泰拍耶

营业中

休息中

#女女飲咗有問題椰青入咗急症室#當場發現椰青有問題要求換另外一個、服務態度差到一個點！#我本人當天晚上和負責人反映、態度傲慢、一句道歉說話都無；只死撐自己啲椰青無問題及新鮮（笑咗）

岩岩入到去 超大冷氣 凍到顛在場都唔小人 唸住實無死啦 應該唔錯我地3個 叫左3份LunchD)豬頸肉金邊粉 $70-個湯勁清,豬頸肉白烚 4片-個湯完全唔熱 呢個係我食既，平時我都唔會點食淨嘢，覺得要有衣食，但白烚實係搞唔掂呀！佢有跟個汁既，點左一下就唔想再點，你明啦，最後我食淨半碗。仲有個小插曲就係 我唸住問下佢會唔會有d辣椒青檸之類嘅嘢等我可以放落湯度 無咁清啦、佢居然覆我呢間係泰國餐廳所以冇，越南餐廳先有哦。大佬呀 你無咪無囉 關你咩餐廳咩事呀？咁大間餐廳會冇辣椒？咁你個辣肉碎蛋飯d辣椒係咩嚟？ 或者你唔可以建議吓有冇其他選擇？H)肉碎蛋飯-勁多油 又有窿、羅味-又係唔熱 似煮定我同事都食都頂唔順未黎呢碟野前，見到隔籬枱又係點左呢個係度倒d汁出黎都覺得奇怪，原來係倒緊油呀，J)黃咖喱豬-得2件豬肉-都係唔熱唔熱指係常溫暖d 正常你啱啱煮好嘅嘢 點會係暖only?大佬呀，我食果個湯粉哦 起馬要出煙啦!好後悔係無影到相 得返張單我所講既野絕無虛假 唔信你去食下啦。第一次嬲到要寫食平，利申絕對唔係要求高。我平時已經算係無物要求既人啦！

去黃埔探下一歲嘅孖B表弟探B前先揾嘢食😋我哋揾咗間喺黃埔嘅泰國🇹🇭餐廳公眾假期都有lunch set又幾抵食食物質素不錯我哋點咗海南雞飯🐔 - 雞肉嫩滑，雞油飯入味泰式牛肉🥩船河 - 迎合香港人口味嘅泰式船河青咖喱豬肉🐽-青咖喱不過不失，青咖喱汁是送飯好選擇➕$15可以加一款小食（如青木瓜沙律、單骨雞翼、蝦餅等等）➕$10可以加飲品（泰式奶茶🧋、龍眼冰、青檸梳打等等）性價比高、值得一試餐廳就喺Aeon Style旁邊食完嘢仲可以行吓街用消費券買吓嘢😉泰拍耶 (紅磡)紅磡黃埔天地第5及6期地庫AEON StyleB02號舖

今日經開黃埔吉之島，買完野見超市入面有間泰國餐廳，望一望個lunch set, 有我最鍾意食嘅船麵！二話不說就入咗去，個湯底唔錯、好香，同埋都好大碗，入面有牛肉仲有牛丸，加埋杯碟豆花椰汁冰，正！無得去泰國住，食返個船麵懷念下都好開心😃

The placeIt's located just outside the AEON supermarket, and it's my first time ordering from here, I am not a big fan for thai food, but I am open to it as a suggestion from others (esp. my gf). Order, wait time and serviceI asked how long it would take for the food to be ready, she specifically said 13 minutes... well I said it was ok as I would be shopping in the supermarket first. The food was ready for pick up when I left AEON and it was under 10 minutes and not 13 so she lied to me, I am s

位於黃埔AEON地庫超市隔離嘅泰國餐廳 雖然見到午市套餐定價都唔平😮 但係實在太肚餓啦 所以就入咗去食個lunch 但係呢個故事教訓我唔好貪就手😩Lunch set主要都係粉麵飯 再配一杯飲品 但係都$70起泰式蝦醬炒飯炒飯上面嘅炒蛋真係好搶鏡 除咗炒蛋仲有豆角 肉鬆 臘腸等嘅配料 食入口飯粒都算粒粒分明 但係食多幾啖就覺得有啲油膩🙈 雖然炒飯有加到辣椒碎一齊炒 但係並唔辣嘅泰拍耶招牌馬沙文咖喱牛筋腩飯呢個咖喱真係好令人失望 一啲咖喱味都食唔到😢 見到咖喱有加到椰汁 但係真係冇乜味 牛腩份量唔多 又切得比較碎 另外仲送條頭髮俾我哋添 見到真係咩胃口都冇晒🥺雖然紅磡區唔係好多泰式餐廳 但係真係唔推薦大家嚟呢間食☹️

好味泰國小菜館路過見到呢間泰國小菜館，好想試下menu 上面d菜式，同朋友決定入去幫襯下。果然無失望，幾好食！叫左兩杯香茅薑茶，天氣涼，飲落肚好暖胃！幾好飲！咸肉炒芥蘭，咸肉爆到好香口，配搭埋芥蘭，又幾配合，好健康又好味的一道菜！扎肉沙律，一直都好中意食泰式扎肉，呢個沙律酸酸辣辣，好醒胃，扎肉料都好多下！咖喱黃金蛋炒大蝦，好大隻蝦，咖喱好正，蛋又出奇配搭！原隻椰青焗海鮮飯，好多海鮮料，椰香味陣陣，配合埋椰漿炒飯，好飽肚好滿足！兩個人share 份量大到食吾曬呢！幾好食的餐廳，下次可以encore !

黃埔相信大部分既人都會諗起隻船， 我自己反而會諗起aeon 因為aeon 我就鐘意星期三 減價先去， 又有food court。今次去探完屋企人 諗住周圍係黃埔搵食， 聽人講就話黃埔多野食， 其實我自己就好小係黃埔食飯， 所以都想比次機會比黃埔發揮下行aeon既時候 經過見到有間似新裝修既泰餐， 我就即刻無晒原則 因為泰餐不嬲我最愛。 由門口開始 都係以新潮現代既裝飾 空間闊落 無壓迫感， 咁先可以慢慢食 慢慢傾事不而遲 即刻都叫左個前菜先青芒軟殼蟹魚露沙律酸酸咸咸 加埋軟殼蟹既鮮香， 提升到另一個層次， 鐘意酸既人一定要試泰式椰香咖哩牛腩椰香味超濃 加埋鬆嫩既牛腩肉汁香， perfect 加埋薯仔既份量 飽到喊香辣冬陰公辣得夠勁 上晒腦， 酸酸辣辣 刺激到爆 加上蝦又夠新鮮 掂仲有個泰式炒金邊炒夠晒正宗， 有埋蛋樣包住 已經買少見少， 有誠意 夠火喉 ， 而且調味岩岩好 唔會淡。整體來講今次感到意外， 黃埔係真係有 好質素既餐廳， 再唔係人哋口中講嘅又貴又唔好食， 下次點都要再返 食埋其他， 無得頂

黃埔Aeon真係又大又多嘢行，超市嗰層仲要有好多嘢食!Shop完見到有間泰式餐廳門口幾開揚就走咗入去！食泰菜當然要叫返個小食酸辣鳳爪～做得夠晒入味，已經起晒骨，食得夠方便～仲有索晒酸辣汁嘅蘿蔔絲，夠晒開胃！黃咖喱配蒜蓉包超級Yummy，長條型麵包方便拎又方便食，沾滿黃咖喱汁放入口，香口又惹味！仲要有好多好多隻大蝦，入口彈牙帶甜味，又已經剝晒殼俾客人，好貼心！而且配料勁多，咪以為個碗望落唔係好大，但係夠晒深又足料，每羹都係滿滿嘅食材！好滿足！招牌泰式牛肉船河湯底濃郁得黎夠清澈，有香濃牛味，面頭舖滿密密麻麻嘅食材～欣賞面頭一粒粒脆脆，好香口！浸軟之後發現原來係豬皮，浸開咗索埋湯汁更加好味😋！兩種食法都咁好味！有特色！除咗牛肉，仲有一口牛丸，豆卜等等，非常豐富！炒芥蘭有鑊氣👍🏻，每款餸菜都唔錯，食完濃味嘢最好叫杯咸檸七解下渴～～呢度侍應有禮貼心，價錢又相宜，唔錯唔錯！

📍泰拍耶喺黃埔行行吓aeon，見到有間泰國餐廳，門口圍住啲人排隊入去食，見咁多人食，當然我都即刻埋去排隊🌝🤣👅魚露青芒果絲軟殼蟹沙律 $105呢個青芒果沙律本身冇期望，諗住好普通，但係一咬個軟殼蟹，完全眼前一亮，炸得超級香脆，完全冇燶/過火，無腥味好香口😍然後青芒果酸酸甜甜，本身我自己個人都怕酸味，但係呢一種酸甜好開胃，少少辣，食下食下我清晒成碟😂👅海鮮冬陰大頭蝦湯 $95食泰國嘢點少得冬陰功湯，料足，香料，菇同大頭蝦齊哂～唔食得辣嘅朋友都可以飲，用黎開胃又係一流😙👅濕炒海鮮河粉 $80河粉上面嘅海鮮都幾好味，份量亦都多，蝦爽口，魷魚一啲都唔韌，芡汁做得啱啱好，唔會太浠或者太杰👍👅馬拉盞炒芥蘭 $78本來都怕芥蘭會苦或者有渣，事關次次出去食芥蘭都一定會遇到呢種情況，點知竟然一啲渣都無，馬拉盞好香，亦都唔會太咸。👅滷水豬手 $148呢個滷水豬手本來以為佢一片片，點知一大隻豬手上枱😱仲要係巨型😱如果大家係幾個人嚟食，就啱晒叫呢一個share！滷水啱啱好，豬手亦都入晒味，唔會得顏色，肉質唔梅，豬皮唔會好厚脂肪💯👅龍眼冰 $26食泰國野點少得泰式特飲，呢杯龍眼冰好多龍眼喺底，唔會太甜，龍眼又有

係黃埔行完街, 諗住落aeon買d野番屋企煮, 落到去見到依間泰菜, 門面幾靚仔menu又好似唔錯, 就懶鬼上身都係係度食埋先番去🤤menu有二人餐, 四人餐胸可以散叫, 選擇都幾多! 軟殼蟹青木瓜沙律好大盤! 面頭有成隻大size軟殼蟹, 新鮮整起入口香脆, 仲幾厚身, 正喎! 配上口感脆脆地既青木瓜, 加埋酸酸辣辣既醬汁, 夠哂開胃!冬蔭公味道迎合番香港人口味, 唔算但夠香夠辣夠酸, 味道刺激, 正! 重點係入面好多香料, 仲有中頭蝦幾隻, 真係夠足料先煲得咁濃香👍🏻泰式炒飯炒飯粒粒分明炒得香口, 有獲氣味道, 仲加入左肉鬆, 蛋等增添口感同香味, 份量多, 兩個人食咁多真係好滿足。燒雞半隻燒雞加埋炸蝦片, 未食已聞到燒烤既香味, 雞皮燒得又薄又脆, 雞肉保持juicy嫩滑, 仲有焦香, 堅好食! 必點推介!最後飲埋杯thaitea同埋香茅特飲, 滿足哂! 估唔到依唔到依出乎我意料既好味, 會回頭再幫襯。

同朋友黃埔買完野就搵地方食飯，見佢餐廳裝修滿有民族風格，又幾多客人咁就入去試下，我地叫左個2人套餐，主菜有黃咖喱麵包軟殼蟹，超級巨型既鬆軟麵包，廚師焗脆左變左脆卜卜既多士口感，我中意佢黃咖哩係甜多過辣，加埋有蛋醬撈落咖哩醬變相味道濃郁好多，原隻軟殼蟹啖啖肉，十分之香脆，仲食到啲炸蟹膏添！椰汁雞湯都係好特別既菜式，酸酸甜甜的，雞肉非常嫩滑，仲有唔同雜菌蔬菜，味道豐富，佢個蒜蓉炒椰菜苗都好好食，平時椰菜就食得多，椰菜苗真係第一次食，無唸過都幾爽甜，質感有啲似菜芯但較菜芯清脆，飲品就大推椰汁冰，椰奶味香濃，有冰都唔怕好快溝稀，朋友叫既薑茶就較暖胃，啱曬女士們養生👍

在黃埔Aeon地庫內有彩蛋🌈🚆地點超方便👍行耐咗,坐低食下嘢好放鬆🥰泰式食品款式選擇多座位寬敞,非常舒適😍炸春卷 $52幼身的春卷,容易入口皮薄香脆, 勁多餡料重點是沒有油溢味🥰冬陰功大頭蝦湯酸辣味帶點椰香,夠開胃內有香茅及檸檬葉,感覺清香還有很多草菇配料在湯內🦐開邊的大頭蝦蝦肉味濃肉質結實,有咬感泰式肉碎生菜包 $95份量非常大,物超所值👍生菜好新鮮爽口包著熱騰騰微辣的肉鬆口感一流😍馬拉盞炒椰菜苗 $88吃泰國菜必食的款式😉椰菜苗鮮嫩,用馬拉盞炒香味濃非常惹味😋🍍菠蘿炒飯足料之作👍鮮魷爽口,大蝦肉質彈牙配肉鬆,腰果,提子乾非常惹味椰汁西米糕 $45濃滑的椰汁, 裏面有西米芋頭及粟米粒,好有嚼感😍🍹多款特飲 $30-38蝶豆花梳打 顏色漂亮,味道清新💕珍多冰是奶香,有別於椰汁的味道綠色啫喱條,不太甜,有口感😋

依家喺黃埔AEON地庫㗎泰國菜 都算好方便 好易搵（黃埔站D1出口）餐廳裝修都幾有特色 座位寬躺舒適 仲有好多卡位添及打卡位添😄 附近商場又多嘢行 行完街過嚟食就啱啱好啦😍🥰 🍴大蝦柚子沙律$95酸酸甜甜甜嘅柚子，加咗特製醬料 仲有腰果 都幾夾 勁開胃😉 🍴椰汁雞湯$84🥣洋蔥🧅菇類 好足料 好香嘅椰汁🥥雞湯 啲雞肉仍然好滑😋 🍴黃咖喱麵包軟殼蟹$148呢個係佢哋嘅招牌菜 我朋友指定要食 果然冇令我哋失望😍 咖喱汁超正👍 配埋個包一齊食真係絕配啦😎 🍴蛋包大蝦炒金邊粉$88蛋包飯就食得多啦 蛋包金邊粉就係第一次食🤣 上邊仲有大大粒嘅蝦 食落好好味😋賣相一流😄 🍹椰汁冰$30🍹珍多冰$30泰國嘢一向比較濃味 飲返啲清淡嘅嘢就啱晒啦🥰爽🤣 椰汁西米糕香滑嘅椰汁 入邊有原粒粟米 有雙重口感 完美的一餐😍 🌱泰拍耶 (紅磡)紅磡黃埔天地第5及6期地庫AEON StyleB02號舖 kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodb

今晚来到黃埔天地的AEON行商場，晚餐选择了食位於地庫的泰菜泰拍耶 。要了個蔬菜，蒜蓉芥蘭，很翠綠爽口。及要了個湯，玉子豆腐肉碎湯，裏面有很多娃娃菜，及有肉碎，香芹菜，還有粉絲……等等。玉子豆腐非常嫩滑，配上粉絲，湯底頗清甜。今晚點了呢個平時少食的菜式，就是酥炸皮蛋，我本來平時不太喜愛皮蛋，不過朋友想試下，所以就要了， 皮蛋用兩隻切開，至於味道就真的各人口味了。這段時間比較喜愛食咖哩，所以揀了個泰拍耶招牌黃咖哩麵包軟殼蟹，麵包頗大隻，裏面裝滿了咖哩汁，有洋蔥、青紅椒……等等。軟殼蟹經炸過，有3件，放於麵包的面上，炸得香脆可口，沾上咖哩汁更美味香甜。麵包裏面的咖哩醬因太滿，要用碗另外裝開咖哩醬，才可以撕下麵包食，而麵包则比較煙韌，點上咖哩醬都頗好味。至於飲品要了個椰汁冰及可樂汽水。