 件件入口即溶😚-🥠宮崎䐁肝拼䐁肉腸平時少食內臟 豚肝質感都ok嘅-🍢串燒盛合荔枝豚肉卷very good🤩 燒白鱔灑上柚子鹽之後 冇魚腥 嚼勁依然-🌽粟米天婦羅🐟沙追魚天婦羅 咖喱鹽 炸麵衣酥脆唔油膩 沙追魚配咖喱鹽後味道更鮮 推薦‼️-🥒苦瓜炒䐁肉薄切苦瓜半肥瘦豚肉加蛋炒成半熟蛋片狀 將佢地層層疊疊 食嘅時候一片一片咁 入口清爽 味道微甘-🦪清酒煮蜆酒精全部揮發晒 湯頭味道清甜 花甲肥嘟嘟 最啱一邊吹水💦一邊食-🥘海膽濃湯松葉蟹稻庭烏冬海膽濃湯直頭係流質狀態嘅膏 濃郁爆炸💣 加埋松葉蟹 勁邪惡😈😈 如果有痛風 食佢之前要三思😱-📍沃川自家料理尖沙咀麼地道75號南洋中心UG層5至8號舖

香港人都真的很喜愛食日本野，因一間居酒屋已有齊多款日式料理：時令刺身、天婦羅、炸物、一品料理、燒物等，而有埋傳統裝潢設計的「沃川自家料理」更是不可錯過。花生豆腐豆腐中加入了花生香味，濃厚而柔軟，感覺清新開胃。刺身拼盤再來點了幾款刺身：鯛魚卷加上點點柚子，口感清新；烏賊煙韌甘甜，還有三文魚籽添鮮；白子綿密豐厚；最後還有時令活蠔鮮甜爽口。炸海蝦寶寶 海蝦口感香脆，而不會太油膩，作為前菜/送酒菜對一流。串燒居酒屋點可以不嚐串燒：牛舌軟腍爽口，豬腩肉油脂豐富，蕃菇豚肉細膩更多了一份鮮甜，免治雞肉輕點蛋汁口感豐富，入口後有一定的嚼勁，串串各具特色。海鮮天扶良一份天婦羅已有；海中蝦、沙錐魚、茄子、廣島蠔、鮮帆立貝夾海膽，其外層炸得非常薄身，內裡仍保持其味道，烹調一流。

真心推介尖東呢間隱世日式居酒屋✌🏻⭐蟹子沙律$58- 師傅手切嘅蘿白絲，非常脆口⭐瀨尿蝦干$78- 比較濃嘅海水味，咸香味重🍤海鮮天婦羅拼盤 $298- 材料十足，有廣島蠔-兩隻 鮮帆立貝夾海膽-兩件 ，海中蝦-兩隻，沙錐魚-兩條 蔬菜-兩件🍢串燒系列雞腎串$32、雞股$32、同雞胸軟骨串$32、一口番薯串$22、荔枝豚肉卷$28、鴨心串$32- 串燒每串都燒得啱啱好，仲有肉汁吾乾身，而且味道調得好好🍜濃湯蝦烏冬$148- 湯底真係好濃郁，忍吾住飲多兩啖🍣廚師發辦刺身$500有鯛魚白子、 帆立貝海膽卷、 甲烏賊 、池魚薄切 同牡丹蝦- 全部刺身都好鮮味，夠晒新鮮整體餐廳食物質素非常好，食得出廚師嘅用心製作，而且服務態度都吾錯，喺一間好窩心嘅日式小店👍

刺身🤩👍👍👍刺身選擇豐富，我哋緊係叫師傅發辦好似omakase咁，可以試到多啲少見嘅時令刺身。適逢春夏交替有只當造2星期嘅螢光魷魚、鯛魚白子、池魚薄切、日本生蠔同牡丹蝦，全部都令我印象深刻，佢哋嘅刺身好新鮮，質素非常出色。尤其係螢光魷魚，彈牙得嚟爆汁，又唔會似漬過個種太咸，食得出鮮味。鯛魚白子就係我呢季必點嘅時令刺身之一，師傅處理上面完全體現出功力，一般餐廳食到好易有腥味，但呢度嘅白子完全係0腥味又creamy，真係好想再食多一份，實在太太太正！池魚薄切配上柚子醋完全恰到好處，魚味鮮甜，點汁食更搭，係清新輕盈嘅口感。日本生蠔清爽略帶點礦物味，果然日本生蠔名不虛傳，細膩而純粹嘅味道突出鮮味。牡丹蝦從蝦頭膏位已睇得出非常新鮮，肉質軟綿得嚟仲十分鮮甜，一食就知來貨極新鮮。燒蝦姑干蝦姑干即係賴尿蝦，蝦干燒完後散發出濃郁香氣，同香脆口感相輔相成，係一道好好嘅前菜小食。炸豬肉餃子外皮炸至金黃十分酥脆，內裡嘅豬肉餡料鮮嫩多汁，絕對係一道令人滿足嘅小食選擇。粟米天扶良+沙追魚天扶良天扶良相等於天富羅，粟米清嫩。沙追魚鮮美肉嫩，同天富羅炸粉融合喺一起，配上自家嘅咖哩鹽，呢個配搭真係幾特別，食落都好夾。田