湘肴世家

营业中

休息中

有日同媽媽去旺角行街，佢話好想食酸酸辣辣嘅菜，見到求其一間雲桂香就想入去食。我前幾日先食完雲桂香，唔想咁快又食，就即刻係OpenRice search附近有咩湘菜好食，結果就揾到呢間。個門口真係十分宏偉，未食已經要行一條又長又斜嘅樓梯，如果有老人家或者推BB車就唔係咁適合喇我同媽媽好耐冇食湘菜，忍唔住叫左幾樣野試，當然酸菜桂花魚就必點啦～係咪我少見到怪呢，第一次見買咗檸檬嘅酸菜魚，識落酸酸辣辣，魚片都幾滑溜，但媽媽就略嫌唔夠酸。我反而最中意呢碟窩窩頭，我同媽媽兩個人掃晒不過要快啲趁熱食凍咗就好硬冇咁香。最後呢碟炒萵筍絲真係激氣！我地等左成50分鐘，又左催右催先黎，等於期間其實我哋已經食飽，但員工話廚房已經炒緊冇得取消味道係幾唔錯嘅好清甜，但係都幾油吓，營造一個假嘅健康感覺。湘菜嘅話下次會想試吓其他餐廳，呢間不過不失啦。

香港除左可以吃川菜，湘菜呢家都可以吃得到。湘菜最主要係食蕨根粉同埋剁椒魚頭。冰鎮酸辣蕨根粉作為頭菜，酸酸辣辣，好開胃。招牌菜鴛鴦魚頭王好得意。一邊紅色，一邊黃色。紅色偏酸辣，黃色係剁椒偏鹹。店家魚頭分量給好足，好大份，魚都新鮮，魚腩位置好嫩滑，配飯啱啱好。最得意係一份魚頭滿足4種口味：香辣鹹酸。最後叫左小炒肉，滿滿啲青椒同薄薄啲五花肉，相當可口，慫飯都係一流。不知不覺把飯都吃完，最鐘意啲菜甘係剁椒魚頭，單單汁都可以送飯。

剁椒魚頭，看電視就看得多，平日一個人好少機會食。今日lunch黎開附近，去openrice search 到呢間食湖南菜，特登來試下菜來了，第一個感覺，條魚勁大！！！好吸引！！我叫左小辣，以我平時食譚仔十小，我都覺得有d辣，不過可接受。條魚好滑....最正糸d豉油汁，汁撈飯好正，食開比較濃口味的朋友會喜歡。68元set lunch, 有魚，有飯，有湯, 值！

上年同姊妹來吃晚飯, 6:00p.m. 入座, 坐足成晚, 不用被趕交桌,  又吃到地道湘菜, 很回味。 今天午餐時間獨自路經此店,  見到有 HK$48 的午餐供應, 便二話不說, 即上去試下,  湘菜特色是刀工及調味,  要經調味去突出菜餚本味,  即每樣食物都會有自己的character,  我喜歡豆腐, 所以選了攸縣香乾 ( 免辣), 豆腐乾超入味,  真係食到豆腐乾本味,  肉的份量不會太多, 而且很有中國菜的油膩感,  很有風味,  飯質亦有中國米的硬實口感,  混在油膩感的肉同入口, 完全感受到身在中國吃飯的味道。可惜是湯已售罄, 只好選無糖可樂,  因為沒有「正常」可樂。

朋友訂咗一個禮拜先至有位，行上一條樓梯入到餐廳，室內裝修很中國化，別有一番風味，兩個人食三樣餸，叫咗個雙色鴛鴦剁椒魚頭、雖然叫咗小辣但慢慢食落，辣嘅後勁好凌厲，越辣就越想食，越食就越香辣，所以就叫咗一個唔辣嘅農家窩窩頭，同鐵板粉絲走辣，有機會再嚟試其他餸菜因為仲有很多我都想試

本人很喜歡食辣野，聽聞有呢家餐廳，友人之前試過話好，於就幾個人去食了。總括來說，味道不錯，嗜辣的人會覺得可以再辣一點，不吃辣的就覺得剛剛好，不過幾個人去食，都應該拿個半衡的。我們叫了水煮牛、烤魚、薯粉、土豆片、再叫左碟菜。水煮牛味道不錯，不過係其他地方吃過更辣更香，牛肉片更大塊的。薯粉作為頭盤，酸酸辣辣幾開胃。烤魚的話，魚比較細條，就辣味來說，比對起上來有些其他店鋪更好味，可能少了一d花椒還是什麼。不過辣性較溫和就比較適合大眾口味。要一讚的是魚肉很滑。菜比較多油，下次不叫菜或叫烚果d菜。酒釀丸子酒味較重，我自己麻麻。最後，推介土豆片！用鐵板係下面煎，好香似辣薯片，好正，超推介👍🏻👍🏻👍🏻坐位舒服，美中不足是隔離枱太吵，間舖回音又大，令我好難聽到朋友講乜。除開一人食了二百幾，無任何coupon 之類。都ok，畢竟食咗好多道菜。

尼間餐廳係媽咪介紹，上年生日嘅時候來食過一次，今次慶祝母親節都係揀返尼間。湖南菜同川菜一樣都係辣，但湘菜就無咗川菜嘅麻香味，更著重於香辣嘅表現。而其中一道次次來都有點嘅係以下尼道熏鴨，媽咪特別鍾意。以為係普通熏鴨味，但其實味道一啲都唔簡單。食落有好香嘅木熏味，第一啖唔會食到辣味，但之後又會有好重嘅辣味出返來。🌶🌶🌶係越食越辣，越食越滋味個種。次次來都會叫嘅口水雞，味道香辣。細佬仲將啲汁拎來撈飯。酸菜魚係上次生日飯個次叫，味道唔錯，但無特別驚喜，魚嘅份量亦少。炒長豆角，算係特色菜，味道唔辣，啱曬唔食得辣嘅朋友。萵筍炒臘肉，配飯食好正萵筍够脆嫩，臘肉夠香。最後甜品係炸南瓜丸，中間好似有紫薯，外脆內軟，但價錢偏貴。建議多人來食可以試多啲菜式。

行完中南食個晚飯，咁岩係對面就入左尼試裝修都非常有味道，中國古風好吸引前後叫左4道菜同一個飯飯就要等10分鐘到，不過都可能因為我地比較夜先去食，所以要馬上整先尼一個乾手撕雞，辣味非常好，就係雞絲真係太乾，有d似送酒小食多過送飯小菜，但味道真係5錯再尼一個薯粉，粉條真係好驚喜，闊條麵咁我地都驚呆了，但味道清淡，連埋雞絲一齊食岩岩好d菜應該就（無農藥既），味道算5錯最期待既水煮魚尼啦，可能我地叫小辣，條魚5係好入味，而且魚肉多骨同碎骨好多，食多2食都無乜心機繼續輪骨失望

霸道豬腳王這間湖南菜餐廳，大部份的菜色都是以辣為主，呢款是其中一款是唔辣而我覺得係幾好味，呢個霸道豬腳王是新年獨有菜式，豬腳半肥瘦，如果怕肥就唔好食佢啲皮，但連皮食會比較香啲，個汁調校得好好仲用左梅菜一齊煮，豬腳夠淋，肉嫩。

星期六下午和老公兩個人到油麻地搵食，打算之後去果欄買過年生果。這是第二次來湘餚世家，懷孕之後越發偏好辣味，好彩香港越來越多食辣嘅選擇，川菜，重慶火鍋，湘菜。而湘菜館的話常去書湘門第，湖南軒。上次來油麻地食完湘餚世家就決定將它列入我嘅最愛食肆。環境很有土菜館嘅feel湘菜館必食之蕨根粉辣子雞炸的好透，係我鍾意嘅做法小炒黃牛肉也不錯清炒萵筍，不辣之選，比其他湘菜館少油窩窩頭冇想像中咁好食，搭配嘅梅菜有點悶這次冇點雙色魚頭，之前試過，好食，不過比較辣，孕婦還是要收斂點

路過呢間，一於食吓辣。招牌菜係鴛鴦魚頭王 $168， 剁椒半紅半黃，是為鴛鴦。紅色一邊係偏酸辣，黃色果邊係泡椒偏咸辣。個人比較喜歡黃色，因為比較香囉。魚頭份量好足，很大一條淡水魚，近背的一邊很多骨，魚腩位先食得掂。香辣咸酸又夠重口味，十足十正宗響大陸食到的味道。小炒黃牛肉 $138其實好細碟，牛肉同芹菜辣椒等配料切到「碎濕濕」，俾埋隻匙羹，明係撈飯用。黃牛肉係比較硬身的，幾韌但有牛味。越食越辣，撈飯一流，係貴左D囉。炒椰菜花$68配料多多，有青紅辣椒，有肥肉，炒得好香口，幾辣吓。盤是大，不過椰菜花唔算多，一陣子就食完，未能儘興。砂鍋飯$10用左砂鍋原盎蒸，飯質偏淋。砂鍋其實好淺，所以份量奇少，只有正常飯碗的一半咋。咁都收 $10，偏偏食辣野又要食好多飯，搶錢的。

說上次同班朋友去晚飯就揀左間特別少少嘅平日川菜就見得多湘菜都係第一次一入到去餐廳裝修雖然吾算好華麗但都古色古香好濃嘅中國古風環境都幾好到點菜方面落單後5-10分鐘就上菜 都算快手我地叫咗大約十幾個菜主菜點左個魚頭 牛小腿 炒飯 炒粉分量十足👍🏻👍🏻小菜就點左個長沙臭豆腐 辣子雞.....等等個臭豆腐吾算太臭但味道口感超正個人非常喜愛而個辣子雞同其他小炒味道還好但分量就小左D食到最尾仲有煲湯丸送味道唔差（但真系好飽）整體味道幾好 幾嘢味到價錢方面都幾親民我地六個人叫到成枱餸都只係1400蚊左右每人平均都係2百幾我覺得抵過食放題喇而服務方面店員服務都正常 有求必應 冇咩特別所以都推介大家試下

想食辣野，除左川菜，湖南菜都係唔錯嘅選擇。一入到餐廳，就有一種返左大陸嘅感覺，無論菜式定店員嘅口音、服務（同大陸嘅服務一樣咁參差），完全100%match! 仲有大陸先有嘅菊花茶，心諗呢間餐廳應該都會幾正宗！先上菜嘅係茶香蝦，以為茶香唔辣，但原來都有少少辣。配料有類似紫蘇葉嘅香葉、乾辣椒、蔥蒜等，好香好有獲氣，蝦都好食新鮮，夠惹味！之後係手撕包菜，呢味次次去深圳都要食，又係香辣惹味。不過呢度就差少少獲氣，同埋太油。最後係小炒肉，全碟都係青椒同薄薄嘅五花肉，相當香口好食，送飯一流！ 2個埋單三百幾蚊係有啲偏貴，但香港都食到咁有獲氣嘅小炒都好難得！

從門口入去上，會見到一條好有中國風味嘅樓梯同餐廳環境好乾淨，都幾舒服嘅，啲野食係偏油，都幾辣，岩唒啲無辣不歡嘅朋友，我最鐘意係佢嘅辣炒小河蝦，真係係好正，好好食，師傅炒到勁香口，不過食完呢餐係要飲返啲涼茶，都幾熱氣嘅感覺

午餐去食木桶飯，寫著供應到14:30。14:08坐低看餐牌雖然係有點遲，但都未夠鐘呀。店員已經要我哋快d揀，話就快完。於是九秒九點咗餐。木桶飯原本包湯，佢話無晒，要我哋叫嘢飲加5蚊。迫住要咗甘蔗水，點知係楊協成。好啦都無計。就係我哋望住依兩罐所謂原價10蚊跟餐價5蚊嘅甘蔗水時，我哋聽到另一個店員向新來嘅客人推介話木桶飯包湯！問佢要唔要湯。個客想咗陣先話唔要。我哋即刻問店員，又話無晒湯？嗰個話有湯嘅店員就話''d湯得番好少，同新客人講咗，所以佢都唔要啦。''但明明我同朋友聽得好清楚佢無講過話d湯唔夠，係個客人自己唔想飲湯所以唔要！嗰解釋我哋當然唔多信啦。於是佢就問我哋係咪想換番，我哋梗唔換啦。用乜易加料㗎。所以未食就一肚火。直頭好似依兩個木桶飯嘅辣度一樣！上面既係小炒肉木桶飯，48蚊。上菜時熱騰騰，肉片薄但多，好入味，單吃佢有少少辣。如果連埋飯同d辣椒食就幾辣下，喜歡吃辣的一定啱食。食落感覺唔會太油，不過食到底就會見到d油，但都唔算多，所以都OK。另一個係酸辣雞雜木桶飯，都係48蚊。睇清楚係有個雜字，所以即係雞既內臟，係唔會見到一塊雞肉嘅！當初以為上錯咗，好彩好醒咁再睇番嗰名，唔係就錯怪