沾仔記麵食

营业中

休息中

黎香港必食其中之一一定係雲呑麵，最出名正宗一定係沾仔記，價錢唔貴，而且用料新鮮今次同黎香港旅遊既國外朋友吃，別有一番風味，現場落住大雨但都一樣咁多遊客慕名而來呢度memu好簡單，就係單餸兩餸定三餸，第一次都建議直接三餸，完全係0後悔的選擇我就揀左三餸米粉，食落都幾特別，餸分別係雲呑、牛肉同埋鯪魚球，三樣都出色到爆雲呑皮薄而鮮蝦超級彈牙，不得了，口感同味道都非常出色鯪魚球勁香口，無骨，勁大的一球，共有2粒，份量完全夠食，不過最重要都係口感一絕，完全係可以為左呢個回頭再吃！！！

我和好友去行寶靈街，順道去位於佐敦廟街300號地舖的沾仔記麵食開餐，環境舒適，坐得舒服。我點左個三拼（雲吞、牛肉及鯪魚球）湯麵 $47，好友話唔肚餓，淨係要小食，小食係蜆蚧鯪魚球（5個）$45，甜酸炸雲吞（5個）$45，郊外油菜（生菜）$18。三拼湯麵賣相不錯，雲吞好大粒，蝦肉彈牙，鯪魚球大大粒又好好食，鮮牛肉嫩滑又牛味濃郁，麵底煙韌爽口；蜆蚧鯪魚球炸得皮脆肉嫩，十分香口；炸雲吞亦係即叫即炸，脆卜卜又好好味；生菜青綠好鮮甜。

呢間位於佐敦既雲呑麵，都已經好耐歷史，而且都出名好味，作為香港人既我反而係第一次食雲呑鯪魚球牛肉撈麵，呢個仲附上個湯，據上網說法係可以濕一濕個乾撈，我就咁飲都幾鮮麵質中間硬度，怕硬既建議湯麵，會淋身啲雲呑超水準，大而好味，粒蝦都好大粒，而且好香口彈牙牛肉勁嫩，牛香味重，份量都唔少，而且個味道同湯底夾，不會太濃味，而鯪魚球都係高水平之作，第一次食嗌哂三樣冇得輸加錢可用有油菜食，仲可以揀唔同既菜飲品健康之選

#MC帶你去佐敦.雲吞麵檔喺香港大街小巷都見蹤影，但間間出品都可以不一樣，雲吞有大有小，湯底有濃有淡，麵質更可以天差地遠。➖✨ 沾仔記麵食.「沾仔記」由地攤起家，已有六十多年歷史，麵店於多區都有分店，其中位於中環威靈頓街嘅分店，更多年獲得米芝蓮必比登推薦；餐廳裝潢簡潔但好有香港情懷。➖🥢 三拼湯麵｜$47.跟足傳統製法，湯底用上豬骨、大地魚、羅漢果等熬製，味道甘香鮮甜，加上韭黃嘅清香，入口順喉，清而不膩！鮮蝦雲吞飽滿鮮甜，蝦仁與肥豬肉比例剛剛好；鮮鯪魚球肉味鮮甜，口感彈牙爽口；鮮牛肉片粉嫩滑口，牛味濃郁。➖🥢 三拼轉蝦籽撈麵｜$47+$12.竹昇麵質感柔軟而且彈牙爽口，有蛋香味，完全無鹼水味，加上沾滿了蝦籽，鹹鮮惹味！➖🥢 時令油菜（韮菜花／豆苗）｜$26.簡單灼熟韮菜花，口感鮮嫩爽脆，完全無渣！➖🥢 玉泉忌廉｜$8.經典嘅玻璃樽裝汽水買少見少，唔係太多食店有提供，仲要唔洗$10元就有得飲！好抵！➖🥢 低糖豆漿｜$8.➖➖➖➖➖➖➖➖➖➖➖➖➖➖⭐整體︰7.5/10⭐食物︰7.5/10⭐環境︰7.0/10⭐價錢︰8.0/10🟰🟰🟰🟰🟰🟰🟰🟰🟰🟰🟰🟰🟰🟰🌐 沾仔記麵食地址：佐敦廟街300

朋友介紹沾仔記麵食嘅蝦籽撈麵好食，咁啱阿妹話約我食飯，又要我諗食乜，就突然醒起你，即刻帶阿妹去佐敦先⭐️淨雲吞雲吞大大粒，皮薄餡靚，驟眼望埋去有成4隻蝦喺入面，d蝦仲好彈牙添呀，正😋⭐️秘制蝦籽撈麵蝦籽好香，麵質好食，另外有碗湯跟埋，可以撈，朋友冇介紹錯👍⭐️甜酸炸雲吞炸到脆卜卜，食落唔會成口油，雲吞入面有好多蝦，跟埋甜酸醬好食🤤⭐️蜆蚧鯪魚球鯪魚球好足料，好彈牙，就咁食就已經好好食，跟埋個蜆蚧就更鮮味，正呀😋

今日星期五，收工想食地道美食，剛好人又係佐敦，所以就決定去沾仔記麵食，呢間餐廳屬於懷舊風，一路食一路有滿滿嘅童年回憶，講到咁，野食當然高質好食啦！我不嬲都勁鍾意食鯪魚球，而呢間正正有超多鯪魚球，首先我要咗個雲吞牛肉鯪魚肉河，湯底好清，牛肉係用咗鮮牛肉，雲吞超大隻，蝦肉好紮實，而重點就係鯪魚肉超級無敵大粒，雖然只得兩粒，但係真材實料，超級結實。朋友就要咗碗雲吞牛肉鯪魚肉麵，佢都話好好食，當然啦，嚟得呢啲地方梗係要加一碟油菜㗎啦，啲菜好新鮮，加埋蠔油真係有屋企嘅味道。其實本身已經好飽，但係走之前都要叫多一樣蜆蚧鯪魚肉，呢隻係有炸過嘅，點埋蜆蚧又係另一番風味。

《沾仔記麵食》年逾六十年歷史，傳統老字號沾仔記雲吞麵店深受本地人及遊客歡迎的雲吞麵店已經好多年無食過沾仔記，咁岩有日經過佐敦發現了這間剛搬了舖位的沾仔記，加上之前睇到super junior 圭賢食過之後令我都好想食🤣剛好未到高峰用膳時間，店內未算好多人，於是就決定入和食碗“細蓉”我估大部份人都會點佢個“三寶”麵，有鮮蝦雲吞、鮮鯪魚球和新鮮牛肉，鮮蝦雲吞大大粒，入面有原隻鮮蝦，大過乒乓波嘅鯪魚球，厚身鮮嫩嘅鮮牛肉，配上爽口彈牙嘅竹昇麵好好味，再飲啖鮮甜嘅大地魚熬煮嘅湯頭倍加滋味。另外乾撈蝦籽撈麵，甘香又美味，蝦籽有提鮮作用，相對湯麵版，撈麵更爽口。另外點了炸蜆蚧鯪魚球，肉質更彈更juicy，食落更香口。白灼韭菜花自帶甜味，點少少蠔油更鮮。三寶麵 ($47)三寶拼秘製蝦籽撈麵 ($47+$12+$6加蟹籽)韭菜花 ($26)蜆蚧鯪魚球 ($30/3粒)

🍜 **沾仔記麵食 Jim Chai Kee Noodle**我今天在佐敦的沾仔記嘗試了他們的三拼（+$12 轉蝦籽撈麵），價格只需$59。這碗轉蝦籽撈麵的蝦籽鮮味十足，鹹香四溢，每條麵上都沾滿了蝦籽，口感滑順又有韌性，完全沒有鹼水味，吃起來格外順滑，香氣逼人。🍤裡面的大粒鮮蝦雲吞，皮薄餡靚，全部都是新鮮蝦肉，口感爽口，讓人一口接一口。牛肉選用上等部位，煮到剛剛好，入口時新鮮嫩滑，牛味香濃，令人陶醉。🥩鯪魚球也相當大件，鮮味十足，口感軟綿，讓人一試成主顧。✨此外，三拼還附有高湯，湯底使用了豬骨、蝦籽和大地魚乾等材料熬煮而成，味道清甜，令整碗麵的風味更加升華。這樣的搭配，讓人感受到真正的美味！👍**沾仔記麵食 Jim Chai Kee Noodle** 位於佐敦廟街300號地舖

小店位於佐敦廟街，主打多款傳統麵食，平民價錢，足料又飽肚。店內環境唔大，預咗要搭枱，但座位之間有適當距離而且都幾乾淨，留意返7:15 last order，想食嘅記得要早啲去。食物款式唔多，主要配菜為雲吞、鯪魚球同新鮮牛肉，然後再揀麵類。單/雙/三拼，每樣加$6，轉蠔油撈麵、蟹籽撈麵嗰啲就要再額外加錢。唔想要配料亦可以淨係揀麵食或者小食。雲吞皮超薄身，入邊有成三至四粒爽口彈牙嘅蝦，調味啱啱好，唔使額外點醬都可以。鯪魚球大大粒，真材實料冇得彈、牛肉份量唔少，牛味突出，但因為厚切所以唔算超級滑。麵食要咗幼麵、粗麵同河粉，放咗一段時間都唔會變硬身，但係會索湯所以都係建議快食。幼麵吸滿湯汁、粗麵帶點咬口，個人幾喜歡、河粉滑嘟嘟，唔夠飽嘅可以加底，另外加埋醋、豉油、胡椒粉可改變口味，食落冇咁單調。

今日去開九龍公園玩，玩到好熱又有D肚餓，唔想食飯就醒起附近既沾仔記，已經唔係第一次了幫襯了，所以一黎就叫叫上次食過既😍。雙拼/三拼麵+轉蝦籽撈麵🍜蝦籽勁多，轉撈麵就更加食到粒粒分明🤩，每一啖都好脆口好過癮👍。不過始終都係鹼水麵，加醋同加湯汁一齊食就去到陣味，就更加爽😝。另外佢地既雲吞大大粒，中間既蝦肉又彈牙😆，好有舊時食雲吞麵既感覺。而鯪魚球彈牙無骨有鮮味，牛肉同樣有驚喜地又滑又有肉味。餸黎講合格有餘💯。仲要特別提大家用佢地既秘製辣椒油就更加惹味😋。最後我地當然都叫左即炸蜆蚧鯪魚球，鯪魚球佢地即炸，夠哂香口🤯。食個陣小心熱，因為係即炸既關係，好辣口🤣。黃金既炸物，基本上每次黎都必點😍。係舊式既麵舖要有D創新又唔好偏離傳統既味道，我覺得呢間都做到點樣去吸引人，剩係個蝦籽撈麵已經夠哂打卡📷，而且味道同價錢都係合格同合理，一定會再次去幫襯🤓。@沾仔記地址：佐敦廟街300號地舖#佐敦美食#雲吞麵#蝦籽撈麵#沾仔記

嗰日經過佐敦，就過嚟食碗雲吞麵，原來呢條街都好多好嘢食。今日揀咗非常老嘅字號沾仔記，呢度嘅主打非常簡單，重點係三樣餸，雲吞，牛肉同埋鯪魚球，簡單直接✅️蝦子牛肉雲吞雙拼撈粗麵 牛肉係用咗本地嘅新鮮牛肉，所以非常之軟腍，而且充滿牛肉味，雲吞皮薄而餡料豐富，誇張啲講句裏面嘅蝦嘅份量好似打卡火鍋店嘅蝦球一樣。搭配撈麵，麵條Q彈，吸附了醬汁的鮮味，整體口感層次豐富。而且粗麵冇乜鹼水味值得一讚，蝦子的鮮甜與牛肉的香味相互輝映✨️蜆介鯪魚球魚球外層金黃酥脆，內裡鮮嫩多汁。蜆的海味和鯪魚的鮮香相得益彰，搭配特製的醬汁，讓每一口都充滿驚喜，是一道十分受歡迎的小吃。腐乳通菜搭配香濃的腐乳，味道獨特。通菜保持了爽脆的口感，而腐乳的香味則為整道菜增添了深度，簡單卻充滿家常味

今日真係幸運，食到沾仔記嘅大大粒雲吞！啲雲吞咁大粒，飽滿嘅餡料真係令人嘆為觀止。搭配埋忌廉Schweppes，真係一個絕配！清新嘅忌廉口味同滋味濃郁嘅雲吞，應該係一個出色嘅組合。夏天，飲返杯忌廉Schweppes，係一個好好嘅選擇！清涼解渴，令人心情愉悅。沾仔記嘅大大粒雲吞，真係值得推薦！唔知你覺得個忌廉Schweppes點呢？係咪令你感到清新舒爽？食完咁啱嘅組合，相信今日嘅用餐體驗一定好滿足！Enjoy啦！

今次嚟左沾仔記麵食，未入到門口都見到有好多街坊街里喺入邊幫襯，一個平平無奇嘅店，估唔到居然內藏驚喜！舖頭主打新鮮牛肉，大大粒鮮蝦雲吞同埋蜆蚧鯪魚球💕我想講三樣都係必試！我今次就叫咗蝦子撈麵配鮮牛肉鮮蝦雲吞雙拼。價錢非常抵，雲吞係之前從來都冇食過咁大粒！非常非常非常足料🤤重要嘅嘢要講三次,平均一粒雲吞入邊有三至四隻蝦仔！另外叫咗個蜆蚧鯪魚球，鯪魚球非常鮮味！完全冇其他魚嘅怪味，同埋鯪魚球都係非常大粒！呢間鋪真係非常足料！舖頭嘅小姐姐哥哥們服務態度都好好，唯一大家要留意嘅係舖頭8:00就關門，last order 7:15🤧所以想試個朋友唔好太晏去喇！

今日忽然很想吃雲吞麵，於是便前往佐敦附近的一家沾仔記麵食。這家餐廳主要出售雲吞鯪魚肉和牛肉麵以及港式粉麵，我個人特別喜歡它們的幼麵，非常有彈牙，口感極佳。他們的雲吞更是大顆肉多，而且鯪魚肉也是大塊的，必須分幾口才能完全品嚐。除了一般的粉麵之外，他們還可以加蝦子。他們最新推出的秘製蝦子撈麵更是美味，一口麵一口蝦子，非常正宗。而且價格也很合理，只是40多港元。我們還點了他們的時令油菜，加了份生菜。至於飲品，不論是汽水、豆漿還是烏龍茶都有多種選擇。

🔹️朋友仔回港✈️ 當然要帶她去食啲地道嘢啦😁 我們去了佐敦 “沾仔記” 食麵麵 🍜 店舖以傳統裝修, 食物有水準😋怪不得那麽多遊客光顧👬🧑‍🤝‍🧑 店員友善🧑‍💼👩🏻‍💼 價錢親民💰🔸️招牌三拼🍲三拼以雲吞、牛肉和鯪魚球配米粉, 雲吞大大粒, 內裡有爽口彈牙蝦蝦, 牛肉軟嫩腍身, 充滿牛肉香, 鯪魚球鮮香Q彈, 米粉幼滑😋🔸️秘製蝦子麵🍜撈麵爽口, 配上香噴噴韮黃湯撈, 麵上佈滿秘製蝦子, 味道鮮香惹味👍🔸️油菜🥬點了菜心和韮菜花🌾 菜心鮮嫩清甜、韮菜花脆嫩爽口🤤🔸️飲品低糖豆漿🥛咖啡☕️豆漿冰凍、解渴、低糖份👍咖啡香濃夠提神🤩