海安咖啡室 (已結業)

香港上環開業的「海安咖啡室」至今已經有60多年歷史，它一直是我口袋名單之一，其座落於干諾道西路上港澳碼頭邊，是半世紀的歷史見証！銹跡斑斑的拉趟式鐵閘，脫落的白色油漆外牆，可見其飽歷時代的洗禮！推開兩扇落地的玻璃彈弓門，一貫舊香港氛圍洶湧而至，餐廳保留了50年代流行的紅色元素，格子地磚、老舊電器、紅木卡位....亦成為該店的特有標記。早上八時許已高朋滿座，可見其擁有一班固有的愛戴者！餐點款式多樣化，牆上還有漂亮手寫的圖文餐牌。甫坐下，二話不說即刻點餐：「香蔥碎牛炒蛋厚多士、熱茶走，唔該！」滿滿的蔥花嫩蛋在多士上堆成了小山丘，炒蛋滑嫩、蔥香濃郁、碎肉帶鹹香，厚多士烘烤至外酥內軟，一份就足以肚飽，大量的蔥碎肉炒蛋有水潤感，再加點黑胡椒，就是一種很簡單卻沒有試過的新食法！茶走保持著香港奶茶特色，那種茶味濃略帶澀口感，整體喝起來的香氣和順口度不錯！在節奏急促的鬧市中，海安咖啡室仍維持著舊日風格，看著鄰座的老伯呷着奶茶，打開報紙，細嚼着新聞的字裏行間，這就是香港的茶室文化！

68 年歷史既茶餐廳香港真係冇乜幾多 點左杯奶茶 鍋仔公仔面 鍋仔公仔面 裏面好多料 有鮮牛肉 蛋 午餐肉 五香肉丁 椰菜 呢個可能係叫爆蔥爆多鹹牛肉滑蛋多士真係流曬出黎 勁多料 就算男朋友唔中意食蔥 都話呢個好正 啲姐姐態度好好 仲提我地親熱食呢個 總結來講 呢到歷史悠久 好懷舊 食物都可以 希望大家繼續支持我地香港茶餐廳既特色風味

我們都好喜歡吃這些舊式港式冰室，這次終於來到了海安了，來到當然要排隊了不過都很快，而等待都是值得的呀呀呀呀呀😋(現在已經好想再去了哈哈哈)🧒🏽點了沙嗲牛肉蛋麵，OMG舊遺了這種最最最傳統有花生的沙嗲牛，超好吃的呀呀呀花生好香又多了一個咬口，牛肉好入味又腍沙嗲真的好好味，加上叉開了蛋然後蛋黃流出來一起吃OMGGGGG😋👦🏻就叫了雙拼蔥油撈麵，不停聽到"叉燒淨3"的倒數即刻叫呀要，所以他點了叉燒餐肉雙拼還要加辣，嘩一吃叉燒終於知道為什麼很多人都要點，真的那隻半肥瘦是超級好吃🤤真的在其他地方吃不到！好好好好吃呀餐肉煎到外面脆卜卜好正，蔥油撈好好吃加辣是不可缺少的哈哈！好想再來吃了哈哈哈😜

走進60 年歷史的茶餐廳, 時光流逝但沒有老態。老字號招牌高掛，但裡面簡單乾淨，員工細心有禮。沙爹牛米粉是吃過最好吃的！ 花生烤過灑在嫩牛肉上，米粉是有點像台灣那種發絲細的米粉，湯是傳統茶餐廳的那種湯底。香蔥牛肉末炒蛋多士，澎拜的份量，巨量的蔥，罐頭咸牛肉，雞蛋沒有過熟非常香滑，多士還塗滿了牛油，十級邪惡，減肥天敵，必點但建議share吃 😂紅豆冰： 非常講究！ 分了好多款，其中：「傳統紅豆冰」- 落花奶「鮮奶紅豆冰」- 落鮮奶，玻璃瓶上！「椰汁紅豆冰」- 有買椰奶我地只係試了傳統，覺得好正。之後可以試下其他 ☺️

依間餐廳已經係香港 有幾多個60年嘅歷史餐廳嘅格局 環境 都係充滿住歷史牆上亦都有黑白相片見證着中上環嘅改變Weekday 佢比較多人 尤其lunch time所以都要預啲時間排隊但上嘢食嘅速度都算快餐廳嘅價錢唔係懷舊嘅價錢我叫左雞翼撈公仔麵 都要$4x係中環或者遊客區茶餐廳嘅價錢雞肉算滷得入味公仔麵煮到偏淋身用蔥油撈埋一齊味道偏重 食完都幾口渴總括 喺呢度食嘢食嘅係一種懷舊嘅情懷同環境食物就係普通中價茶餐廳嘅水準

— 💛 呢間店絕對唔係玩復古裝修，係真正懷舊餐廳黎架🤗 店員都好友善唔會趕你催你 店舖家私門牌所有都保持原始風格😎 可以話呢啲店係買少見少😗—叉燒撈麵 ($48)  味道唔錯，份量夠大，叉燒肥瘦適中係燒得算香😍 撈麵麵質係小編鍾意既偏硬麵質 唔會好淋架😋 啲麵上面有好多蔥油係幾香 不過略嫌肥膩 🤭整體感覺係唔錯 特色係懷舊茶餐廳風味🤩—價錢： 💋💋💋💋味道：💋💋💋抵食：💋💋💋💋💋環境：💋💋💋💋. ——地點：海安咖啡室 (上環)地址：上環幹諾道西17號地鋪 營業時間：Mon - Thu 07:00-16:30Fri 07:30-15:00Sat 07:30-16:30—

呢排疫情開始緩和，打工仔門都開始要返返公司，亦都係再出嚟搵食嘅機會了。今次， 近近哋，就喺公司附近食呢一間懷舊嘅香港冰室！環境：呢一間冰室認真歷史悠久，已經屹立香港六十年，入面可以見到擺放咗唔少歷史照片，從而見到冰室由電車路對出就係海皮慢慢演變到而家填咗海嘅信德碼頭，一路食仿佛一路回味緊香港呢六十年嘅變化。食物：入到嚟呢間老牌冰室，食嘅當然係香港特色，今次我就試左冰室其中一個招牌，鍋仔公仔麵。呢個麵果真吸睛，一個麵竟然有六個餸， 分別係腸仔、餐肉、五香肉丁、叉燒、鮮牛肉同埋剪蛋，一次過滿足你六個願望。不過老老豆豆，食落味道普通，唔算話太特別， 不過我估係香港普遍都冇乜地方可以有咁嘅選擇，來食下情懷都冇壞！

返工日子等左成朝終於到午飯時間，但由於疫情關係，同事全部都叫外賣，唯有獨自一個出去食飯。可能時間尚早，平時好多人等既海安咖啡室竟然唔洗等，決定入去試下。睇完餐牌，本身諗住叫司華力腸薑葱香油撈麵餐，跟住望到隔離枱食客啲叉燒好似幾吸引，所以改返叉燒撈。等左大約五分鐘就到，果然冇令人失望！叉燒賣相好靚，肥瘦適中顏色鮮艷又多蜜汁，肉質夠嫩，唔會太甜又唔算油膩好好味！而麵底都係好出色，麵質唔會好硬，有大量薑蔥，非常足料，$48包飲品好抵食！極力推薦佢嘅叉燒，雖然叉燒唔係佢嘅主打，但係都咁高質，比起主打賣燒味既餐廳更好！

又一間有歷史嘅冰室茶餐廳🤓真係好鍾意歷史嘅氣息，「海安咖啡室」室內有少少新舊交替，餐牌、枱凳翻新過，但天花吊扇、牆壁掛扇掛鐘，以至店內金漆招牌，都充滿歲月痕跡，係度食野別有一番味道😊。叉燒薑蔥香油撈麵($48)••••••12點後先有嘅叉燒😜半肥瘦靚厚切叉燒，jeng！少少蜜糖焦香😛撈麵麵底夠乾身，彈牙無發漲，薑蔥味好濃好香，見到每粒薑蔥都醃製到上哂色，但食落又無油膩感👍🏻如果伴碟椰菜唔係白烚就更好啦。鮮牛肉湯米粉($43)脆豬(跟餐+$9)••••••鮮牛肉保留到牛肉應有肉質口感，無俾鬆肉粉拿得太得過份，無調味下食到原始肉味。雞湯麻油香氣四射🤣清清地唔死鹹幾好味。米粉比平常茶記食到嘅幼身順滑，份量幾多。脆豬煉奶係搽左先焗嘅🥰所以奶油豬保持到脆身，又無後尾唧煉奶咁甜食得咁呢hea。茶走••••••少失望，茶味都飲到ok可以，但薄身稀左啲，亦唔夠滑。

在上環區，有不少的特色咖啡店，亦有不少老牌茶餐廳。今次專誠到有半世紀歷史的海安咖啡室，自1952年開業到現在，仍保留舊有裝修風格，一走進茶室，就彷如進入六、七十年代的香港，是九十後的我從未經歷過的味道。幸好我今日到此，否則就嚐不到了，因為由明天(七月十四)至三十日，此茶餐廳因疫情嚴重而暫停營業了。由於是午餐時間，不能品嚐此店的人氣招牌：香蔥碎牛炒蛋厚多士和粒粒西多士(下午2:30後供應)，唯有叫常餐A。環境: 很欣賞老闆仍舊保留原有裝修風格，餐廳樓底高，格子地磚和大吊扇，紅色的卡座和木桌椅，突顯港式茶餐廳的簡約風格。服務: 職員態度不錯，可以看到跟顧客有講有笑。上菜速度快，叫餐後五分鐘內已經上完所有食物。食物:鮮牛肉湯米粉$43湯底是奶白色的豬骨湯，帶有少少的甜味，米粉份量適中，配熟生菜和鮮牛肉，感覺似是吃早餐。整體配搭簡單而鮮美，吃完就已經有八分飽，再喝完杯奶茶，已經吃不下菠蘿油。菠蘿油可惜不能夠在熱辣辣時吃，拿回公司等待下午茶時間，已經放涼了，牛油也已經融化了，表皮也不爽脆了，所以整體已經軟化了，真是可惜了。熱奶茶是一杯茶味過濃的奶茶，帶有苦澀味，奶味不夠，需要加糖才喝得下去。

近年興起好多唔同類型嘅茶餐廳，有啲玩復古主題裝修、有啲就專食香滑炒蛋，但好多都有同一個特點，就係啲嘢通常都係超乎常人咁濃味，以為濃味等於好味。事實並唔應該係咁架，所以我都係鍾意食傳統少少嘅茶餐廳多啲。喺上環嘅呢間海安，細細間喺海邊，沿路行過去一帶都係海味店，喺遠處望到已經有一種懷舊嘅感覺。舒服、雅致，好似返咗去舊時嘅香港咁，每陣風吹過嚟嘅係海水味，亦係人情味。如果你鍾意近排一條由日本動畫師製作嘅香港街境咖啡廣告，咁呢度就係嗰種Feel喇。入到店裡面係空間窄窄，仲係以前好硬、方方正正嗰種卡位，不過落街嘅唔係想像中粗粗魯魯嘅阿叔，而係一個後生女。今次嚟到叫咗招牌推介嘅嘢食——乜都有齊嘅小窩公仔麵同埋一份碎牛炒蛋多士，另外有熱奶茶同凍檸茶。嘢飲冇咩特別，小窩公仔麵勝在夠多料，鴨胸、午餐肉等等都齊晒，麵就係普通公仔麵嚟，味道不過不失，不過份量都幾啱大食少少嘅人。重點嚟喇～碎牛炒蛋多士真係好正，雖然塊多士烘底烘得硬咗少少，不過加埋上面軟滑嘅炒蛋都可以話係多咗一種層次感；而牛肉加多蔥真係好香，炒蛋唔會落得太多油搞到太膩，加埋每啖都有香、有滑、有咬口、有惹味，掂呀！絕對會再嚟食～最後仲畀我發現入面有

===============📍黑胡椒係精粹‼️ -- 海安咖啡室☕💛Bookmark咗呢間喺上環嘅舊式冰室好耐呀😍😍前排就同@eatwithbaobao一齊去試🤤今日就介紹小編好中意嘅蔥牛多士🥰🙈當日星期六中午去到有人排緊隊，我地大約等咗15分鐘就有得入啦🙈呢到嘅店員好有禮貌，服務殷勤，好有家嘅感覺😍-----------------⭐叉燒餐肉薑葱香油撈麵（$48）當日我地早咗少少去先試到叉燒！💕因為我地落單之後無耐已經聽到廚房話叉燒賣晒🙊撈麵份量十足，葱香撲鼻🙈不過食落陣蔥香味無想像仲咁濃🙈但麵條幾彈牙👍叉燒比較厚同埋瘦，所以食落肉質有少少韌同柴，有少少失望呢🙊不過餐肉煎得唔錯，油脂香滿滿😍----------------⭐️香蔥碎牛炒蛋厚多士（$35）多士上面有海量嘅炒蛋，見到都流口水🙈店員仲好貼心提醒加埋黑胡椒會更好食！😛炒蛋口感嫩滑濕潤，碎牛鹹香十足，兩者好match🥰加咗黑胡椒夠惹味，好正😍多士搽咗牛油烘過，微微香脆，將所有嘢一齊食真係perfect match!!!😻極度推薦❗️-----------------賣相：7.8/10味道：9/10性價比：8.1/10回頭率：7.8

對懷舊茶餐廳情有獨鍾，今次試咗上環嘅海安咖啡，門面恍如置身粵語長片，餐室內裝修亦很懷舊，不乏卡位和白色吊扇，門口亦有玻璃趟門麵包架🥰，喜歡打卡影相的朋友一定不會失望。可惜食物質素比較差，試一次就夠了。中午時段不提供西多士，沙嗲牛肉蛋麵$43竟不包飲品，價錢比較貴吧😣⋯⋯故此試了鍋仔公仔麵，加$5有樽裝麥精。胃口較少的我都不夠吃，鍋很大，餸卻很少（三四粒肉丁、兩片好薄嘅餐肉、一隻雞蛋、半條腸、兩塊硬硬牛肉片、一片鞋鞋地嘅叉燒，埋單$53，以為食緊今朝啲人食剩嘅早餐😰😰😰

上環的「海安㗎啡室」一直都好想去，因為貪佢夠舊，聽聞195X年已開業。果然無論門口鐵閘、室內卡位、擺設、電話、吊扇都充滿懷舊氣息，但卡位好窄，坐得唔太舒服，搭枱亦係必然。不過咁，d姐姐全部都好nice，又細心，好有親切感。心目中必點香蔥碎牛滑蛋厚多士（$35），材料鋪得好滿，蛋果然夠滑，鹹牛肉分量都唔少，蔥粒絕對係蛋的好拍檔，令件多士香口好多，店員親切地建議同親自加黑椒碎，話會好味啲，的確提升左味道。本來想叫叉燒蔥油撈麵，但可能遲左去，叉燒賣晒，店員話仲有一份雞翼（$48，套餐價，連飲品），問要唔要，咁都試試啦。豉油雞翼好嫩滑，鹹味恰到好處，雞蛋都好入味，麵質幾爽身，蔥油反而冇蘭芳園咁重味，係好輕怡的感覺，可以一試。紅豆冰都係呢度名物，有椰汁、咖啡、奶茶等口味，我試左原味懷舊紅豆冰（原價$27），大大舊冰球真係幾懷舊。因為只係加淡奶，味道唔會好甜（其實有點淡），但紅豆煲到好腍好鬆化，不俗。凍奶茶（原價$20）有茶味，但好甜，唔嗜甜的話最好叫少甜。下次有機會再去的話，必定要試鍋仔公司麵，咩都有，又煲仔上，係呢度先有。

海安咖啡室於1952年開業，當年舖頭對出就是海旁和碼頭，所以取名「海安」是寓意希望出海的人可以平安歸來。店舖與傢俱以紅色為主，店內亦保留五十年代的裝飾，如天花吊扇、卡位、收銀處、地磚等，極具特色。紅豆冰啲紅豆粒粒分明，配上維記鮮奶，簡直一流👍鹹牛肉蔥花蛋多士都值得一試，炒蛋香濃嫩滑，碎牛不會太鹹而且有口感👍不過呢間鋪頭好早關架，平時下午4點就關門，如果想試嘅朋友就記住睇返時間啦，廢事摸門釘😆