渝人碼頭 (已結業)

久唔久就想食辣既我，今日來到灣仔渝人碼頭，一入門口就聞到久違了的川辣味! 呢種味，係北京既麻辣干鍋店先會有!店舖有2層，職員安排左我地坐上層，個趟旋轉樓梯，轉到我暈暈地!入正題，我點左個午餐，辣子雞配烏梅汁， 同行朋友點了個麻辣口水雞。相比口水雞，我份辣子雞，辣度更高，而且越食越辣 好彩午餐跟烏梅汁做餐飲，可以舒緩一下辣椒帶來既刺激。除左主菜同白飯，午餐仲搭埋一盅湯同一碟開胃小菜，碟小菜都係微辣架，真係幾開胃!是日湯品係足料冬瓜湯。，熱辣辣咁上枱，都幾有誠意。

同事話今日口淡淡lunch 想揾啲新刺激喎😂😂，今日咁啱有事去灣仔搞少少嘢，就約去呢間新開嘅四川菜試下🌶兩點鐘到達，一入門口已聞到麻辣味🌶😆由於已經過咗食晏時間，唔洗排隊，𣎴過地下嗰層已滿，我地被安排到樓上坐。樓上地方寬敞，適合一大班人。午市套餐有6款可選，每星期會轉換一次。午餐有湯，小食，時菜同飲品，都幾豐富。我揀咗口水雞，份量都幾大，雞多肉無肥，都算嫩滑，口水雞汁係可接受嘅辣🌶🌶，非常惹味開胃。同事叫咗辣子雞，來到已知正宗，好多辣椒🌶️🌶🌶，雞件都唔少，餣得好入味，但呢個辣過口水雞好多，同時有少少麻，真係食到出晒汗，食得辣嘅朋友先好叫呀😂。唔食辣嘅可以揀京蔥牛肉，啲牛肉多到離晒譜😂，京蔥好甜，又係一道送飯好菜。例湯係冬瓜薏米湯，真係絕無味精，但都好清甜，呢款清涼湯水好適合跟熱氣辣嘢一齊食。另外收咗重慶酥肉，炸得好酥脆，點埋辣椒粉食，係唔錯嘅餐前小食。餐飲點咗酸梅汁，顏色好靚，酸酸地唔太甜，味道清新，都幾解辣。嗯～又有一個lunch好去處💚

午餐套餐伴有小食（類似脆豆角的涼菜挺可口）、時菜（幾條冷菜心，味道一般，像是放了很久的樣子）、餐湯（冬瓜湯好喝）和餐飲（建議喝冷飲，能解辣）。主食選擇上以麵和飯為主。點了酸辣粉（大辣）、擔擔麵（中辣）以及辣子雞飯。辣度來講，麵食的辣不會太強勁，擔擔麵有驚喜，因為是正宗的拌麵而不是帶湯的。但辣子雞的辣很入味，有點嗆。作為午餐來說是很豐富的，值得再來嘗試。結帳時還給了Coupon以供下次使用。

過開黎哩頭甘多次，行過甘多次哩間餐廳都只係以為夜晚開，淨係打邊爐。但同事話我知佢其實有lunch 嫁，仲要有lunch set, 個set 仲有湯有餸有飯有菜有野飲。點都要黎試試啦！入到黎唔多人，每枱都坐得分開，感覺唔錯，始終夜晚都用黎打邊爐既。Waiter 送黎既時候，真係wa wa wa ,份量勁勁大，尤其碟餸。辣子雞飯無論雞同辣椒份量充足，雞好入味，唔會炒得好乾，仲好juicy, 唔係好辣，我叫既時候都有d 擔心，叫左唔好甘辣，但食落ok wor ,不過同事唔係好食得辣就試完好辣。雖然得個幾條菜，不過好過無。仲有小涼菜拍青瓜，其實可以用黎解辣口水雞飯無錯份量又係勁大！D 雞好滑，就算佢俾左雞胸都唔鞋 good!個汁唔太辣，職員話因為我地話小辣廚房落小左辣汁or 辣油，而同事亦好開懷甘食飲品方面有檸檬意米水選擇， 超match,好清清好解辣。食飽飲埋杯野，可以清左個口d 辣味重口味！

朋友發現新開既麻辣火鍋，幾個人一齊黎試下。聞說喺灣仔開咗無耐，里面座位唔算太逼。黎得到呢度當然要叫麻辣火鍋所謂嘅重慶風格係點呢?大家都好好奇。有朋友想試埋唔辣湯底，所以叫埋養生湯底，味道亦都好濃郁。入面有蘿蔔，吸曬d味，正！我地叫咗兩樣牛肉，一個當然係香港風格豐富既手切肥牛啦。手切肥牛，真係人不可以貌相。好有牛味，又滑！黎到一定要點！第二個係牛痢爽 （怪名）但係唔好理，好爽，估唔到一次過就可以滿足我對唔同口感牛肉嘅渴求！之後上黎既肉丸拼盤，大大粒，好彈牙。朋友特登點既脆肉脘魚，sh一聲話咁快就食完。D魚肉好白淨，去骨去得好，食落都好心安。 另外，薯仔片同豬肉都無失望，豬肉好香，唔會鞋。另外呢度連四川人鍾意食既地道黑柏業同埋嫩牛肉都有。期後上場既松香菇，新鮮到附著根上，好好玩，好似啱啱拔落黎咁，每一粒都自己拔落黎，放落鍋，即刻個人都覺得健康左！最後要重申一次呢度既湯底辣得黎夠香，香得黎又夠麻，對於一個講求質素嘅火鍋真係十分緊要，大家有機會真係可以黎試試！

經過些少本地化的重慶麻辣鍋，湯底沒有傳統的油膩，牛油材料應該加不多，也不會很稠，不妨試試。8人光顧，點餐如下：1）醬料茶水 x82）鴛鴦鍋 -重慶麻辣大紅鍋；中辣；皮蛋香菜鍋 x23）碼頭三寶4）碼頭鮮鵝腸5）重慶酥肉6）本地手切肥牛 x27）午餐肉8）牛骨髓9）鴨血 x210）白鱔片11）手工特級蝦滑12）綜合手工丸子拼盤13）蕃茄14）鮮甜粟米15）淮山條 x216）窩筍條17）野生竹笙18）炸豆皮19）凍豆腐20）韭菜豬肉水餃21）墨魚桶22）Coca-cola x423）Tsing Tao x224）菜肉雲吞25）手工豬肉丸（半）26）手工芝士墨魚丸27）精選牛肉粒28）本地精選頸心尖（半）29）Coca-Cola Zero x2加一後，再Openrice discount 88折，合共HK$3,030。

我好鍾意食辣，不過香港啲啷台灣麻辣火鍋都唔辣嘅，次次食完都失望。男朋友話公司附近開咗間麻辣火鍋，好似幾似樣，有晚接佢收工就去try try。我哋叫咗個只鴛鴦鍋，一邊係麻辣牛油鍋，一邊係老鴨（見隔離枱叫酸菜魚好似都幾正，不過男朋友麻麻酸菜所以無嗌）。一上枱見到啲辣椒就覺得猛料，起初以為唔辣，點知越食越正。因為我唔食牛，所以叫咗一碟牛畀佢自deal，再嗌咗碟伊比利亞豬，仲有白鱔，鴨血，好好玩嘅菇，仲有鮮雞件（怕唔夠肉會唔飽）男朋友話牛肉肉味濃，自deal一碟完全無問題。伊比利亞豬勁正，薄薄哋入口幾爽，幾有肉香。最surprise係白鱔，唔係冰鮮貨，唔會「梅」，幾鮮！然後麻辣火鍋一定一定要落嘅鴨血都okay，煙煙韌韌。呢個茹原木上有得剪嚟食，係幾好玩，味就一般菇囉。最後鮮雞件不過不失啦。食到最後仲「賜酒」，其實係蜜桃沙冰，食到熱辣辣急速降溫，幾正！

I have been wanting to try this place for a while but the service was unwelcoming.Finally tried it and they were still unwelcoming, it was like as if I interrupted them getting a break.Anyway ordered the noodles and they were too spicy.I know they are meant to be spicy but they were extremely spicy as if extra chili was added.

渝人夜宴打邊爐真係一年四季喺香港都一樣流行，所以要得圍真係少不免要靠gimmick做招徠。不過自命都係個半桶水食家，特別係喜愛邊爐嘅我，對邊爐嘅唯一要求只有一個字 - 鮮！唔駛巧立名目，唔駛太多花視，只要食材夠鮮，那怕只係一湯清水，「打」起上嚟一樣咁滋味！而呢間店名玩食字嘅餐廳「渝」人碼頭，都算係食材新鮮，令我同朋有都依舊回味。食材方面，一行三人可能叫嘅款式不多，喺咁嘅情況底下自然係要更精選配料，最尾就選擇咗老鴨X松茸鍋做湯底，一次可以嘆兩款湯底，正！而個人認為松茸味道較淡，湯底散發菌香，最啱鍾意清淡嘅朋友：而老鴨則較濃郁，湯底看似混雜但入口清甜。配料方面，見到門外冰箱放住一個個松香鮮活菇，自知一定要order嚟試試，自己親手採摘，感覺別有一番風味！牛係邊爐嘅最合拍組合，呢款本地手切肥牛同牛舌，賣相吸引，入口兩都想我味仔濃，食到出一個鮮字！脆鯇和老鴨湯底好匠配，咸香吊出鯇魚嘅鮮味。

前排同班friend 聚下舊就梗係打邊爐，朋友話佢公司附近開咗間新嘅好似幾正想試下，咁就去咗灣仔呢間渝人碼頭一入去就見到門口有啲菇，你以為啲菇仲種緊,點知之後係呢個菇係成個連木上嘅有機菇要自己逐粒菇摵出嚟，食落好有菇味好新鮮，好正之後要介紹下湯底，本人無辣不歡所以點咗個辣嘅，另外朋友話想試鴨湯所以叫咗鴛鴦鍋。個湯底好夠辣，好夠麻又夠香，真心正一個好嘅湯底基本上淥咩都正之後仲叫咗鴨血，麻辣湯底真係冇可能唔叫鴨血，好食，唔會一夾就散，又有鮮味朋友好鍾意食牛，所以一定要叫好多牛，呢度嘅牛好有肉味，絕對唔係出面果啲有雪味又鞋嘅牛，呢個牛同牛舌真心好食另外，我想講呢度嘅茶都好好飲，雖然唔知係咩茶，但入口好甘香，食辣野飲係一流！

放飯時間又到了!知道開了間食重慶菜既餐廳，鍾意食辣既我又點會放過呀但每次經過都排滿人，今日點知咁好彩，無人排?咁我梗係去食啦不過因為食午餐，所以無機會食佢既火鍋佢都有幾多款LUNCH SET揀，而且每個SET都跟個無味精例湯、菜心、小菜，所以都食到幾飽下~唔講咁多，去相!成都擔擔面$68，正常四季豆$78，正常薯仔咖哩雞$78，正常食左個例牌雞$65，正常三杯野飲，驚喜就係呢度，杯檸檬薏米水好飲到呢~我真係估佢唔到!如果比我打分，佢值100分!所以成餐飯最大得著係杯薏米水!!!!食完，又要返工去

城中又開左新的過江龍重慶火鍋店，見早去食可以walk-in就試下，點左個鴛鴦火鍋，一半中辣一半酸蘿蔔老鴨鍋。重慶麻辣越食越麻辣，凍豆腐吸哂湯汁食完勁標汗超正超過癮。另一邊酸蘿蔔老鴨湯據講係用醃左三年既酸蘿蔔去煲湯，煲耐左勁冧，食哂。個鴨湯好甜，勁多鴨肉仲有鴨脾添，飲左三碗鴨湯先收手呢！不過食物質素就有啲失望。叫左本地手切肥牛但冇牛味，份量亦偏少... 另外個鴨血menu寫係Duck blood但中文係鵝血，我地問左話係譯錯，應該係鴨血，但食落唔似鴨血呀！淥幾野就散，一夾就碎，$78一份好貴又唔值，仲要埋單時張單都係寫鵝血，咁即係點呢？酒水都幾貴同埋我地開舖入去食但有食物或啤酒叫左但轉頭又話賣哂要揀過，應該早少少講明會好啲囉。有樣好好要讚既係好多可以半份咁點，唔怕食唔哂會浪費食物。但總括黎講個價錢唔算抵，我地7:30前埋單有85折咁先叫過得去，如果正價冇折食就貴左啲了。我情願去番銅鑼灣雲長食，感覺平少少又事實上好食啲添。未必回頭啦，個市實在有太多較好既選擇了。湯底雖好但食物質素都好緊要呢！

有時番工番左成個星期都真係好鬼攰好想同班fd 成餐飯見下面就係咁簡單。有朋友介紹灣仔開左間特色靚靚邊爐，岩晒我地班港女。湯底叫左個麻辣配藥膳，有辣有唔辣，任均選擇！我就唔係好食得辣既，但試左少少都覺得幾香。藥膳湯就好足料，一定要飲左啖湯先！呢到有d特別食材，例如呢個鮮活松香菇，自己鮮採鮮食，特別新鮮，吸精度100！不過都有少少泥，要抹一抹先呀。我地點左個叫做山城貢菜，幾得意第一次試。好爽口wor，口感唔錯。其他打邊爐食材都算幾新鮮，雖然價錢比普通偏中上，但咁既格局，地區，湯底同食材睇都算係咁上下。

平時好少食重慶火鍋因為食得辣嘅朋友唔多呢日難得約咗幾個辣友 一於試試灣仔呢間新開火鍋店我地點咗個鴛鴦鍋一邊係老鴨鍋 一邊就係麻辣牛油鍋唔係講笑 辣個邊都真係幾辣下係好正宗嘅重慶麻辣牛油鍋味道辣得嚟有層次 其實會食到少少藥材香另外個鴨鍋 一定要飲啖湯先非常鮮甜清潤 飲完可以叫staff再加湯醬料吧就自助如果有埋炸蒜就好 哈哈本地手切牛味道好濃 油花分佈夠平均係好食嘅最得意係呢個菇未係香港見過即摘即食好過癮菇味都好香甜特別少少有當地直送香港嘅貢菜好爽口 淥耐少少都唔怕仲有呢個碼頭三寶即係鵝腸、毛肚、黃喉好夠新鮮爽脆總括而言 係唔錯嘅火鍋店不過地點就有啲鬼祟其實係近金鐘多啲鍾意食辣嘅朋友可以一試

打邊爐真係要多人去先開心，終於約到幾個老友同我一齊去食啦！！上次係facebxxk見到介紹呢間，約左兩個禮拜終於齊人！地圖望呢道有d遠，但行落都只係離地鐵站5分鐘左右，都算易搵。多人有個好處，就係可以叫兩個鍋，隔離叫麻辣，我地就叫酸菜桂花魚同松茸鍋～酸菜魚都辣辣地架，仲幾多魚肉食，店員提醒魚肉要盡快食另外松茸就清清地，湯頭都幾好味。見到有黑毛豬就即刻叫，通常都唔會死錯人，呢道既豬仲幾好食添，應肥則肥，又唔會太漏。另外白鱔片都幾抵食，唔會得幾塊，食落好爽口入味，炸豆皮好特別，鮮炸唔會林，又吸味！食咁多肉都要食d菜中和返，蔬菜拼盤都抵叫，＄78大大兜，款款都有d咁。食完仲有解辣沙冰送