泓一拉麵

营业中

休息中

呢一間係朋友話一齊食嘅店面，間鋪得六個位，開6點，就算6:00去到都要排差唔多一個鐘頭🥹食完之後我就覺得，如果唔使排隊可以食，如果要排超過半個鐘嘅話就可以唔使食了～雞白湯拉麵係招牌，湯底上都會見到白色湯面同起泡，但入面同個底係淡黃色雞湯～ 第一啖湯底都幾濃郁，但係食到最後又好似冇乜特別感覺。面用咗有麥香嘅拉麵🍜但係個人就嫌口感一般，麵質太幼，我鍾意比較粗身同硬啲嘅口感，雞胸肉好食幾香，叉燒方面就太薄冇乜口感，反而個雞蛋用紅心，睇蛋黃一流開濃郁嘅蛋香味，雞蛋就十分之出色啦！🫶🏻整體嚟講差唔多$100一碗嘅價錢，我覺得座銀比較出色，同埋呢度實在坐得唔太舒服，一路坐低隻腳都未掂到地下，覺得有少少辛苦

一直想試泓一拉麵, 知道好出名, 行出黃埔站A出口都好多餐廳, 中西日韓泰都有唔少選擇, 但冇一間好似泓一咁出名排成十幾人。我諗有２個原因: 入面得７—８個位， 門面唔大所以要排得耐，我地２位６：３３排到８：１５先入到去喺門口打吓機睇吓片，少少凍都唔覺等好耐嘅～一坐低就叫一個醬油拉麵（辣醬油拉麵賣曬)，雞白湯拉麵，煎餃子醬油拉麵好好味,個湯好清澈, 好好飲係忍唔住會飲多幾啖, 同麵好夾, 麵係幼麵嚟本身冇乜味落去醬油湯好夾~我食曬成個麵連湯飲到見底, 高度推薦!招牌雞白湯反而唔係好合我口味, 個湯係好濃郁,但可能因為係雞唔能夠太咸或再濃味, 對比醬油湯底有啲失色~但以雞湯嚟都好唔錯~煎餃又係唔岩我口味, 食得出餡料新鮮,皮薄, 但係完全唔香脆溏心蛋又係有D失望,我果碗醬油湯嘅蛋過熟唔流心, 雞白湯底隻蛋就岩岩好~Total $220價錢好合理, 呢間小店得兩個人一腳踢做曬廚師,收銀,侍應, 真係好忙~以排成2個鐘嚟講, 雖然好好味但我只會食一次, 食過就夠~ 會推薦比朋友閒日時間去食~

估唔到好多人推薦同排隊嘅拉麵都幾伏，可能個人口味唔同啦🥲1pm去到，好彩有人幫手排隊，去到5分鐘內就有得食〰️可能落雨，TOTAL應該都只係排15-20分鐘，如果再耐就唔值得排😉雞白湯拉麵 💰98份量好細，食埋餃子5隻都唔夠飽🤦🏻‍♀️個肉唔係好食到會想再食嗰種💬湯底唔啱我口味，有啲澀同酸味，飲第一啖有啲難頂。而且唔係好覺重雞味，最尾都無飲哂(通常好食嘅我會飲)😶‍🌫️洋蔥好多，麵太淋，OVERALL要我排真係不了,，路過無乜人食，又想食拉麵過下癮都OK嘅⚜️一人食 加埋餃子💰33 共$131（唔記得洗唔洗加一了）⚜️整體性價比 2/10分 因為要等15分鐘，而且真係無想像中好食，俾人誇大咗好多，份量同個價錢唔成正比，舖面細，坐落唔舒服，會令你想快快食完快快走嘅感覺🌝想睇相可以search翻ig @foodjobdacon❤️‍🔥

黃埔有一間人氣高企嘅拉麵店「泓一」相信唔少人都介紹過呢間實力小店，平次幫襯都起碼排半粒鐘起，有一日早收工經過，發現平日都未到6點已經有人係門排緊隊😱為嘅係咩？！ 頭啖湯？！定係一碗誠意滿滿，值得等待嘅靚湯❤️利申：非食拉麵expert ~推介雞白湯拉麵 $98麵底每日店內新鮮製作，煙韌有咬口，仲有一陣陣麥香😯*小tips 食到差唔多嗰陣再加麵+$15，確保每啖麵條都保持係最好嘅狀態進食*湯底會以攪伴棒 打出一啖啖綿密順滑嘅口感，入口會令你會心微笑，湯底濃厚嘅程度係會漿口的～聽緊mc 新歌世一🤣一路回味緊呢碗湯底，係世一 定係 宇一就等大家去試食完再評價啦👍🏻👍🏻👍🏻店內其他湯底款式都值得一試想衝擊味蕾嘅可以選擇海老沾麵 $98（麵底會轉為闊身同扁啲，更掛湯）👍🏻想解解膩，清新啲嘅一定要試鏗魚拉麵$88👍🏻👍🏻大滿足☺️☺️泓一拉麵 (紅磡)紅磡德民街29號德民大廈地下F4號舖拉麵篇地下F4號舖

其實小妹真係好鐘意食湯麵.尼幾日涼左更加襯食返碗暖笠拉麵.經常聽到有人比較中環同跑馬地嘅雞白湯拉麵. 係紅磡黃埔區都有間雞白湯拉麵.知道裝修後到訪小店只有8個座位.早20分鐘去都入到第一輪🚶🏽‍♀️🚶🏻🚶🏻‍♂️.➿雞白湯拉麵同樣會打到起泡.第一啖口感Creamy.雞湯味突出.但唔會好膩同太鹹.好易入口. 仲食到少少顆粒感.面麵底用自家制幼身麵條.仲見到麥粒🤩🤩喜歡！配料有.豆苗.洋蔥.叉燒經過真空低溫烹煮.肉質嫩滑.雞叉燒就淡口D溏心蛋睇到個色同流心度就知正.淡醬油味唔會過咸🥚.➿背脂醬油拉麵叫背脂醬油都要點勇氣？其實如果做得好一碗背脂醬油都未必會感到肥膩.第一次試背脂.醬油味濃郁香醇.背脂香又配合到配料紫洋蔥碎.曾經試過一間醬油湯配有紫洋蔥碎既拉麵係有衝突不過泓一尼碗有一口清爽感覺.不過我初嚐試都會試左雞白湯先☺️而配料都係豬叉燒同雞叉燒各一塊~如果多啲叉燒就比較好😉..➿日式餃子 ʜᴋᴅ 33➿背脂醬油拉麵 ʜᴋᴅ 88➿雞白湯拉麵 ʜᴋᴅ 98..(.❛ ᴗ ❛.) foodiepoison 👩‍🍳  整體味道: 9/10  💸  性價比: 9/10  📸  打卡指數: 8/10  

人氣雞白湯拉麵終於試到呢間非常熱門嘅雞白湯拉麵 泓一鋪面比較窄 設施亦比較簡陋 大概只有8個座位當日等左大約30分鐘入到去會提供紮頭髮嘅橡筋比大家用 好貼心有機會會再回訪雞白湯拉麵 Chicken Soup Ramen $88 拉麵是自家製 店內面有製麵機麵條加入咗小麥，所以有淡淡嘅麥味，掛湯能力強湯底以雞殼、雞腳、雞翼尖等熬成奶白色上碗後打泡令湯底更creamy湯底鮮甜 口感杰身不油膩 面頭打到起泡令到湯更滑身更creamy慢煮叉燒薄身，入口嫩滑配菜有洋蔥碎，大蔥，紅蔥同豆苗溏心蛋仲比全隻，好慷慨!價錢親民 絕對值得一試

同同事farewell嚟呢度食同事覺得味道一般但係都覺得好食嘅但係覺得啲面凍得滯其實都唔知加面應該畀凍麵定熱喺碗熱湯裏面嘅面係熱但係添加一個替玉係凍雞湯味好多泡唔識嗰種係咪叫香甜永遠都好多人排可能冇咗沾麵味道都冇咁吸引

半年前第一次嚟果陣咁啱撞正餐廳裝修，食唔到，所以特別掛心😶。今次特登睇埋佢FB，確定聖誕假期有營業，同埋午市有雞白湯先出發🤓。12點15到達，門外已經有7位客人排隊等候。本身見人龍唔長，仲以為好快有得入，點知….結果等左70分鐘….😣柯打後等多10分鐘，拉麵終於嚟到我面前😭雞白湯 $98呢個拉麵賣相真係好靚😲，面頭D泡泡好加分，雖然幾油，但雞味真係幾濃🙊。可能因為我先試雞味濃郁嘅泡泡，所以令之後飲嘅湯無乜雞味🤔。配料有一塊豚肉同一塊雞肉，前者普通、無記憶點，後者濕潤、鬆軟，而且有淡淡嘅煙燻香，幾特別。溏心蛋煮嘅時間啱啱好，流心蛋黃，可惜無乜蛋香，而且亦無醬油香😐。麵量偏少，而且生洋蔥同大蔥放太多，好搶雞味。海老沾麵 $98拉麵係厚扁有麥粒嘅拉麵，揀左硬麵，食落有口感。個蝦湯唔會好鹹，食完唔會好口渴，但略嫌糖落多左，甜味太出；由於個拉麵係凍嘅，個熱湯好快比佢整凍左，所以會越食越油膩🙉。由入座到食完離場用左35分鐘，店內只有7個位，3位職員。當日星期日，下午2點後人龍更長😯。值唔值得排隊真係見人見志。

個人好鐘意食雞白湯座銀就上環跑馬地店都加埋食過幾次一直想試泓一好耐無奈知道店舖細細想食都唔係咁易咁啱今日我同朋友都可以六點零到黃埔平日六點應該ok 喇掛點知1750左右去到前面已經排左7個人我地兩個剛剛好食唔到頭輪好彩有得坐係店外既櫈度等等到六半左右就入得喇我地叫左兩碗雞白湯拉麵 ($98x2)一份替玉($15)加配一份餃子($25)拉麵一黎到當然試左湯先wow一入口好濃郁跟住試個麵鐘意佢麵質夠咬口呢個麵仲正過座銀配菜有洋蔥 荀 蔥同豆苗溏心蛋都出色肉就一塊雞一塊叉燒兩塊都ok 夠腍但無咩特別餃子望落個樣幾濕潤 味唔錯如果餃子皮再煎香d仲正總的來說幾滿意泓一個麵底同蛋雞白湯又唔會好膩(食座銀通常食到中後會覺得膩)呢個價錢(唔洗加一) 絕對收貨

對上一次嚟食唔使排隊，食過魚介沾麵之後，都想食吓泓一最出名嘅雞白湯拉麵。不過每次咩時間行過都人氣不減😂連落雨都有人龍。-事隔一年再去泓一食，沾麵得返一款海老沾麵，而雞白湯拉麵都加咗價🙊▪️雞白湯拉麵$98:期待已久，雞白湯拉麵出場。內有溏心蛋、雞肉、叉燒、筍、蔥花、幼拉麵。第一啖飲奶白色湯底雞味都濃，係可以邊食邊飲嘅湯底。原粒溏心蛋依然同之前食沾麵一樣，差唔多留到最後先食粒蛋都係溏心狀。麵條較幼身，掛湯。但始終都係鍾意粗麵多啲，如果有返雞白湯沾麵就好。-之前一樣，入面都係7個位。今次繁忙時間嚟食，等50分鐘，食20分鐘。食過先知好唔好味～值唔值得排隊食就自己恆量啦。

朋友介紹過呢間好好食，所以嚟試吓。係黄埔站行去，一去到餐廳門口已經見到長長嘅人龍，前面有好幾個人放棄走咗，排左差唔多半個鐘先可以入去。同朋友一個叫咗蝦沾麵一個叫湯。兩款都有試吓，我自己比較鍾意沾麵，蝦味濃得嚟又唔會太鹹。湯麵個都好飲，但唔夠濃豚骨味，同日本食到嘅係有一段距離，但係香港食到呢個質素已經好好，而且價錢仲比好多香港拉麵店平。麵硬度同操又到都係我鍾意嘅。整體嚟講，如果唔洗排隊嘅覺得可以一試。

泓一拉麵 (紅磡) @wonyiramen📍紅磡德民街29號德民大廈地下F4號舖🍜 雞白湯拉麵 $88 ▶︎ 賣相: 有一片豬叉燒 一片雞叉燒 一隻蛋 筍 豆苗 洋蔥 ▶︎ 湯底: 湯底頗為濃稠 仲會感覺到顆粒感 純雞熬煮所以雞味較濃 亦都比較清甜 同樣打到起泡 口感creamy 唔油膩同太鹹 係最易入口嘅 ▶︎ 麵: 麵量大約110g 偏幼身嘅捲曲麵 每日自家製作仲見到全麥粒 掛汁能力尚算可以 可惜嗰日麵質似乎唔夠煙韌彈牙🤔 ▶︎ 肉: 肉量有啲偏少 豬叉燒較為遜色 冇乜肉味而質感太唸 雞叉燒有少少鞋 雞味唔突出蛋: 淨係睇蛋黃嘅顏色就知一定好味 蛋味濃郁之餘仲有淡淡醬油味 真心有驚喜🤩配料: 面頭有幾條豆苗 不過味道好出 擺落湯頭之後再飲湯都會沾染咗豆苗味

雞白湯拉麵 $98飲一啖就有濃濃嘅雞湯味，唔會鹹，反而仲有種純雞湯嘅感覺，冇其他雜味，好飲😋 雞叉燒好嫩滑，有淡淡嘅煙燻味；豚叉燒就係薄薄嘅豬腩片，好大塊，而且完全唔柴唔膩；溏心蛋正常，做到流心效果；拉麵幼身，麵質彈牙，唔錯👍🏻海老沾麵 $98海老湯底非常濃稠，可以用「汁」嚟形容，好重蝦頭味，味道好衝擊😅 不過有少少鹹。沾麵比拉麵粗，而且係扁身嘅，麵質有咬口，亦都好掛湯。食到最後加咗清湯，個味比較順口，不過因為個湯稀咗，所以啲沾麵就冇咁掛湯。〰️〰️〰️〰️〰拉麵湯底有招牌嘅雞白湯，鹽味，醬油同鰹魚湯；如果沾麵嘅話就淨係得海老湯底。雞白湯拉麵，如果同之前介紹過嘅鳥華亭相比，呢間餐廳會高分少少，因為佢嘅拉麵同叉燒都做得比較好；但如果計埋等位，環境等其他因素，我絕對會揀鳥華亭，因為唔洗排咁耐隊，而且都好食🤣餐廳好細，最多得8個吧枱位，客人全部自動波，一有人走，自己就會行入去，店員都唔會行出嚟帶位，會直接係吧枱到等你，問你落咩order。可能因為得幾個客，店員服務態度都好好，好有禮貌同效率😂今次排隊前面大概有12人，等咗個半鐘，嘢食係好食嘅，但曬住等咁耐真係不了，下次如果等超過30分鐘，我都唔會排😅

香港拉麵店唔算小，不過湯底做得好既 都唔多 😋😋😋 呢間係紅磡既拉麵店 出哂名 超濃郁雞白湯❣️❣️❣️ 真係名不虛傳👍🏻👍🏻 佢連拉麵既麵質都好好。我地重點左份小食大阪燒餃子❣️ 好滿足

次次經過勁多人排隊。天熱無興趣排現在秋涼都ok餐廳只有6個位昨晚接近8點半經過，見只有6人排隊，我幸運趕到尾班車食完失望雞白湯咸肉薄溏心蛋一般拉麵有點硬食雞白湯拉麵，去金鶴或座銀仲好味