渝味曉宇重慶老火鍋 (聚賢逸居) (已結業)

好似好耐無喺香港食過麻辣火鍋😋呢間就中規中矩啦 其實啲野全部都唔係差 不過就係唔可以從中揾到最突出嘅一樣 要講我最滿意嘅 一定係環境 新淨舒服乾淨闊落今次係我地第3次一齊打邊爐 係唯一一次食得晒啲野 亦係唯一一次埋單唔過千🤝合作愉快😆

從「舌尖上的中國2」重點推介嘅重慶火鍋店，知道《渝味曉宇》非常有名，係重慶老火鍋五十強。今晚跟幾位嗜麻辣嘅好友試下有幾強先。我哋叫左鴛鴦鍋—皮蛋香菜拼麻辣大紅鍋。聽侍應哥哥講述，紅湯係經辣椒、花椒、牛油、豆瓣、老薑熬製㗎，係麻辣火鍋底裏面嘅精華所在，我哋揀左普通辣，性質較溫和，好適合香港人口味。呢間重慶火鍋店好有特色，唔同港式火鍋店，只有麻油、生蒜蓉、蔥花等調味料，可能想食客品嚐到最正宗香濃嘅麻辣風味。我好鍾意香蒜麻油嘅香味，當食材點上麻油之後，質感更香滑，食到濃郁嘅麻辣味之外，以及火鍋配料嘅真正鮮味。入座時侍應會每人先送一碗冰糖雪耳糖水，係食店嘅傳統。其實老闆真係好貼心，因為麻辣會刺激腸胃，先用冰糖雪耳糖水滋潤一番，再食麻辣，咁樣就能大大減低左麻辣對腸胃嘅刺激，呢個真係值得讚賞。火鍋配料方面十分多元化，大部份也設全份或半份選擇，好有彈性。 重點推介當然係稻田毛肚、鴨血、鮮黃喉、鮮鵝腸、大刀豬腰片、耗兒魚、曉宇苕粉、現炸豆皮、重慶炸酥肉等等。我本身好想好想食嘅毛肚，好無奈地⋯已經售罄了，只好留待下次再試！以下想重點介紹一下我最中意嘅幾項配料：現炸豆皮其實有D似炸響鈴，炸豆皮比響鈴更薄更

無打邊爐一段時間，今日咁岩放假出左去西環呢邊行下，行到肚餓經過渝味曉宇，又俾佢既香味吸引到我啦！決定入去打個靚邊爐！坐低叫左一個蕃茄拼重慶辣鍋😋😋😋我地點左半份美國安格斯優質肥牛🕺🏿、半份新鮮鵝腸、手打蝦滑、一份鴨血、半份美國桶肥蠔、半份現炸豆皮、半份凍豆腐、半份鮮竹笙、仲有萵筍片條同油麥菜！美國桶肥蠔半份有兩隻大大隻既蠔，好鮮甜好好味👍🏿👍🏿👍🏿現炸豆皮即炸豆片夠香脆，餐牌教學話放落湯煮佢一分鐘，吸埋d湯味道一流👍🏿👍🏿手打蝦滑食落口好彈牙👍🏿👍🏿👍🏿肥牛好味，必須配搭麻辣湯，好辣好正🥰

今日去咗西環渝味打邊爐😍😍😍呢間店裝修得好靚😍山珍菌湯配大骨滋補湯山珍菌湯好鮮甜 另一面既大骨滋補有紅棗粟米好滋味😋😋😋大刀豬腰片好好味😋😋😋豬腰有口感正👍稻田毛肚呢個毛肚好爽口😋媽咪都話好好食！😄😄😄美國桶肥蠔嘩呢個桶蠔不得了😍又肥又大😋不過記住滾耐啲因為佢肉身肥大！鴨血我最愛既鴨血唔無間間火鍋店都有嫁！咁岩見都就一定要食啦！新鮮好味仲好滑溜！不過小心熱燙口😊😊😊

試了番茄湯鍋配普通辣大紅鍋，番茄湯底甜美提鮮，增進食慾，普通辣絕不普通，湯底備有不同辣椒及香料，層次豐富，令人垂涎三尺。最緊要係配備蒜茸、青蔥及香油的特製油碟，這地道食法，除了中和辣應，更令食物口感更上層樓稻田毛肚、黃喉、鴨血、苕粉是重慶火鍋必然正選，前兩者新鮮爽口，與辣湯絕對係經典絕配，後兩者本係平平無奇而味寡之物，但經辣湯洗禮，滋味即時升級談過辣鍋的妙處，是時候講講蕃茄湯那邊的情況。耗兒魚的鮮美，配合蕃茄湯頭，配合得天衣無縫。功夫萵筍片的獨特切法，有助本來已很清甜的萵筍盡吸湯中精華，味道進一步昇華。 由於湯頭出色，馬上追加淮山條、凍豆腐、鮮竹笙等好像海綿一樣專門吸味的食材，結果果然不負重托！最驚喜的是「吸湯之王」乾貢菜的出現，可謂是日最大警嘉。不消數分鐘，本來乾瘦的綠色乾菜吸納了湯底的精華，猶如脫胎換骨。

冇錯！我又返嚟啦上次挑戰完大辣之後，一直想再食多一次普通辣，因為上次對我黎講實在係太辣啦，冇乜辦法享受食物原本嘅味道，所以我又再返嚟食。一開頭就會送上一碗雪耳糖水，今日個碗係咁多間分店最好飲，因為佢夠熱，而且個味道調得啱啱好。咁啱呢兩日開始凍，坐低飲一碗呢個即刻有晒胃口食嘢。今次我哋要嘅湯底係重慶普通辣再加蕃茄濃湯。呢度嘅蕃茄濃湯係幾好食嘅，如果有唔食辣嘅伙伴建議另一半揀呢個蕃茄濃湯。又係叫到一枱都係嘢食嘅時候，叫咗嘅嘢食不能盡錄，大約有凍豆腐、牛丸、芝士腸、蟹柳、腐竹等等。呢間火鍋最好嘅一點就係佢所有嘢都可以叫半分，半分雖然得幾件但係真係好適合兩個人食。平時我哋都會叫三寶丸，不過今日就想試吓呢個墨魚滑同埋鮮蝦滑，發現都好有驚喜！特別係個墨魚滑，非常彈牙，食得出係用新鮮嘅墨魚手打出嚟嘅。另外呢四款蔬菜亦都非常之推介，鮮淮山好養生，同薯仔一樣放落個辣湯入面係非常之吸味，會變咗好似麻辣燙咁好野味。炸芋頭如果唔好煮得太淋，會有一陣好香嘅味，就算你唔係太食辣，輕輕點一點落個辣湯度當汁咁點都好好味。埋單都係五百幾啦！嚟緊佢喺荃灣開分店我估我應該都會再去食多次

呢間餐廳食物種類比較多，稀有既內臟都會有。一入門口已經聞到麻辣香味，帶好圍裙就免費送上紅棗雪耳糖水打個底。叫左鴛鴦鍋，普通辣同蕃茄湯底，辣度一開始還可以接受到，但後期唔好頂得順。 《紐西蘭精品羊肉卷》$56有少少羶味，但同火鍋湯底幾夾，個人覺得親蕃茄湯比較好。《大刀牛肝》$46先將牛肝同鵪鶉蛋撈一撈先，熟左之後點一點甜甜地辣椒粉食。《牛骨髓》$46口感好特別，有點似豆腐。《牛心椗》$59口感有點似魷魚，但比較爽口。《曉宇苕粉》$29則係薯粉，時間要把握得好，5分鐘就可以煮到煙煙韌韌咁。 《功夫萵筍片》$22解辣之選，建議放係蕃茄湯底《凍豆腐》$29係凍左既蜂巢豆腐，放落火鍋，入面既冰慢慢溶，火鍋湯慢慢浸入豆腐，所以一咬，就好多汁。《稻田毛肚》$62雖然外表唔靚，食落又唔差，口感好似薄片金錢肚咁。《重慶粍兒魚》$42條魚細細條，魚肉一夾就會離骨《紅糖糍粑》$36口感煙煙韌韌，建議大家最後先叫，呢間餐廳上菜得好快。《紅糖冰粉》Like fb 送既，食到覺得辣，就要叫，除左冰粉仲有提子乾同豆。

天氣一凍就好想打邊爐呀～早幾日就同朋友去左重慶火鍋，超香同好惹味，食完佢身暖笠笠～ 食重慶火鍋之前，餐廳就會提供一碗冰糖雪耳糖水，作用係食辣野前可以比我地保護胃部，糖水幾好味，想再飲多碗ε٩(๑> ₃ <)۶з湯底我地揀左普通辣大紅鍋併大骨滋補鍋，大紅鍋望落好香同好麻，好吸引呀，我覺得大紅鍋好辣，但辣得好過癮，湯底仲好香濃！｡:.ﾟヽ(*´∀`)ﾉﾟ.:｡.-黑豚腩肉，肉質幾好，唔會太肥-美國桶肥蠔，桶蠔真係好大隻呢！好肥美都夠鮮味，煮完都唔好太縮，肉質幾新鮮，索埋湯汁好好味(◔౪◔)-鮮龍躉片，鮮味，魚肉幾嫩滑-桂花蚌，口感幾爽口同彈牙-手打蝦滑，蝦滑加左啲蟹籽，都幾彈牙架-鮮蝦雲吞，雲吞真材實料-紅糖糍粑好好味，糍粑外脆內軟，點住啲紅糖食，我好中意(✪ω✪)整體食物都唔差，湯底濃郁滋味，食物可以叫全份或半份，不過份量有點偏小(๑´ㅂ`๑)渝味曉宇重慶老火鍋  地址:西環堅尼地城卑路乍街163號聚賢逸居1樓

之前去過灣仔分店，覺得好正，所以又去食，但今次就去左另一間分店～～因爲我同朋友都唔食辣，所以我地揀左番茄同山珍菌湯底。湯底人頭計，每位$38，另有醬料費，每位$20。🍅🍅🍅想講番茄湯底又幾正喎，好香濃既番茄味，特別當你滾完嘢食，啲肉都有陣陣既番茄香味🤪🤪🤪.🐮美國安格斯優質肥牛：脂肪紋好靚，少少肥肉👍🏻🐤鴨血：大大片鴨血，夠哂滋補！手打蝦滑：夠彈牙！🐮曉宇嫩牛肉：超級嫩滑，推薦！🐟鮮龍𧄌片：上次食過覺得好正，所以今次再一次encore。真係好食，肉質厚而鮮嫩👍🏻👍🏻又唔腥！🐑紐西蘭精品羊肉卷：鐘意食羊既朋友要試下，好香羊味，仲要切到好薄，又唔韌，值得一試！🥬皇帝菜：唔知點解打邊爐好鐘意食皇帝菜，可能因為平時少食，味道又幾特別。🍬紅糖糍粑：一定要襯熱食！甜甜地，又唔會好漏。🍜曉宇苕粉：成日覺得薯粉嘅質感好得意，變透明就食得，煙煙韌韌咁.重要窗口位有塊大玻璃可以望到街景，坐位又闊落，住附近嘅朋友隨時落街就有咁正既火鍋食，好羨慕喔🤗

平時比較少去西環, 今天難得去逛逛, 還看到我跟姐姐最喜歡的渝味曉宇重慶老火鍋🥘環境邋蠻舒適而且, 有很多桌子, 因為場內的人不多, 所以我們兩個人可以坐四人位😝很寬敞!這次我們點了普通辣大紅鍋及大骨滋補鍋, 兩個湯底一者鮮甜, 一者麻香味極重! 普通辣還蠻真辣的, 我覺得愈煮會愈辣🥵🥵喜歡吃辣的你們必須一嚐! 調味亦有很多選擇, 有蒜蓉、蔥、香油、醬油等, 自選喜歡口味。我個人超愛香油配蒜蓉, 醬油, 好香! 入座即有圍裙, 不怕弄髒衣服, 貼心! 不過有點小望是這次他們沒有提供糖水, 以前每次吃都會有的🥺🥺🥺這次我們主要各款食物都點半份, 來試試西環分店的食物質素哈哈。食物陸續送上, 碟上食物整齊乾淨, 這個已經很加分了重慶炸酥肉香脆可口, 真的很好吃🥰浸在湯底幾秒也有另一種口味, 很開胃醒神。曉宇嫩牛肉果然名不虛傳, 肉質真的非常鮮嫩, 這個會一直encore吃的一道哈哈手打蝦滑很新鮮, 很彈牙, 我很喜歡吃!鮮黃喉 爽脆美味, 不過就味道還差了一點點美國桶肥蠔 超大隻，很鮮甜👍🏼槄田毛肚輕輕灼一灼, 爽脆又好吃, 姐姐的最愛!曉宇菬粉, 熟透後變得滑身, 我覺得跟薯粉沒分別,

踏入冬天就係打邊爐既季節😍上次食完麻辣火鍋之後一直念念不忘，午餐時段(1700前)更有全單八折😋係菜單上仲會寫明每款食物要煮幾耐，確保大家吾會食左d未熟既野，好貼心😆另外仲可以揀半份或全份 ，岩哂我地依d乜都想食既人👻餐前既雪耳糖水好滋補🥰大骨滋補鴛鴦鍋 （每位$38）📍半份美國安格斯優質肥牛 ($119)淨係肉類都分幾款，有牛有豬有羊肉，而牛肉都再有幾款比客人選擇～依款肥牛雪花分布平均，有牛肉鮮味，吾會好煙韌，好吃👍🏻📍海鮮類半份美國桶肥蠔 ($69)半份鮮龍躉片 ($72)半份桂花蚌 ($66)幾款海鮮雖然定價不算便宜，但質素很好，桶蠔超肥美厚肉，不會有腥味，好新鮮😝龍躉片肉質爽口，配埋麻辣湯底好正👍🏻桂花蚌係小編最喜歡既一款，煮5min就可以，十分爽口，大骨湯底更突顯其鮮味，半份都有7至8舊，夠食✌🏻📍丸類及蔬菜類半份手打蝦滑($46)半份手打三寶丸($49)半份炸芋頭 ($19)半份鮮腐竹 ($19)手打蝦滑同手打三寶丸都好彈牙👍🏻相對之下蝦滑份量較多，感覺花算d🤣而鮮腐竹同炸芋頭條打邊爐真係好出色😋最後仲點左紅糖糍粑($36)煎得外脆內軟，煙煙韌韌，mochi控一定好中意食😚

朋友話想食火鍋 就去左試呢間 鋪頭裝修好整齊乾淨 一坐低就有圍裙著 幾貼心 仲俾碗雪耳紅棗湯水我地 好清潤 朋友建議如果食既湯底好spicy可以留呢碗野解辣我地叫左羅漢果茶 唔會太甜 幾清熱 配火鍋正我地叫左一邊spicy一邊骨湯 仲叫左肥牛 芝士丸 午餐肉 好evil一定要叫佢個寬粉 超級有咬口 今次仲第一次試牛肝同牛骨髓 同樣好出色牛骨湯底個個骨記得食完入面仲有個骨髓 個個先係精華食菜既可以試試佢個萵荀 切得好夠薄 勁入味 講起又有d肚餓

從前試渝味曉宇午市套餐時已對他們的火鍋虎視眈眈，終於等到季節稍涼可以打個邊爐了！一坐下店員已經呈上自家糖水先暖胃，非常貼心。鍋底選了雙拼鴛鴦鍋，一邊是普通辣大紅鍋，另一邊是蕃茄湯鍋。辣鍋一上就已經是照牌濃烈的麻辣香味，而蕃茄那邊則是清甜的清湯，像我不太能吃辣的也不用擔心。火鍋配料方面是最讓我驚喜，有不少是較為少見的名字，相信是重慶的特產。我們兩個人吃得不多，這樣的份量剛好。肥牛厚薄適中，肉味濃郁！桂花蚌超級新鮮，爽脆得很。我個人十分推介這個手打蝦滑，半份雖然看似份量很少，但淥下淥下原來每人也有幾乎十塊，又鮮又滑。這個重慶炸酥肉也是很特別的，可以當零吃即食，也可以放在湯中淥一淥，我覺得吃起來很像廣東的油炸鬼呢。然後還點了鴨血、脆鯇魚腩、苕粉（红薯粉）等等，雖然有重慶特色配料，但其實香港人平常吃開的火鍋料也應有盡有！埋單兩個人$690

我並非極度嗜辣之人，但經過幾年鍛鍊之後，現在都可以食到麻辣火鍋了，不過是小辣。這店不是放題，而是單點方式叫食物，每樣食物都分大、小兩個份量。人多就可以點多些，我同朋友兩位可以點半份，一人幾口而且可以嗌多幾個款式；另外可以點兩個鍋，以方便嗜辣程式不同的朋友。鍋底本身比較平$38 每位計，本身睇食評介紹九宮格麻辣大紅鍋是這店的招牌鍋，由於我只是吃小辣之人，所以點鴛鴦鍋。火鍋前先送上凍糖水，我揀在火鍋後吃，有少少解麻辣作用。我們這晚吃過的有紅糖慈蚆、美國安格斯肥牛、桂花蚌、韭菜豬肉水餃、鮮龍躉、黑豚腩肉、曉宇嫩牛肉、手打蝦滑；全部都好鮮味，連稻庭烏冬都好味。新鮮蝦滑，menu 亦有指引建議下鍋1-2分鐘即可撈起。入面好像吃年糕，好軟好煙Un 這品牌主打內臟，所以當中不乏內臟食材。鐘意食既可以點多款。除了內臟外，亦有傳統的火鍋配料，例如手打四寶丸(有芝士丸、牛筋丸、貢丸、包心魚丸)、串鮮蝦、麻辣牛肉、肥牛粒等。等位時/離開後可自助式飲杯凍茶，糖果。食物水準高，而且配置細心。最後，不得不讚這店的通風做得不錯，吃得一餐麻辣後，沒有感到全身成浸味，依然很乾爽。

朋友知我食完呢間重慶麻辣火鍋，個個都話想試，今次就帶埋佢地黎西環呢間分店，其實小女都係第一次黎呢間分店～我地叫左麻辣湯+大骨滋補鍋，麻辣湯底又麻又香，十分過癮而大骨滋補鍋就用成舊豬骨去熬製，湯底呈奶白色，豬骨裡面仲有骨髓食，超正！呢到火鍋配料可以自選份量，客人可揀全份或半份，我地全部都揀半份，貪可以試多幾樣配料～～以上呢幾樣（牛骨髓、安格斯肥牛、午餐肉同大刀牛肝）都係極力推薦，同麻辣火鍋絕配！甜品就叫左紅糖糍粑，熱辣辣炸好，外脆內軟，裡面好煙韌，完美既一餐！