渝味曉宇重慶老火鍋 (聚賢逸居) (已結業)

秋風起 係打邊爐嘅好季節👅來到堅尼地城的渝味曉宇，鋪內鋪外裝修都勁細緻😍見到都好吸引一入去已經好大陣麻辣火鍋味，食指大動😛鍋底係已人頭計 $38/head一行兩人，揀咗普通麻辣mix山真菌湯鍋🥘好彩只係揀咗普通麻辣，唔係重慶啦，因為普通麻辣已經有好多辣椒同花椒同辣椒只喺入邊🌶🌶🌶🌶🌶🌶🌶呢隻麻辣唔係淨係得個辣字好正宗嘅重慶味道，係有後勁㗎！會條脷痹痹地，好過癮🌶而個珍菌鍋有好多冬菇同其他搵冬菇類配料，足料！🥰肉類方面，我地叫左 -美國安格斯優質肥牛全份 $216（8片）曉宇嫩牛肉半份 $42 （一小兜）黑豚腩肉半份 $42 （4片）最推介嘅係嫩牛肉❤️因為真係好滑好爽口 有舊唔小心錄耐左，都依然咁爽滑😍肥牛同豬肉都好好味，脂肪同紅肉比例岩岩好，不過份量就少左啲😛我哋仲叫咗 - VEG類：午餐肉 $42 娃娃菜 $18 唐山菜 $32 黃金菇 $26 金針菇$18 etc..... 啲菜放咗落麻辣湯底度淥真係辣到不要不要不過好過癮😍😍😍😍就算係真菌湯底，都建議唔點其他豉油醬汁，因為本身湯底已經好濃味。最後要推介必食嘅係potato noodles，好似食緊啫喱咁，好煙銀😘好有咬口，一流😍

最近口淡淡，想試1d濃味正時少食嘅好西，上網search即刻見到依間重慶火鍋店，放左學近近地就去左堅尼地城附近嘅分店喇係門口影的，已入黑，所以只影到招牌發光一入店內裝潢乾淨俐落，地方夠大，以木材質地為主，令人有種返到去原始嘅感覺，別有一番風味。好relaxed 點菜中侍應特意奉上餐前糖水，每人一碗，冰糖雪耳紅棗叫左脆鯇魚腩：新鮮，鮮甜，爽脆黃喉：重慶火鍋必點，冇乜味，主要係食口感，要煮內少少，熟透先好食，否則會好un,咬吾開的黑毛豬：還可以，豬味吾重肥牛：半份得4片，好少，但都算大塊血旺：又係重慶火鍋必點，吾會一夾就爛開菜：新鮮海帶結：大塊厚切，是樹葉型狀，第一次見忘記介紹最重要一項：重慶火鍋湯+雜菌菇湯底已經好夠味，吾落豉油都可以埋單600左右2個人屬於高質餐廳，價錢亦成正比

口感很鬆化的酥炸肉，味道略淡，加上不會太油膩，老少皆宜。鯇魚片厚薄適中，魚肉呈半透，非常新鮮。這魚魚味較重，每次打邊爐都總會order的。十分美味的肥牛，肉味頗重。油脂分佈平均，每一啖都食到又嫩又滑。墨魚滑打到幾膠下，烚熟後彈性幾好，唔錯!鴨紅本無味，食既時侯舀左少少湯底一齊食，就可以食到湯底既精華; 咬落比豬紅還要滑。打邊爐又點少得牛丸、豬腸，都有叫少少。反而豬腰就要碰運氣，而家有好多火鍋店都冇，實在好爽，我就是鐘意呢種口感。這裡做緊午市八折，如果時間就到都唔錯。

今日同事又廖我哋去食lunch打邊爐，因為有8折😆，渝味曉宇不嬲都好食，同埋上菜快，咁就一於去食啦🤦🏼‍♀️🤦🏼‍♀️😝每位茶位費$20，我地擇左個每人$38湯底，午市都算爆爆地，都幾多好似我地lunch time 黎hea下😅大骨滋補鴛鴦鍋-有人食辣有人唔食辣，咁就叫鴛鴦湯底，辣個邊真係好正又麻又香又足料，好似返左大陸打邊爐咁野味。稻田毛肚$59-好少餐廳有得食，新鮮又夠爽，打邊爐必點重慶炸酥肉$32-因為想食多種類 所以叫左半份，炸得夠脆酥香，特色野👍🏻白鱔片$89-正呀喂，切得咁薄又多片，夾埋麻辣湯係正既黑豚腩肉$42-最中意佢夠晒肥，一層層5花肉好爽好味鮮鵝腸$99-最愛最愛叫鵝腸，但要洗得好乾淨先無苦味，同埋落一落好快就食得！手打墨魚滑$46-墨魚滑打得咁正，份量其實同去街市買差唔多，但餐廳黎講都算幾抵食！

秋天來了🍃吃火鍋的日子到了🍲嗜辣如命👹的我在西環街頭找重慶火鍋。原因有2.....☝🏼我在舌尖上的中國見過她，念念不忘；✌午市做緊八折，咁個火鍋又紅卜卜🌶點抗拒呀！渝味出名𠮩𠹌靚食材👩🏼‍🌾，所以唔係平，但係正👍！現在推介必食之選...✋第5位，乾貢菜～超級爽，成班friends 食到short short聲...是火鍋中的薯條🍟！第4位，鴨血🧛‍♀～乾淨又精緻，好新鮮，黏糯感恰到好處！第3位～稻田毛肚=大大張的黑栢葉，同牛心頂❤都係大大塊又爽又鮮⋯⋯係少有食材！第2位～冰豆腐，海綿🧽咁盡吸麻辣湯，咬落去😽Yummy! 👑 第1位～萵筍片🎋～鮮嫩爽脆，散發荀莖獨有的草青味🌿必食！ 建議選鴛鴦鍋湯底，辣🌶、唔辣🙅🏾‍♀、辣🌶,唔辣🙅🏾‍♀......梅花間竹咁食，大滿足！

一坐低，待應即奉上暖暖的雪耳糖水，火喉十足，煲到好「膠」; 味道亦不會太甜。特級肥牛色澤紅潤，好新鮮。而且脂妨部份啱啱好，食落不會太油膩。生蠔大大隻的，好夠鮮味。朋友食慣生蠔，所以時間掌握得好好，經佢烚的係滑好多。豬腰有陣獨特的味道，用來打邊爐超正。以往嚮出面食的，通常是厚切，這裡則剛剛相反，但烚起的效果係超爽的，我好鐘意這種口感!細細隻的燕餃，餡料混和得好好，比甚麼水餃、魚皮餃都來得好食!我唔係好記得這碟的名稱是否鹵水腸。Anyway，咬落外面有點煙靭，裡面則軟淋淋，仲食到湯底的味道。臨走前，嚮近門口位飲啖水沖沖口，再食番粒薄荷糖refresh一下，這個安排嚮其他火鍋店少見，幾好!

每次出差回來第一時間就是要吃一趟麻辣火鍋，渝味曉宇一直是我的首選甫就座，侍應便為我們送上免費贈送的紅棗雪耳糖水讓我感到最正宗的就是這裡的油碟，跟重慶一樣將很多的蒜加進一碗香油內湯底選了我是喜愛的大骨滋補鴛鴦鍋，每位三十八元，可以打邊爐前喝口湯每次必點的美國優質肥牛粒，直接要了全份更為划算貢丸也是吃到停不下來的選擇，也要了全份黑豚腩肉油脂豐腴，但唔會肥膩，而且毫無腥味，肉味鮮甜麻辣火鍋怎能少得鮮木耳？灼煮三分鐘即可店家推介的曉宇手打三寶丸絕對不能錯過，有蝦滑、墨魚滑及香菜牛肉滑牛筋丸在牛肉裡加進了一些嫩筋，超級有彈性及嚼口吃了那麼多肉也要一些蔬菜平衡一下，皇帝菜調胃健脾、降壓補腦，營養價值高清熱去火的自製洛神洛神花茶具有美容養顏、減肥瘦身等多種功效，女神的至愛

今日早收工去咗西環望住海景飲杯咖啡，飲完咖啡要醫肚，同女朋友行行吓見到上次喺銅鑼灣食過嘅渝味曉宇，原來係西環都有分店！即刻入左去食！一坐低有碗暖粒粒嘅紅棗雪耳糖水，唔會太甜，雪耳都煮到好淋，好味！上次食揀咗普通辣湯底今日決定試吓重慶辣湯底，湯底好香，辣度好夠！另一邊就揀左豬骨湯。侍應好快手就拎左啲火鍋配料過黎，大部分食物我地點左半份，可以食多啲款式，呢一part係我覺得幾好！推介佢嘅墨魚滑，入面仲有一粒粒彈牙嘅墨魚，好味！蘿白片我地放豬骨湯嗰邊，煮淋左吸收曬湯汁，正！毛肚都好食唔會un！原來呢間火鍋店喺內地係得獎餐廳，絕對要試啊！

天氣終於有入秋嘅感覺，又係時候可以打邊爐啦！今日我同朋友去左西環間渝味曉宇，本身打算食埋火鍋，原來有得雙拼嘅，所以最後就叫咗普通辣湯底拼大骨滋補鍋，咁就唔使怕太辣了！🥢大骨滋補鍋比我想像中更加入味，係好濃嘅湯底！打邊爐邊少得牛肉呢？我地叫左安格斯優質肥牛，淥完之後好重牛味，肥肉都唔算太多，唔會覺得好滯！除咗牛肉，我哋都叫咗紐西蘭精品羊肉卷，入口唔會覺得好騷，反而肉質好重，又好滑！🥢滑牛肉，顧名思義夠晒滑呀，牛肉咬入口都夠爽口嘅！牛丸同三寶丸夠晒彈牙！聽講毛肚係食麻辣火鍋必食嘅配料之一，我哋呢一碟毛肚就咬入口夠爽口，淥嘅時候都索晒麻辣火鍋嘅湯底，好味道！🥢特色迷你燕餃細細粒好得意，但味道一啲都唔輸蝕，好爽口！鮮鵝腸夠新鮮！🥢菜同埋苕粉亦係麻辣火鍋必點，因為佢哋會吸晒麻辣嘅油，鍾意食辣嘅一定要叫呢兩度配料！🥢紅糖糍粑，糍粑夠煙肕，如果紅糖漿再多啲就好啦！埋單用匯豐信用卡仲有折，性價比都算高，我尤其是鍾意個湯底👍🏻

天氣開始轉涼，又係最適合打邊爐嘅時候🤡好耐之前已經聽過呢間重慶火鍋，係1995年開始經營嘅老字號上過中國著名飲食節目同獲獎多次，好期待重慶老火鍋其中最大特色係咸香麻辣，而且呢度嘅香料係特別用牛油炒過，香味食落特別濃厚我地叫嘅鴛鴦鍋：大豬骨滋補湯同「普通」辣湯飲食習慣問題，普通辣對香港人嚟講都已經好辣🤪🤪 但真心好香好惹味佢地提供嘅調味料只有3種：麻油、蒜蓉同蔥花麻油好香呀！一定要試！我地叫咗啲丸、萵筍、苕粉、炸芋頭、蠔、桂花蚌、珊瑚蚌、滑牛肉等苕粉真係勁推薦，同啲麻辣湯勁夾萵筍我係第一次食、幾爽口滑牛肉好勁，厚切好腍好香肉味蝦滑都好推薦，蝦味夠鮮夠爽口，無論同清湯定辣湯都好夾👏🏻桂花蚌好鮮味，珊瑚蚌就好適合落辣湯，吸引晒啲辣味好刺激美國安格斯肥牛片，肉味油味都好香，就算落辣湯都唔會得返辣味打邊爐都要食返啲菜，推薦竹笙🙌🏻🙌🏻好開心食到咁優質嘅火鍋，而且食完身上都唔無沾到好多食物味，幾好午市仲會有8折，覺得好抵🤣

西環的表妹約午餐，表妹選擇了重慶火鍋。自己嚐過灣仔的分店，記憶中感覺還不錯。於是大家就約好十二點正面。雖然餐廳提供午市麵餐，但表妹因為午市火鍋有八折而堅持火鍋。點了鴛鴦鍋：　山珍菌拼普通辣  誰叫表妹想食辣又怕辣。幸好每位送糖水作為解辣美國安格斯優質肥牛和優質肥牛粒　很正常的牛肉。大刀牛肝   這段没有豬膶的日子裡，又懶得買鵝肝鴨肝雞肝，看到餐牌的牛肝，已經兩眼發光了。一碟薄薄的牛肝，配一粒鵪鶉蛋。不論白灼或麻辣，也可感到膶膶的甘香。再沾上那苦辣的紅色配料，更能帶出牛肝的甘味。  重慶炸酥肉　　一條條的炸酥肉，混有花椒粒。口感超鬆化，鬆化得有如只有炸皮没有豬肉。真令人懷疑是麵筋扮酥肉。一碟几十大洋，抵食！  現炸豆皮　　厚身腐竹，久煮而不爛，吸盡鍋底精華。配個人特配的蒜蓉／醋／芝麻油，一流！黃豆芽　　大豆芽在麻辣鍋那邊，煮了很長時間也依然爽脆。   韮菜豬肉水餃　　香菜／芫茜＆皇帝菜　菜有膳食纖維，幫助消化。而自己更喜歡芫茜旳香氣。菜菜See You Tomorrow！加多寶　　可以下火的飲品   紅糖糍粑　　糯米粉製作的甜品，可是口感較硬。唯有放在鍋內，加熱變軟，變成甜中帶辣的美食。

其實我就未去過重慶，但係身邊幾個重慶朋友都話呢間好正宗，慢慢自己都上癮，由一開始鴛鴦鍋淨係浸菌湯，到依家九宮格先覺得過癮😅🔖【優惠速遞】依家東亞信用卡午市有八折啊❗️◆Sumnary◇好多間分店，西環呢間面積唔係最大，但係坐得幾舒服。服務都好唔錯，加湯加得勤快，唔會煲乾底🙇🏻‍♀️食物選擇頗多，可以半份半份點，試多d新嘢。最中意糍粑、苕粉、炸豆皮、桶蠔同安格斯牛肉🐮湯底牛油味好濃，店鋪瀰漫超香辣椒味。定價同其他過江龍火鍋店差唔多，小貴但勝在品質保持得好好💕唯一的小建議係希望每張檯都有一壺茶🤣真係辣到喊嘅時候要即刻搵店員添茶都幾狼狽🥶P.S. 唔係講笑，蒜頭加麻油真係解辣必備💦————————————————————以下食材吸辣度由低至高👇🏻◆紅糖糍粑(半份)◇略微炸起，淋上一層糖漿，外表微脆而內裡軟糯，像煎堆的口感但更為柔軟，超中意❤◆美國桶蠔 (半份)◇兩隻生蠔超肥美，浸完辣湯竟然都保持到鮮味，煮左5分鐘都唔會老◆安格斯牛肉(半份)◇牛肉味濃，肉質不會乾◆曉宇嫩牛肉 (半份)◇ 超嫩滑，滑落口中的感覺👅牛肉味就不及安格斯◆羊肉(半份)◇羊肉味濃但完全冇羊膻味，高質！◆鵝腸、毛肚、黃喉◇

吃火鍋的要求一定要食材新鮮，這家渝味曉宇重慶麻辣火鍋，已經開了幾家分店，今晚去了西環卑路乍街那家用膳！一進門就見到地方整潔，裝修也新淨、坐位舒服！坐下不夠，服務員就.送上雪耳紅棗糖水讓我們先行打底！火鍋配料就點了美國安格斯手切肥牛、黑豚豬肉、重慶耗兒魚、串蝦、美國桶蠔、芝士丸、牛筋丸、田園蔬菜等等！湯底是麻辣加另一半蕃茄鍋！極新鮮的火鍋配料，特別喜歡那牛肉，牛筋丸、味道鮮甜又有咬口，桶蠔肥美又大大只、一邊麻辣滋味，另一邊鮮味的蕃茄湯，喜歡辣與受不了太辣也可各適其式！鮮嫩的蔬菜，灼它一下即食！特別好味！吃火鍋、喝冰凍啤酒、最佳配搭啊！

麻辣就好似一種癮咁，時不時都要食下舒解下🤣因為始終麻辣都會較油膩，所以同朋友約左星期六嘅下午茶黎打個卡(其實真係不妨考慮下，下午茶時間通常人又少啲，又有多啲時間消化)😛先點左鴛鴦鍋大骨滋補拼普通辣湯~大骨湯有一舊大豬骨，仲有蘿蔔、馬蹄、粟米等調味，辣湯則有大量不同種類嘅辣椒、花椒見到都興奮🥰好快都黎左其他火鍋配料都黎左，有靚靚安格斯肥牛、桂花珊瑚蚌、蠔、丸、菜等等❤️肥牛油花勁靚，肉偏厚身👏🏻桂花珊瑚蚌雙拼，份量頗足，蚌爽口，好食😛蠔好大隻，味道屬中上品~另外仲有手打三寶丸同牛筋丸同手打蝦膠，三寶丸同牛筋丸半份係3粒，適合人數少嘅人，每樣少少可以試多啲😌再者仲有啲比較少見嘅蔬菜、伴菜類，例如紫淮山、竹笙、苕粉、萵筍等，加上麻麻辣辣嘅湯底，食得好過癮🥰

星期日同左屋企人去西環搵嘢食，有人提議打邊爐，咁我哋就去咗係堅尼地城有分店嘅渝味曉宇食重慶火鍋。打邊爐識食係點鴛鴦鍋，我哋就揀咗個大補骨湯同埋普通辣嘅湯底。佢個豬骨湯好濃，已重慶辣湯底呢亦都十分之麻。水滾之前我哋嗌左個炸酥肉，第一次食，幾得意！係上菜之前餐廳仲俾咗我哋每人一碗雪耳糖水事先下下火！海鮮方面我哋叫咗桂花珊瑚蚌雙拼，呢個真係超好食，爽口彈牙，我哋前後仲帶咗兩碟添！我哋另外仲買咗個鰻魚，即係類似中式食物入面嘅膳，又嫩又爽口，好得！食得重慶火鍋少不免梗係要嗌毛肚、羊肉、豬肉片同埋嫩牛肉啦！我本身就係鍾意食啲爽口嘢，所以毛肚我簡直啱晒，仲要唔係度度都有得食㗎！第二round我哋再嗌左鵝腸同埋蝦滑，食落就知係新鮮蝦整嘅，非常重蝦味！打邊爐點都要食返啲菜同麵，我哋就叫咗娃娃菜同埋苕粉！娃娃菜浸晒啲豬骨湯好好食！同埋苕粉係超級好食！又滑又彈牙！叫左兩round 都好似唔係好夠！本身埋單以為大概$1300百幾蚊，原來佢午市有八折呀！折實左大概$1100，簡直係意外驚喜，我哋四個人價錢啱啱好！