洪師父牛肉麵 (已結業)

今日同母親大人喺旺角周圍行，行到肚餓。見前面有間台灣嘢，又唔洗排隊，即刻入去醫肚😼入到去冇咩人，環境乾淨，職員都好有禮貌。冇咩特別想食就嗌咗「麻醬拌麵配香酥雞排」配 凍冬瓜茶 同「皮蛋肉鬆滑豆腐」。『麻醬拌麵』整體冇咩特別，不過麻醬幾香～之後手多睇下醬料，發現新大陸 － 「牛油辣醬」聽個名就知有幾香🧈🤤本身唔吃辣，不過咩都要試下，就加咗少少。 點知一個平時唔食辣嘅人都想繼續加建議大家手多試下😼😹『香酥雞排』最令我驚喜係個雞排，平時食嗰d(可能得我係咁啦😹)都係舊炸粉多過舊雞。但係呢間反而係20％炸粉80％雞排，啱啱好。雞唔柴，多汁。外脆內軟。一個字 — 『好鬼正』！ （我知呢度係三個字）『皮蛋肉鬆滑豆腐』食埋呢個就飽飽。好食😋『凍冬瓜茶』整體黎講，係推薦既！如果咁啱喺附近，又唔知食咩嘅，可以試下呢間！

未開之前已經好期待！開左之後有晚咁岩經過就去食！咁嚟到緊係食牛肉麵！湯底好香濃，牛肉又入味，個麵都幾好咬口，覺得算係唔錯！而且都係一百蚊內有個餐有杯嘢飲。個時仲係咩薏米水之類嘅。第二次再嚟就係食lunch，叫個滷肉鹽酥雞扒飯，有蛋有酸菜個啲配菜。價錢方面就抵食又大碗嘅係！味道就中規中矩，不過又未去到好好食咁。至於啲員工都好好禮貌，我兩次去都係一樣。完全唔會態度唔好。環境都坐得闊落舒服。而且間鋪好光猛！

牛肉麵真係好食，可惜嗰日食淨係得粗麵，個人中意幼麵吸咗汁一齊食多啲不過粗麵口感都好好，牛肉好腍，加埋牛油辣椒油，嗰陣牛嘅羶味出哂黎，建議怕羶嘅千祈唔好落同埋佢個辣椒油都幾辣㗎，最好落少少試吓先另外叫咗鹽酥雞，呢一個就一般般，炸粉團多過炸雞肉成件事CP值好低，完全唔抵食另外叫咗一杯黑糖仙草牛奶，冇乜黑糖味，只係一杯普通嘅仙草牛奶，我諗只係因為佢係台灣食品店，所以特登做呢啲台式飲品但係做得唔好嘅話，我寧願佢唔做跟餐加$8，我嘅感覺就係一般般啦🤷🏻‍♀️

兩點幾，見唔使等位，立即坐底，仲有卡位可以選擇。叫左推介既紅燒牛肉麵同埋牛三寶麵，仲有娃娃菜，試下台灣餃子，可惜無炸甜地瓜😭😭。牛三寶，老老實實，牛肉係好有咬口，唔係好冧果隻質地，牛肚就真係無乜味，有啲失望，牛根好冧不過無驚喜，反而個湯底真係真係好正好正好鬼正👏👏，唔係好濃既湯，好清，可以當湯水咁飲，飲完仲要一啲口渴既感覺都無，即係無味精，湯係值得讚！👍👍牛油辣椒油就一啲都唔似辣椒油，唔好食，反而酸菜同蔥花，我建議大家飲幾啖湯先，之後先加入碗麵再食，咁就可以試清楚個湯底。個娃娃菜，好清淡，一定要配個肉燥食，好唔好食就見人見智，不過，唔食得辣，就唔好食啲紅辣椒，真係幾辣。綜合餃子有兩種味道，有粟米鮮肉水餃同高麗菜鮮肉水餃，味道係... 淡而無味，可以唔使試。綜合，食牛肉或各款麵都👌，大家可以試真個湯底，但其他小食類就可以免了。

經過此店很多次，標榜著是做台式的牛肉麵，今天晚上終於有機會來用餐試一下。晚上大概7:30pm，餐廳還有很多空座，我們一行四人就選了比較舒適的卡位入座。餐牌上的選擇也有不少，我們考慮了一會決定點一個二人餐，另外再單點一些菜式。下單後店員就送上配著麵食的醃菜和蔥，醃菜的味道適中不會太鹹，空口食或者放進麵裡都是選擇。套餐裡面我們挑了兩碗較貴的紅燒半筋半肉麵，原價$86。看樣子份量好像不太多，但吃著吃著原來碗都幾深份量並不少。可選粗或者幼麵，我選了前者，就如刀削麵似的，雖然較粗但不硬，也不會煮到太淋保留了一些口感，配著有濃度的湯底味道都算濃，但沒有去到濃郁的那款。半筋半肉的件數不多，每款大約3件，而無論是牛筋還是牛肉，每一件的size也不大，所以份量不多。牛肉味道正常，不會硬，而牛筋的味道不濃，但做得十分軟淋。紅燒牛肉麵，原價$72，味道跟半筋半肉麵大同小異，只是沒有牛筋。綜合鮮肉水餃($38)，餡料包括了高麗菜和粟米兩款。每一隻水餃的外貌飽滿，但水餃皮不會厚也不會硬，食起來不飽膩。兩款水餃的分別就是有還是沒有粟米，有粟米的base也是高麗菜。水餃餡的調味不濃，但會食到淡淡的菜味，粟米水餃因爽

今日同朋友去旺角買野，見到附近有間牛肉麵，便入去食。我們叫了一個套餐，有兩個主食，小菜和兩杯飲品。我們叫了紅燒牛肉麵和一個半筋牛肉麵，兩杯冬瓜茶和一炸物和滷水拼盤。牛肉麵的湯底不錯，有少少辣，又不會太鹹。入口而且鮮甜。而牛筋有膠著口感，而牛肉又易入口。麵的份量非常多，十分飽肚。整體而言，味道不錯，價錢因為信用卡免了加一，一個套餐兩個人份量算過多。

點了外帶排骨便當，身為一個臺灣人，我感到非常失望，整個便當根本一點都不像臺灣的便當，照片上的青菜很多，實品卻只有三片，然後給了一堆醃菜，非常不建議點便當，整個set最好的是鹹檸七。

今天中午特別想食台灣牛肉麵，同事介紹了 「洪師父牛肉麵」就去試試。地方不錯喎！環境光猛潔淨佈置有台灣氣氛。🥢滷肉鹽酥雞蓋飯 $59滷肉軟腍入味，鹽酥雞香脆可口不太油膩，飯底熱多一點會比較好，配菜好好食。🥢紅燒牛肉麵 $72話明牛肉麵梗係要嚟一麵，呷一口湯底夠熱，湯底清甜有牛骨味，再嚐一口牛肉，根同肉分佈平均所以特別柔腍不韌，就是分份量小點。😂🥤跟餐飲品紅、綠凍檸茶，冰冰涼涼茶底香微甜可助消膩，👍👍正！午市套餐，另收加一！

今日，2021年1月13日，去了這家洪師父食午餐。 入到去，地方企理，有幾張大卡位，幾張圓枱，在旺角尚算大地方了。叫了全日餐 紅燒牛肉麵 ＋ 檸檬紅茶 ＄72 另有加一服務費。＊紅燒牛肉麵我叫了粗麵，先試湯，味道都好濃郁，加埋小碟的雪菜，葱花，呢個係重點，令湯底好好味道。麵質口感彈牙煙韌，個人覺得第一啖入口偏梗了，即係可以再煮耐少少，之後食落還好。牛肉有4，5 件，餸份量是還可以，加了2 件油麥菜，覺個覺得有d 怪，唔多夾這麵。牛肉有口感，有牛味，軟硬適中，我就鐘意淋d, 所以中規中矩。＊ 檸檬紅茶好好味道，甜度適中，好有紅茶味，好鐘意飲，正。

#fafafoodblog油麻地 #fafafoodblog台灣菜<估唔到重點係牛油辣醬>突然好想食台灣野 見到呢間洪師父牛肉面 反而點左佢既便當 😂冇點牛肉 不過唔緊要 🍴滑蛋酥炸豬扒便當 58 蚊🐷🍱係全日套餐之一 同台灣便當十足十 有椰菜加蘿蔔絲 幾甜 🥕 炸菜 幾爽 仲有 d辣菜莆 都幾香辣🌶️ 飯身比較軟 蛋唔算多 但幾香滑 豬扒大大件 而且個皮整得厚度適中 外皮香脆 入面水分適中 整體質素中級 但俾我發現到佢有個牛油辣醬 勁香 撈埋飯 一咬落去 好香牛油味 跟住帶 d香辣 夠香夠惹味🌶️ 令到本身正常級既便當高左一級變成中上😈 不過都幾辣下 食唔到辣點好少好啦😂而且仲有18 蚊以下飲品 free算係甘啦 #豬扒 #便當 #台灣菜 #炸豬扒 #辣醬 #牛油 #菜莆 #綠茶 Score 平均分< 7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#洪師父牛肉面旺角

行到好夜喺油麻地大街諗唔到食咩，見到有一間台灣牛肉麵，太肚餓無唸就入去。見倒全日套餐，一碗牛肉麵再加一杯嘢飲70幾蚊，價錢都ok。友人就嗌咗一個鹽酥雞扒肉燥飯。牛肉麵同想像中的有啲出入，因為個人覺得佢係比較清嘅湯底，如果你係期待一啖入口好濃味嘅牛肉湯，呢間洪師傅就唔啱你食啦。雖然個湯底一般，不過個牛肉都幾好食，好多，口感唔錯。友人嗌嘅鹽酥雞扒肉燥飯都係有點失望。鹽酥雞喺大部分嘅台式餐廳都應該係做得唔錯的菜式，但係呢度嘅鹽酥雞食落有一種唔係好新鮮嘅感覺，味道有點酸，可能係雪藏味太重。肉燥飯嘅肉燥都一般，不過勝在夠大碗，一定夠飽。

食過幾次都吾記得影相同寫食評今次終於記得啦洪師傅係我食過算幾大份量嘅台式店麻辣牛腩麵湯入味 麵質煙韌彈牙口感不錯台灣腸魯肉飯台灣腸真係好好食外皮煮得好脆 真係剩腸都送到飯食魯肉汁都吾錯不過如何可以多啲魯肉同有肉躁飯揀會仲開心配合酸菜同棷菜仲包$18內的飲品算價錢好抵另外叫咗兩個小食拼盤拼盤中嘅炸雞驚喜地好食又脆又juicy 滷水拼盤亦都不過不失可以encore 隨餐附送嘅嘢飲冇揀到珍珠奶茶唔知道佢哋嘅台式珍珠好唔好飲叫左冬瓜茶同檸檬茶冬瓜茶偏甜Overall 抵食

台灣洪師父牛肉麵上年8月登陸旺角彌敦道567號銀座廣場地下已有一段時間，今日專程來食個午餐，洪師傅主打牛肉麵更曾獲得多個牛肉料理獎項。來到門外午餐時段但沒有人排隊，人內也沒有人等候，空間算大座位滿多不逼夾，裝潢簡單簡潔好整齊，服務員態度尚可。紅燒半肚半肉麵+香芋鮮奶綠合共港幣94元對於女生一碗麵分量剛剛好，如果大食的人應該不夠飽。一上枱先飲一啖湯，好濃郁牛肉味清甜，牛肚揀選蜂巢牛肚邊最 Q 嘅位置，質感好爽彈口，可惜味道淡而無味，牛肉乾、柴、硬還好入味。是否希望越大失望就更大，我感到失望到極點完全唔值呢個價錢。枱旁邊調味料牛油辣椒，口感怪怪我不喜歡。香芋鮮奶緣啱啱好不太甜，大力啜一啖吃到粒粒芋頭有濃濃的芋頭香和奶香滿好渴。

洪師傅牛肉麵📍.呢期無得去旅行✈️唯有食下啲唔同地方既菜色回味下早期經過旺角一帶 見到間牛肉麵就入去試下😋原來呢間食店係台灣既過江龍 品牌創立人係台灣拎過好多獎架🏆甘就一定要試下佢地既水準啦💪🏻.🍜Q版紅燒牛肉麵（$45）湯底濃郁唔會太咸麵條係粗身 食落比較有口感同彈牙因為係下午茶黎 🐮牛肉份量唔多 但幾腍同都有牛味 味道唔錯下午茶餐仲會包埋一杯飲品🥤性價比算唔錯.🍚Q版滷肉鹽酥雞蓋飯（$45）鹽酥雞🐥外脆內嫩 配上菜脯等配料口感較多重 味道ok.人均消費：$45美味指數：😋😋😋😋😋😋😋（7.5/10）抵食指數：💰💰💰💰💰💰💰 （7/10）打卡指數：📷📷📷📷📷📷📷（7/10）.店名：洪師父牛肉麵 (旺角)地址：旺角彌敦道565-567號銀座廣場地下1號舖

其實我在光顧旺角「彌敦道」旁邊的台灣牛肉麵餐廳「洪師父牛肉麵」之前，本來是想光顧位於「太子」港鐵站出口，近着「太子道西」的某餐廳，可惜我來到「太子」時餐廳關上鐵閘沒有營業。所以我因為目標食店沒有開門營業，所以被迫沿着「彌敦道」向南南下，走到近着「彌敦道」近着「銀座廣場」地下的舖位位置，折騰很久才光顧到，「洪師父牛肉麵」這間仍然營業的台灣牛肉麵餐廳。不過在我進入「旺角」「洪師父牛肉麵」的時候，原來「旺角」「洪師父牛肉麵」都已經快要準備休息。既然我還趕得及在「洪師父牛肉麵」截單之前光顧到，立刻打開餐牌看看目標食品是否齊全。結果「洪師父牛肉麵」裡面的餐牌告訴給我知道，「洪師父牛肉麵」餐牌裡面雖然有齊我想食的食材「牛肉」、「雞肉」和「白飯」，但是不能全部變成一份套餐，實際組合之後所需要價錢變得稍為昂貴了一點點。因為「洪師父牛肉麵」晚餐裡面只有「牛肉麵」，而沒有「牛肉飯」，晚餐餐牌裡面其餘跟白飯有關的食品，偏偏都跟滷水豬肉肉燥有密切關係，不屬於我晚餐裡面指定想食的食品。所以我最後選擇「洪師父牛肉麵」裡面的「紅燒半筋半肉麵」，作為晚餐裡面食品，套餐另外可以隨意選擇，「洪師父牛肉麵」餐牌所有飲品裡面