湯•米 (已易手) 新餐厅

相信係旺角返工既大家，都會知道係lunch time 要塭一間幾好食之餘又唔洗等位等到2046既餐廳係十萬分咁難。而好彩地湯米呢間餐廳就集結哂呢兩大優點於一身，加上價錢仲係十分之親民。呢間都係d 台式料理，最吸引我既呢唔係d 食物，而係要加12蚊既芝士奶蓋茶。今次我就嗌左蕃茄湯手工麵加芝士奶蓋茶。個蕃茄湯手工麵勁大碗，十分坻食又飽肚。係呢d天氣食一流。至於個主角，芝士奶蓋茶十分濃芝士味。埋單都係50幾蚊，扺食！

兩口子專誠黎到旺角試試臭臭鍋！餐廳效率極高，落完單無耐。唔洗十分鐘，兩個鍋已經已經準備好啦！⭐️鹽酥雞排雞排上碟時已經超香，相信係啱啱新鮮炸好！外層金黃，亦灑上了辣粉，所以十分惹味。⭐️招牌臭臭鍋集合了19種材料的臭臭鍋超級豐富。（至於臭唔臭，就好視乎大家食唔食得臭豆腐。）我個人就覺得氣味同味道都唔錯，而且份量很足，超抵食！⭐️藥膳豚肉鍋依個鍋中藥味幾濃，唔辣亦之餘有種好療癒嘅感覺。唔食得辣就要試試依個啦。餐廳另一亮店係佢有好多式飲品可以選擇。⭐️芝士四季如春平時返大陸就飲得多，第一次係香港飲估唔到都有咁上下水準！餐廳仲好貼心教埋大家點樣飲啲芝士先！可以一邊食火鍋一邊飲芝士真係好正。總括來說，餐廳收費唔貴，CP值頗高。除了招牌臭臭鍋，更有其他地道小食可以選擇。

最近台灣好流行一人一鍋，套餐包括一人份量嘅肉類/海鮮，再加一份蔬菜同主食如飯麵之類。價錢都好大眾化，所以今日黎到旺角波鞋街附近嘅「湯·米」餐廳試一試台式火鍋，形式都類似，每人點一鍋，有肉有菜，就算單身人士都無問題啦！ 餐廳提供各式各樣嘅鍋物給客人選擇。 今日叫咗個《超牌臭臭鍋 $108》。點解咁有趣，菜名叫臭臭鍋呢？我估計可能鍋裡有台灣臭豆腐。臭臭鍋其實不臭，帶辣味的臭豆腐是好好味。湯底加左沙茶醬十分野味。火鍋內已放滿肥牛，臭豆腐，冬菇和蔬菜等多款火鍋材料，即使自己一人來吃都感到滿足和驚喜。再加上一杯果茶 《爆檸四季春 $37 》， 就大滿足！ 《爆檸四季春》富有濃青檸味，口味非常清新，酸酸地十分醒胃。 整體來說，餐廳裝修簡約，樓底特別高，非常舒適。食物質素不錯份量適中，即得一讚是餐廳提供時下流行的果茶，我是非常欣賞這個組合，必定再來。

同朋友係旺角想打邊爐又唔想食太多，係search之下就搵到呢間湯‧米，係一人一鍋形式既打邊爐，見到仲有啲手沖飲品添，就去試下了。大約平日八點幾到，已經見到都幾多人，我地都等咗大約有十五分鐘先入到去。睇menu都有幾多唔同既涮涮鍋揀，本身想食臭臭鍋，但係太晏已經無晒，就揀藥膳豚肉鍋($108)試下。枱面有唔同醬料調味～我叫既藥膳豚肉鍋($108)，豚肉既份量都算幾多，另外就有配料，例如青口、豆腐等。朋友叫既巴蜀烤魚鍋($112)，味道都幾濃同辣味都幾勁，好惹味。每個鍋都會送個粉絲，有得揀可以轉飯或者公仔麵等。額外再叫咗個涷豆腐加餸！小食:麻辣臭豆腐($38)，對我嚟講唔算太辣，不過好濃味，幾鐘意。朋友叫既芝士四季春($33)，佢話味道都幾濃好香，好欣賞呢杯茶。我叫既芝士茶茶八號($34)，個奶香味好濃，俾既芝士奶蓋都好厚，值得推薦

happy friday搵左朋友同佢一起happy下係旺角等埋佢收工，就周圍行下搵食行過豉油街見到依間台灣邊爐幾多人係門口，我同朋友都覺得8點都仲咁多人等緊應該唔會伏，所以就揀左依間啦連墊嗰張紙都有用心設計鍋物選擇大路仲有好多小食仲有我最鐘意既台灣腸仔除左有得打邊爐之外，依到都係一間台式飲品店，所以飲品選擇都好多嗌完嘢食就可以睇下隔離沖嘢飲台灣夜市小香腸($26)整得好香口，好好味好快就可以食晒成碟打邊爐溝醬都係一種樂趣巴蜀烤魚鍋($112)一上枱都嚇親，條魚好大條嗌左小辣，但係都頗辣，平時朋友食米線係十小辣，話覺得好辣😂😂沙茶牛肉鍋($108)好好味個湯底好濃郁，啲牛肉吸晒啲湯汁，好惹味我都係嗌左小辣，平時我食開清湯，但我都覺得唔辣另外嗌多兩杯嘢飲個爐邊都有佢個招牌，好可愛芝士莓莓($39)芝士桃桃($39)飲第一啖已經覺得好好味原本怕打邊爐飲芝士會好濟，但依個桃可以中和返桃味好出，好清新，仲飲到有少少果肉平時行過唔得閒打邊爐，都可以飲返杯嘢飲食咗咁多野埋單都係三百幾蚊，由小食到鍋物同嘢飲，都好台風

離油麻地碧街出口2分鐘步行路程的台灣湯 · 米，晚上八時已座無虛席。由於鋪面招牌太細，初次到臨，老友與我都找了好一陣子。 餐牌一目了然，9大款鍋物選擇。不知是否台灣餐廳，職員都聽不懂廣東話這樣，點餐時費了好些功夫。我們分別點了大熱嘅招牌臭臭鍋（$108）和沙茶牛肉鍋（$108）。小小一鍋，雲集16項餸菜。每鍋配有飯或粉絲。湯身香噴噴濃郁，辣度可自行選擇。盡吸湯身精華的娃娃菜、豆腐、蜆、牛肉、冬菇，不用沾醬油，味道也不錯。也點上小食，開個胃。小食鹽酥雞扒，一手掌大。鬆脆乾爽，內裡肉汁豐富，白肉嫩滑。果然係推介小食。除鍋物也點上追加小食，有鵪鶉蛋($8)、花枝墨魚丸（$32）、娃娃菜（$28）和粉絲（$15）。當中花枝墨魚丸六大粒，餡有墨魚肉，爽彈口感。超級水果綠妍（$37）夏日水果風情，大大片果肉，倍有新鮮果香感，台式飲品中也算有驚喜的。芝士茶茶八號（$34）厚厚芝層，茶底淡身。

星期五放工同男朋友係旺角搵嘢食，行到豉油街附近見到呢間打邊爐嘅餐廳好似幾好食，加埋天氣開始轉涼好啱打邊爐，我哋就決定等等位試試我哋大概7:30pm左右到，當時餐廳已經好多人，好彩我哋都係等咗15分鐘左右就入得因為唔想食太多嘢，我同男朋友就決定share一鍋再散叫啲料，我哋揀咗味噌湯底，本身已經好多料 😋再加咗娃娃菜，凍豆腐，貢丸，粉絲，白飯嘢飲就叫咗芝芝金鳳茶同埋似乎係推介嘅芝芝八號茶茶飲芝芝類飲品都會叫你先唔好用飲管，直接打開杯蓋再傾斜45度一次過飲晒上下兩層，層芝士好好飲 😋

難得星期日一家人放假，便出去旺角睇戲、行街，到了晚上大家再找餐廳食晚飯，經過豉油街（湯、米）的店舖，門口已排哂隊，裏面大部份坐座位已坐滿客人，便入去試下，餐廳還有飲品吧，供應不同特色的飲品。餐廳設計好有格調，夠新派。日式味噌鍋配公仔麵$98，湯鍋內配料有好多種：淋滑的豬肉片、鮮味的雞蛋、新鮮的娃娃菜、爽口的雲耳等，再配埋個味噌湯底，十分惹味。食完後記得用湯底淥埋公仔麵，索哂D湯，超正。台式夜市小香腸$26，香腸不會太鹹，帶小小甜香味，個皮好月脆口，我好喜歡喔。超級杯水果綠妍$37，有生果食，都好抵飲。

「湯 • 米」是一間台式餐廳，主打一眾台式鍋物。當然，在平日節奏急速的午餐時段，花兩小時吃火鍋實在有點奢侈。餐廳在餐單上也有所配合，午市轉售不同的台式客飯及粉麵。主食未來前，先試試各式小吃。「酥炸花枝墨魚丸」食感香口彈牙，內含墨魚碎粒更見吸引。「柚子雞翼」評價持平，柚子與雞翼融合度不高。「台灣小香腸」味道比一般腸仔甜，是熟悉的台灣味道。「台灣清湯牛肉麵」的湯色略帶微黃，味道確實清淡。牛𦟌軟腍出味，並同時有蘿蔔、豆腐、小棠菜等相伴。整體評分 OK 的，但地道風味不濃。 「芝士金鳳茶王」茶面是一層厚厚的芝士忌廉，品嚐時一拼喝下芝士忌廉及金鳳茶，味道濃香，口感亦滑，推介！ 「湯 • 米」主打台式美食，既有街頭小吃，又有各式湯 (麵) 米 (飯)。今次未能一試招牌臭臭火鍋有點可惜，有機會下班再來試試。

一人一鍋火鍋已經流行左好耐 各大快餐連鎖店都有一人火鍋~~ 今次係旺角行完街 見到湯·米好多人食咁 就都想試試!餐廳環境都幾舒服 餐廳而黑白配木色為主配上輕音樂 係到叫杯野飲 傾下計感覺唔錯火鍋點可以冇醬料! 有三種醬 蒜蓉 豆瓣醬等等任君選擇私心影一張餐紙我好想攞張返去整schedule 😅😅台灣特色卡通畫💛💛💛正題!! 一人一鍋 日式味噌豬肉鍋配粉絲 火鍋都十分足料 有6~7片豬肉 有鵪鶉蛋炸魚皮 蟹柳日式味噌湯味道比較淡 喜歡清清地的朋友可以試呢個火鍋 但中意濃味湯底朋友可以選沙嗲湯!!沙嗲牛肉配粉絲粉絲配沙嗲湯真係好正 非常入味一人一鍋都十分唔錯 但可能餐廳可以分開上炸魚皮 因為一開始一齊上後魚皮好快淋左😕我地仲叫左d小食 ~~柚子麻辣雞翼~~甜甜地又有d麻辣感 幾特別!!炸花枝丸!!新鮮炸起 食落仲熱騰騰 推薦!! 火鍋餐單~小食餐單~呢間餐廳有好多台灣特色飲品見到好多人都有試到 下次都可以黎試試!!

旺角出名多餐廳多野食，尤其係豉油街（舊NEWAY個頭）因為係附近返學既原因，成條街啲餐廳我同啲同學仔都食雲晒咁濟，呢間整修好光猛既台式餐廳唔覺唔覺唔知幾時開左係度，STYLE 好似好文青咁，平時經過都想入去試下，今日考完晒試夜晚就去左呢度興祝一下。呢杯飲品係我打食評既主要原因，真係超好飲！完全係out of expectation！好Q大杯，好足料，好重茶味，好重生果味，味道好豐富～價錢30幾蚊唔貴，仲平過出面個啲台式飲品店。MENU上面有完美醬料調配比例，都幾細心，下面就係我跟住指示調好既醬油，雖然味道不錯，但其實接住落黎既火鍋湯味道已經夠濃，我地基本上完全忘記左點醬油！本來好想試佢個招牌臭臭鍋，但呢晚竟然賣晒！所以我叫左個SPICY BEEF （因為好想食牛），個鍋黎到真係好大呀，個飯又大，都冇預過100蚊左右 份量會咁多，料又多，如上文提要，個湯好濃味，好很正！小食如下，花枝丸，拍青瓜（味道幾正宗），同埋臭豆腐（呢間既臭豆腐外相連本身唔食既同學都鐘意）整體黎講，呢間湯米 平 靚 正，我地已經決定左會經常黎呢度食架喇！都好推介俾大家～

芝芝霉霉和喜茶味道一样，咸芝士香味浓郁，超正!我和姐姐点了招牌臭臭锅和烤鱼锅。这个是臭臭锅，上面的肥牛煮过之后就不太多，下面的菜非常丰富但味道来讲就只能算差强人意。对比来说我的烤鱼锅就不错一些，鱼很大很嫩，但是最中间有一些不入味。菜的种类很多但大多是娃娃菜~所以吃到最后会有一点寡淡。总之它的芝士饮品不是盖的还有店里的装修也很有情调，姐姐哥哥服务也好礼貌😛

行過幾次都想食GA喇，今晚天氣凍左D就同老婆o黎食，可以一人一鍋唔駛爭！秋風起，吃火鍋仔烚下烚下梗係受歡迎，好彩等左一陣就有位坐！老婆話LEE度D o野飲好正，咁就試下啦！我叫左滿杯紅柚子，佢就嗌左個芝士金鳳茶王。我果杯幾正，仲有西柚果肉架，酸酸甜甜，好重柚香好清爽試左啖芝士金鳳茶王，面頭D芝士咸咸地好綿密，撈埋底D金鳳茶王黎飲好Creamy幼滑，果然o野飲水準不錯！小食叫左個涼拌小青瓜，都幾大碟，爽脆青瓜做開胃小菜一流我個鍋係沙茶牛肉鍋，勁香沙茶味，小小辣食落好惹味牛肉幾嫩！沙茶湯底味道濃郁，唔落醬就咁食都正加D粉絲可以索晒D汁o黎食老婆養生叫左藥膳豚肉鍋，清清地，幾香藥膳味有豚肉有豆腐有菜，豐富又健康，老婆表示食完個身暖笠笠！

間嘢幾有台式風味，間嘢都幾乾淨好光孟😁仲有竟然間嘢有芝士桃桃飲Tim 🍹他們的湯底都幾獨特的😁重點係一人一鍋可以唔洗搶揀鍾意自己既口味。芝士桃桃 $39 (都幾有桃味佢係沙冰黎）超級水果綠妍 $37百香果綠妍 $27 台式夜市小香腸 $26(如果鍾意台灣腸既話，依個味道都好正宗😋好好味)鹽酥雞扒 $28(他們既鹽酥雞扒都好好味，味道啱啱好唔太鹹都外脆內軟😋直得試試👍🏽)巴蜀烤魚鍋 $112(依個鍋係辣，如果唔吃得辣就最好唔好點😂小辣都編辣，魚方面就好好既都保持到新鮮感食落仲滑👍🏽)咖哩奶蓋鍋 $108(依個鍋咖哩味係有既，他的奶蓋味都重😋好好味真係越食越入味)日式味增鍋 $98(依個湯底就難意形容，他係好味既有d似面”試”湯個類味道用黎做火鍋幾特別。)沙茶牛肉鍋 $108(這個味道不太特別的，他們所有牛都算還可以😁他每一鍋都真係好多份量😋細食既朋友可能二人一鍋都夠食。)

呢條街好多野食，同男朋友今日試下呢間湯。米，本身總為呢到係食米線，點知係打邊爐，食台式臭臭鍋，又別有一番風味。招牌臭臭鍋啲料有臭豆腐，牛肉片，米血糕，鴨血，滷大腸，娃娃菜，椰菜，雲耳，金針菇，鮮冬菇，豆腐豆糕，粟米，炸薯仔，炸支竹，鵪鶉蛋，鳴門卷。臭臭鍋係臭豆腐嘅味道， 弔詭之處係雖然臭，但又 好好味。沙茶牛肉鍋走辣牛肉，牛肉丸，娃娃菜，椰菜，雲耳，金針菇，鮮冬菇，豆腐，豆角，粟米，炸魚皮，炸薯仔，炸支竹，鵪鶉蛋，鳴門卷。因為我病咗所以唔食得啦呢個沙茶鍋就走啦 令我驚喜嘅沙茶喎好香 湯底好濃郁 資料浸曬湯調味 好好味。完美比例一份蒜蓉，兩份醬油，三份沙茶醬。台灣夜市小香腸一片片咁上岩哂的添d細咀ol柚子蜜雞翼衰鬼雞翼配柚子醬又異常夾wo