泓一拉麵

营业中

休息中

久仰大名嘅人氣雞白湯拉麵，第一次經過見到大排長龍，所以就放棄咗。今次特登趁平日中午12點去排，去到前面有6個人左右，望入去鋪頭得7-8個座位，以為可能要等至少個半鐘，好彩大概等咗45分鐘左右就入得啦🤓雞白湯拉麵 💰HK$98呢到主打就係好濃郁嘅雞白湯拉麵，而鍾意淡口味嘅我就決定試吓呢個招牌菜，感覺上冇豬骨濃湯咁油膩。點知碗麵一嚟到嗰陣就見到佢係奶白色嘅湯底，碗旁邊仲有啲起泡嘅感覺，即刻忍唔住試咗啖湯先，果然係預期之中咁好濃郁🤤美中不足係我唔記得咗走佢表面嗰啲菜同埋洋蔥，呢兩樣嘅味道有啲生。溏心蛋就正正常常，自家小麥拉麵有咬口，但略嫌掛湯唔係好夠。個湯真係好好飲好creamy，不過食到最後覺得有啲漏，所以食唔晒啲小麥拉麵🙈不過環境就偏細，坐得唔係好舒服，如果地面再大啲就好了。總括嚟講係如果下次唔使排隊就會再食，要排好耐隊就可以免了，冇想像中咁值得排隊～

11點幾去到排隊，朋友幾分鐘後到咗，一齊排咗二十幾分鐘。我哋排第二組客人，前面第一組係一個女人到咗，之後2個男人再join。準備入去嘅時候，後面第三組有個女人喺度嘈話如果佢知第一輪入唔到就唔會排。然後個侍應唔俾我2個朋友入，話俾後面個女人入先？ ？ ？ ？ 但明明我哋排隊先原來排隊係無用的夠嘈，夠惡，個侍應就會俾佢入最後冇食以後也不會食依間寧願食服務態度好啲嘅舖頭

之前看資料話得6-7張枱，另一半即不想去怕排好耐。今天突又話不如看下，多人就吃別的。6点45分到，前面有4對人，7時十多分入到，都尚可接受，門前有4張高椅可坐著等 所以是站了約廿分鐘。出名的白濃雞湯拉面，湯有濃厚的雞味，面是幼拉面，沒有試吃，另一半話都真的幾好味。海老沾面的湯不只是濃厚，簡直是有稠醬的滋味，蝦味突出，配粗身面條，容易沾汁。可惜吃完面，加湯後湯竟然不夠熱，未能好到最後。排在我後面的我看只得一個人，剛好我們入座後全場剩一個位，我便通知店員說排我們後面的應只一人，叫他問一下，他很快便安排他入座，全程店員服務態度也頗佳。

本人非常喜歡食拉麵，原本對香港的拉麵無信心，但見此店的名聲很高，抱著既然已出九龍，就一試無妨。到店時，只得四人在排隊，等了10分鐘左右就到我了，當我發現店內有一個空位，但無人出來安排入座，就入內問是否可以入座，店員只望我一眼，就繼續工作，完全當我透明，感覺無禮貌及不受尊重。再等了一會兒，又再問一次時，有一員工態度惡劣，問我是否有排隊，我心情由好期待，到到失望、委屈及生氣，為何可以如此對待客人？不論我是否有排隊，應該有禮貌地向我查詢，而非質問，更何況我是跟足指示排隊。食物無論多美味，也不值得再光顧！

泓一除咗出名食雞白湯拉麵，仲好出名細間😂 入面得7個位，所以未到6點開舖，已經開始有人排隊。*雞白湯拉麵 $98雞湯用日本九洲香草雞雞殼長時間熬製，呈淡黃色，再用均質機打到起泡。湯頭順滑香濃，比起中式雞湯嘅甘甜、西式雞湯嘅濃厚奶香，感覺泓一雞湯多一份清爽感。自家製拉麵幼身，彈牙爽口，加入小麥粉令麵條帶麥香，不過略為掛唔到湯，食麵連湯飲會比較理想。自家製叉燒經真空低溫烹調，粉嫩軟滑，不過味淡。雞胸肉片嫩滑帶煙燻味，個人覺得啱我多啲。溏心蛋滷到入味，蛋黃非常流心，如果可以熟多少少會更好。*日式餃子 $33拉麵加配餃子只需要$25。煎得好香又唔會太油膩，餡料肉嘅比例比較多，二人分享啱啱好。

【九龍城區】【泓一拉麵】呢排正值北京冬季奧運，咁我作為一個體育運動嘅人士，就當然搵返啲相關嘅朋友食飯敍舊。我識佢嘅時候已經係北京夏季奧運一齊做嘢，有印象都應該記得係 2008 年，講講吓原來已經識咗佢十四年，嘩。當年佢仲係一個妙齡少女，同佢 part 做嘢係有啲壓力。好記得有一次有個隔離 team 嘅男仔，問我點解識佢喎，喂大佬想我點答你，之後仲問我有冇佢電話，知都唔會話你知啦。可想而知靚女都會有壓力，同事都咁樣喎。時至今日，都十幾年，大家都係老朋友，我都係幾年前先鼓起勇氣話返畀佢聽呢單嘢。結果當然係被佢大肆譴責，話我點解要扼殺一段大好姻緣，好好笑。哎呀，唔靚仔架，唔好咁啦，至少襯唔起我眼前呢位「娘娘級」先。本身係諗住約佢去第二間嘢食，點知我去到先知嗰間嘢原來而家只做外賣，唔做堂食，所以食唔到。無可奈何之下唯有即刻搵嘢食，朋友講呢間，只係可能多人排，我就嗱嗱聲去等位。結果撞到小學嘅老師，我真係無奈咗囉。逗利是失敗之下，終於等到朋友，就啱啱好有位可以入去。都係日式拉麵小店格局，得兩排枱櫈，八個位左右。Menu 都簡潔而清晰，冇乜奇怪嘢咁。我叫咗個「背脂醬油拉麵」，$88，都唔錯，個湯都幾

中午12點前開始排隊，但入唔到第一輪，要在外面等了25分鐘終於入到去啦！背脂醬油拉麵$88湯底好濃豬的油香，麵是幼而直身，一大塊叉燒和雞胸。海老沾麵$98湯底好香海蝦味麵是寬而直身，口感彈牙，份量幾多。溏心蛋唔錯！一入到店內格局好日式小拉麵店，全店座位只有7個，有3位男子負責全店的運作，包括安排入座、煮嘢、上餐、收錢和清潔。其實客人食完就即走，理論上流動性都快，但因為只得3人做晒全部野，入座後還要等廚師烹調，感覺上全程等候時間和食嘢時間好大對比，如果唔喜歡等的朋友又想去試食，要有心理準備。我欣賞他們有心煮出好味的拉麵，望住佢哋在這狹窄的空間，不停手做嘢！真係佩服👍🏻但個人鐘意坐得比較舒服，慢慢享受品嚐食物的過程多啲😜

泓一岩岩新開嘅時候食過一次，個陣感覺麻麻地，湯底比較濃味， really not my type。但最近同事話去食過覺得食落👌🏻，所以收工同男朋友仔一齊試試佢。我個碗就上先，整體感覺比上一次嘅體驗好好多，唔會太咸，亦食得出雞白湯嘅鮮味。但男朋友個碗就整體感覺偏咸，希望下次可以keep到個水準啦。

📌 泓一拉麵 - 紅磡德民街29號德民大廈地下F4號舖🗓(16/4) 星期日 ⏰ 晚上6點左右 🌐網址: https://s.openrice.com/QrbS0gyI4W0~ueeoDBA 💈特式：每次行過都見到呢間拉麵店大排長龍，一直都想試好耐，咁啱今次行過見到得4個人排，所以就即刻排埋一份，當時大約係5:40分，原來間舖晚市開6點，所以當時先唔係咁多人，但去到差唔多6點，門口已經排左差唔多20人，入到店先知原來餐廳只有8個吧枱坐位，唔怪得知一直都排長龍。🥩🍔🌭🌮🥗🥯🥘🍲🍝🍣🥟🍤🍱食物：餐廳主力賣拉麵，種類亦唔多，只有6款不同湯底嘅拉麵及1款沾麵，而家等我同大家講下🍜味道先。雞白湯拉麵 - 呢個係餐廳No.1推介，上台時見到個湯底真係好白，仲有好多泡沫，麵底係幼直身拉麵，配料有一隻糖心蛋，兩片叉燒，一片雞肉，筍條/紫洋蔥絲/蔥花。首先個湯底都係好清好香濃，飲完亦唔會口乾，全部清晒；麵質適中亦掛到湯汁，不過我下次可能會要求個麵底煮硬身少少，咁食到尾都仲可以食到麵個質感多d。配料比較簡單，但做得都唔錯，尤其係隻糖心蛋，味醂同醬油味足夠，同埋唔會只留係表面，入面都仲食到有味。背脂醬

這家拉麵店大概有六七個座位，算是小本經營，幸好我們大概12點半到，等了不用半小時，便可入座，我們今次點了他們的招牌，雞白湯拉麵和特製豉油拉麵。特製豉油拉麵這碗拉麵的湯頭濃郁，有著豉油的風味，但同時也不會太咸。拉麵的麵條也非常有口感，聽說好像是自己特製的，嚼起來十分的有嚼勁。整體而言，這碗拉麵的味道也很不錯，食到最後我連碗湯也飲乾淨。雞白湯豚肉半熟蛋拉麵這碗拉麵的湯頭比上一個豉油湯濃郁，豬肉肉質鮮嫩，搭配上半熟蛋的口感非常豐富👍總的來說，這家拉麵店的雞白湯豚肉半熟蛋拉麵和特製豉油拉麵都非常值得一試。

Had to wait for around 30 mins to get in. But it was well worth it!The mixed chicken and pork broth was awesome! It tasted so unique. The whole bowl of ramen came alive inside that broth. The pork, chicken, and egg were perfectly cooked inside the ramen too😄I added 5 dumplings for $25 too at a discounted price.The waiters were friendly too. Overall it was a v enjoyable experience😊

響黃埔附近突發想食拉麵，上網搵到呢間，食完先知係人氣店。鋪內一張長吧枱有6-7個位，提供自助冰水，有日本店面嘅感覺。今次幸好前面只有3組人，等位時間尚可接受。\\\ 點餐 \\\►雞白湯拉麵 $98店嘅招牌拉麵之一，湯面發打了一層奶白泡沫，湯底飲到清香雞湯味。麵條用上店主自家製作的幼身捲面，能看到一點點麥粒，煙韌彈牙，值得推介！麵上有慢煮雞胸及叉燒各一片，雞胸肉質嫩味淡，叉燒薄切偏紅，以真空低溫烹煮，入口軟淋。溏心蛋高質，咬開流心蛋汁溢出，充滿蛋香味！►海老沾麵 $98沾麵同樣給了一片雞肉及叉燒，不同的是換了伊面闊度般的粗麵，更有嚼勁。湯用了蝦膏、蝦頭等熬成，放了一堆櫻花蝦乾。蝦乾香撲鼻，湯味濃郁帶鹹，味道很出。由於湯的稠度非常高，加上麵條很掛湯的關係，吃到中後段有點膩，想喝水。個人口味而言，覺得沾麵湯降低一點稠度比較好，不用那麼「傑」。►日式煎餃子  +$25 (任何拉麵款額外加配)餃子皮薄，肉餡比較咸一點，煎得剛好。\\\ 整體評價 \\\★想encore指數 -  8 / 10 ★湯底和麵條都挺出色的，最欣賞是麵條，有咬口兼軟硬度適中。

⭐️Overall Highlight ⭐️————1️⃣ 雞白湯拉麵（$98）😋評分：8/10🐣泓一最出名就係白雞湯🐣白雞湯湯底濃郁,表面起曬泡咁，飲落好香好creamy 🥰麵底仲要係自家制既幼身麵條，麵既質底幾彈牙，好快就清曬成碗。配料有糖心蛋、雞肉、叉燒、豆苗同洋蔥——🥚糖心蛋的蛋黃呈橙紅色，色澤光亮，蛋黃香非常濃郁。可惜蛋白冇咩醬油味。———-2️⃣海老沾麵（$98）😋評分：8/10海老湯底味道偏鹹香，鮮味主要係蝦味為主。湯的質地較厚身，粗麵條食落更加煙韌有咬口，好掛湯。 配料有糖心蛋、雞肉、叉燒————3️⃣ 自製叉燒（$28）😋評分：7/10有4大塊又幾抵，叉燒係真空低溫烹，食落好嫩滑😊有意式煙肉🥓既味道。————-

我最近去咗一間拉麵店，真係好驚艷！首先，佢哋嘅食物好出色，尤其係湯頭好新鮮，有獨特嘅風味，一試就愛上咗。雖然餐廳位處一個細細個地方，只有大約10個座位，但係環境好舒適，氣氛好好，真係好舒服。份量啱啱好，價格又好合理，我哋非常滿意。餐廳嘅工作人員好友善，好樂意幫手，好容易覺得受歡迎。唯一要留意嘅係因為呢間拉麵店受歡迎，可能要等位，所以要預備一啲時間。如果你想食啱啱好嘅拉麵，我強烈推介呢間餐廳！👍🏼👍🏼👍🏼

下午到達 👩‍🍳排隊排咗大概45分鐘⏰先入到 店內位置得8個位🪑特製醬油拉麵🍜一入口 味道清得嚟帶點醬油味 雞肉🐓醃得好入味而豬肉🐖就似西餐嘅醃肉有糊椒粒係面溫泉蛋🥚啱啱好 但無乜味如果時間充裕會再次嚟食😋