浪人日本料理 (已結業)

I visited Ronin this evening with some friends. I will *never* return and I recommend that you avoid this establishment. I was embarassed in front of my guests when the waiter instructed us to wait outside in the street if we wanted to be served drinks (eventually). We were a presentable group of four professionals and had gone to Ronin for a high-quality whisky after dinner, before parting ways and going home. I was hugely embarassed and we left immediately.

同好朋友慶祝，食生日飯，朋友建議食日本菜，因為好多好嘅日本餐廳朋友之前都試過，所以今次諗地點都有啲難度，最後朋友搵到呢間餐廳，口碑唔錯，決定就試一試餐廳喺蘭桂坊附近，地點算好方便，入到餐廳，見到佢枱同枱之間嘅距離算好多，所以客人傾計嘅私隱度都好高，值得一讚首先餐前小食嘅支豆，感覺好新鮮，而且每一粒都好飽滿，好有味，食完即刻好開胃另外餐廳職員介紹我哋食呢個浪人卷，估唔到份量比我想像中大，而且每一舊上面都鋪滿海膽同埋魚子，其實連紫菜入面都係有刺身，感覺性價比好高，正另外我哋再叫咗一個金箔海膽豆腐，海膽好鮮甜，而且賣相好吸引，所以好快俾我哋K.O.左最後我哋再叫咗一個牛肉壽起燒，牛肉好淋，好有牛味，而且佢個湯底好清甜，基本上食完已經超級飽，另外因為我哋預備左蛋糕，所以冇食到太多主食，下次一定要再嚟食過

上星期日, 男朋友Book 左呢一間係M88既日本餐廳同我慶祝生日。呢度環境裝修都幾企理, 空間感幾強, 坐得都幾舒服。晚市都唔算好爆, 環境唔嘈吵, 幾有氣氛。餐牌上有好多菜式可以選擇，壽司, 剌身, 串燒, 燒物, 鍋物, 主食都有, 而且Drink List 都幾多野揀, 花多眼亂。我生日當然係我發牌啦! 野食準備需時, 有枝豆做小食, 咬下咬下時間好快過。特上壽司($498)一共有十二件壽司, 當中有大拖羅, 吞拿魚腩, 牡舟蝦, 日本海膽同埋廚師發板8件壽司，配味噌湯。其實五百蚊有十二件真係幾抵, 平時食OMAKASE 閒閒地都要一千. 壽司睇色澤都幾新鮮, 今日廚師發既有金目鯛, 池魚, 赤子, 梳子魚, 平靖魚, 鯖魚等等, 食到好多平時自已唔會主動點黎試既魚類。梳子魚既口感好得意，爽口得黎好彈，味道偏淡味；海膽當然正，口感綿密，鮮甜味濃，正!全部刺身都好新鮮, 其中拖羅同池魚真係好肥美, 好味到散叫再追加左一碟。西京銀鱈魚咁穩陣既菜式當然唔會有出錯, 又香又嫩滑, 我最喜愛魚類之一 !貪得意又叫左D串燒黎試, 燒牛粒好香口, 牛味濃郁~呢杯係美美的桃太郎, 好鍾意佢既顏

朋友生日當然要搵間好野食慶祝下啦🎈這間位於威靈頓街的＂浪人日本料理＂聽同事講唔錯，主角又話想食日本野，一於去試一試環境舒適寧靜，最啱傾計還有餐前小食(枝豆)，餐前小食也絕不馬虎，枝豆不只用水煮，還用了味霖薑片少許辣椒仔所以味道複雜👍🏻燒雞皮 - 外層脆口鹹鹹地，內芯Juicy柔軟京蔥牛舌 - 京蔥香惹味，牛舌切得厚身牛味濃極上刺身(吞拿魚腩，日本海膽，鯛魚，季節魚)這個極上刺身真的是極品，吞拿魚腩魚脂豐富又入口即化，香濃的魚油在口腔内久久不散，真的非常新鮮，日本海膽真的很不同，特別甘甜鮮味，三文魚子也很鮮甜，這個極上刺身真的冇得輸。大蔥吞拿魚腩卷 - 呑拿魚腩蓉入囗即蓉，配上大蔥出奇地夾，一嫩一爽美味可口味噌豚肉鍋 - 味噌很濃偏鹹，豚肉是選用五花腩，外層有少許豬皮包住煙煙韌韌特別有咬口入味，還配了很多蔬菜，吃完刺身再來過湯湯水水特別滿足😋😜

週末放假出了中環走走，幸好天氣晴朗，炎夏出汗都感到特別開心，不經不覺到晚飯時間，朋友說想吃日本菜，在網上搜尋了一下附近的餐廳，發現這棟大廈有不同菜式餐廳選擇，當中也有數家日本菜，我們選了這家位於六樓的日本料理餐廳一進餐廳店員已在接待處然後帶我們入座，餐廳環境較寧靜，感覺挺舒服，有數枱客人在用餐也不感到嘈吵，挺適合聊天聚餐餐牌內有廚師發辦、套餐和散點菜式，我們都有選擇障礙，所以異口同聲點了一份二人宴，每款菜式都可嚐一下吧首先先上前菜三點漬物，有醬味蒜頭、牛蒡和蘿蔔，蒜頭味道鹹鹹爽脆，牛蒡和蘿蔔爽口帶酸，全部都挺開胃前菜築地時魚薄切有三款選擇，我們選了鹿兒島產深海池魚，店員說這條池魚是當日新鮮入貨，每塊都是薄切，刀工細膩，入口爽滑帶油份，配了薑蓉醬油沾著吃比普通醬油更突出池魚鮮味，帶薑的微辣味不錯喔這道京都風豚角煮伴野菜光看賣相已感到軟熟口感，豚肉上放了數條茶樹菇，味道強烈帶清香味，豚肉一層肉、一層脂肪，分怖非常適中，洧煮得很入味，濃郁帶甜，非常軟熟，幾乎是入口即溶，可算是邪惡之作季節刺身盛合當中有三款刺身，平目魚刺身口感軟滑，加了一點點柚子汁，清新味道很開胃。牡丹蝦 大隻又夠厚實，入口帶

從前Beijing Club在此，當年的Clubbing 聖地，現已變成城中美食的集中地。是晚就和朋友來到位於大廈6樓的高級日本餐廳吃晚餐。餐廳裝潢美觀，庭中有為廚師發板而設的BAR枱，環境非常舒適。看過餐牌後，便一口氣下單。下單後不久，食物便送來了。令人眼前一亮的壽司拼盤!季節魚壽司拼盤共有六貫，每日每季的配搭都有可能不一樣，因為師傅會根據季節時令而決定給什麼壽司客人。每件壽司都吃得出魚類的選料真的非常不錯，全部都很新鮮，而且我非常鐘意這裡用上赤醋壽司飯，因為我覺得赤醋飯會令魚生的味道更好。這六貫壽司應該有油甘魚、赤身吞拿魚、金目鯛、深海池魚、鯛魚等，不過我也不是真的很清楚，因為店員上菜時並無介紹拼盤上的魚類，亦無建議進食次序，如果以後可以即場為客人講解便更加好。吃過壽司後，串燒便來了。這裡的雞類串標榜用上新鮮雞做食材。蒜蒜雞，肉質嫩滑，不過蒜味不重; 月見雞肉棒，我個人覺得燒汁味不夠，而且放蛋黃的位置不太方便，很難把蛋黃漿沾在雞肉棒上。除了雞類串，我們也點了一串燒鰻魚試試。這樣保守，因為我們經常「中伏」，香港很多再高級的地方，鰻魚串也會有一古鯹味。不過浪人的燒鰻魚串就沒有這個問題，

女朋友生日,當然要搵間好d ge餐廳去慶祝下啦,知道距中意食日本野,就選擇咗系中環ge"浪人"日本料理餐廳食飯,閑日上去,其實都無特別去訂位,直接上去都可以.坐低之後就睇餐牌啦,之前聽朋友推薦過呢間餐廳,刺身壽司等用料都好新鮮,今晚一於試下啦.燒牛肉沙律配芝麻醬($68)前菜叫了呢個燒牛肉沙律配芝麻醬,幾得意ge沙律,第一次食!原來辣醬同芝麻醬系可以咁夾,撈埋d沙律菜食,有另外一個風味!好唔錯,而且唔會一開始就好流,反而都幾清新,牛肉又燒得好嫩滑,唔錯!鮟鱇魚肝伴海膽三文魚籽($98)第二個頭盤,鮟鱇魚肝好新鮮,同距個醬汁一齊食一流!!而且完全有我系日本食感覺,好creamy!!好正.隔離仲有只小木船裝住三文魚籽!翻開三文魚籽別有洞天!下面系滿滿ge海膽,兩者一齊食,好鮮,好正!!!特上壽司($498)今晚ge主角!十二貫ge特上壽司拼盤!!有唔同ge魚類壽司,每日都可能會唔同,因為師傅會根據時令而選出唔同ge食材~今次就有大拖羅,鮪魚,新鮮青魚,油甘魚,鰻魚,金目鯛,深海池魚等..每件都好新鮮,店家都會推薦由淡到濃味去食,品味唔同魚類ge鮮味,好正真係!!!浪人卷($288)又係店家

大家都知中環都有日本銀座式食肆， 今次介紹呢間食肆係位M88大廈嘅6樓叫做浪人！一踏入餐廳嘅門口， 感覺良好， 餐廳中央設有魚生同壽司嘅吧枱， 客人落單後， 師傅即叫即做， 非常富有日本色彩。坐下先來一杯消暑飲品，啤酒大家就飲得多， 沙冰啤酒你又試過未？ 賣相了得之外， 比一般啤酒,沙冰更加感覺冷涼暑氣盡消！接著就開始挑選餐廳必食食品😀😀 第一度嚟嘅菜喺燒物，分別有燒鮑魚及燒銀鱈魚。 第一啖咬落鮑魚燒到一d都唔靭， 師傅燒得火候啱啱好又易入口， 鮑魚邊燒得很脆口而中間又鬆化， 值得一讚👍👍👍 本人推介**燒銀鱈魚…… 係人都知銀鱈魚本身已經鮮甜美味， 再配上師傅特製麵豉醬汁， 味道鹹中帶有鮮味， 咬—口， 感覺到滿口魚油， 師父还燒得外脆肉嫩，簡直係人間極品！跟住出場係刺身同壽司！鲷魚刺身😍😍😘😘😘，赤貝刺身及特上壽司( 牡丹蝦，海膽，三文魚子，吞拿魚，左口魚，油甘魚，鯛魚及池魚)不同款式，共八件。首先係鲷魚刺身， 原條魚刺身上， 師傅刀法了得，刺身新鮮彈牙， 再加上特別為魚刺身泡製嘅汁，  酸中帶少許甜味，進食前把魚生浸入 特製汁裏數秒，再放入口， 就更加带出鲷魚嘅鮮味！ 當我哋將魚

呢晚同朋友嚟食日本菜，餐廳空間感十足，而且好有日本風味，令人感覺置身日本。乳酸飲品同橙汁都普通冇驚喜。枝豆夠淋，少少咸，幾開胃。軟殻蟹沙律上面既軟殻蟹大大件好厚肉，仲好鮮味，加上大量新鮮沙律菜，好好食。各款壽司都非常新鮮好吸引。海膽creamy又鮮甜，牧丹蝦唔會有腥味，饅魚淋滑冇細骨，玉子燒亦都好嫩滑，唯一失色既系米飯太黏淋。燒帆立貝中間仲生，外面燒到剛熟，所以非常嫩滑鮮味，食完仲想encore!蔥蔥雞同蒜蒜雞都好嫩滑，但蔥味同蒜味都唔太突出。三文魚茶漬飯有淡淡既茶香，粒粒分明既米飯，鮮嫩既三文魚碎，再加埋香口既脆米、紫菜同芝麻，簡單又好食！估唔到日本餐廳既焦糖燉蛋咁好食，滑之餘蛋味仲好濃，令人食唔停口。蘋果雪芭就稍為甜左啲。呢餐日本菜食得滿意，環境服務都好，靜靜地唔會好嘈好多人，不失為日本菜既好選擇。

今日約左親戚食晏，就佢係中環食，餐廳都係佢揀。呢間日本餐廳既午餐選擇都好多，但全部價錢都幾貴最後我地叫左大蔥吞拿魚腩丼 同 鐵板燒安格斯牛肉每個午市套餐都有兩款前菜 （茄子&枝豆）、燉旦、蜆湯同埋沙律呢個大蔥吞拿魚丼賣相好靚，佢既飯底唔係白飯，係撈左醬汁同薑既，同吞拿魚腩蓉一齊食時幾好食，連加一$220.....略貴另一個係鐵板安格斯牛肉本來以為係薄牛扒，但係係牛肉片。個鐵板仲好熱，d 牛肉個人覺得太熟、肉質有d鞋，而且冇乜牛肉香 （食開牛肉既我覺得佢用既牛肉唔係靚貨）埋單連加一要$176就覺得唔抵整體來說食物唔算上等，但價錢卻較貴，而且店內好熱唔夠冷氣，食到出汗😣

成日見facebook朋友仔打卡嚟浪人日本料理食飯， 今日終於約到腳上泥聚聚啦， 依家呢個天氣咁鬼熱食日本嘢就最啱曬， 食完個人都舒服啲門口行入去經過吧枱，侍應安排咗我哋入去房既卡位坐， 呢個位置可以望到樓下中環 繁忙嘅街景， 位置比較開揚浪人日本料理有個出色嘅浪人卷（$288）推介上面放滿吞拿魚蓉仲有三文魚子同海膽添， 睇見都覺得想一啖吞左佢落肚， 可惜實在太大個啦，我都要分咗三啖先食得曬一舊，鮮嫩嘅吞拿魚蓉 填滿整個口腔， 口感非常軟綿，層次感豐富， 。每一件裏面仲多嚿魚添 果然食落有驚喜，抵讚西京銀鱈魚配酒粕汁（$220）兩邊都煎到 酥脆金香， 口感嫩滑， 而且食嘅時候仲滲出淡淡嘅魚油香味， 配埋 個酒粕汁， 有一點酸甜味之餘再帶點酒香味， 完全可以蓋過果陣魚腥味， 啱曬唔鍾意食魚怕腥嘅我特上刺身（$598）每款兩件啱啱好就到我同朋友兩個 一人一件👏👏拖羅，池魚，油甘魚，金鯛魚，帶子，海膽， 蝦刺身每款魚款刺身都超鮮甜呀，當中我覺得最正就係拖羅同油甘魚，油脂味重，魚香味濃， 滿口油香揮不去蝦刺身肥美大隻， 帶點黏性嘅口感鹽蔥厚燒牛舌（$52）燒牛舌食得多，放咗鹽蔥喺上面食嘅燒牛舌

男朋友生日 早兩日book左呢間廚師發板 大大舊北海道海膽好甜好滿足 食左好多樣刺生壽司同串燒 師傅知道我地慶祝生日仲請我地飲酒好滿足 已經諗定幾時再黎👍🏻👍🏻👍🏻

之前係日本都食過omakase,今次黎到中環浪人試食廚師發板、價錢不算太貴，食完之後有驚喜～不得不提有個白蝦拌海膽魚籽海膽超甜美～師父介紹係來自北海道日本膽象拔蚝拌粒貝～爽口～口感不錯～感覺新鮮金目鯛～師父用火燒過加上醬油～油份充足日本生蠔配上師父自制酸汁，我重同師父講想要多粒檸檬，但師父提意先試食，話加埋檸檬會太酸影響鮮味～果然生蠔海水味加上酸汁配合得非常好壽司有我最喜歡的特長海鰻壽司刺身壽司食完其實已經8成飽之後主菜黎了紅蝦～超級大隻鮮味肉質都非常好絕對驚喜重有甜品下次約朋友食飯這𥚃也是一個不錯的選擇

午飯時段在中環真的人山人海，朋友一早訂了位則不用同人爭。餐廳的座位「佈局」不錯，不會太逼以致被逼聽到鄰座的談話内容🙄。而店員的服務很好，雖然是繁忙時間，但也不會有叫天不應的情況。午市定食價錢由$160-$230不等，在中環區屬於合理水平，我們二人均叫了魚生丼類。友人對大大塊的魚生讚不絕口，但見魚生厚厚的很足料，朋友說帶子最新鮮好味。而我點的吞拿魚腩蓉也很不錯，魚的份量很多，多到我覺得比飯還要多！最意想不到的是，這裡的飯和味噌湯是可以無限添加的，也許適合大胃的朋友。朋友點了豆腐mousse, 賣相超美！

我們一向對M88的日本餐廳頗有信心。今天臨時決定吃個日式午餐，樓上的花串要到中午1:30才有位置，於是我們就來了浪人吃午餐。餐牌選擇不少，除了各式魚生丼，還有不同的熟食。我點了浪人刺身丼，午巿套餐還包括沙律、湯、茶碗蒸。這些配菜味道雖然不是很突出，但也中規中矩，沒有什麼大問題。主角刺身丼就有問題了。除了三文魚子和帶子以外，其餘幾款刺身入口口感都很梅，感覺不是很新鮮。還有，牡丹蝦的蝦頭是有的，蝦身卻不見了本來，我還以為大概就只有蝦頭吧，但吃著吃著，和我一樣點浪人丼的同事竟然在吃牡丹蝦我和侍應說了一下，她們就用一個小兜補了一隻蝦身給我，那隻蝦又是鮮味欠奉，口感也是梅梅的。（缺了一款刺身這事，多少反映了廚師在制作這丼時是否有用心。。。是否有誠意。。。）這午餐實在令人失望，大概不會再回頭了。