浜滝 (已結業)

今日同朋友嚟到天后搵食，天氣咁凍真係好想食碗熱辣辣嘅拉麵。一出地鐵就望到對面有間日本料理，二話不說直接衝過去，睇到Menu有拉麵就已經🤤。入到店舖店員有善安排座位，店內裝置都走日本風格，特別在全店都是用同一款高枱櫈。雖然每張枱起碼可以坐4-6人,但店長都唔會因爲咁而要你搭枱，空間感大，可以慢慢食慢慢傾。我和朋友都想食D熱辣辣嘅野，Menu有圖我最鐘意👍🏻我們就揀咗店舖人氣之選北海道蟹場拉麵$138 最令我期待嘅係佢寫著,聽到都感到熱辣辣😍好期待。另一款我們就揀咗鐵窩日本鰻魚飯，鰻魚飯就食得多，鐡窩上就未試過，一於試下。拉麵上枱嘅時候，嘩！真係好熱呼呼咁，舊熱石係湯入面，熱到D湯bulubulu咁滾緊，拉麵口感彈牙，湯底濃郁不會過咸，蟹柳同埋蟹腳口感豐富肉質鮮甜，流心蛋煮得剛好。推介👍🏻鐵窩日本鰻魚飯，好似煲仔飯，鰻魚夠厚多肉多汁，食到底仲有少少飯焦，正！👍🏻之後我們仲追加個是日推介鹽燒三文魚骨腩，燒到脆卜卜，內脆外軟，好香口！👍🏻今晚晚餐完全沒有令我失望，下次想舒舒服服食個飯同朋友聚下都有多個選擇！👏🏻👏🏻

今日行開天后，同朋友去咗呢間日本餐廳食嘢，間鋪唔算好大，環境都幾特別，幾靚，可能時間尚早所以冇乜人打開個餐牌，好多野都好想點，因為樣樣都好吸引，首先我哋叫咗個冰鎮鮑魚呢個真係值得推介，鮑魚唔算好大隻，但係好新鮮，而且已經切開一片片，好方便跟住我點左一個串燒鰻魚同埋牛舌，鰻魚嘅味道真係一流，同平時食嘅好唔同，牛舌就較為普通同埋好細塊，但都唔錯嘅之後我哋點咗個秘製炸雞，呢個真心要推介俾大家，超級好食，同家鄉雞完全冇得比最後我哋嗌多兩碗拉麵，一個係黑蒜拉麵，另一個係海老味增拉麵，兩個同樣咁出色，而且佢係碗入面放咗一塊熱石，令到啲麵食到尾聲都可以保持溫度，抵讚！

剛去完維園的工展會行到腳都軟, 決定近近地去天后覓食, 本打算是但搵間牛腩面食就算, 可以休息下, 剛到電氣道路口就見到呢間新的日本餐廳, 就好想去試下!雜錦海鮮冷面 - 一睇個賣相就已經好吸引! 2隻鮑魚、一份辣三文魚刺身、2隻帆立貝、一隻牡丹蝦及溫泉蛋, 所有野都係冰冰的, 好得意! 鮑魚十分爽口, 但不失鮑魚的味道! 第一次食辣三文魚, 辣味可令冷面升華到另一個味覺! 帆立貝及牡丹蝦超新鮮, 肉質彈牙! 拉面都好彈牙, 醬汁偏淡, 好好食!大阪燒 - 太想念日本的大阪燒而叫! 即叫即整, 上台時是熱辣辣的!, 用左好多椰菜、魷魚整成, 配上超多的木魚, 好食!這個清酒煮蜆好有驚喜, 因為真的是超級好食!! 清酒味好濃, 蜆十分新鮮, 又清甜! 我連D 汁都飲晒!芥末牛油果蝦配餅干 - 我第一次食, 好特別, 一食落去好重芥末味, 但不會攻鼻, 再而品嚐到牛油果及蝦味, 好多層次! 餅干十分鬆脆, PERFECT MATCH!

同男朋友行完工展會就嚟到呢頭食晚餐 入面d枱係bar 枱個隻幾有趣！首先，我地嗌左個關西蠔鍋($108)⭐️⭐️🔥 湯底清甜，蠔都幾大粒，又新鮮！入面嘅雜菜都幾豐富，特別係菇類⛱⛱ 之後要左d燒物，先嚟左個近江牛串燒($68)🐮 肉質鮮美多汁，燒得香口！近江牛舌($88)👅👅係薄切嘅，好有咬勁，又燒得剛好！忌廉薯餅($48)炸得好脆口，入面cream & ham mix得好好，食完都唔會好濟。三文魚就還好，熱食比較出色！Lime cola 都幾大杯

Boxing Day 行完大潭水塘就嚟到天后食好野，朋友話呢間餐廳好高質所以就嚟啦！入面嘅decoration 都幾得意，有d似日式bar and restaurant gum💁🏻💁🏻 天氣涼所以想食熱野就揀左個海老味噌拉麵($108)🦐🦐 好特別入面有舊熱石嘅，可以keep住個湯暖笠笠🤤🤤 拉麵好彈牙！而且湯底好鮮甜，仲落左好多櫻花蝦添💁🏻💁🏻 個溏心蛋好出色，流心效果一流！燒日本芝士年糕($28)好正！夾紫菜食可以調翻個味，解一下芝士嘅膩👻👻 大葱雞肉串($22)燒得幾惹味，配大葱食口感更豐富。生蠔大大隻好鮮甜，海水味適中！

天后經常都聽到好多拉麵店但係我從來都未食過，可能係因為住得近嘅關係。通常會特登去遠嘅地方搵食，希望有驚喜。朋友嚟到附近搵我食飯，佢話要搵一間比較特色嘅拉麵店，我揀咗浜淹，呢度夠晒方便喺地鐵站出口斜對面。 雖然呢間拉麵店唔鋪頭入邊唔係好大，但係坐都好舒適。真的有點像去咗日本一樣。 小小的店舖入邊有各式各樣嘅日本小食，除咗拉麵之外，總會有串燒，同埋有一啲日本空運到港嘅食品推介。今次我我揀咗濃口醬油拉麵，同埋自家製黑蒜豚骨拉麵，呢到嘅拉麵比起出面食開嘅拉麵有點不同，師傅為咗保持拉麵嘅溫度，有熱嘅鐵板，放喺湯入面醬油拉麵，濃口嘅味道，感覺一啲都唔肥膩，彈下爽口嘅拉麵，軟硬度適中正👍🏻👍🏻最緊要個叉燒其實都唔會好肥膩。黑蒜拉麵，呢個湯底非常之特別，自家製黑黑嘅湯底，有蒜香味嘅黑蒜，配上濃郁嘅豚骨湯底。限量嘅小食，沖繩海葡萄，口感非常得意，爽口得黎又有啲鮮味日本鰻魚串，夠晒份量，好味。大蔥雞肉串，雞軟骨串，香味可口，喜歡愛飲酒人士，餸酒必備。雞肉漢堡串，呢個非常特別，日本嘅鮮雞蛋在旁邊，師傅教我地嘅食法係將中燒，輕輕的沾上雞蛋汁，果然冇介紹錯。

天后真係美食天堂，中西日意韓印度野、甜品，想食咩都有。今次揀左食日本拉面，睇個門面都夠晒睇頭！究極海老味噌拉麵$108 - 一上台已經聞到超級香海老味！第一啖梗係飲啖湯底，香濃蝦海老味的湯底，相信用好多蝦殻煮左好耐！兩隻大蝦好新鮮，仲有一堆櫻花蝦仔，好正！最正你廚師十分用心，將煮到好熱的石塊加入面中，以保持面的溫度，好細心！日式炸雞$15/件， 好大件！有我掌心咁大件！即叫即炸，熱辣辣好香口！雞肉嫩滑，醃得又夠味！九州產活蠔$38/隻，實物仲大隻過menu 介紹！好大隻、肥美、鮮甜、味濃！大讚！芥末牛油果蝦配餅干$58 - 芥末牛油果蝦醬好特別，好香滑但又唔會膩，餅干好鬆化，好抵食！

天后,好日都去唔到一次,起初都驚唔識路搵佢唔到,點知,地理位置好到爆,一出地鐵站口就見到!平時食飯都會嗌下酒飲,呢到居然都有手工啤,又有黑啤,仲有梅酒各樣, 食住飲,飲住食都好爽!食物方面當日好可惜無晒牛串,試唔到,我地嗌左牛舌, 饅魚, 餃子, 兩碗拉麵, 炸雞件,飽魚, 當中既炸雞件我地仲有encore 添。先黎杯黑啤冰凍鮑魚,正,好 juicy, 唔會乾,正炸雞,續件叫,食幾多叫幾多,外脆內 juicy ,所以有encore燒饅魚,好有日本風味牛舌, 唯一唔好係唔夠厚,但好正拉麵,唔記得叫咩名海老拉麵,鮮甜餃子,唔洗自己包, 料又夠味encore 個雞件

天氣又變冷，最想食熱辣辣嘅美食，天后嘅浜滝一定會係一個好選擇！位置地理優越，一出地鐵站就已經見到餐廳，好方便。餐廳每枱客都一定嘅空間，居酒屋都係俾人放鬆傾計嘅地方，所以呢點非常唔錯！居酒屋指定動作，呷一口酒，吃一口串燒，而呢度仲有熱辣辣嘅拉麵提供，都係我選擇黎嘅理由！特別一提，員工態度熱情，有用心介紹食物，好親切～ 今次試手工啤酒，唔會太苦，相當易入口！更加推介係梅酒，比較啱我口味，飲完一杯，已經想再飲一支。串燒種類多同特別，會見到有花小心思。串燒特別推介鰻魚燒、雞皮、雞軟骨！鰻魚燒無骨，超好食，大大舊，醬汁非常出色；雞軟骨，一定係水準之作，又有咬口又有肉汁；燒雞皮都係第一次食，好特別，細細塊，好香脆！仲有燒柚子雞肉，呢隻層次好多重，又有酸，又有辣，又有甜，雞肉一D都唔鞋！！大阪燒，簡直係必點！！比日本大阪更好食，餅上加櫻花蝦已經係值得叫，幾乎每枱都會order，佢成個配搭都恰到好處，唔會好濟胃，唔係一大舊粉團，超足料！最後，呢碗拉麵叫究極海老味噌拉麵，究極會聯想起數碼暴龍哈哈，都因為呢兩個字，決定要試一試佢！究極海老，有一大埋脆脆小蝦，兩隻海老，超新鮮，湯底都好有鮮味，溏心蛋唔馬虎～

溫馨小店 串燒拉面出色其實好少黎天后一帶活動，黎到先發現好多特色小店價錢唔貴，朋友、情侶去聚下傾下計相當唔錯！一入黎就係擺滿哂各式各樣既酒，好有日本居酒屋既feel，串燒配酒正到爆呢度有拉麵、串燒、小食等等，食個拉麵加幾串串燒，唔會太貴又夠飽，靜靜地，歎杯酒，正食拉麵，我最鍾意都係食黑蒜，價錢唔過$100，拉麵超彈牙，呢個係有驚喜既！！好煙un湯底唔會有味精，清清地唔錯～最貼心係加左熱石，一直暖住碗麵，食咁多次拉麵第一次見到，好窩心終於到串燒啦！雞軟串大大舊，平時都係好細粒，好有咬口，燒得香口！鰻魚燒一定係必叫，超正！咁既價錢認真抵食，入口即融又無咩骨，Oh my god大阪燒上面加左好多櫻花蝦仔，香口，而且唔會成口粉，凍左都係咁好食串燒值得一讚！唔會燒得好乾，保留到肉汁，又夠哂香口，一定好用心，先燒得咁恰當！食完已經即刻同家人share，希望下次一齊食！最後，清酒煮蜆都好推介！！平時無咩清酒味，今次有清酒味，更重要蜆肉超鮮甜，一粒沙都無，隻隻都有肉叫返杯手工啤 同梅酒，一路食一路飲，好正！特別推介梅酒，好岩女士飲，甜甜地

星期五放工諗住帶男友去食下好野抖一抖，今次帶左佢去天后個邊搵野食原來係清湯腩附近多左一間日式的拉麵店/居酒屋，門口裝修得好吸引，店員又好熱情地介紹我地，咁我地就試下新野!入到去的裝飾設計都好有心思, 令人坐低有種舒服既感覺! 店員之後好熱情地為我地介紹邊D食物做緊優惠, 邊D抵食等等當日生蠔做緊特價，非常抵食，可惜我同男朋友都不好海鮮！晒左自家製黑蒜頭豚肉拉麵拉麵湯底十分濃郁，聽店長講呢個湯是用天然材料，長時間煮出來，所以味道十分香濃而且又唔會口渴另一個特別既地方，係湯裏面藏有粒熱石，可以令拉麵保持一定既溫度當然唔會太耐啦，都係要趁熱食！豚肉厚身又肥美，麵質煙韌，兩者吸收晒湯底的精華！正！柚子雞肉串雞肉串有淡淡的柚子香串燒當然要配生啤啦, 呢度有日本品牌燒日本芝士年糕店員提醒我哋要用紫菜包住嚟食年糕由煙韌的糯米包住香濃既芝士，紫菜令到唔會太膩，味道啱啱好！大阪燒餅呢款係我既最愛呀，燒餅上面灑上了很多木魚說及甜甜的日式醬汁，內裏用料十足，有大量的高麗菜，真係好好味！好鍾意呢間餐廳既氣氛, 食物都好有水準, 好適合朋友放左工坐低食下野傾下計!

係天后經過都會見到呢間拉麵店,一直都好想食有日終於的起心肝去食啦呢度除左拉麵仲有串燒同海鮮個日見到門口個牌寫住話$25隻XL九州蠔,幾抵食,於是同朋友一人一隻生蠔大大隻,而且係日本生蠔仲有日式醬汁同葱花入口爽口好新鮮,而個味道食完之後仲留係個口度好耐跟住仲叫左個海老味噌拉麵海老味濃郁,仲有大量櫻花蝦入麵度個湯底亦都有好濃郁既蝦味內有熱石保持住啲湯既溫度鰻魚串鰻魚幾厚身,燒得唔錯汁亦都卦上魚上岩岩好

一出炮台山站就見到，好方便，約朋友唔駛搵。呢度主打日式海鮮既居酒屋，仲有季節special ，都幾新穎菜食，唔係一般食到的。見佢好多poster sell唔同日本啤酒，試左呢個，幾香麥味，清清地，爽呀！呢度生蠔，特價$25，估唔到地大大大隻，而且係日本生蠔，成隻碟咁大，仲有日式醬汁同葱花，幾特色，而且重點係，好新鮮! 真係好超值燒帆立貝，是店員推薦下叫的，上碟又係超大粒，用牛油燒，好香，半生熟，鮮甜唔韌。無介紹錯日本牛辣味湯飯，有豆腐，大葱既辛辣湯飯，好野味，但都幾辣，係滲出嚟既辣，鐘意辣或者喺冬天都要一試。整體質素都唔錯，店員亦主動介紹好多食材及煮，真係有居酒屋既relax感覺!十分喜愛!會再來的

好一排懶出食評，今晚終於唔出唔得哩間响華姐清湯腩隔離ge 浜淹行居酒屋路線ge 日式餐廳。六點剛開始晚市，入到去撞到店員認真briefing 的一幕，聽到原來係由日本番左新ge 清酒，老闆正細心解釋每款酒的特色呢店的一旁放左好多唔同款ge 酒同行朋友都想飲，但因小妹不好酒，所以最後只散叫左一杯淺酌（最後發現：原來叫左一支，飲唔哂，可以寄放係店到留待下次再飲嫁）先點了個芥末牛油果蝦醬配餅乾佐酒一流！ 雖然小小一碟但醬ge 份量好多牛油果醬夠特別配埋脆餅干就已經係一個簡單好味ge 小食居酒屋點可以唔叫拉麵最想試ge 「制霸拉麵」今日竟然冇貨...姐係迫我下次再泥姐叫左哩個 海老味噌拉麵蝦新鮮or not ，蝦頭ge 膏就係最好ge 証據海老味濃郁，仲有大量櫻花蝦係面！記得睇食評話哩碗麵內有乾坤果然～內有熱石注意熱石保持住湯拉麵ge 熱度慢慢食都唔怕啦～嗜牛的友人當然唔會放過Menu 上ge A5近江牛一上台見到分佈得咁平均ge 油脂已經覺得值哂回票價响小鐵板上輕輕煎一陣已經食得果然有入口即溶ge 感覺泥到全晚覺得最抵食ge 野食 - $25 一隻、手掌咁大ge 九州生蠔！而且不限數量朋友唔

去完銅鑼灣行行下被這間小店吸引住，店內裝修好有特色，雖然係高枱，但坐得好舒服，店員亦好熱情介紹食品👍今晚蠔做優惠推廣，所以點左4隻，比想像中更大隻同juicy😍叫左碗黑蒜拉麵，都好惹味😋😋串燒方面試左近江牛柳，鰻魚同雞軟骨，睇價錢係好似有少少貴，不過試完都發現物超所值😆仲試左個燒日本魷魚，好鮮味😄