湯•米 (已易手) 新餐厅

同老公買完波鞋，去附近嘅火鍋一條街，即係豉油街搵食，呢條街真係超多火鍋店，見呢間幾多人等位，一於試下呢間。呢度係台式火鍋店，一人一小鍋湯底、材料都清晰列哂出黎有9款選擇，我哋就揀咗招牌臭臭鍋， 香辣牛肉鍋~ 先來兩杯飲品老公點左芝士凍頂烏龍，杯上有飲用方法先將杯45度傾，就可以飲到芝士同烏龍，芝士有淡淡既鹹香味，唔會覺得膩感又帶茶香，估唔到味道係咁夾既~ 我就點超級水果綠妍，呢杯真係好大杯，排滿水果好靚吖~ 有橙、西柚、西瓜、藍莓、青檸，超fresh!! 茶底沒半點澀，好順喉~一碟6粒既酥炸花枝墨魚丸 熱辣辣上檯，外層炸到金黃色，內裏仲有粒粒墨魚 ~ 有口感！涼拌小青瓜，份量十足~帶刺嘅小青瓜未食已經聞到好清新既香味，入口更加係好爽脆每次食台式鍋我都會揀臭臭鍋，為既都係臭豆腐~ 同埋配料都係最多既一款小鍋黎到，第一件事係將臭豆腐浸入湯中，好讓臭味散發哂出黎～牛肉片、菜類都幾多，用料十足！　而香辣牛肉鍋係可以揀辣度嘅，由於店員話辣度都幾辣所以老公揀咗小辣。每個鍋都跟一個飯/粉絲，老公揀左粉絲配辣鍋，見佢食得津津有味！ 我就加$12 轉滷肉飯，佢既滷肉唔係五花腩，係碎肉果種，不過就左無左豬

今晚同一班朋友飯聚，諗住揀中間點大家方便，所以選址旺角食。雖然話旺角好多野食，但每每都諗唔到食邊間，搵左好耐，搵到呢間好像幾岩大家見OpenRice 有得book位，所以都book 定先。7點幾去到餐廳門口已人頭湧湧好在book左位咋，雖然都要等一陣子，但15分鐘左右就入得💕有好多款既火鍋揀，我們4人，揀左4款唔同既鍋一齊食本來想揀臭臭鍋，但賣曬😗最後點左巴蜀烤魚鍋🐟$112份量好大，對於男仔都夠食湯底個麻辣味好重。好在佢有得揀辣度，我揀左小辣，對於唔太食得辣既我就岩岩好。要講下個魚皮，好脆配合滑溜溜既魚肉食，口感好滿足配菜份量都好多，d娃娃菜，豆腐食極都食唔完，雖然多但全部都好入味☺️果然係第二主打佢仲有飯或粉絲揀，我揀左粉絲。完全入曬個湯底，少少辣得黎又易入口強烈建議揀粉絲朋友點左香辣牛肉鍋🐮$108牛既份量都好多湯底望落好似好濃，但相比魚鍋就冇咁重口味，肥牛食落都滑，但牛味唔係咁重。配料都係一樣咁多。第三個鍋，點左泰式海鮮鍋$112呢個雖然唔係主打，但湯底真心少少似冬陰公味，但又冇冬陰公咁酸，有少少椰香味，辣辣地，好好飲另一個就點左日式味噌鍋🍲$98對比下呢個就普通d，湯底清淡d，

台式食肆一向都係以休閒文青風為主打, 估唔到打邊爐都可以咁文青 🍲🍲🍲🍲 環境設計以簡約為主, 牆身鋪上白色磚頭再配搭黑色字體!整番杯台式飲品嘆一嘆先!🍇🍈🍉🍊🍋🍌🍍每張枱都有三種唔同配料畀大家選擇, 不掛豆瓣醬個標籤貼錯咗係蒜蓉, 哈哈其實個豆瓣醬幾香,相信配搭牛肉應該好滋味!我見到隔離枱個烤魚鍋真係成半邊魚上!仲要脆卜卜,下次我都想試一次🐟🐟🐟亦都有溫馨提示教大家點樣配搭出最好嘅味道不過我覺得唔需要點任何醬汁都好好食,因為湯底好夠味 手拍青瓜,味道較為清新, 十分新鮮爽脆🥒🥒🥒🥒🥒🥒調味料味道不會過重,上面撒上一粒粒芝麻,香氣十足口感一流!!!同圖片有少少不一樣,冇顯示中咁多cream湯底需要五分鐘多啲先會滾起, 咖哩味偏甜,夠香 但又唔會十分辣其實有唔同辣度畀大家選擇,我覺得小辣剛剛好🌶開頭以為上面一塊塊紅色嘅物體係蕃茄,🍅原來係牛肉咁都好足料 ,起碼有六七塊🐮香濃咖哩湯配公仔麵就最好食啦! 好邪惡呀👾👽👻真係想 encore 多一個麵!!!芝士莓莓上枱時顏色鮮艷好似星塵般美麗🍓🍓🍓如果分開品嚐,芝士味鹹鹹的有啲奇怪 🧀莓莓味亦有少許似藥水🍧❤❤❤❤但係如果將其拌勻 味道就好出眾

平時係街邊食臭豆腐就食得多，臭豆腐打邊爐就真係第一次試！晚上約咗朋友嚟呢間台式鍋店食，餐廳裝潢簡約，感覺舒服。去到都幾多人，好彩有訂位唔洗等。招牌臭臭鍋+粉絲。一遞上嚟就聞到好「香」嘅臭豆腐味！配料豐富，有牛肉片、米血糕、鴨血、貢丸、大腸等台灣出名美食，仲有菜同金針菇等，當然仲有唔少得嘅主角臭豆腐啦！米血糕食落煙韌，臭豆腐食落又臭又酸，好入味！沙茶牛肉鍋+公仔麵。湯底濃郁惹味，牛肉片比較失色偏肥，牛肉丸就幾爽幾彈牙，臨尾公仔麵索曬啲湯汁正！追加豚肉片。肥瘦適中，唔錯。鹽酥雞扒。好香好脆，唔會太咸剛好，熱辣辣食好滋味！除咗有鍋食之外仲有台式飲品！又有得食又有得飲台灣嘢簡直好似去咗台灣咁呀！芝士金鳳茶王，茶底比較甜。芝士茶茶八號，以多種茶調出嚟，品嚐到綠茶嘅甘甜味亦有紅茶嘅澀，好特別。兩種個芝士奶蓋都好濃郁好好飲！兩人埋單$378，價錢正常，推薦！

天氣開始秋涼，怕凍的我就想食一啲暖胃的湯麵或煱物。有朋友介紹呢到有吾同味道的湯煱，就啱晒我入去已差多下午2點，但仍然坐無虛席，都要等一陣先有位。餐牌有多種湯選擇如麻辣甚至药材都有，又可自由配飯,麵或米線，實在有點選擇困難。最後我都係揀左我最喜愛的蕃咖牛肉湯配手作麵，男友則選了清湯牛肉麵。蕃咖湯麵一上檯有點嚇人，份量好大好足，除牛肉外仲有大量蔬菜同冬菇 。蕃咖味好濃，蕃茄控一定喜歡，另外因為好多菜，所以感覺幾健康，份量係大啲但最後都比我清哂。男友的清湯牛肉麵都吾錯，牛肉厚身但嫩滑，沒有太多肥膏，食完吾會好似係出面食台灣牛肉麵咁漏!另外佢仲有近年好hit 既芝士奶蓋，我地試左推介既芝士茶茶八號同芝士桃桃。前者茶味香濃，與厚厚的淡芝士很配，一點也不比深圳某芝士茶遜色，後者則帶點桃的清甜味，飲完幫助清清味雷。最好係佢所用既芝士係低脂芝士，罪惡感當堂都降低不少

途經旺角，發現已經是午飯時間了～所以打算隨便找間餐廳填飽肚子便算～在門口看到湯·米餐點的價錢不貴，而且覺得台式食品必定有一定質素，加上裝修簡潔整齊，門外的大玻璃門也很好拍照，所以便坐進來了( ´･ᴗ･` )先來前菜！是我最喜歡的酸青瓜！份量算多，而且爽脆～吃了馬上便打開了我的胃口(⁎˃ᴗ˂⁎)這碗灸燒荷蘭五花豬肉飯超好吃！五花肉是半肥瘦的(◍ ´꒳` ◍)醬汁美味，而且有超多豬肉！！男友點的是芝麻醬滷水牛展冷麵～滷水牛展超林～超軟嫩！麻醬不會太咸，把所有配菜撈在一起吃很有風味～這款柚子雞翼酸酸甜甜的，是煎雞翼，香口惹味！花枝墨魚丸很大顆！！伴著甜辣醬吃也不錯～我們還加了甜點呢～剛好能用來中和剛剛的油膩感～很愛喝喜茶的我，覺得男友點的這杯芝士紅玉更好喝！上面的芝士不會太黏，而且還有很可愛的恐龍圖案！而我則點了超級水果綠妍～很大的一杯～裡面的水果很甜～而且還可以拿走喝～沒想到隨便跑進一家店，也能吃到這麼高水準的美點！重點是完全不貴！！下次一定要來嚐嚐臭臭鍋！！

涮涮鍋有很多類別 這次來到湯米別有一番風味的台灣涮涮店 竟然真的有一款很特別的味道：臭臭鍋而我經常被戀人叫臭臭 就一於來這間店舖品嚐臭臭鍋 聞一聞它臭還是我臭 哈哈XD開玩笑的一進門口 看似一間台式飲品店 但全店也飄起了濃味的火鍋味 也不覺得有任何的臭味 覺得肯定是小兒科 一坐下便立即Order食物餐牌款式不多：鍋 鍋配料  小食 飲品挑戰臭鍋時差點點失敗了... 即刻去相--->一人一鍋 臭臭鍋+藥膳豚肉鍋 用上方型鍋 自家品牌 滿特別招牌臭臭鍋 $108第一下聞只是少少的臭 誰知越煲就越臭 臭死寶寶了  不知是原本湯底濃郁或是臭豆腐的味道太重 要快快食完套餐可選擇(白飯/米粉/公仔麵)內滿豐富的 有多達20款菜式在內臭豆腐 牛肉片 米血糕 鴨血 滷大腸 台灣貢丸 娃娃菜 椰菜 雲耳 金針菇 鮮冬菇 豆腐 豆角 粟米 炸薯仔 炸竹支 鵪鶉蛋 蛤蜊 嗚門卷另一款湯底藥膳豚肉鍋 $108藥膳湯底未落枱我已經聞到香噴噴的藥膳 也許我已經被臭鍋臭親了豚肉 紅棗 杞子 娃娃菜 椰菜 雲耳 金針菇 鮮冬菇 豆腐 豆角 粟米 炸魚皮 炸薯仔 炸竹支 鵪鶉蛋 嗚門卷 台灣夜市小腸仔 $26 

天氣開始轉涼，今日同老婆嘆火煱。選中豉油街的Soup and Rice，一人一火鍋，各適其式。😁😁飯店內有枱十多張，雖每枱都火煱，仍不算擠迫。我倆不好辣，屬意巴蜀烤魚煱跟香辣牛肉鍋，兩者都是小辣。巴蜀烤魚煱，主菜是腕魚，魚塊大大件，魚皮炸得夠香口；其他配菜有娃娃菜、椰菜、蛤蜊、東菇、粟米、炸薯仔等，一共十多種，湯底辣道剛好，十分惹味。至於香辣牛肉煱，分別由魚變成肥牛，沒巴蜀煱那麽辣，就算我倆不食辣，仍有加辣空間。追加麻辣臭豆腐，聞起來，味道不算濃烈；放入口，質感厚實，有著濃濃的臭豆腐味。食火煱，飲品都不可忽視，老婆點了「滿杯菠蘿」，味道清甜，自己則選了「芝士綠妍」，濃厚的芝士跟牛奶味。可能是綠茶的關係，味道濃烈中滲出清新。食飽飽，超滿足，埋單三百餘，價格合理。

天氣轉涼, 又係一眾"鍋物"出動時間, 唔想下下打邊爐咁HEAVY, 可以試下呢D一人一鍋喎!  呢間主打台式鍋物, 裝修走簡約風, 推門入去入座率已經有九成!望下餐牌有9款鍋物, 有招牌臭臭鍋, 除左呢樣, 仲有日/韓/川/泰等, 有辣有唔辣, 而辣度亦有得選擇, 夠靈活!除左鍋物, 仲有幾款小食及加配材料每人各選一鍋, 我就點了呢個韓國泡菜鍋 ($112), 有麵/粉絲/白飯配!  份量唔野小, 有豚肉, 泡菜, 年糕, 娃娃菜, 椰菜, 雲耳, 蜆, 鮮冬菇, 粟米, 豆角, 炸薯仔, 炸枝竹, 鵪鶉蛋等, 仲有個公仔麵!煮返滾就食得, 選擇白飯作伴食材料真係好豐富, 湯底滿滿泡菜味道, 娃娃菜夠腍甜, 年糕沾滿湯汁食好味, 仲有豚肉有成堆, 好飽囉!枱面有調味, 跟住餐牌指示加份量, 用黎點食材原來仲好味係第二個鍋未上枱時, 我地叫的小食上枱啦, 有酥炸花枝墨魚丸 ($34)即叫即炸, 粒粒飽滿, 備有淮鹽/酸甜醬伴食, 口感彈牙有墨魚味道, 推介呀!仲有係涼伴小青瓜 ($28), 超大碟, 以麻油及醋撈均, 口感爽脆多汁, 用黎中和熱鍋都唔錯!'另一個鍋巴蜀烤魚鍋 ($112

星期五過去見到全場滿座都知道呢間野有幾受歡迎👏🏻 因為呢個天氣同朋友出街打邊爐一人一鍋傾吓計真係幾溫馨✨ 地點喺旺角又就腳👍🏻🍑🧀唔洗返大陸就有一樣味既芝士莓莓飲🍹仲可以坐低慢慢試下招牌臭臭鍋/鹽酥雞扒/藥膳鍋🍲 份量好足而且可以揀辣定唔辣🌶仲有好多台式小食一樣咁出色🥢鹽酥雞炸得好脆調味料又魚🐓驚食得太多肉🥓仲可以叫個青瓜感覺上健康少少🥒📍旺角豉油街60-104鴻都大廈地下AB舖

文藝青年最鐘意去簡單既地方，店舖同朋友影下相、食下野、睇下書又一日。呢間「湯米」裝修簡單，開放式水酒，以格仔作為背景，簡簡單單又可以影下相呃like 其實都唔錯呀！上網睇過下啲相都覺得幾靚就去左試下，「湯米」位於旺角，非常方便呀！加上現時正值秋涼，打邊爐就最岩！由於我6點到左餐廳未算好多人，店員安排左我和朋友兩個坐係4人枱，坐得闊落！正加上每枱都有調味架，客人可以更自助！我同朋友各點一個火鍋，秋風起，一人一鍋，爽！點左巴蜀烤魚鍋同韓國泡菜鍋見到飲品係家下好興既芝士蓋茶同水果茶，當然要埋啦！仲心血來潮想食台灣腸就點了！台灣腸，係一口腸Size，外皮香脆，切成一片片，同蒜蓉一齊放入口，係台灣既味道！好好味呀！😋😋巴蜀烤魚鍋，川菜之一，中國四大名菜。以麻、香、鮮、辣為特色，而麻辣係川菜中最具特色，所以呢鍋巴蜀烤魚都係麻辣為主！辣度可分bb辣，小辣，中辣，大辣，而我簡左bb辣，免得太辣而蓋左魚既鮮味啦！鯇魚，淡水魚，容易養殖，魚骨大條，多數都用鯇魚為鍋物，可以避免滾耐左 ，魚骨佈滿鍋物之中，而且魚身較厚！鍋物中鯇魚煎簡過，僻走魚腥，更令魚皮脆卜卜，保留左魚既鮮甜味，而且魚身多肉，一百蚊左右就食

喺新寶戲院睇完戲旁邊有間玻璃屋餐廳, 睇睇餐牌原來又係台式菜, 仲有芝士奶蓋！一入門口就好似大陸有啲大型飲料店咁有我最鍾意嘅芝芝桃桃～ 不過唔知係咪季節過咗, 已經整唔到。所以就揀咗招牌奶蓋茶呢杯野真係好正，芝士奶蓋好綿滑！飲落口芝士味岩岩好！仲要有好多好多芝士係面平時返大陸飲, 一兩啖就冇晒, 今次好滿足！ 而且佢嘅茶底好特別，會有甘香味！ 對佢嘅鐘愛已經超出左大陸某間既連鎖店佢啲杯真係好似飲品店咁 好靚❤️呢個嘅腸仔份量有啲小，雖然台灣腸出面食都好貴～呢個台灣腸真係好好食佢烤既口感同大細切到岩岩好！仲好有肉汁！柚子雞翼～ 佢都俾咗好多柚子做調味料呢個係招牌墨魚丸 墨丸好足料，配泰式辣醬好正嗌主菜會送兩碟青瓜前菜～ 一開始我完全無視左碟青瓜，最後冇嘢食夾兩舊又發現幾好食 。個醬汁調到啱啱好，同青瓜好夾我第一次見黃色嘅豆腐佢嘅形狀好得意口感就同香港差唔多呢餐都唔差，淨係個芝士奶蓋已經加哂分！絕對絕對會成為常客😂！唔記得講個五花豚肉... 原來已經唔夠相可以再share~ 豚肉份量好足！個味道好好食！總結個環境幾開揚 , 應該可以坐足全日～啲嘢食幾好食特別係小食～最後無敵芝士奶蓋

事原我同朋友一行四位係openrice book左9點，諗住最多等一陣就有位啦，點知等到9點30分都未有未叫我哋入去好多人食完都唔走，已經好有耐性，仲要再冇人岀嚟叫飛，明明已經排第一，點知見到兩group人衝入去就即刻有得坐，咁我攞飛同book位嘅意思何在呀？入去同職員講點解我等咁耐都冇位，其他人衝入去就有，但個職員原全冇歉意，只係話個張枱就走，連唔好意思都冇句。原本滿心歡喜想試，最後太嬲轉食第二間。

位於舊neway隔離,室內裝修幾韓風,光線充足,室內食火鍋最緊要係冷氣夠,呢間冷氣夠,食完成身都唔會有陣味。叫左隻小青瓜,爽口清甜炸花枝章魚丸,炸得香脆之餘唔油膩。食台灣野點少得鹽酥雞,皮脆肉滑。因為賣哂臭臭鍋,唯有叫臭豆腐,本身聞落就唔臭,食落去就好臭,d醬就係有少少甜。叫左杯爆檸四季春,味道有d似檸檬愛肉既味道,茶味一流。叫左個味噌豚肉鍋,豚肉夠一個人份量,建議叫粉絲,因為可以同埋d湯一齊食。味噌味道唔算太重,反而食到有少少奶味,菜既份量算多,完全係食唔哂。招牌烤魚鍋,辣就唔算,條魚煎得幾滑,加上濃濃既湯底,正泰式湯頭都幾清新,食到椰香味,酸酸甜甜都幾夾味

今日收工去旺角join埋老婆同佢表妹開餐, 佢地揀左豉油街呢間臭臭鍋專門店: 湯·米, 之前係將軍澳分店都食過一次, 味道唔錯, 位於旺角呢間人流更旺, 我地7點左右去到都需要等2, 3張枱。餐廳樓底高, 裝修以灰白色為主, 感覺舒適。餐牌設計簡單平實, 有9款唔同口味嘅台式鍋物選擇, 我地3個人揀左兩款鍋物, 加左碟菜同兩個小食, 加埋滷肉飯, 應該好夠食。😙芝士桃桃 $39芝士桃桃好大杯, 我同老婆share都夠飲, 桃味香濃自然, 帶有果肉, 配上芝士奶蓋, 口感綿滑。😋日式味噌鍋 $98老婆揀呢款日式味噌鍋完全唔辣的, 配料有豚肉,雞蛋,娃娃菜,椰菜,雲耳,金針菇,鮮冬菇,豆腐,豆角,粟米,炸魚皮,炸薯仔,炸枝竹,鵪鶉蛋同鳴門卷, 由於配料超級多, 湯底味道亦非常濃郁, 豚肉嫩滑, 其他配料吸滿湯汁, 非常惹味。👍咖哩奶蓋鍋 $108 由於揀左BB辣, 所以呢款咖哩連佢兩個唔食辣嘅都食得津津有味, 配料有牛肉,魚蛋,奶蓋,娃娃菜,椰菜,雲耳,金針菇,鮮冬菇,豆腐,豆角,粟米,炸魚皮,炸薯仔,炸枝竹,鵪鶉蛋同鳴門卷, 咖哩湯底加上奶蓋口感更香滑, 牛肉份量都幾多, 3個人shar