洪記潮州滷味 (已結業)

我最喜愛滷水制作的食品，因為每一家都有他與別不同的味道，各自都有他們的獨門配方， 所以製作出來的滷水食品也是各有千秋。洪記潮州滷味📍土瓜灣北帝街33號地舖沒有豪華的裝修，只有一幅金漆招牌牌匾行到門囗已經聞到飄香撲鼻的滷水味道。『洪記』的潮州滷水鵝🦢，鵝肉沒有羶味，肉質軟嫩多汁，香料味不會過重霸道，鹹香恰到好處，叫人無法抗拒。師傅手起刀落斬鵝，刀法俐落，連骨的鵝肉也不會布滿骨碎。店內除了有鵝片和鵝件外，還有滷水鵝粉腸、掌翼和胗肝，而鵝肉、鵝腸和鵝肝更是店內招牌滷水三寶。我最鍾意🐙墨魚片，斜刀切件，口感一流。滷鵝腸也是做得很好，口感Q彈，略韌有嚼勁。另外不可不提的就是滷水鵝汁豆腐，豆腐吸收了滷水鵝汁的精華，同時保持鮮嫩綿滑😋每次我去土瓜灣都忍唔住，會坐低堂食另外再買一份外賣回家。#香港 #美食 #土瓜灣 #小店 #滷水 #foodie

媽咪鍾意食潮州嘢，適逢母親節諗住同佢出去食返餐，上網搵餐廳見到洪記一面倒的好評，所以book位去試吓😋。我哋六大一小，都叫咗好多食物，可惜掛住食，完全忘記咗影相😆。有幾個餸非常出色，值得特別推薦👍🏻：炸蠔仔一般打冷都係食炸蠔餅，但呢度係炸蠔仔，又叫黎試吓。一上菜就已經好吸引，蠔仔粒粒都好大隻，睇得出好飽滿。嗰炸漿唔厚身，食落好鬆脆，有鮮味兼且完全唔腥，亦冇食到蠔殼或者成口油。自己本身都試過好多地方嘅炸蠔餅/炸蠔仔，呢度係最好食嘅一間👍🏻。滷水鵝件滷水味道豐富，唔會太鹹，最重要鵝件嫩滑，一啲都唔靭。而且肥瘦適中，食落好香👍🏻。鵝腸拼墨魚本人唔食鵝腸，但屋企人對呢個餸菜讚不絕口，又新鮮又香，冇食過一間咁好食👍🏻！墨魚都好嫩滑。除咗食物好食，最難得係呢間舖頭嘅店員好好傾，好感受到果份人情味，招呼亦十分周到。呢種互動，喺成行成市嘅連鎖食肆係唔會搵到嘅🥰。難得有一間好食、招呼好又唔貴嘅小店，覺得好值得支持，所以一定要寫個好評推薦下，等佢哋長做長有！不過因為座位有限，唔想等都係預先book位會好啲。

已經不只一次光顧，這間店舖開了多久，我就光顧多久，其實這區開了兩至三間潮式滷味店舖，但論味道，品質及價錢都是它最好，每一次必叫是它的豬大腸，肥瘦程度比例完美，滷得非常入味，而且煙靭程度適中，第二必叫就是鵝腎，咬落去爽口入味有質感，第三必叫就是鵝中翼，滷水味道滲入骨內剛剛好，不會太咸，鵝味濃沒有羶味，夜晚睇波一邊食一邊飲啤酒，簡直一流嘅享受，而且包裝乾淨整潔，另外配一盒白醋和一盒滷水，再送一隻滷蛋，價錢又唔係太貴，性價比高，值得我繼續再光顧，小店係需要去支持和鼓勵

今日放工好大雨，唔想去街食飯，一於斬料加送返屋企食。經過土瓜灣洪記潮州滷味，廚窗擺滿滷水食品，食物處理得乾淨整潔，即叫即切。半隻滷水鴨：份量都好多，用多種香料及調味浸製而成的潮式滷水鴨，肉質細嫩入味，味道鮮香，是廣東經典美食之一。最喜歡一片片去骨鴨胸，啖啖肉超正！滷豬耳口感Ｑ彈加上脆脆的軟骨，有豐富膠質，而且每口都有滷汁的醇香!滷雞蛋有着濃郁的滷汁香味，口感更加軟糯，入口即化。加些滷汁、特製調味醋，味道更提升。

洪記潮州滷味位於土瓜灣北帝街相信土瓜灣街坊絕對非常熟悉，唔少名人都會成日去幫襯！滷水鴨半隻$75嚟到當然要叫返半隻滷水鴨啦，返屋企已經見到鴨肉師傅幫你起晒一片片，鴨肉本身質地鮮嫩，滷製後更是入味十足。洪記潮州的滷水鴨在烹調過程中將鴨肉充分渗透了香料的風味另外叫咗一隻滷水蛋同滷水豆腐，豆腐外面金黃外皮經過滷水浸泡，非常入味裏面豆腐非常軟滑📍洪記潮州滷味Hung Kee Lo Mei土瓜灣北帝街33號地舖

今日朋友介紹我地去食潮州野，仲話呢間嘅蠔仔好大粒，叫我一齊去食。我地走入去洪記，人很多，只餘下2張枱，我地不用等位就可以坐低，一坐低就有侍應给我地2碗例湯，熱辣辣，好正。我地叫左蠔仔粥、韮菜鹅紅、豆苗和鵝片。蠔仔粥$48蠔仔大大粒，加入香菇香菜等，好惹味，夠2個人食，每人有2碗食。韮菜鵝红$68我最鍾意食韮菜，鹅红好食，好正！清炒豆苗$48雖然比較油，但也不錯。鵝片$138一大碟的鵝片，有很多片，好香鵝香，有咬口，好味

嘩！今日行過「洪記潮州滷味」，樓下傳來陣陣潮汕滷水嘅香味，真係撩撥晒我嘅味蕾❣️ 店裡頭嗰種家庭式嘅氣氛，加上滷味滿桌咁鋪開，簡直就係平民美食天堂㗎！滷水鵝真係入口即化，嗰啲肉滑得黎緊係多汁，啖啖都係嘅軟嫩肉質。佢嗰滷汁味道濃郁得嚟唔會過鹹，配埋碟仔嘅滷豆腐同酸菜，嘩，簡直完美！鴨掌同鴨翼更加係驚喜，軟糯嘅口感融合埋滷水嘅香甜，就算係平時不太掂鴨嘅朋友，我保證，呢度嘅滷味會令你改觀！鴨掌啖啖肉，吱吱聲咁食落去，啲膠質又好，美容又滋潤！至於滷水墨魚，哇，真係正宗潮州風味！口感微辣又爽脆，每一啖咬落去都有種講唔出嘅「靚」！潮汕滷水呢家嘢，真係考藝術同手藝，洪記做得出色。🥢 唔駛飛潮州，響呢度就可以嘆到地道風味，平民價錢享受高級滋味，真係正！無論揾食下酒定係打邊爐，咁款滷味都得㗎家～ 查實，大推❗️😍👌

今次去咗間滷水店試下佢哋嘅手藝，一入到店阿哥哋即刻帶位，環境潔淨，有種貼地嘅親切感。我就隨便點咗幾款佢哋自誇嘅滷味——啊，嗰滷水鵝，真係靚仔呀！每一片都滑溜溜，入口微微嘅酒香味，衬托到嗰鵝肉鮮美得滯。而家講起嗰酒香鵝肝，滋味真係幾正！入口即化，淋咗玫瑰露酒嗰陣，有種意想不到嘅驚喜感覺。😍喺呢度，講到嗰扎實滋味，非得推一推嗰豬耳、豬大腸吖——做得出色，韌而不柴，脆喳喳嘅口感，好過癮！🤤當然，呢度啲潮式凍食烏頭，都算係淡中帶味，肉質夠彈韌，實在唔錯。名師酥脆蠔餅就稍為油咗啲，不過嗰蠔仔鮮甜，都算值得試吓。總結呢次試食，我畀满分係嗰滷水鵝，無論係滋味定係做工都一流，加埋嗰親切服務，真係搵到一寶。下次會再帶埋班friend嚟開開眼界呀！😊

放假返媽咪度食飯，梗係要斬料加餸😬呢間喺屋企附近嘅洪記主打自家製潮州滷味全部新鮮制做😋店舖外寫滿各式各款滷味及南薑雞🤩亦有滷水套餐比大家選擇😊滷水豬耳食落有彈性和爽脆感😋豬耳帶有軟骨及滿滿骨膠原真係好正👍滷水健康豆腐口感柔軟細滑，豆腐表面吸收左滷汁味道🤩增添豐富的層次感😊滷水鵝翼肉質好淋好嫩滑☺️鵝皮帶有濃郁滷水味道☺️ 整體豐富的口感🤤送酒一流滷水鵝腎好入味又唔會過咸😊嫩滑而彈牙😬鵝腎香味撲鼻😊另外師傅仲送左隻滷水蛋添‼️

同事搬咗去土瓜灣新樓居住，趁放假過去探望一下，經過佢附近有間洪記潮州滷味，門口窗廚掛滿滷水鵝和鴨，檯上亦放滿不同滷水食品，見餐牌價錢又唔貴，買些滷水食品上去和同事啤一啤都好喎！滷水鴨， 用多種香料及調味浸製而成的潮式滷水鴨，肉質細嫩，滷得入味但係唔會太鹹，味道鮮香。最特別係師傅將鴨胸起骨切片，啖啖肉超好味！滷豬咀滷得非常入味，切成幼條方便進食，肉質Q嫩有彈性。味道鮮香不膩。滷水食物點些蒜蓉醋，味道更提升。

食過返尋味，🥳呢間滷水店好多人排隊買，咁啱要加餸，買左半隻滷水鴨及鵝翼2隻，份量好多好多呀成盒滿瀉哂咁，一打開盒，真係好香好香好吸，成間屋都聞到引誘人，即刻好想食😉唔怪得平時咁多人排隊買啦！🤩滷水汁香濃，鴨入哂味，超正用來送飯好正🌟鴨肉片啖啖鴨肉，肉質軟腍，再配埋鴨皮嘅油香一齊食，味道非常甘香！鮮味無窮！諗起都好想再食😋店內有坐位，除咗可以外賣之外，亦都可以坐低慢慢嘆呀，真係非常之好😚仲有好多款滷味，例如鵝肝，鵝片飯

第一次到宋皇臺站, 參加聖誕主題工作坊, 之後向土瓜灣方向走地方吃些小食, 經過這間潮州鹵水店, 看到有老公最愛吃的豬耳, 而我亦有多款鹵水想試, 就決定買個鹵水雜飯再加些鹵水食物回家跟家人一起分享鹵水雜飯 選了三款 $55非常足料好味, 更附有例湯, 亦有豆腐片及泡菜豬脷肉質細嫩不肥膩, 夠入味, 非常可口鵝肝很有質素，口感柔軟，入口溶化，肝香濃郁紅腸非常惹味豬耳 $20口感爽脆又彈牙, 又滿有的骨膠原感覺鴨掌翼 $30鹵水很入味, 吃得很滋味鹵水豆腐 $10豆腐非常香滑整體質素非常好, 而且全部都大大份, 性價比極高👍😋

今日揀咗啲唔同啲，之前試過佢哋嘅南薑雞，啱啱嚟試返佢嘅鹵水野，有驚喜有小小失望。一打開盒，先係一股誘人嘅香味迎面撲來，真係唔禁食佢哋啲豬俐、鵝腎、鵝肝同埋豬肚。啱啱搞掂，忍唔住咁試咗下佢哋嘅鹵水蛋，香滑嘅蛋白同微咸嘅鹵水汁交相呼應，一咬即破嘅瞬間，鹵水嘅香氣即刻彌漫開來，正！不過啲鹵水味有啲淡，希望可以再濃郁啲啦。豬俐食落有啲彈牙，滷得夠入味，唔會太膩口。鵝腎同肝都保持住鵝肉嘅鮮味，肝係微微彈牙，令人回味無窮。至於半個豬肚，質感唔錯，滷汁入味，一啃一啃咬落真係好正。

之前買過南薑雞, 今日試下佢d鹵水野, 一條豬俐, 一個鵝腎, 一個鵝肝, 半個豬肚, 回家打開個盒, 送左一只鹵水蛋, 試左少少, 其他留家人, 味道也ok, 但鹵水味淡左少少, 唔係好食到陣鹵水香味, 好似元朗好味d, 不過感覺佢好似平d, 元朗好似要照重量計, 但應該唔會再買, 叫做試過😅

土瓜灣。老饕私藏滷水店洪記潮州滷味提供著各種潮州滷水美食，門外手寫字餐牌具有特色✨滷水鴨半隻$75鴨肉本身質地鮮嫩，滷製後更是入味十足。洪記潮州的滷水鴨在烹調過程中將鴨肉充分渗透了香料的風味，帶來了豐富的口感和深邃的滋味。滷水豬耳$20滷水豬耳切得薄而均勻，豬耳軟嫩可口，每一片都能充分吸收滷汁的美味滷水蛋$5滷汁的滋味充分渗透到蛋白中，使得每一口都能品嚐到滷味📍洪記潮州滷味Hung Kee Lo Mei土瓜灣北帝街33號地舖