洪師父牛肉麵 (已結業)

牛肉麵係招牌，識食一定係食牛肉麵😋 想試洪師傅已經很久了因為見著他開張一直 因為每次經過不是早上太早未開門；就是晚上的時刻要回家吃飯了！今次下午茶抵食的好時機來小試牛刀😆， 下午茶來說份量也是剛剛好的！叫了餐茶凍檸7😏，一般餐廳也要20多元 一杯；大部份茶記要轉餐飲也要加7至8元！ 但是洪師傅並沒有這樣做反而是任你選擇飲什麼。抵番哂！牛肉夠淋不會太濃 比較偏清淡的牛肉湯，麵條爽滑， 吃得出心思而且水準高。 並不是一般店舖濫於充製的下午茶。下次也 一定會再來試試其他食物服務水準亦不錯， 雖然是下午茶時段但侍應們沒有一般餐廳懶懶閑趕收工的感覺，反而是給我一個良好印象令我想下次再來

週末又到了一週一次台灣美食時間，今天落大雨，選了一家離家裡比較近的，奶茶味道還可以，冰爽，滷肉飯味道不錯，雞排也不錯，花枝丸夠彈牙，肉燥皇帝菜不太喜歡，更喜歡滷肉

上年年底開業，台灣過江龍...掙扎左好耐，究竟食set lunch好定tea set 好，但係見到下午茶個價錢真係好吸引😝😝下午茶餐($50) 鴛鴦新竹米粉有一個米粉，有大大粒牛丸、花枝丸(各1粒) & 小棠菜，賣相比相吸引，個湯好清，而牛丸幾彈牙，花枝丸係軟培根肉鬆蛋餅煎得好香但唔油，蛋餅皮煙韌，有一層薄薄嘅蛋，包住一粒粒煙肉同肉鬆，中間有少少cheese，賣相好，味道好香芋鮮奶綠點左杯熱，冇我想像中咁甜，微甜，一粒粒芋頭，應該熱會好飲過凍，因為冇溝淡啲奶同個甜度其實CP值高，份量唔少，食完都好飽，而且味道真心唔錯，不過服務員態度真係可以好少少😅😅😅，真係有啲惡

洪師父牛肉麵 (English name: Chef Hung Taiwanese Beef Noodle) is from Taiwan and has a lot of accolades for it's Taiwanese beef noodles. They have awards. Photos with the President of Taiwan eating there. With all this hype, why not give it a try?We came when there was both  an afternoon tea and lunch menu available. Both include a selection of drinks. Menu is in Englsh and Chinese.  You pay on your way out.They also had an interesting condiment: Their own signature chili paste made from beef fat.I had

不推薦這間餐廳。本來這幾個月見到無乜食客, 坐得舒適, 一星期都來一次。今天一來到, 兩位女職員對我們抱怨自己好忙, 唔好煩住佢。 態度呼渴! 十分過份! 明白最近外賣好多, 生意好好, 但都唔係咁! 竟然話: "唔好嘈, 我地好忙嫁。咪煩啦!"如果唔係等左位好耐, 阿媽又肚餓, 我實走人。D 職員剛剛仲要好大力丟杯野飲同碗麵, 仲差過茶餐廳!

洪師父牛肉麵係台灣都幾出名，一直都好想試，但因爲疫情都無得去台灣，無機會試。知道香港都有洪師父，之前終於得閒去左去旺角試試，過下癮。去到係下午茶時間，叫左個下午茶餐係免費配仼何飲品。紅燒牛肉麵 (下午茶 $45)推介指數：8.5/10唔能夠同台灣嗰間洪師傅比較，因為未試過，但之前喺台灣試過其他舖頭既紅燒牛肉麵，今次食既呢碗都相當有台灣既味道！湯底非常有味，唔算太濃，恰到好處，而且牛肉都好易入口，唔會太硬，帶點軟食，口感不錯。不過麵條質感就無係台灣食既咁彈牙，呢度係有小小扣分吧。食完都係會感受到小小台灣既味道！下午茶免費配飲品，我就配左杯QQ鮮奶茶，可以話係不過不失，但唔算好特别。雖然下午茶加埋一都食左50蚊，但依家無得去台灣，係香港用50蚊感受到台灣既味道，都係十分值得！而且係包埋杯野飲，其實50蚊都唔算貴的。麵的份量一定係唔多，但下午茶絕對夠食，而且飲完杯野都十分飽肚。性價比算係中等，但當然去台灣一定會平好多！

之前去開台灣都有幫襯過洪師傅，而且次次都中意買佢地嘅牛肉乾食。唔講唔知，原來洪師傅竟然喺旺角依度開左鋪，上網睇翻先知原來上年已經開左，仲要有唔同分店添。旺角依間喺大馬路，位置好易搵，今日放工就專登過黎試下。因為近排疫情關係，開放嘅位置唔係好多，好彩早少少入，如果唔係就要慢慢等。一坐底發現每張檯面都擺左支搓手液，都幾貼心。晚市有dinner set，包一杯野飲，我叫左紅燒牛肉麵配珍珠奶綠，大概$70幾蚊左右，我覺得價錢可接受。同埋野食都上得幾快，叫完無耐就有。我揀左粗麵，係我最愛嘅刀削麵，麵煮得岩岩好而且食落有口感。牛肉分量雖然唔多，不過煮得好淋，都唔錯。唯一有樣野係我覺得牛肉湯底比較淡味，唔夠突出，如果再多翻啲牛肉鮮味就會更好。成碗麵嘅分量我覺得麻麻啦，不過凍飲就好大杯。好欣賞杯奶綠唔會過甜，我覺得甜度岩岩好，唔會好似平時出面飲開嗰啲珍珠奶茶咁全部都勁甜，而且珍珠都幾Q彈，唔錯。雖然食完之後始終覺得同台灣嘅有分別，係爭左啲無咁好食，不過整體上我覺得可以黎試下啊。

因應疫情店家安排座位比較疏而且量左體溫先可以入點進食上菜速度非常之快所有食物大約25分鐘內上齊👉🏼台式炸雙腸份量都比較多而且有酸蘿蔔拌碟幾開胃👉🏼鹵肉台南香酥雞扒飯雞扒炸得好酥脆，而且有酸菜榨菜鹵肉拌碟可以撈飯口感非常豐富，👉🏼熱薑茶湯圓湯圓有芝麻同花生兩種味，可以一次過滿足晒兩個願望，薑茶辣辣地好驅寒。👉🏼凍仙草芋圓芋圓彈牙仙草又下火，係飯後甜品嘅不二之選。👉🏼菜根香素食麵清清淡淡係減肥嘅健怡之選希望下次同朋友嚟可以再試埋其他菜式

今日經過旺角銀座廣場地下的洪師父，被門口職員介紹，心想一試無妨便進去食午餐。入到去卡位坐低，坐得好舒服。職員奉上一杯熱茶，並詢問食乜野。正當猶豫不決的時候，職員前來介紹套餐，態度親切殷勤，最後選擇咖哩吉列豬扒飯加一杯熱飲香芋鮮奶綠。首先個飯本身有幾塊酸羌，酸酸甜甜好開胃，。豬扒望落好厚身但唔夠脆口，咖哩汁亦都一般，但杯香芋鮮奶綠夠熱，因為裡面有唔少香芋既關係，所以成杯熱飲飲落真係好香，真心推介呢杯野飲。成餐飯$65另加一共$72，感覺貴左一點，但成個套餐絕對夠飽。但杯熱飲真心不錯，值得推薦。

下午去油麻地辦完事後，趕及下午茶時間，六點前去找洪師傅。店舖面積不大，但裝修整齊光猛。在疫情之下，客人不算多，店員都刻意安排客人分散在不同座位，以保持距離。店員們都十分注重清潔，不停的在抹枱、抹餐牌、抹器具，而每一枱面都放有消毒酒精磋手液，有此安排，在這裡用餐都安心很多。雖然不斷做著清潔的工作，但在招呼方面都沒有怠慢，店員自動自覺的為顧客添茶，落單、埋單也很快手。食物方面，紅燒牛肉麵的麵質的確Q 彈，牛肉味濃郁，唯獨是份量真的很迷你，隨餐贈送的珍珠奶茶甜味適中，不會太甜，感覺上不會對身體造成負擔，而軟腍腍的珍珠也夠多。整個餐連加一要五十元，以下午茶來說價錢偏貴。若免加一價錢會比較合理。

疫情下都好少出街食飯，星期六放咗工，真係唔想咁早返屋企，成日都經過洪師傅，見當時舖內客人又唔多，所以就入去試試佢。我就叫咗川味牛肉麵，湯清得嚟充滿牛香，肉方面係用牛肋條，食落彈牙唔靭，牛油香十足，麵質煙靭彈牙，湯浸耐咗都唔會糊同爛。川味方面目測有啲啲辣油，不過川味一啲都唔突出。碗麵嚟嘅時候好似唔太大碗，不過食落材料十足，相當夠飽。大佬就叫咗滷肉飯鹽酥雞、滷肉唔係肉碎級，而係好細嘅肉粒，肥膏同肉比例適中，配上香濃醬汁，送飯真係一流。飯面仲有菜脯、醃菜絲、醃蘿蔔同滷水蛋，淨係碗飯都夠飽。鹽酥雞唔係一粒粒，而係鹽酥雞扒，一件件，咸香脆，唔會炸到乾爭爭，肉汁充裕。跟餐嘅阿薩姆紅茶，菜清新幽香，已經叫咗少甜都略嫌甜咗啲。少甜少奶嘅珍珠奶茶，就一般貨色，茶味都算香。兩杯飲品都好大杯。環境都坐得好舒服，我哋坐近廚房出菜位，望到廚房裡面都好乾淨整齊，令人喺咁嘅疫情環境下都食得安心。

平時食嘅牛肉麵都好咸好重味精，洪師傅味道十足之餘湯頭唔咸又食唔出味精，菜脯都好好味，建議叫粗面好食過幼面，，值得再次光顧！😋😋😋我食過一次後有再想去食嘅衝動，結果我成為了常客，東涌、旺角分店都有去，唯一缺點係旺角分店會拒絕我俾少少菜脯嘅要求。店員話菜脯用來拌飯，我心裡想咁我拌麵係咪唔得⋯試過飯，不過不失，都係牛肉面好味道👍🏼招牌菜希望旺角分店叫面時另外叫少少菜脯店員唔好拒絕，呢點希望反映下

本來想去AM.PM食pancake，但原來仲有半小時先開，就去附近醫醫肚。咁啱見到呢間牛肉麵店，就入去試試。坐低第一吸睛係枱上有一樽搓手液，再留意四周，原來每一枱都有，而門口亦設有一部自動出搓手液機。響而家呢個搶口罩、酒精、清潔用品潮期間，特別顯得窩心同有愛。我點咗獨當一麵牛肉麵+橙汁綠茶，一向鍾意食牛肉麵嘅我，覺得佢哋個湯底好清甜，牛肉有牛肉片亦有牛小排件，兩種層次，兩種滋味，好滿足！橙汁綠茶同鮮橙汁一樣，冇咩特別，不過都好飲呀！落咗order先發現佢哋有燉湯，仲送桂圓紅棗薑母茶，同服務員講想唔要橙汁叫呢個。服務員話怕我食唔晒，因呢set除湯+薑母茶，仲有飯餸，的確係好貼心的建議，仲叫我下次再來試。估唔到盲中中入嚟呢間店，有咁好嘅體驗，我下次會帶埋家人再來試過呀！

師傅整到湯底唔夠熱，唉，牛肉又細粒又可以俾我，我有d傷心。另外湯底好鹹，菜又凍又唔好吃，好失望添，咁少野埋單成80元。完全唔值得囉，不值的吃，不會再幫襯了。超級失望。我心想諗，呢間餐廳下午有人吃，應該唔會差到邊的！點知仲差過冰室！！！唉，好失望了。湯底又鹹又唔夠熱，水準真係好差囉！我吃左少少就已經唔想再吃了。完全不值。原來台灣食品，就係一般，我初初以為應該有d質素，結果同我想像不同，洪師傅d食物質素真係好差，不會再幫襯了。

今日，我同朋友去咗旺角分店試牛肉麵～我就叫咗半肚半肉牛肉麵 + 飲品 85 元多謝兩位朋友宴客不一會兒，食物便來了。食物來了之後，我們首先品嚐一口湯，然後慢慢感受牛肉麵的嚼勁，牛肉麵真係幾彈牙，但係牛肚可以切細條少少同埋再炆一下，等去更加容易入口。佢嘅牛肉稍微可以再切薄一點，如果唔係要咀嚼好耐先可以食完一塊，而且脂肪比例參差，如果切薄一點反而冇咁明顯總括而言，喺旺角區來講呢個價錢算係差唔多，CP 還可以～大家有興趣都可以試吓入口彈牙牛肉麵啦