沾仔記麵食

营业中

休息中

一直都想試傳統麵，特別係蝦籽撈麵，今次特別行過嚟食完先去行街。⭐️三拼（鮮蝦雲吞、鮮鯪魚球、新鮮牛肉）配蝦籽撈麵因為太貪心想一次過試晒三款食物，所以叫了三拼-鮮蝦雲吞、鮮鯪魚球、新鮮牛肉。雲吞包得好大個，入面嘅蝦都好大好彈牙，調味剛剛好。鯪魚球好鮮魚味，而且都係大大個。牛肉口感則超級嫩滑，應該有特別處理。另外，我轉了要食蝦籽撈麵，勁多蝦籽係面，麵條彈牙有嚼勁，唔會好乾身，好正。⭐️韭菜花⭐️低糖豆漿豆漿香濃順口，唔錯。

講開食麵，食出名既麵食😋佐敦超老字號麵食店———沾仔記🍜係我至愛啦😋呢度主打幾款招牌款式：鮮蝦雲吞鮮鯪魚球新鮮牛肉真的主打一個新鮮👍🏻🤤主食仲可以單拼雙拼三拚，我咁胃食當然選擇三拚啦😋全部要食啊🤤三拚都只係$47，好抵啊🤤可以選擇麵底，我就揀正常湯麵，大大碗，好吸引，新蝦雲吞裡面有4-5 隻蝦而且超彈牙，鯪魚球都超級大粒彈牙，真係未試過其他地方食咁大粒，真係超有水準，仲有鮮牛肉也是嫩口好食😋另外小食：時令油菜，好特別，有韭菜花，又係好少有，超嫩的好好吃🤤鍾意食脆口既 甜酸炸雲吞也是必食之選，甜甜酸酸好開胃架😋

呢間雲吞麵已經有好多年歷史，裝修環境都好有情懷，地道嘅港式口味👍🏻，一向都好多街坊支持！菜式選擇唔算多，麵食配菜都係三樣嘢：鮮蝦雲吞、鯪魚球同騸牯鮮牛肉，💰$35就有大大碗雲吞麵，另外可以加多碟小食，性價比極高🤩！------------------------------🥠◖雲吞鯪魚球麵◗ $41兩拼麵食都係加$6，有兩大粒雲吞，內餡超多蝦肉；鯪魚球成個拳頭咁大個，鯪魚肉味濃又彈牙！🐂◖騸牯牛蠔油撈粗◗ $41牛肉估唔到份量都唔少，仲要搭多兩條生菜！蠔油撈埋啲粗麵，口感爽身，鹼水味夠濃，幾鍾意！🧆◖蜆蚧鯪魚球（5粒）◗ $45見着店家現成不啲鯪魚肉出嚟炸，油溫火候都控制得啱啱好，外皮微煙靭，🧆◖甜酸炸雲吞（3粒）◗ $30炸雲吞香脆，食落唔會有油膩感，可以點上佢哋個酸甜醬汁，好香口！🥬◖時令油菜◗ $26呢度嘅油菜幾特別，有韭菜花，韭菜花切成段加上蠔油，幾鮮嫩清爽！🥛◖低糖豆漿◗ $8🥤◖無糖可樂◗ $8🌟 Encore指數：8.8/10

堂食吃了$53的一碗淨雲吞加通菜，在等候的時候，登覺廳面有一股較難聞😷的氣味，淨雲吞有4粒，比較10年前的雲吞較細小，通菜份量一般，吃完走去收銀位付款，一名年輕的女服務，詢問以何方式付款，告知以八達通付款，該女服務員用微信支付寶的平台機給我拍咭結帳，但沒有告知應該付多少！在拍咭付款後，離開店舖前感覺不妥，不知道對方收了我多少錢，便用手機查看八达通付款資料，得悉被收取了$55元，但計算後應該付款 $53（淨云吞$35+通菜$18), 便立即轉身查問該女服務員，她竟說 以為我賣外賣，當時我離座付款後，我用過的碗筷匙羹仍在桌面，何來「以為外賣」的說法呢？服務員的態度，看樣子似是還不太情願退回多的$2元，而且沒有任何的歉意的說對不起，是否錯收，只她本人才知道！！ 因此，溫馨提示各位客人日后在此類店舖光顧，买單時必須要看清楚付款記錄！😡😡

懷舊傳統細蓉麵🌸三拼湯麵+蝦籽🌟🌟🌟🌟🌟鮮牛肉嫩滑牛味重；鯪魚球大大粒，超彈牙重鯪魚味；雲吞大大粒，好Juice而且粒粒蝦肉。湯麵係傳統鹼水麵，麵質煙靭。由於蝦籽容易沈底關系，朋友連湯都飲清光。🌸三拼轉蝦籽撈粗麵🌟🌟🌟🌟🌟蝦籽份量十足，每一條粗麵都沾滿蝦籽，粗麵有種爽口既感覺，份量十足。三拼連湯另上…同樣份量十足呀！🌸韮菜花🌟🌟🌟🌟🌟好少鋪頭有韮菜花食，超嫩超新鮮呀！🌸酥炸雲吞（5粒）🌟🌟🌟🌟🌟酥炸雲吞即叫即炸，完全唔油膩，脆卜卜，同時要小心燙口呀！炸完既雲吞同樣超juice，謹記小心食用呀！再掂埋酸甜醬真係絕配。🌸低糖豆漿🌟🌟🌟🌟🌟🌸烏龍茶🌟🌟🌟🌟🌟最後溫馨提示：店家在晚上7時15分就會收爐，如果想去食記住要早點啦！======詳情======沾仔記麵食 (佐敦)佐敦廟街300號地舖================

今日去咗位於佐敦嘅「沾仔記麵食」…店舖不大…我大約2:00pm到…人也不少⋯⋯幸好剛剛有客離開.. 所以不用等位🤭⋯⋯先來一個3拼…加$12轉咗蝦籽撈麵….3拼有齊鮮蝦雲吞，鮮鯪魚球和新鮮牛肉…鮮鯪魚球好大粒好鮮甜😂鮮蝦雲吞大概有兩隻半蝦，而且蝦嘅肉質好爽口👍👍至於新鮮牛肉.. 都好好食…炸鯪魚球$30有三大粒跟埋個醬汁好好味😋😋炸雲吞也不錯👍郊外油菜$18好大碟份量真係好足好抵食。🤭🤭

上次出開去佐敦做野， 無意中發現d 間麵舖幾好食， 有驚喜， 今日尊登過去encore .鯪魚球， 牛肉， 雲吞麵（ 三拼）：必叫， 識叫記得轉蝦籽撈麵， 牛肉新鮮， 淋身， 鯪魚球大大粒， 啖啖肉， 雲吞入面隻蝦大仔彈牙，足料， 食完啲碗麵已經超滿足，好豐富蜆介鯪魚球： 有大同小之分， 小有3 粒， 大有5 粒， 基本上台台都有叫， 即炸， 上碟熱辣辣， 粒粒都好大粒， －個人食建議叫份細都夠， 如果2 人或以上就叫大， 炸得剛剛好， 外脆內軟， 推介😍😍🥲油菜： 菜心，算大碟同新鮮低糖豆漿： 微甜， 豆漿味濃， 個人幾鍾意

沾仔記麵食佐敦廟街300號地舖經開佐敦，老友想食撈麵，推介廟街的沾仔記，好地道，有驚喜。😋蝦子撈麵三拼黎到梗係食盡佢，識食一定叫三拼，配料處理得恰到好處，有鮮蝦雲吞、鮮鯪魚球和新鮮牛肉。蝦肉新鮮爽口彈牙，皮薄餡靚。鯪魚球份量十足好咬口，牛肉肉汁豐富，口感煙韌。湯底清甜冇味精，面層加了蝦子和韭黃提升層次，好味道！必食！🤤甜酸炸雲吞即叫即炸，炸油新鮮，外層香脆，內層鮮蝦鮮味十足，爽口彈牙，加埋甜酸醬汁，好惹味 ，推薦！😍蠔油生菜 纖維豐富，新鮮爽口，加埋蠔油好開胃，記得趁熱食。😸支裝可口可樂同玉泉忌廉，夠氣夠凍，飲完好舒暢。😄沾仔記麵食 食材新鮮冇味精，侍應服務態度好，夠地道，還會再來。🤘🏻😎

✅沾仔記麵食每個星期都會去佐敦上堂 所以不斷發掘佐敦嘅餐廳😆今次就食到間抵食又好味嘅粉麵店！呢到唔似平時食嘅潮式粉麵店咁 有好多唔同嘅餸揀呢到主打鮮蝦雲吞 鮮鯪魚球 同新鮮牛肉可以揀單拼 雙拼 甚至係三拼粉麵！除咗粉麵仲有得單點油菜同小食！認真好多配搭！🔆雙拼湯麵 $41雙拼粉麵要咗雲吞同鯪魚球 雲呑皮好薄身 餡料一啲都唔少㗎 食到好幾隻蝦！好爽！👍🏻鯪魚球唔腥而且好彈牙！食湯麵嘅靈魂就係湯底 呢到嘅湯底冇味精係好濃嘅大地魚湯❤️ 配幼麵食就啱啱好吸哂啲湯汁啦！🔆雙拼蝦籽撈麵 $53我都係叫咗雲吞同鯪魚球雙拼麵類加咗$12轉蝦籽撈麵 因為叫咗撈麵 所以啲餸係另外分開上的各有兩大粒雲吞同鯪魚球 撈麵成碗都係蝦籽 呢到用咗全蛋竹昇麵 所以食落好爽口！撈勻後加少少自家製嘅辣椒油就啱哂啦😎🔆甜酸炸雲吞 (3粒) $30見到個小食真係忍唔住叫哂兩款每款小食都可以揀3粒 ($30) 或者 5粒 ($45)我哋少少哋就叫咗每款3粒炸雲吞真係即叫即炸 一上枱係熱辣辣出煙㗎🤣炸雲吞食法又唔同湯喎 個外皮好脆口 一啲都唔會好韌好難咬入面都係咁多餡料㗎！好多蝦😀配埋酸甜醬食 酸酸甜甜好開胃！🔆蜆蚧鯪魚球 (

下午茶時間又到啦，最好就係嘆碗鮮蝦雲吞麵。去開佐敦就揀咗沾仔記，係門口見到有好多米芝蓮推介，即刻入去試一試先。餐牌內有湯麵、撈麵、油菜、小食、飲品、外賣生料等，款款吸引。三拼  (+$12 轉蝦籽撈麵 )   $59依碗係轉左蝦籽撈麵，蝦籽鮮味十足，鹹鹹香香，每條麵都沾滿蝦籽，麵條有韌性夠彈牙，完全無鹼水味，食起嚟好順滑，充滿麵香。大大粒鮮蝦雲吞，皮薄餡靚，裡面全部都係蝦，蝦肉好新鮮爽口。牛肉係選用優質，牛肉煮到啱啱熟，入口新鮮嫩滑，牛味香濃。鯪魚球都好大件，爽口鮮味，食落口感軟綿綿。另外三拼連埋高湯，湯底用咗豬骨、蝦籽、大地魚乾等材料熬煮嘅上湯，味道非常清甜。單拼 (+$12 轉蝦籽撈麵)   $47   另一碗都係轉蝦籽撈麵，麵條幼身，有蛋香味，口感煙韌彈牙，與蝦籽拌勻一齊食，口裏嘅鹹鮮味散發出來，主食點左牛肉，嫩滑有咬口，係新鮮牛肉，牛味香濃，撈麵嘅湯底係分開，湯用左多種材料熬製而成，飮落味道好鮮甜。淨鮮蝦雲呑    $35      剛剛食完粒雲吞覺得好味，立即加單點碗淨鮮蝦雲吞。鮮蝦雲吞皮薄餡多，入面起碼有3隻大蝦，份量十足，蝦肉彈牙，食起嚟好爽脆，湯底清甜順口。時令油菜  

眾所皆知，沾仔記雲吞麵名氣近日爆燈！來佐敦吃實在是明智之舉，坐得舒適，又不會太廹，重點是不用排長長人龍。來一碗大雲吞鮮牛肉雙拼撈蝦子麵，牛肉手切鮮嫩，質素高，有肉汁，醃料味道香而自然。雲吞碩大，餡多爽彈，蝦肉完整一咬而見，還可以外賣生料回家烹煮。雲吞湯頭味道濃郁，配有韭黃。蝦子撈麵乃係佳品，帶有微微鮮甜味，蛋麵條條分明，爽口，掛滿蝦子，令人一口接一口的美味。香煎蜆蚧鯪魚球真是非一般的好吃，表面金黃，魚肉彈牙，以青蔥陳皮調味，蘸上咸香的蜆蚧，香港風味小吃的味道。最後吃點時蔬：腐乳通菜，也是新鮮，腐乳濃稠適中。天時暑熱，喝一口冰凍低糖豆漿，冰箱拿出來真的有雪岀沙冰，外帶也適合，香滑且豆香岀色，有驚喜！

當天下午到訪都坐滿了人 看得出人氣十足環境很有港式風味麵店配料只有雲吞 鮮鯪魚球及新鮮牛肉3樣都新鮮足料 性價比很高⍢3拼（轉蝦籽撈麵+$12）$59鮮蝦雲吞皮薄餡靚 蝦肉非常彈牙鮮鯪魚球同樣新鮮彈牙 牛肉口感嫩滑而蝦籽撈麵麵質較為乾身入口很香又有咬口 真的很久沒吃到正宗的蝦籽撈麵 滋味！3拼麵 $47配料如前者同樣 但選擇了湯麵同樣是全蛋竹昇麵 亦沒有鹼水味 正～炸雲吞（3粒） $30外皮炸得金黃香脆 與湯雲呑同樣足料蘸上甜酸醬份外惹味炸鯪魚球（3粒）$30鯪魚球很大粒 外皮金黃香口但內裏魚肉很嫩滑 可蘸上蜆介汁吃郊外油菜 $18有幾種菜可以選擇這次叫了生菜 爽口鮮甜 配有蠔油低糖豆漿$8樽裝可樂 $8所有飲料都是$8 低糖豆漿不甜 推介～⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐📍沾仔記麵食佐敦廟街300號地舖

沾仔記開業多年，主打雲吞麵，有多間分店，今日黎左佐敦分店食😆呢到嘅雲吞同鮮鯪魚球超大粒，成粒乒乓波咁大，雲吞皮薄餡靚，包大好多爽口彈牙嘅蝦肉同豬肉，鮮味十足☺️自家製鯪魚球有好香嘅鯪魚肉味，入口彈牙，牛肉都好軟腍，所以想試晒呢三寶就要叫碗三併麵，價錢仲要好經濟，$47三併😍另外，個湯底好鮮甜，用左豬骨、大地魚等熬煮而成。想轉蝦籽撈麵都係加12蚊，加左蝦籽食落幾有口感😝甜酸炸雲吞都唔錯，一樣係大大粒，但炸到個皮超脆，鐘意食脆口嘅可以叫黎試下，一樣咁足料！油菜都幾翠綠，佢地個蠔油唔會太咸。

香港好多良心小店都用心經營，今天和朋友去光顧的佐敦廟街沾仔記麵食有特色，出品經濟實惠，值得支持。朋友最喜歡蠔油蝦子三拼撈麵。撈蛋麵爽脆彈牙，加埋蝦子更惹味出色，生菜爽甜。上湯三寶都好食，先飲幾口充滿大地魚味的上湯，再享受大大粒，飽滿足料的鮮蝦雲吞，有肉味的牛肉片和真材實料的鯪魚球，大滿足!下午二時後才有供應的蜆介鯪魚球和甜酸炸雲吞也不可錯過。炸鯪魚球又香又彈牙，可口。炸雲吞皮香脆有蛋味，餡料足，點埋自家製甜酸汁味道更佳。韮菜花新鮮淋甜，美味。低糖豆醬豆香濃，口感滑，正。兩個人吃飽又滿足，人均消費$80左右，抵食。朋友走時買了火鍋配料鮮蝦雲吞，鮮鯪魚肉和鮮牛肉回家孝敬媽媽。

香港老字號粉麵店，一定要試下呢間聞名已久的沾仔記麵食🍜來到佐敦分店，雖然麻雀雖小 五臟俱全，環境還帶有中國古典風格，呢度出名既主打美食款式不多，此乃貴精不貴多。今次我就點左秘制蝦籽撈麵，雙拼鮮蝦雲吞同鮮鯪魚球，麵同雲吞鯪魚球分開上，可以邊食撈麵，邊飲雲吞熱湯，又可以當沾麵咁食，雲吞大大粒裡面有4-5 顆蝦仁，真係超足料，鯪魚球也是大大顆好彈牙，令人食得好開心😀另外小食：1. 甜酸炸雲吞 $30（3 粒）2. 蜆蚧鯪魚球 $30 （3 粒）又係大大粒只是做法不一樣，但味道一樣咁好食🤤仲有點左時令油菜就點了 韭菜花$26 唔係度度都有得食而且好鮮嫩😋