海港酒家

营业中

休息中

今晚專程約埋一班同學共享海港特價長腳蟹餐。有幾好食睇相喇！餐前小食沙薑雞腳好入味又淋餐前小食 五香豆腐 同酥炸墨魚咀餐前小食酒香味濃鴨舌，好食到連汁都飲埋主角出場 六斤半超大隻阿拉斯加長腳蟹，火喉剛好肉香鮮甜爽口不得了🤤🤤第二主角薑蔥龍蝦煎米粉底二個寫形容鮮、香，冇得彈！煎米粉底，更加係王度🫶🏼原盅燉湯 佛跳牆，材料豐富火喉十足，淡淡都係滋補同滋味😘薑蔥炆大班尾本人對魚一般，所以沒有評論！甜品 -壽桃包比較鬆散不夠綿密。甜品 - 椰絲奶黃糯米糍，紅棗糕

上司突然約我跟其他同事去飲茶, 有秘密任務, 幸好我只是負責吃, 任務交給其他同事 😎 這間茶樓大家一定並不陌生, 不過我卻第首次來吃, 想不到人頭湧湧, 需要等位入座, 蠻誇張的!燒味雙拼 $128我們選擇了腩仔跟叉燒, 腩仔皮有點脆口, 沒有肥膏, 很不錯 😙 叉燒超級瘦, 本人喜歡半肥瘦, 而且部份叉燒口感非常柴皮, 所以叉燒好壞皆看彩數 😗 燒味並不算多, 質素一般, $128絕對不便宜。黑色流沙包 $21.8潮州粉果 $21.8翡翠筍蝦餃王 $28.8鮮蝦豆苗餃 $26.8雞蛋叉燒腸 $23.8香煎蘿蔔糕 $23.8最好吃就是流沙包, 跟坊間流沙包一樣有流心效果, 有理由懷疑這款包是外購翻熱 😅 所有含餡的外皮(粉果, 蝦餃, 豆苗餃)全部都厚身, 腸粉皮本身已經厚, 還額外加蛋, 蒸後更厚, 蛋的口感並不滑 😮‍💨 但最最最惡劣的則是蘿蔔糕, 吃到的全只有粉, 沒含什麼材料 😥上海燴蝦球伊麵 $138蝦球蠻多, 伊麵沒有煮得太淋, 醬汁微微杰但不會很過份, 味道也不會太濃, 比起上面點心, 它算不錯 🙃櫻花蝦海皇炒飯 $118除左櫻花蝦外, 還有菜玉瓜, 蝦仁, 蟹籽, 材

昨日公司拜神，每個同事各自買一啲食物，我就去咗維景酒店嘅海港買燒肉同叉燒各半斤，加埋$120，點知斬咗出嚟，兩盒加埋半斤都冇，燒肉得幾粒，睇個樣好乾，好似隔夜咁，一睇就知唔係半斤。返到公司，有另外一個同事都係買燒肉，佢喺燒味舖，買左腩肉同腩骨各半斤，比我貴少少，加埋$145。但係真係冇比較冇傷害，佢啲肉又鬆軟又新鮮，嗰啲皮睇落好脆，份量多過我三倍，搞到同事以為我縮骨買少啲。之後食落同事仲話我買啲燒味好鹹，鹹到苦。真係乜面都冇晒，以後都唔好喺海港買燒味啦，尤其是維景酒店呢間分店，食物品質奇差，同事話喺第二間分店買過都冇咁差嘅。

極品酒樓，環境惡劣，員工態度極其差。門口接待處該位阿姐安排我們坐房，一入到去兩張大枱，問題係間房一陣up味，好難頂所以未坐底即時出返去要求坐大廳，該位接待阿姐仲話唔坐就唔坐唔使講咁多野，跟住換咗另一張大廳近擺餐具的枱，未坐低已經見到一些未用的餐具四散在地上，而地氈非常污糟，跟住就係樓面的服務態度令人大開眼界。首先坐底冇人開茶，示意職員交單叫野吃，望住佢地舉極手都冇人理，所有樓面阿姐都貫徹見到當見唔到政策，即刻閃開，甚至乎有位阿姐仲誇張到話要等，等咩呢？原來就係等佢去台熟客度打牙骹，執走啲籠，打完牙骹執野期間就唔知死咗去邊啦，隔咗好耐再死過黎問係咪要交單，此時張單已經交了給另一位職員了，打牙骹那位再也没有出現過，之後全程都是得幫忙收單呢位職員服務，她的服務真係搞到吃客為之一振，叫佢幫手加水，佢話要我地將個熱水壺擰開個蓋佢地就知架啦，如果唔係佢地唔知喎，乜真係咁咩？舉極手都冇人理，個熱水壺擰開蓋會有人睇到？劃咗嘅食物幾樣都話冇，冇都唔緊要，最搞野係佢唔係走過黎交代一聲，而係走到附近大大聲對住空氣話呢樣冇嗰樣冇咁樣咆哮幾次，完全冇為意佢係同我地交代緊，正午飲茶樣樣都話冇，有嘅就等成大半個鐘都

食品不過不失，某些菜式算是不錯，環境喧嘩擠迫，服務態度極之惡劣，相信服務員並不知道甚麼是服務行業，甚麼是待客之道，對客人苛斥、呼喝、無禮，甚至粗暴搶走客人的飲品。身處香港數十年，今次才真的領教到這樣的服務態度。

Boxing day出黎睇下戲，睇完去左飲茶，揀左始創的海港。兩點幾黎到，要等位，張飛係G8，呢個號碼真係…😅開左壺普洱，茶味認真差，得個苦字無茶香😂⭐香煎蘿蔔糕無乜蘿蔔絲同臘味，個糕本身又無調味，好彩攞左碟辣椒醬。⭐蔥花炸兩腸由三條腸粉變成六粒，縮晒水。有兩粒油炸鬼脆，其他啲好淋，ok啦。⭐蟹籽燒賣皇賣相雖然唔靚，但味道正常。⭐香芋燒腩卷芋頭夠粉腩肉大件，甜甜地都幾好味。⭐上海小籠包見枱枱都叫以為有咩出名嘢，點知又係蒸到乾曬身嘅小籠包。⭐臘腸雞粒飯啲飯蒸都一pat咁，臘腸同雞粒都無味，完全唔掂。點心質素below average，勝在張枱幾濶幾好坐啦。

12月20日晚聚餐，我們十多人離開時，其中一位朋友未出門口發現手機不見，即時走回枱面尋找手機沒果，即時詢問職員但店職員說沒有發現枱面手機，因由枱行到門口不出一分鐘，友人堅持追問但店職員堅持沒有見到手機，店鋪有 CCTV友人要求開睇CCTV記錄，但職員婉拒竟然回應店沒有開啟 CCTV，擾攘一段時間職員都說沒有人見過手機，最後友人要求報警求助，當友人多次要報警後，竟突有一位職員話搵倒部手機，當我友人接到手機時發覺手機是已被人熄了電源，疑似明顯有人想據為己有，(**但見客人聲聲堅持報警處理，手機立即出現**) 本已經對這間酒家的惡劣態度不滿，由其是門口服務員態度差得很，當日是朋友冬至聚餐本應是開心日子，可惜酒家 處理突發事情態度處理手法非常之差外， 而且疑似有貪心嘅職員連累下，以後我們會把這間酒家列為黑名單 ，也把這事件發給所有朋友們不要再來這間酒樓，(以後 寧願北上大陸食飯) 香港酒樓市道差都是有這樣態度差的職員連累。

坐低後無侍應開茶，叫侍應無人理，叫我哋搵第二個啦！於是，找經理尋求協助，給果經理服務態度極差，「你見唔見到唔夠人呀，已經開比你啦，唔鍾意可以離開。」令我們有不愉快經歷，而且沒有向我們道歉。

訂位時間只得兩個時間揀, 6:30 同8:30。我地揀左6:30。前兩日已經打定黎同我CONFIRM BOOKING, 我確認左會到, 點知出席前一日又打黎再確認。明明約左6:30, 6:26打黎問係咪黎緊, 我答係, 前往中。6:34又打黎問點解未到。點解要令到客人咁大壓力呢?到左之後, 門口個呀姐勁冇禮貌咁俾台卡我地, 相信佢就係不停打黎催問到未到未個個呀姐。環境, 真係好迫好迫.............食物, 一般, 去到後尾見到隔離台有糖水, 我就問姐姐我地有冇糖水食架? 姐姐就好X串咁答: 你俾錢咪有囉。真係貼錢買難受=[

話說致電到海港（太子）分店訂檯晚飯，接電話的那一位接待員，告訴我：訂檯晚飯時間只得2個時間➡️分別糸晚上6:30pm 及 晚上 8:30pm。當時我問接聽Book 檯的那一位小姐，若然我在7點幾先到來取檯，可吾可以呢？（因為收工後要坐車到太子），怎知那一位接聽電話的小姐回應我 ➡️咁糸你問題，並不是我們的問題。 ✡️咁樣的市道，理應盡可能留客開一張單。員工態度直接使客人不訂檯吃晚而另去第二間食肄！既然講到咁無夜巿，為何不訓練員工服務態度！！今時今日咁既服務態度，我吾要訂檯糸可以！！ 之後，我又問：若訂8:30枱要等幾耐？那一位接聽電話接待員講：8點應該好多人埋單走。 ✡️都吾糸做生意，明知生意咁難做！不如執左佢啦！

今日點左呢個超值全包宴。其中最出色嘅菜式係蠔皇原隻鮑魚扣花菇！鮑魚鮮嫩彈牙，加埋蠔皇嘅鮮甜味道同花菇嘅香氣，絕對係一組完美嘅結合！🦪🍄😋😋😋竹笙海皇燴燕窩亦都非常出色！燕窩滑嫩，配上竹笙同海鮮嘅鮮味，味道香濃而且有層次感！真係令人回味無窮！🍲👍🏼西蘭花炒帶子珊瑚蚌亦都好味！帶子珊瑚蚌鮮美，配上爽脆嘅西蘭花，口感豐富又清爽！每一口都帶來滿滿嘅滿足感！🥦🍤最後仲有壽包食添，真係開心♥️六隻奶黃餡壽包鬆軟滑溜，奶香十足；另外六隻蓮蓉餡壽包香甜醇厚，口感細膩。食完一頓豐盛嘅宴席，最後以壽包作為甜品，真係一個完美嘅結束！大家都好滿足😌整體而言，呢個超值全包宴真係物超所值！菜式精緻美味，如果你鍾意中菜同埋想搵個超抵食嘅套餐，呢度絕對係一個唔錯嘅選擇！😋

同事榮休一大伙兒齊齊相約團聚。👏位置太子這間裝修比較舊，一陣陣懷舊味出晒嚟！😅招呼就一般般，以食味道為主還可接受。🥢今日到海港不是食長腳蟹，主角係佛跳牆，這盅佛跳牆不得了！高湯香甜順喉，湯料十足火喉十足，啖啖滋味一流。👍👏🥢乳豬烤得皮脆肉嫩，功夫十足。🥢蒸魚要多食，鮮甜肉滑火喉恰好。🥢壽桃包有點鞋口。🤪

(2023-05-11) 海港旺角我和同事在旺角工作，途徑始創中心就到四樓的海港酒家午飯。今天點了他們的168元午市自選套餐。💢沙薑豬手粒作為小食來說份量不少，沙薑味道溶入豬手粒内，皮爽肉嫩滋味一流。😋💢乾炒安格斯牛河炒得夠乾身但不油膩，河粉夠鑊氣火喉控制很好，牛肉雖經炒後亦不覺得變老，肉質好亦沒有渣。👍💢 蟹籽燒賣和香茜叉燒腸兩個點心，燒賣個頭都不小蝦隻新鮮彈牙。叉燒腸粉皮不厚亦很滑，而且用蛋皮包著外觀賣相討好。😊🔷️今個午市自選套餐十分經濟抵食，下次都會再來一試。

同事飯聚要食好啲👍海港出名阿拉斯加長腳蟹：叫了兩隻、一上檯, 同事們即各自打卡！蟹腳肉肥美味👍好滿足！圍菜份量都充足！乳豬皮脆：唔多肥膏！可惜店員人手不足、常漏單！（有待改善）

清明節當天，與親友拜山後到始創海港飲茶。其間有3位親友先到酒樓攞位。因為未確定人數，所以向茶樓指大概15人，開了一張12人枱和一張4人枱。期間一個黑色制服職員態度已十分差。催促親友要先下單，因為廚房快落場。親友聽從指示先點一些點心，再影相給未到的親友看。然後這個黑色制服職員卻又要說：［我地唔會錯的，唔使影相既］，聽到這話，這個職員不停有說話對我們說。又嫌我們點得慢，話：［快啲，點唔夠就之後再點］。但之前又話廚房就快落場，毫無邏輯。到其他親友來到，一共13人，就9人坐大枱，4人坐細枱。黑色制服女人就又過來話我地你地13人點解要開多張枱，我地話唔可以嗎，已經坐低左，開哂茶，叫哂野食，佢還想怎樣，用不著又來教訓我們吧。不停話我地唔應該開多張枱，事實上如果13人迫在一張枱係會好迫的，而且有好多吉枱，沒有阻佢地做生意。9人一張大枱，我覺得一點也不過分。然後再坐多一會，又有另一個職員又來話我地13人，又在計我地人數，為甚麼飲一餐茶我們要不停受氣。我不明為甚麼去飲茶，要不斷給職員鬧，然後期間兩個職員不停在背後指指點點，甚至差不多離開等埋單時，黑色制服女士仍然在執後面枱期間故意讓碗鍱發出好大聲的燥音去